سوبر سفاري ولا اكستيرا شوووركم (محتار)

[راعي النياسين]

السلام عليكم ورحمة الله وبركاته

شوركم وهداية الله

انا ناوي على سياره ومحتار بين سوبر سفاري 2002 ولا اكستيرا وكاله 2008

لقيت السوبر سفاري 2002 بـ 66 الف فتحه ودف لوك الجيب ماشاء الله نظيف ورده

ولقيت اكستيرا في المعارض جديد بـ 86 الف على الزيرو اشرايكم

وانا محتار مره

[راعي النياسين]

نسيت اقول لكم الوبر ماشي 170 الف هل ممشاه حلوو وهل موديلات 2002 فيها مشاكل اشرايكم

[راعي النياسين]

وين الردود

[wafian]

عليك بالنيسان طال عمرك

[كاشت وحداني]

عليك بالسفاري طال عمرك
اذا كان قير عايدي توكل على الله
لان القير التماتيك ما مدحوه الا من 2004 وفوق

[موادع 1]

اخي الكريم راعي النياسين
السلام عليكم ورحمة الله وبركاته وبعد
اولا الصحيح ان تقول شوركم بعد هداية الله
او هداية الله ثم شوركم
وثانيا السفاري افضل من الاكستيرا الهجين الامريكي
واذا ركبت الاكستيرا طابت نفسك منها ومن شكلها الداخلي السيء من وجهة نظري
ولكل شخص ذوقه الخاص
وبعدين السفاري سيارة اثبتت وجودها على مر السنين فتوكل على الله
وثالثا السفاري اللي تقول سعره رخيص ومناسب اذا كانت السيارة نظيفة بمعنى وردة
لان النظيف موديل 2002 وسالم من الرش وممشاه معقول في هالبحر وزيادة الى حدود السبعين
وهذا من واقع معارض النسيم
وانتبه من السيارات اللي تجي من الامارات لان بعضهم واقول البعض ما عنده ذمه الله
يدفع البلا يغيرون العدادات زي السلام عليكم وهذا كلام شخص اثق فيه جدا يقول الممشى اللي تبي نركب لك عداد وكل شي بسعره
الا اذا كانت السيارة من شخص تثق فيه هذا كلام ثاني
ولك اجمل تحية
وموفق ولا تنس صلاة الاستخارة واذا عزمت فتوكل على الله

[قناص خلاوي]

لو كنت مكانك اخذت السوبر سفاري
سعره مناسب بشرط يكون نظيف من كل النواحي

[التميمي 20]

أنا معي فتك 4800 مشاء الله تبارك الله ...


لكن 170 الف يعني راح نص عمره وفرق 7 موديلات ترجح كفة الاكستيرا نيسان خاصة انو يتمتع بماطور جبار وقوة غير طبيعية مقارنة مع الوزن للسيارة ...

تبقى الرغبة الشخصية لك لها تأثير أكبر ...

لو كنت مكانك بدون تردد الجديد لايعلى عليه والسيارة مريحة جدا مع انها سست ( قوة اضافية ) واقتصادي بالبنزين بالنسبة لمثيلاته والله أعلم ... من الداخل ليس مشجعا ولكن يضل المستعمل غير مأمون الجانب !!!


أسأل الله لنا ولك التوفيق والسداد والسلام ..

[تركي98]

والله انا من ناحيتي اخذ السفاري ولا اشاور.

ممكن تدلني على هالسفاري اللي ذكرت اذا مالك خاطر فيه نشوفه؟؟

[عبدالله العلاج]

أنا معي فتك 4800 مشاء الله تبارك الله ...


لكن 170 الف يعني راح نص عمره وفرق 7 موديلات ترجح كفة الاكستيرا نيسان خاصة انو يتمتع بماطور جبار وقوة غير طبيعية مقارنة مع الوزن للسيارة ...

تبقى الرغبة الشخصية لك لها تأثير أكبر ...

لو كنت مكانك بدون تردد الجديد لايعلى عليه والسيارة مريحة جدا مع انها سست ( قوة اضافية ) واقتصادي بالبنزين بالنسبة لمثيلاته والله أعلم ... من الداخل ليس مشجعا ولكن يضل المستعمل غير مأمون الجانب !!!


أسأل الله لنا ولك التوفيق والسداد والسلام ..




والله يابن الحلال كلام الرجال اعلاه 100%
وموتر ماشي 170 كم الفكه منه غنيمه اذا فيه جديد
انصحك بالجديد ايا كان اكستيرا ولا غيره (من واقع تجربه)

[aooa]

ليس هناك وجة شبه بينهما حتى تتم المقارنه

لان السفاري سياره عائليه راكده .... الا ان موديله قديم نوعا ما وسعره غالي ومقبل خيره

الاكستيرا سيارة مغامرات من الدرجة الاولى مخصصه للبر ولا مانع ان تسير على الطرقات المعبده

الاكستيرا مكينتها قوية جدا واقتصاديه ولكن لا تاخذ الا قير تماتيك لان القير العادي ينفرط والله اعلم حسب كلام واحد بالوكاله

وهنا واحد عارض اكستيرا قير تماتيك بــ 77 الف على ما اعتقد والموتر نظيف 2008

ويبقى الخيار لك

[KITKAT802]

اكستيرا افضل

السفاري بتاخذه يتصرف عليه نفس السعر الي خذيته لانه واجد قديم وعمره انتهى

[القبقب]

ألاكستيرا وبعد تجربة طويلة أقدر أقول عنه موتر غير مريح أبد وعر
جدا يطامر على طول في البر والشوارع .
نصيحة خذ سفارى لكن أفحصه في الوكالة أضمن ولك الخيار يالطيب .

[ياليل خبرني]

خذلك اكس تيرا افضلك جديد
الباترول 2002 يعتبر قديم راحت علية تقريبا 8 سنوات

[الربذي]

وعليكم السلام

اخوي النيساني شف انت محتار بين سيارة مقبل خرباتها وباديه تطلب اما الاكستيرا فان القير العادي عليه عزم قوي وتسارع يتفوق على الفي اكس ار والباترول وكل من قال جيب حتى صندوق الشاي الربع تويتا الي ماله فضل كله مكينه ومع ذلك الاكستيرا تطلع عليه بالقومه والقصد انها الاسرع وعزم رائع بل فوق الرائع

ويختلف مقاسها عن السفاري هي
مثل الفرتشر
والسفاري من السيارات الكبيرة ...

[المميـز]

مامثل الجديد والله :)

وش رايك اغير فكرتك شوي :)

وش رايك تاخذ لك فورتشنر 2009 فل كامل سته سلندر قير عادي ؟؟

مكينه 4000 سي سي <<< مثل الاكستيرا

فخامه من الداخل <<< غير موجودة بالاكستيرا

التايوتا اصبر من النيسان واعلى سعر عند البيع

تراي منب شريطي :) بس انا مع الحق

[الشمال الغربي]

عليك بالجديد طال عمرك تمرنه على يدك مو مثل الي تفكك صواميله وماتدري وش ماضيه

[أبوعمران]

والله انا أرى ان الموتر الجديد افضل وبواجد بعد :)

[ابويارا1001]

شوري عليك تشوف لك سفاري 2005 او 2006

يكون قريب من سعر الاكستيرا

بالنسبة للمقارنه ما فيه مقارنه زي ما افادوك الشباب

اكيد الباترول افضل في الإجمال