المساعد الشخصي الرقمي

مشاهدة النسخة كاملة : أفيدوني الله يجزاكم خير ( شبك العفش + النور )


ذرب المعاني
02/07/2009, 03:19 PM
السلام عليكم
انا معي بليزر 2005 ومثل ماتعرفون في الصدام الخلفي هوك واحد بالنص
جيت بركب شبك العفش الي يتثبت في الهوك لكن فيه ناس نصحوني يقولون مايثبت بيقعد يلعب شمال ويمين ازين لحم هوكين من الجوانب وركب فيه الشبك ابو عمودين ؟؟؟؟
وانا بالليل شوف ماهوب لذاك الزود لاي احس ان النور ضعيف من القزاز متحبب ؟؟

شوروا علي ياهل الخبره تكفوووون
ذرب المعاني
03/07/2009, 01:29 AM
upppppppppppppppppp
ذرب المعاني
04/07/2009, 11:52 PM
لاحول ولاقوة إلا بالله العلي العظيم
لا إله إلا أنت أستغفرك وأتوب إليك
الشنه
04/07/2009, 11:56 PM
هم صادقين
ركب قواعد للشبك اول
وانتبه لا تروح لحقين الغرابي
رح لحداد شاطر
بالنسبه للنور حق الريوس
ركب كبس خلفي صغير وشبكه على لمبة الريوس
من تعشق الريوس يولع
فيه مقاسات وانواع كثيره من هالكبوس
وتقدر تحط لمبه زي الي تركب داخل الكبوت تجي 55 واط قويه وتركبها بنفسك
مجلرد سحب سلك من لمبة الريوس
ذرب المعاني
05/07/2009, 12:01 AM
تسلم يالشنه

يعني الشبك ابو عمود واحد مايصلح؟؟؟

طيب وين افضل مكان يسوونه ؟؟؟

بالنسبه للنور انا اتكلم عن النور الامامي ياخي احس انه ضعيف وابيه اقوا يمكن قزاز النور محبب
ساري 111
05/07/2009, 12:59 AM
بالنسبه للنور انا اتكلم عن النور الامامي ياخي احس انه ضعيف وابيه اقوا يمكن قزاز النور محبب

رح لمحل تلميع وخله يلمعه لك وان شاء الله يضبط معك بنسه 75%
بس دور الشاطر واشرط عليه انه يضبطه والسعر بحدود 20 او 30 ريال

وبالنسبه للشبك الخلفي حاول تستغني عنه قدر المستطاع
حمل فوق الموتر او حط لك شنطه فوق افضلك

لأن السله الخلفيه تهزع الموتر على ورى وترفع وجه ويمكن تاثر على محركاته مع الوقت
اما فوق الموتر يصير الحمل متواسي على الكفرات الأربع

واذا انت ملزم ع السله يلزمه ذراعين عشان تحمل
ذرب المعاني
05/07/2009, 11:43 PM
بيض الله وجهك ياساري
بس والله شغله لو احط العفش فوق
عموما ترى العفش ماهوب ثقيل كلها شناط ملابس
؟؟؟ياعيني؟؟؟
06/07/2009, 02:01 PM
السلام عليكم......
معليش اخوي ذرب المعاني كلام اخوي ساري صحيح وانا مسويها في السفاري الثقل يكون على الكفرات الاربع والسلة الخلفية مع الحمل والمطبات تتفكك على طول وقد صارت معنا في طريق حرض طاحت على واحد من العيال وكان يمدح اللي ركبها وانت القرار لك.......

اشكرك بعنف
عم الجميع
08/07/2009, 08:08 AM
يرفع الموضوع لموسم الإجازة وكثرة الحاجة إليه
تركي98
08/07/2009, 03:36 PM
بالنسبه للنور اخوي رح اقرب محل تلميع وخله يلمع لك الشمعات من جوا ومن برى بيفكها كامله وينظفها ويرجعها وان شاء الله ترجع جديده وان مازانت غير الشمعات وركب كتاوت يقوي النور وان شاء الله يظبط معك.
وبالنسبه للسله والله انا ماهضمت فكرة السله الخلفيه ياخي تحس انك تسحب شي ورى وتقعد طول الخط تناظر هو فيه عفشك ولا انطلق اللحام وتنثر قشك يعني يبلشك :)

احسن شي السله العلويه فوق الموتر وربطة حبل وشد عليه ولايردك الا اسطنبول.

على فكره عندي سله علويه للسفاري اخت الجديده كان مركبها الوالد على سفاري 91 وبعناه ومسنده عندنا بالبيت مضيقتن علينا اللي يبي يشري يراسلني على الخاص.

اللي بيقرى كلامي يقول يسوق للسله العلويه ههههههههه بس والله انه اول مره يطري لي اعرضها للبيع ناسينها والله لها سنين مسنده بالبيت ولاهيب في شمس فوق بالدرجه عند باب السطح وطرى علي البيع يوم جابوا طاريها قلت بدال ماتبتل مسنده عندنا نبيعها يمكن يستفيد منها غيري وراه سفر بهالصيفيه .. تحياتي لكم.
ذرب المعاني
12/07/2009, 09:01 AM
لمعنا قزاز النور وغيرنا الشمعات من 50 الى 70 والعالي حطيناه زينون فلبس
وشرينا ب 195 طربال العفش او بو سحاب الي ينحط على التنده
لاني رحت وجرب الشبك ووقفت عليه عاملين وخليتهم يتحركون وقام يتحرك ماهوب ثابت