مــــــــــــــهم جدا ... وارجوا عدم الحذف

[راعي السوناتا]

بسم الله الرحمن الرحيم

السلام عليكم ورحمة الله وبركاته

بصراحة انا حاولت اكثر من مرة اني اسجل بالمنتدى لكن عجزت

وانا الحين منزل موضوع باسم اخوي اللي هو راعي السوناتا

شخباركم ان شاء الله طيبين ..؟

بصراحة انا حبيت استفسر عن شي

بصراحة انا قبل كم من يوم جتني رسالة ع المسن خلتني ابسي من القهر :(

هذا طول الله عمرك سمعت ان عبد اللطيف جميل يجيب المواتر من اليابان

<<<< يعني قايل شي جديد انت ووجهك :D

مو هنا اللي يقهر اللي يقهر بكم يجيبها وبكم يبيعها

مكتوب لي بالرسالة والله اعلم

gx بـ 53000 ويبعيه ابو شنب 140,000
الشاص بـ 46000 ويبعيه 125000
gxr بـ 89,000 ويبيعه بـ 190,000

بصراحة انا مت من القهر يعني انا طموحي بما إني شاب توني مخلص ثانوية

ومأمل إن شاء الله وظيفة السنة ذي ولا اللي تجي وبخلص دورة

وبدق احلى قرض وابي جيب بس 140,000 من وين اجيبها :(

بيروح الراتب كله على الاقصاد

فا طول الله اعماركم انا عندي كم من سؤال وابي منكم الاجابة

هل تتوقع الكلام هذا صحيح ولا كلام فاضي ..؟

وهل اقدر اروح لليبان واجيب موتر مناك ..؟

مع العلم إن ناس واجد قالوا لي بياخذون حق الجمرك عليه وما ادري ايش

طيب الجمرك من اليابان للسعودية اتوقع ما راح يزيد عن 40 الف ..

ويمكن 40 الف واجد لكن 40 الف احسن من 90 الف ...

آسف على الإطالة لكن حبيت اخبركم بنصب عبد اللطيف جميل

وحبيت استفسر ...

وارجوا من أصحاب الخبرة بإن لا يتجاهل الموضوع ...

[راعي المجهم]

نعم الكلام هذا صحيح 100 %

السيارة ماتكلف شئ أبداً ولكن لكثرة دراهمنا والخير الي نحن فيه يالسعودين

الكل يلطخنا ويدبل الأسعار علينا وأتحدى أي واحد يتكلم وحتى إذا تكلمت وأشتكيت

ماحد يناظر في شكواك !!!!!!

لكن الحل وجدوه الأخوان في السعودية وهو حمله خلوها تصدي حتى ترخص الأسعار

وتصير معقوله تقدر تشتري الناس أما الآن فلا للشراء

[راعي السوناتا]

مشكور اخوي راعي المجهم على مرورك وردك

بس انا انسان ما عندي صبر الى متى بصبر ..

طيب ماعليش عندي سؤال نسيت اساله

اللي هو كم تتوقعون الجمرك من اليابان للسعودية حدود كم ...؟

وشكرا ..

[aooa]

ما هو صحيح

ولو كان هذا الكلام صحيح كان تجار استوردوه من اليابان وباعوه بارخص بدون ضمان ولا تنسى ان عندك هوامير يدورون على الريال دوره

وانا شفت اسعاره الجيوب في السعوديه ودول الخليج وحتى امريكا اسعارها متقاربه وليس في الخليج او امريكا عبداللطيف جميل ...........

[استاندر]

السلام عليكم
بالنسبة لوكالة الفطيم في الامارات ان شاء الله بشتري Gxr موديل 2010 من الوكالة بحصل خصم 25000 درهم يعني قيمية السيارة 190000 درهم قبل الخصم وبعد الخصم 165000 درهم طبعا هذا الخصم بالحيلة من مدير فرع .
يعني الفطيم بكم شاري السيارة ؟
و غير 25000 كم ربحت؟
وليش هذا الطمع ؟
اظاهر ان المقاطعة ما بتضرهم لان وكلاء السيارات مو معتمدين على بيع السيارات فقط بل عندهم استثمارات اخرى ويضحكون علينا اذا قاطعناهم
والله المستعان

[بعض البشر]

اتفرج واضحك
http://www.youtube.com/watch?v=3AamuRKzbJw

[راعي السوناتا]

يعطيكم العافية ياخوان

بس انتم ما رديتوا على سؤالي هل بإمكاني ان اشتري من اليبابان ولا لا ..؟

وكم تتوقعون تكاليف الجمرك من اليبابان للسعودية ...؟