مشكله عويصه في ونش الوارن( WARN ) اين الخبراء.؟؟؟

[بركان]

السلام عليكم ورحمة الله وبركاته
اخواني الكرام

ركبت ونش من نوع وارن warn HS9500 على سيارتي
وقد جربت الونش وواجهتني مشكلة يمكن ان تصل الى درجة عويصة
وهي انه بعد تشغيل المكرة ( الونش) على الريوس للف الواير وعند الاقتراب من فتحة الونش
فان الونش يسحب الواير بسرعة يتعذر معها وزن الهوك في فتحة الونش
فما اخشاه هو ان لا استطيع ايقاف الونش في الوقت المناسب في المكان المناسب للهوك
فقد يزيد السحب مما يؤدي الى قطع الهوك عند وصوله الى فتحة الونش واستمرار الموتور في العمل لعدة ثواني.
فقد اضطريت الى تقديم وترجيع موتور الونش لعدة مرات وقد استغرق وقت طويل بعض الشيء وذلك لوضع الهوك في المكان المناسب المشدود بحيث يكون مشدودا منعا( للقرقعه) حلوه القرقعه!!!

السؤال /
هل العيب فيني ام في الونش ام في تشغيل الونش؟؟؟؟؟
وما الحل.؟؟؟؟؟

[القناص]

معليش مداخله يا اخي بركان
معاني جمه في توقيعك
ليت بعض الناس يفهمونها زين
وفقك الله الى من يجيب على سؤالك
ولكن اكيد العيب في الونش مهوب فيك

:)

[مثابر]

اخوي بركان انا متاكد انك متاكد اني ابرد عليك لكن اتوقع العيب منك وشكلك عجل يعني حار ومستعجل بالحيل .

[بركان]

اخي الكريم/ القناص

نعم نعم المسلم من سلم الناس من لسانه ويده!!!
وهذه صورة من الصور التي توضح عظمة الاسلام.

شكرا على مرورك وتشريفك.


************************************************** *****
الاخ الكريم/ مثابر
وشلون الونش كيف عامل معاك وكم سحبت من واحد الى هالحين!!!!
ان كانك تبي الشغل الزين مر على طعوس الثمامه.

تبي الصراحة والله انني عندما كتبت الموضوع انه اول واحد جاء على بالي انه حضرة سعادتكم وهذا والله تأكيدا لكلامكم السابق.

ولعلمك ترى الونش ابتاعي اسرع من ونشك في الدوران الى الخلف وهذا سر الفرق اجل ما قال لك الهندي اللي باعك انا سألت الفلبيني وسحبته بخشمه ووقفته على الونوش وقلت له وش الفرق بينهم الين نصحني ب 9500 .
يعني ونشي ال 9500 زايد على ونشك ال9000 بخمسميه . هههههه
ما ابي اطول عليك صارت سالفه.

المشكله بان ضغطة بسيطة جدا على زر الترجيع في الريموت تلف الواير كثيرا حيث يستمر في الدوران بعد الضغطه يعني انه لا يقف بمجرد رفع اصبعي عن زر الريموت. وهذه هي المشكله.
يمكن على شان ونشك بطيء في الدوران ما تواجه هذه المشكله!!!
وهذه هي الحكاية من البداية الى النهايه.!!!

لا تحك راسك عطنا الحل!!!! يا سعادة الخبير.
والا اسمح لغيرك يحلها.

تحياتي وتقديري.

[* ضب *]

اخوي بركان
اولاً مبروك الونش الجديد (وتقطعة بالعافية):D

ثانياً
مشكلة الونش عندك انت عارف .. توه جديد ومتعافي مع الوقت راح يركد .. :rolleyes:
(رح جربة ان اشتغل هذي لحيتي)

7
7
المشكلة بسيطة وليست عويصة..
مع الوقت راح تاخذ يدك عليه ويصير زي الحلاوة



تحياتي لك

[مثابر]

اخوي بركان الغالي تحية طيبة
الونش اللي عندي نفس الحكاية وانا اليوم مع واحد من زملائي توه شاري شاص فيه ونش شد بلد يعني اسم الونش تويوتا وكان الواير مستعمل ولا لف زين وفكيت الواير وسحبناه علشان اللفه زين ونفس الحكاية يعني لا يضيق صدرك ما يوقف بسرعة لاكن اضغط على المفتاح لمسة لمسة وشوي شوي ويمشي الحال معك .
وانا بكرة انشاء الله ابروح للصناعية واركب في البرادو اللي انت خابر مروحة كهرب بدلا من الميكانيكية لان وراي سفر لابها ومروحته ثقيلة وابغاه يخف شوي مع الخط وش رايك وش اركب مروحته خصوصا ان عرض حلق المروحة اللي عندي 50سم نصف متر وش رايك بسسسسسسسسسسسسسسسسسرعة .

[بركان]

اخوي الغالي/ مثابر
اخيرا صار كلامي صحيح
وصار ونشي وونش صاحبك اسرع واقوى من ونشك
غشوك هنود السليماني!!!! ههههههههههه.

اما بالنسبه للمروحه
تبي نصيحة اخوك... لا تغير مروحة شد بلده يعني خله على طموم المرحوم
لان مروحته الاصليه لم توضع الا بعد دراسات وتجارب فهي لم توضع جزافا!!!
غيرها قد تسبب ضررا لسيارتك ولو على الامد البعيد او قد تتوقف في منتصف الطريق الى ابها( لا تخاف تراني امزح معك يا خواف ) وانشاء الله ما يصير الا كل خير. بس نصيحتي اترك عنك الحربثه بالبرادو. وان كان لا بد وان تحربث فعليك بالاكسسوارات التي لا تضر السياره.

وبالمناسبه انا سأكون في ابها انشاء الله بعد اسبوعين تقريبا.

تحياتي.

[خشم الحصان]

الاخ الغالي
بركان
السلام عليكم
اخي الحبيب ماشاء الله تبارك الرحمن عليك وعيل ونشك وسمح لي بالاقافه شوي ودي اساعدك اذا كان ماعندك مانع زين اخيي ابعطيك نبذه عن ونشك حسب ماهو مكتوب في موقع الشركه www.warn.com
يعني مهوب من عندي
1- الكهرباء 12 فولت
2- سحب مباشره 4310 كيلو غرام (يعني لو عندك مكره يطلع تقريبآ دبل السحب)
3- قوة الدينمو 4,6 حصان
4-الكلتش متحرر مع القير
5- الوقوف يدوي بوسطة الرموت اليدوي
6-قطر الوير من 8 ملم الي 30 ملم (ويختلف الطول مع القطر اي لكل قطر طول معين من الواير)
7-نوع اللف رول
8- وزن الونش كامل 36.300 كيلو غرام
9- استهلاك الكهرباء عند كامل الضغط 650cca تقريبآ(تحتاج الي بطاريه قويه او كبيره)
10قوة السحب 4310 كيلو غرام
11- سرعة الواير 2.03 دقيقه في الضغط الكامل
12- تيار كهرباء الماتور (الدينمو)425amps
13-سرعة الونش سرعه عاليه جدآ*
14 نوع الجهد المخصص للونش وسط ثقيل
اذا ياخي الحبيب العيب مافيه عيب اذا تشوف النجمه او رقم 13 يعني ان الونش من النوع السريع جدآ
اي اذا قربة من نهاية الواير استعمل التكتكه اي شوي شوي
هذا ماوجة في موقع الشركه
والله اعلم
اخوك
خشم الحصان
ادعو له بالمغفره والرحمه

[مثابر]

الونش اللي عندي يا بركان نفس المشكلة بس يبغى شوي دكترة اما بالنسبة للمراوح رحت اليوم للصناعية ورحت لمحل مشهور لتركيب المراوح وقال لي هذا تركب عليه مروحة القراند شروكي سعرها 800 ريال وشغل يده 1000 ريال والله النصب قلت اروح للوكالة احسن واركب مروحة تبريد اصلية اللي تركب في الوجه للمكيف تساعد شوي في تنزيل الحرارة وانا اللي اروح لخريص واروحل للقطع واطلبها منه قال ب 469 كاملة مع القاعدة وطلبية من جدة تجي بكرة بس اذا ما ركبت ما ترجعها قلت في ذا الحالة اشاور مسؤول الصيانة اول وانا اللي اروح واقابلة وهو باكستاني في نفس الوكالة وشاف الموتر شوفة سريعة وقال ما تركب واناقشة ليش تصدق وش قال ؟ الاسلاك ماهي موجودة واطلع له الاسلاك وقال المشكلة من المكيف قلت صلحة قال هذي المشكلة شد بلد قلت والله ما عندك ما عند جدتي المهم قررت اروح لمحل مشهور في الصناعية لبيع مراوح التبريد واركبها انا بنفسي واغلى مروحة ب 200 ريال استرالية وش الراي ؟

[بركان]

اخي الكريم/ خشم الحصان
الله يغفر لك ويرحمك
يا سلام عضو مجلس وخبير!!! ماشاء الله عليك
اذا كانت هذه المعلومات لقافه فكثر من لقافقتك دائما!!!
معلومات وافيه ومفيده تشكر عليها
وياليت تكمل جميلك وتشرح لي شوي عن سالفة المكره وشلون تضاعف القوه و وين تركب وآخر سؤال
وين احصلها؟؟


ملحوظه/
ذكرت في رقم 6 بان قطر الواير من 8-30 ملم
واعتقد بان المقصود هو ان قطر الواير 8ملم وطوله 30 متر, فلا يعقل ان يصل قطر الواير الى 30 ملم!!!!
( وينك يا شقردي اسحب عضوية مجلس مكشات منه وعطنياها !!!!) هههههه

تحياتي لك.


----------------------------------------

اخي الكريم مثابر

انا ماني خبير في السيارات بس انا حاولت قدر جهدي ان اساعدك بان انصحك بان لا تتعبث في هالموتر الزين!!
ان كان عندك مشكله في الحراره فكر في اديتر اكبر او دبل رصاته.
واسأل غيري من الاخوان!!!

تحياتي.

[خشم الحصان]

الاخ الغالي
بركان
السلام عليكم
اخي الحبيب نعم لقد اخطاة في ذ الك واصحيح هو ان( قطر الوير 8 مم وطوله 30 متر) وسامحني بابعدهم ولا عاد اعودها ثانيه ان شاء الله وبس يحبك للشوشره علي طول يالمشرف( شقردي )اسحب منه العضويه بعذر مسمي روحك بركان حار اللهم ياكافي طيب التمس لي عذر قل كبير ولا هنا شوف او انه انسدح علي الكي بورد وراح فيها نومه الله يثيبك ويرحمك برحمته امبن.
اخوك
عضو مجلس مكشات الموقر
خشم الحصان