صور صيد [الأرشيف] - منتديات مكشات

MARINE

04/07/2004, 02:39 AM

اهدي هذه الصور الي جميع اعضاء القسم البحري
واخص بهذا اخي gulfhunter ولايهون الباقي
واتمنى ان تعجبكم هذه الصور المتواضعه جدا ولا
تنسون هذا شئ بسيط حق بعض الصيادين الكبار

http://www.mekshat.com/pix/upload/images5/mk9190_SV300113.jpg

http://www.mekshat.com/pix/upload/images5/mk9190_SV300115.jpg

http://www.mekshat.com/pix/upload/images5/mk9190_SV300114.jpg

http://www.mekshat.com/pix/upload/images5/mk9190_SV300020.jpg

http://www.mekshat.com/pix/upload/images5/mk9190_SV300031.jpg

http://www.mekshat.com/pix/upload/images5/mk9190_SV300004.jpg

http://www.mekshat.com/pix/upload/images5/mk9190_SV300008.jpg

http://www.mekshat.com/pix/upload/images5/mk9190_SV300006.jpg

http://www.mekshat.com/pix/upload/images5/mk9190_SV300007.jpg

http://www.mekshat.com/pix/upload/images5/mk9190_SV300141.jpg

MARINE

gulfhunter

04/07/2004, 08:16 AM

تسلم اخوي البحري على الصور الحلوه ...... وعلى فكره صورتك أحلى..................

وين المكان الأول .....يمكن ..... جنوب..............

غواص الخليج

04/07/2004, 11:24 AM

اتوقع ان الصيد في منطقة راس بو قميص

MARINE

04/07/2004, 02:29 PM

السلام عليكم ورحمة الله وبركاته
الله الله المكان جنوب
المكان الله يطول بعمرك مثل ماتفضل اخوي غواص الخليج راس ابو قميص ماشاء الله عليه شكله يعرف المكان واحسن مني بعد وترى عندي باقي كثير ان شاء اعرضه في المرات القادمه والله يسلمك على كلمة صورتك حلوه بس عرفت اي واحد فيهم انا
ومشكورين وماقصرتوا
MARINE
:heart:

معمرها

05/07/2004, 05:46 PM

......)(بسم الله الرحمن الرحيم)(........

.............)(السلام عليكم ورحمة الله وبركاته )(.............

ــــــــ:: يعطيك ألف عافيه اخــي

((((MARINE ))))

شـــكـــراُ

MARINE

06/07/2004, 01:12 AM

وعليكم السلام ورحمة الله وبركاته
الله يعافيك
و شكراً لك اخي معمرها وانا ارحب بكل من يعشق الصيد
وشكرا
MARINE
:heart:

مثابر

06/07/2004, 02:41 AM

اروع من الروعة

MARINE

06/07/2004, 12:48 PM

اشكرك اخي مثابر على هذا الاطراء وحياك الله في كل وقت
اخوك
MARINE
:heart:

النوخذة

06/07/2004, 10:51 PM

السلام عليكم ورحمة الله وبركاته
ماشاء الله عليك ياابو خالد وش هالزين كله والله مبطي على هالصيد
وبعدين كنك صرت تروح البحر من ورانا:mad:
الله يعطيك الف عافيةعلى هالصور وتراني ماراح ارضى الا
بصافي مشوي على الصاج ;)
لاتحرمنا هالصور
مشـــــــكــــــــوووووووووور

بوعبيد

06/07/2004, 11:50 PM

السلام عليكم ورحمة الله وبركاته
يعطيك العافية أخوي مارين على الصيد الوفير .
ممكن أتلقف وأسأل سؤال ياطويل العمر؟
غير الهوامير الي صايدينها بالبندق باقي الصيد صيد سيف ولا طراد؟
وسؤال ثاني الحاقول أيش أتسون فية ؟؟؟؟؟:D

MARINE

07/07/2004, 02:07 AM

السلام عليكم ورحمة الله وبركاته
حياك الله اخوي النوخذة ابو عتيق وانا شاء الله ابشر بحقك والعذر والسموحه اذا مافيه صافي
وابشر بطلعه قريبه ان شاء الله
2- حياك الله اخوي بوعبيد اغلب الصيد مسدس والباقي على السيف
والحاقول الله يسلمك نقطعه ونقليه ولحمه طيب
MARINE
:heart:

جشوي

08/07/2004, 03:38 PM

السلام عليكم ورحمة الله وبركاته

مشكورعلى الصوريا MARINE

وماقصرت

وجزاك الله الف خير

تحياتي:good:

MARINE

08/07/2004, 10:49 PM

حياك الله اخوي جشوي على مشاركتك في الموضع
وحياك الله وبياك

رحال

13/07/2004, 05:26 PM

مراحب اخي العزيز / MARINE

ماشاء الله عليك MARINE صور غاية في الجمال وسمك روعة ومنطقة اروع واروع بارك الله يالغالي

لكن عندي سؤال اخي العزيز هل الفيصلية للبيع :D :D :D

بارك الله في يالغالي ونريد منك الكثير لاهنت

وتقبل تحياتي اخوك بوخليفـــــــــــه

MARINE

15/07/2004, 12:31 AM

السلام عليكم ورحمة الله وبركاته
حياك الله اخوي ابو خليفه ومشكر جدا على مشاركتك في هذا الموضوع
واذا تامر على الجوال تراه فدى بس ماهو لي الجوال حق قريبي عشان يقارن حجم الجوال بالسمك
اخوك
MARINE
:heart:

المحتسب

17/07/2004, 10:06 PM

تسلم يدك على الصيد والصور والله اني ناوي مع الشباب نشد الرحال لراس بوقميص فالله ييسر لنا لكن يقولون لا بد تصريح من سلوى .
على فكره الصيد يقولون افضل من الجهه اليمنى من البحر مادى صحيح ولا أنا غلطان .

MARINE

18/07/2004, 01:22 AM

السلام عليكم ورحمة الله وبركاته
حياك الله اخوي المحتسب والله يفقك
صحيح لابد تاخذ تصريح من سلوى واغلب المناطق في ابوقميص زينه واذا
عندك خلفيه في المناطق يكون افضل ولاتنسانا من الشعري والهاومير ههههههههه
اخوك
MARINE
:heart:

مارشال

18/07/2004, 02:49 AM

الحقيقه صيد جيد ومثير وعليكم بالعافيه ان شاء الله والحقيقيه عاجبني لقبك المميز من اول مره قرأته

MARINE

18/07/2004, 02:19 PM

السلام عليكم ورحمة الله وبركاته
الله يعافيك
وحياك الله اخوي جراش ومشكور لك على اطرائك الجميل
وحيا الله اهل الرياض كلهم
اخوك
MARINE
:heart:

الغربي

19/07/2004, 05:35 PM

اموت واعرف انته اي واحد هذا والله الشغل العدل

ابي اروح معاك الله يخليك والله ما اعلم احد وين نصيد

مارشال

20/07/2004, 04:01 AM

الأخ MARINE تحيه

عندي لك توقيع يصلح لك كشخص بحري اذا رغبت ارسل لي رسالة خاصة وارسلك هو وهايو وهو

MARINE

20/07/2004, 07:47 AM

السلام عليكم ورحمة الله وبركاته
مشكور يااخوي وماقصرت ويعطيك الف عافيه
اخوك
MARINE
:heart:

المقصود

06/08/2004, 02:49 PM

السلام عليكم ورحمة الله وبركاته
مشكور يا بحري
ونتمنى المزيد من الصور

MARINE

07/08/2004, 04:36 AM

حياك الله اخوي المقصود
وابشر بس اطلع البحر واصور اعرض الصور
بس تعرف الجو هالايام حار شوي وانا مااحب الحر بالذات في البحر
اخوك
MARINE
:heart:

سالم الخميس

07/08/2004, 11:55 AM

مشا الله صيد وفير من الشعاريه وجنه هامور وشويت جنم وحاقولين وحمامه وكفتار

أبو ظبي

07/08/2004, 12:42 PM

شكل الصيد وناسة على البحر مع العلم ماعمري جربت صيد السمك ولا طرق الصيد ينقصنا نزيد الثقافة وتعلم هوايت جديدة

MARINE

07/08/2004, 01:02 PM

حياك الله اخوي سالم الخميس
ومشكور على الاطراء الجميل
واذا تبي شئ من السمك حاضرين نرسلهم لك بالبريد...:D :D :D

وحياك الله اخوي ابوظبي
ومشكور وماقصرت على المشاركة واتمنى لك التوفيق اذا تعلمت الصيد
ترى الصيد البحري قمه في الوناسه وبالذات الغوص.
اخوك
MARINE
:heart:

الرماي

08/08/2004, 01:56 AM

اللهم بارك

صيد طيب

ومشكور على الصور

* ولد الديمن *

08/08/2004, 08:24 AM

السلام عليكم ورحمة الله وبركاته

صراحه اخوي هذي صور جميلة جدآ............................:good: :good2:

ويا ليت تتحفنا بصور ثانيه......

وشكرآ........:D

MARINE

08/08/2004, 11:52 AM

حياك الله اخوي الرماي
حياك الله خوي WSWS511
وابشروا بالجديد ان شاء الله
اخوك
MARINE
:heart:

بحارالاحلام

23/08/2004, 01:40 AM

صور ممتازة اخواني .
بالعافية ، و الله يوفقكم .

ابو زاهر

25/08/2004, 12:35 AM

صيد طيب وصور مشوقه والله يزيدك من فضله
بس عندي استفسار marine او بالاحرى بعض الاسئله
التصريح يعطونه اي واحد ولا في شروط ؟
والمنطقه التشيير فيها كثير ولا قليل ؟
والي يبغا يروح وش تنصحه يسوي ؟
وجربت الكنعد في ذيك المنطقه ولا لا ؟
وبعدين عندي صور ابغا انزلها في المنتدى لاكن يكول غير متاح مع ان المقاسات والشروط تمام ليش ؟
وبعدين كم قعتو تصيدون من يوم ؟
معليش غثيتك اسئله
لاكن جوابك يهمني (واسئل مجرب ولا تسئل طبيب )
تحياتي اخوك ابو زاهر

MARINE

25/08/2004, 08:19 PM

حياكم الله اخواني وبياكم
يا بوزاهر كيف حالك ان شاء الله بخير
منطقة راس بوقميص تحتاج لشخص يعرف المنطقه حتى ما تروح وتعب حالك على الفاضي
وتخسر مخاسير مالها داعي المنطقه فيه مناطق صخريه وفيه رمليه لكن الصخريه افضل
اما التصريح حاليا ماعندي اي فكره
لاني قرابة اربع شهور مارحت هناك
تحياتي
اخوك
MARINE
:heart:

ابو زاهر

28/08/2004, 02:26 PM

معليك الخير كثير والحمد لله
شكرا:o

MARINE

31/08/2004, 03:13 PM

حياك الله اخوي ابو زاهر
كيف حالك عندي لك بعض المعلومات عن راس بو قميص
التصريح عادي تروح تاخذه من مركز سلوى بس روح وقت الدوام الرسمي افضل
لاكن الايام هذه ما انصحك تروح لان السمك يعمق كثير لان المناطق هناك مافيه عمق كبير
الا في مكان واحد وهو ممنوع تحتاج واسطه عشان توصله
والكنعد اتوقع موسم الكنعد تلقى بس في هذا المكان الممنوع لان ولد خالتى
شاف هناك كنعده وهو يغوص وكنعده كبيره اطول من ولد خالتي
والحرارة الحرارة تخليك دجاجه مشويه انتبه من الحراره واعذرني يابو زاهر
اذا ماعطيتك شئ وافي
اخوك
MARINE
:heart:

ابو زاهر

31/08/2004, 03:22 PM

ماقصرت وبيض الله وجهك
قدها وقدود والله
ولاتفهمني غلط
وفرت علي روحه
والواحد يبغا يستفيد من اخوانه علشان ما يتعب على الفاضي

ودي يجي يوم نطلع سوا شكلك عندك واسطه;)

ابو زاهر

31/08/2004, 03:25 PM

تحياتي لك
وتراك كبرت في عيني اكثر واكثر

واي خدمه انا جاهز
تحياتي لك
اخوك.:good:

MARINE

31/08/2004, 06:55 PM

حياك الله اخوي ابو زاهر في اي وقت وحنا في خدمتكم
واذا تبي شئ اوشئ لايردك الا لسانك
اخوك
MARINE
:heart:

MARINE

11/09/2004, 08:14 AM

حياكم الله اخواني اعضاء مكشات واشكر كل من قام بالمشاركه في هذا الموضوع بدون استثناء
وحياكم الله وبياكم وحنا في خدمتك في اي وقت وحنا حاضرين
اخوكم
MARINE
:heart:

brakoda

11/09/2004, 04:36 PM

السلام عليكم ورحمة الله وبركاته
ماشاء الله تبارك الله
وبالعافية اخوي
بس حبيت اسال راس ابو قميص فين في الجنوب
اظنها الشعيبة صحيح !

khald

11/09/2004, 06:11 PM

السلام عليكم

تسلم أخوي على الصورة الحلوووة

بارك الله فيك وزادك الله من فضله

ورحلات موفقة بأذن الله

MARINE

11/09/2004, 06:38 PM

حياك الله اخوي brakoda راس بوقميص في الجنوب
لكن ما اعرف ويش تقصد بالشعيبه
و حياك الله اخوي خالد حيا الله اهل قطر كلهم
مشكور على المشاركه وما قصرت
اخوكم
MARINE
:heart:

MARINE

18/09/2004, 02:32 PM

اخوي brakoda
مارديت على سؤالي ايش تقصد بالشعيبه
اخوك
MARINE
:heart:

عاشق البحر

19/09/2004, 08:29 AM

لسلام عليكم ورحمة الله وبركاته،

اجاوبك يا أخ MARINE.

الأخ Brakoda اختلط عليه الخليج العربي و البحر الأحمر.

الشعيبة منطقة جنوب جدة.

MARINE

19/09/2004, 12:55 PM

جزاك الله الف خير
وعندي لك سؤال هل تصيدون بالمسدسات في جده وما هي نوعية الاسماك المتواجده بكثره
وشكرا ماقصرت على الاجابه ياعشق البحر انت كذا:good:
اخوك
MARINE
:heart:

عاشق البحر

19/09/2004, 03:21 PM

السلام عليكم ورحمة الله وبركاته،

الأخ / MARINE نظراً لإن البحر الأحمر غني جداً جداً جداً بالشعاب المرجانية، بالتالي الصيد بالمسدسات المائية متوفر و بشكل كبير. واكثر سمكة تصاد بهذه الطريقة هي سمك الحريد (البغبغاء).

انا شخصياً اصيد باستخدام الخيوط من خلال بوت في داخل البحر في منطقة جدة غالباً.

ونظراً لاني لا اعرف مسميات الأسماك في الخليج العربي ساقوم بذكر الأسماك الأكثر صيداً لدينا حسب الأسماء عندنا:
1 - الاشهر : الناجل و الطرادي (ولها موسم وهو شهر ابريل و مايو و يونيو من كل عام).
2 - السيجان ( اعتقد يسمى الصافي لديكم) ويصاد عن طريق الشوارات و الصخاوي.
3 - الكشر ( الهامور) انواعه كثيرة جداً.
4 - الفارس و الصرع: الفارس يصاد من غزر 70 الى 120 متراً على الغالب، وهو اصعب وامتع ما يمكن ان تصيد على الإطلاق (يعرف صيده قلة فقط)، اما الصرع يصاد على غزر 150 الى 250 متراً على الغالب.
5 - البياض وانواعه كثيرة جداً.
6 - الشعور وانواعه كثيرة جداً.

وغيره وغيره وغيره وغيره .......

MARINE

20/09/2004, 12:03 AM

اللي سمعته عندكم في البحر الاحمر مشددين في استخدام المسدسات
لان جات فتره الغواصين خلصوا الناجل من البحر واشتكوا الصيادين
اللى بسألك عنه بالتحديد الهامور اكثر منطقه يتواجد فيها وين بالضبط
وجزاك الله الف الف خير
اخوك
MARINE
:heart:

عاشق البحر

20/09/2004, 08:07 AM

السلام عليكم ورحمة الله وبركاته،

قلة جداً الذين ينزلون للناجل في مناطق الموسم مثل ام الحجر،الوسطاني،الصغيرة او عرق المجرى اما الناجل على الساحل فهو قليل اساسا. و اسباب المنع للصيد بالمسدسات ليست الناجل ولكن اسباب اخرى غالبا امنية.

موسم صيد الهامور شهور مايو و يونيو و يوليو. هامور الماشي موجود في هذه الاوقات في عرق المجرى والشهاوي في عرق المجرى و ام الحجر اما السمان فموجود في ام الكتف (قطعة الرملة غرب دقيس). و التوين في الحروف الطينية و ام الصيل وان كان موسم التوين يبدا من مارس.

على فكرة احسن انواع الهامور التوين والسمان.