قير gxr يقولون يبيله توضيب وواحد يقول جديد ويش السالفه

[هدوءءء]

السلام عليكم

اخواني عندي gxr 2004 سويت له فحص في شركه سهم عندنا بالشرقيه وبالتحديد بالدمام

وقالوا القير يبيله توضيب سألتهم ليش قالو يتأخر في التغيير

ورحت لمحل ثاني اسمه الرشيد وفحصته بالكمبيوتر وقالي نسبه الإستهلاك فيه 5% يعني القير نظيف

وبصراحه ما لحضت في السيارة تأخير في التبديل ويش العلم يا اخوان ويش تنصحوني فيه علماً اني راح اسافر على الموتر قريباً إن شاء الله

وفضلا عندي بعض الشغلات الي طلعها لي شركة سهم ولا عرفتها

طقم إصلاح علبة البور
استبدال مسماري عمود اتزان خلفي
استبدال طقم صوف القير
استبدال طقم صوف الدبل
استبدال مسماري عمود الإتزان

الله لا يهنكم الرجاء المساعدة واخوكم راعي سفر بعد كم يوم .

[قمري قيال]

اخوي الله يعافيك الوكاله ماهي قران منزل فهم قابلين للخطاء والصواب
من رايي بالنسبه للقير دور واحد معاه مثل موترك وجربه ان كان فيه فرق واضح بالتبديل فما هو شرط التوضيب
فيه حلول كثيره تبدا بالاسهل
واولها زيت القير يمكن قديم او ماهو مناسب نوعه وانت تحدد هذا اذا غيرت الزيت عند واحد مو موثوق

اما الصوف فما تغير الا عند التهريب وهذا بدون معرفة وكاله ولا غيرها
والمسامير خرط فاضي اذا ما السنه بايزه وتدور بوش ومايشد بالحاله هذي تغير

[هدوءءء]

اخوي الله يعافيك الوكاله ماهي قران منزل فهم قابلين للخطاء والصواب
من رايي بالنسبه للقير دور واحد معاه مثل موترك وجربه ان كان فيه فرق واضح بالتبديل فما هو شرط التوضيب
فيه حلول كثيره تبدا بالاسهل
واولها زيت القير يمكن قديم او ماهو مناسب نوعه وانت تحدد هذا اذا غيرت الزيت عند واحد مو موثوق

اما الصوف فما تغير الا عند التهريب وهذا بدون معرفة وكاله ولا غيرها
والمسامير خرط فاضي اذا ما السنه بايزه وتدور بوش ومايشد بالحاله هذي تغير


اشكر يا غالي على تعقيبك

لكن انا السياره شاريها من اسبوعين لذلك ما اعرف هل الزيت قديم او لا

وثانياً انا ما وديتها الوكاله المكان الي وديته شركه سهم وشركة الرشيد واثنينهم عندهم فحص بالكمبيوتر لكن قراراتهم اختلفت

واما الصوف بأشوفها اليوم ان شاء الله

واما المسامير فـ فكرتها وصلت ويعطيك العافيه

[هدوءءء]

لكن إيش سالفه إصلاح علبة البور هل يقصد صوف وتهريب ؟؟؟

[هاوي البر]

شف مسئلة تاخر القير التماتيك في التبديل غالبنا زيت القير قديم ويحتاج تغيير مع الفلتر لان زيت القير حسب تعليمات الوكالة يتم استبدالها كل 40 الى 50 الف
انت جربت تغير الزيت اصلي مع الفلتر منت خساران شي ان شاء الله

[هدوءءء]

شف مسئلة تاخر القير التماتيك في التبديل غالبنا زيت القير قديم ويحتاج تغيير مع الفلتر لان زيت القير حسب تعليمات الوكالة يتم استبدالها كل 40 الى 50 الف
انت جربت تغير الزيت اصلي مع الفلتر منت خساران شي ان شاء الله

والله يا غالي بالنسبه للتأخير في النمر انا ما حسيت انه يتأخر في التبديل

يعني الاول في 20 والثاني قبل الأربعين بشووووي والثالث بعد الستين بشووووي والرابع طبيعي

وبالنسبه للتغيير الزيت اسمع الأخوان يقولون في المنتدى اكثرهم اذا غير الزيت احترقت الكلتشات وخبط القير

ولا اعرف الطريقه السليمة لتغييره

وشكرا لك

[أبو لينا]

كم ماشي الموتر ؟؟؟؟؟؟؟؟؟؟؟

[اسير الغضا]

الله يكون بعونك رح لمحل ثالث واذا اتفق محلين على خراب واحد اجزم والموفق الله

[بعض البشر]

يارجال لا ترد على كلامهم واشباب ماقصرو دلوك اذا كان ياخر صحيح غير زيت وفلتر