تويوتـــــــــــــــا وبس // كلمة فقدة مصداقيتـــها ..

[السالمي]

السلام عليكم ورحمة الله وبركاته .... وبعد


انا في الحقيقه تعمدت العنوان بالطريقه هذي حتى نتناقش في موضوع مهم ووجهة نظر قد يوافقني عليها الكثير

ماتلاحظون ان كلمة تايوتا وبس اصبحت مجرد كلمة تقال وان كل منتاجات شركة تايوتا يوجد البديل له

((( ملاحظه // يستثنا من كلامي هذا الشاص والربع والهلي لان مالهن بديل ويستاهلن الكلمه ذي ))

قديما كنا نقول الكلمه هذي وكانت في محلها على ايام الجيوب القديمه الاند كروزر وعلى ايام الكراسيدا

وعلى ايام الكوامري

ماتلاحظون معي انه من موديل 97 وجاي ان كلمة تايوتا وبس فقدت مصداقيتها واصبح يوجد البديل لها

اذا جينا للجيوب الاند كروزر الجميع يعرف ان الجيب الاند 97 النضيف تسوى قيمته قيمة الـ 99 ماقول 98 لان الـ 98 تعادل قيمة الـ 96

انا اتفق معكم ان الجيوب الجديده منظرها جميل ورزه على ماقالو في الشكل واصبحت تتصدر ابواب الاستراحات وقصور الافراح

لاكن ماعادة جودتها تعادل الموديلات القديمه والدليل انها اصبحت اكبر حجم لاكن اكثر عطالات وتتفكك اسرع من الـ 97 وتصرف بنزين اكثر منه وماتتحمل اكثر منه

حتى القطع الغيار حقته اصبحت تجمع وماعد هي يباني اصلي 100% اصبحت تدخل في صناعتها الصين وتايوان

مازالت الكفه تميل لصالح الاند كروزر عند اصحاب المعارض والشريطيه واللي الواحد متحجر مخه على الاندكروزر ومايعرف يبيع ويشترى الا هو

والمظلوم النيسان صاحب الاداء الافضل والعزم الاقوى وكل الموترين متوفر قطع غياره

ومن جهه اخرى الشروكي صاحب الاداء الافضل ايضا ويعتبر اردا نوع من قراند شروكي افخم من الجي اكس آر الدرجه الثانيه

اردى نوع من الشروكي يجي فيه نظام abs ويجي فيه مثبت سرعه ويجي فيه اير باك

كذالك النيسان يعتبر افخم من الاند كروزر كذالك الباجيرو يعتبر من الجيوب القويه والمتماسكه

لاكن يعيبه الشكل ويوجد الان انواع كثيره من السيارات ذات الدفع الرباعي واللي اصبحت تنافس الاند كروزر

والانواع الاخرى من سيارات الدفع الرباعي

واذا جينا للكامري

فا الكامري الى موديل 97 كانت تتميز بأنواع منها انقطعت بعد نزول الـ 98واللي هي الومير واللي كانت تعتبر افخم انواع الكامري في زمانها

وكان يوجد فيها مميزات ماتوجد الا على اللكزس انا اشهد انها الكامري لقالو الكامري طبعا المستعمل منها الان ماعاد ينفع

والان فيه افضل من الكامري والجميع يعرف ان الكامري استرالية الصنع

لاكن لابغينا الياباني الاصلي هي الهوندا الاكورد واللي من موديل 98 وهي تعتبر منافس للكامري

في الاداء والقوه الهوندا افضل بكثير خصوصا الهوندا الجديده من موديل 2003 و 2004 اصبح تفوقها واضح على الكامري

طبعا قطع غياره يعتبر متوفر واسعاره اغلى من الكامري هذا شي معروف


لاكن حط القطعه وانساها

واذا ذكرنا التايوتا حتما ماراح ننسى الكرسيدا اللي الا الان

ماطاحت سمعتها لدرجة ان الـ96 xl النضيف منها قيمته يعادل قيمة الكامري الـ 98 و 99




هذي بداية موضوعي واترك المناقشه لكم وعلى طور المناقشه يتطور الموضوع

[ذيب مجيرة]

السالمي

استلم ردي الاول وانا جايك بالثاني بس لين اشوف الربع وش عندهم

انا اختلف معك جملة وتفصيلا بالنسبة للجي اكس آر فهو المتصدر بلا منازع الى 2004

سواء في بر والا خط

واعطيك رد وافي وكاااااااااااااااااااااااافي

استلم الله يسلم لساااااااان من قال عز الله انه برد كبدي في من يسب الجي اكس ار

http://www.mekshat.com/vb/showthread.php?s=&threadid=20513


شووووووووووكرن

[Eagle]

بنظري مافرقت واجد اذا ماكانت السياره او القطع ياباني 100%
يعني اذا كانت جنسية العامل ياباني القطعه بتصير احسن ما اتوقع
لكن جميع الشركات في جميع القطاعات تلجأ الى التصنيع او التجميع خارج بلد المنشأ
والهدف الايدي العامله الرخيصه وتؤدي الى منتج ارخص

بالنسبه لتويوتا مازال يعني قمة الجوده
وللعلم يوجد مقاييس عالميه وضعت من قريب لتفيد المشتري عن جودة السيارة
وتويوتا ولكزس هيا المتصدره لكل مقاييس الجوده مقارنه بجميعه السيارات الحاليه

بالنسبه لي انا عندي كامري 99 شاريه مستعمل
الموتر ادخل فيه بر واطق ارصفه يعني ذايق الويل مني
ماكذب عليك واقولك انه ابد ما اخترب
لكن انا متوقع خرابات اكثر والحمدالله ما حصلت

[Eagle]

الأصل كُتب بواسطة Eagle
بنظري مافرقت واجد اذا ماكانت السياره او القطع ياباني 100%
يعني اذا كانت جنسية العامل ياباني القطعه بتصير احسن ما اتوقع
لكن جميع الشركات في جميع القطاعات تلجأ الى التصنيع او التجميع خارج بلد المنشأ
والهدف الايدي العامله الرخيصه وتؤدي الى منتج ارخص
لكن التصميم والابتكار للقطعه او السياره يعود الى بلد المنشأ

بالنسبه لتويوتا لازالت تعني قمة الجوده
وللعلم يوجد مقاييس عالميه وضعت من قريب لتفيد المشتري عن جودة السيارة
وتويوتا ولكزس هيا المتصدره لكل مقاييس الجوده مقارنه بجميع السيارات الحاليه

بالنسبه لي انا عندي كامري 99 شاريه مستعمل
الموتر ادخل فيه بر واطق ارصفه يعني ذايق الويل مني
ماكذب عليك واقولك انه ابد ما اخترب
لكن انا متوقع خرابات اكثر والحمدالله ما حصلت

[السالمي]

قبل لادخل على الرابط كنت اعرف ان المقصود القصيده

وصح لسانه عليها مليون مره وشارع جزل وقصيده جزله

بس لاتنسى انه ماراح احد يوصف السيارات زي بندر ابن سرور

وش كان يوصف كان يوصف المواتر الامريكيه الفوردات الاوله

ماوصف الجي اكس ار وطقتها ..........

[Khalid AlGhamdi]

السلام عليكم ورحمة الله وبركاته

بالنسبة لي جربت كثير من سيارات تويوتا ونيسان وغيرها

وبصراحة انا اتفق مع الاخ صاحب الموضوع في رأيه وكل سيارات تويوتا اللي استخدمتها من موديل 97 ونازل كانت والله سيارات مايحتاج :good:

لكن الحين والله الموديلات الجديدة كلن يشتكي منها

شوفوا مثلا اصحاب الكامري 2003 و 2004 وشلون يشتكون منها

انا طلعت سيارة هايلكس 99 من الوكالة وخلال اسبوع واحد خرب مكيفها ورجعتها للوكالة وبعد اقل من شهر بدت الابواب يطلع فيها صوت تنسيم اذا صرت مسرع

اما الجي اكس ار والله ماجربته لكن عندي زملاء والله يشتكون منه موديلات جديدة طبعا

اما نيسان فهي مايحتاج بعد فيها مايكفيها لكن الحق يقال ان الموديلات الجديدة غطت على تويوتا خصوصا السفاري

لكن الشيروكي والله من تجربتي له حده في الخدمه 3 سنوات من الوكالة وبعدها يهلكك بالصيانة وطبعا وكالته ما اظن احد غطى عليها بالسمعة السيئة


لذلك ان كنت تبي تشتري جديد عليك بنيسان وان كان بتاخذ من 97 وتحت عليك بتويوتا

ونمتنى من الاخوان انهم يقولون ارائهم بدون تعصب وكانه يتكلم عن سيارة من تصنيعة

وسلامتكم

[السالمي]

اخويEagle لاهنت على مرورك

وعند غيرك تفرق فيه ناس ماتبي تدفع مبالغ طائله على سياره تجميع

ومافيه الا التايوتا هو اللي اصبح يجمع وسيارت وكالة الجميح

بس الجميح قطع غياره تهون عن التايوتا

[السالمي]

اخوي ماكس لاهنت يابعدي على مرورك

وبيني وبينك الان كل السيارات ثلاث اربع سنوات بالكثير

ويبدى الموتر يطلب الا اللي يحافظ على موتره هذا شي ثاني

لاكن بالنسبه للشروكي انا معي 94 قراند والحمدلله كل من شافه يحسبه 98

والسبب ان راعيه الاول كان محافظ عليه الموتر اذا لقى واحد يحافظ عليه بيعيش معه

وفيه ولد خالي معه نيسان 92 كل سنه يطلعبه للبر ايام الربيع ولا يخلي مكان مايروح لمه

ولاعمري سمعته قال ربطة الموتر لانه يحافظ عليه ومايجور عليه على غير سنع

[ذيب البر]

أنا رأيي الشخصي أقول كل السيارات تغيرات ولاهي السيارات الي نعرفها

لكن بصراحه تبقى تويوتا في المقدمة وان كانت الموديلات القديمة مطلوبة اكثر

وانا كان معي جيب نيسان بصراحة من الظلم ان نقارنة بالجي اكس ار لان التويوتا

افضل بمراحل ولا فيه مقارنة

تحيااااااااااااااااااااااااااااااااااتي

[القناص]

السلام عليكم

الا مهوب صحيح الجي اكس مافيه مثبت سرعه؟ مع ان قيمته فوق ال100الف!

[ذيب مجيرة]

الله يسلمك يالسالمي

وبندر لو حضر الجي اكس ار والله ما يتعداه لا فورد ولا غيره

والنيسان يبي له عامل تربيط على كفالة راعية

والشروكي ما ادراك ما الشروكي الله يسلمك ما تزبن الى جت الصامله

وبعدين

في البر في الشارع في النفود مع اهل البل ما تحصل الا الجي اكس ار

والاقبااااااااال على السلعة دليل نجاااااااحها

وهذا كافي

[السالمي]

اللي اعرفه ان اكثر اهل الابل معهم شاص اما جي اكس آر خلفية لكزس

وش يبي فيه البدوي بيكشخبه قدام بعارينه يبي موتر ينفعه لابغا يحمل فيه

ولاجينا للخطوط الطويله فيه اللي مركبه مايجي مثل الجي اكس ار ابد

واذا قصدك ان اغلب المعارض متقاولين مع شركة تايوتا

فأغلب هذي المعارض حقت تقسيط ومتعامله مع بنوك ومع شركات تقسيط

واللي يبي يشتريله بيت او بيعرس او احتاج مبلغ بغض النظر عن حاجته فيه

راح ياخذ تايوتا لانه ماينزل من قيمته الشي الكثير لاصار( جديد ) ..

وشاكر لك مداخلتك للمره الثانيه

[ذيب مجيرة]

حبيبي السالمي

خذ لك صورة من اي شاااااااارع بالمملكة العربية السعودية وعد الجي اكس ار

والا الناس بعد ما عندهم سالفه

الجي اكس ار قفزة لتويوتا لا يجاريها احد فيه

وعلى ما قالوا في الميدان يبن الحصان

والشريطية ما حطو دراهمهم الا في ذهب والا الشريطي احرص الناس على دريهماته يا بعدي

اشتر ذهب وارقد
واشتر جي اكس ار وخل قلبك على كراسيه

[عبد العزيز العجاجي]

الأصل كُتب بواسطة ذيب البر
أنا رأيي الشخصي أقول كل السيارات تغيرات ولاهي السيارات الي نعرفها

لكن بصراحه تبقى تويوتا في المقدمة وان كانت الموديلات القديمة مطلوبة اكثر

وانا كان معي جيب نيسان بصراحة من الظلم ان نقارنة بالجي اكس ار لان التويوتا

افضل بمراحل ولا فيه مقارنة

تحيااااااااااااااااااااااااااااااااااتي :good: :good: :good:

[بركان]

تظل سيارات تويوتا سيدة السوق بالرغم من تدني الجودة قليلا.
بالنسبة لسيارات كامري الجديده فالذي اعرفه ان اغلبها استرالية الصنع وترسل للخليج. يعني جوده اقل.

اللي يسبب القهر ان صديق لي اشترى جي اكس من وكالة البازعي بمبلغ وصل الى 15000 ولا يوجد فيه مثبت سرعه. قلت له يالخبل تدفع لك هالمبلغ ولا فيه مثبت واخونا هالحين ما غير ينشد يبي له مثبت سرعه وبعد رخيص.

ولا تنسون الفيكس تراه مركب ويزينه بعد ان مثبت السرعه اساسي فيه.

تحياتي.