صوت طقه عند الدوران بالدركسون ( يا اهل الجموس )

[سيف الظفير]

السلام عليكم ورحمه الله وبركاته


يا اخوان من عنده علم بالصوت اللي يكون تحت (اقدام السواق والراكب ) اعزكم الله

وهي يا الربع صوت طقه تكون تجي اذا ديورت او مشيت على طريق فيه ( بطانيج)

وهالايام كثرت عندي بالسيارة و بالذات عند لف الدركسون يمين ويسار والسيارة تمشي

والسيارة هي سوبربان 2006


وممشاه 73.000 فقط

[سالم45]

السلام عليكم ورحمة الله وبركاته
تأكد ياخوي لا يكون صوت العكس الامامي بس غريبة الموتر موديل 2006 جديد لكن يمكن يكون ذلك
والتاكد شغل الدبل في رمل والف الدركسون يسار اخر شي و مش على الموتر يعني سو دوران مرة كذا مرة يمين اخر شي اذا طلع الصوت فهذا عكس وخلاف ذلك يمكن الموتر يحتاج لتربيط وامل أني افدتك

[رقبة حاشي]

شحم السيارة وجرب ....

[ابوشلاخ1]

اخوي اذاكان دبل يحتاج تربيط عندي نفس الموديل وطلع الطقه ورحت الوكاله قالويحتاج تربيط ربطوه والحمدلله راحت

[أبوسعد 511]

جلد المقصات

[سيف الظفير]

مشكورين على المرور يا الربع


والسيارة ممشاها قليل 73.000


والصوت يالربع في الازفلت ما في البر ( وعر او نفود )
والجمس دفرنس واااحد

[sfa135]

ماادري بس بيفدونك الاخوان ونستفيد بعد

[سيف الظفير]

رفع الله يرفع قدركم

[زنكي]

انا صار معي وكان بجهه وحده رحت ميكانيكي قال جلد المقص
قلت كيف عرفت قال اسمع راح يحرك الكفر والسياره واقفه طلع نفس الصوت
قيمة الوحدة تقريبا 40 او 50ريال تجي كل مقص اثنين انت غير الاثنين بالجهه الخربانه الجهه الثانية لا تفكها
والله يوفق

[سيف الظفير]

نبي الزود يا الربع مروركم مهم

[ابو نايف 111]

السلا عليكم
اخوي انا عندي جمس ونيت وعندي نفس المشكله ولا اقو من كذا وديته ورشت تربيط وقالي جلد بدي ونا للامانه ما سويتها الى الاحين شيك على جلد البدي

[سيف الظفير]

السلا عليكم
اخوي انا عندي جمس ونيت وعندي نفس المشكله ولا اقو من كذا وديته ورشت تربيط وقالي جلد بدي ونا للامانه ما سويتها الى الاحين شيك على جلد البدي





عز الله انها عندي وعندك يا القرم هي جلد البدي


يبي لها تشحيم

او تغسيل بستم

[المنبسط]

أولا شحم اذا راح الصوت فالحمد لله وهو اذا نفع السيارة ولا مهب ضار ها

[لن أمل من العطاء]

اكر احد الاخوان معاه 2004 ونظيف ومحافظ عليه

صار عنده طقه في الدركسون

وايامها سيارته بعد جديده
وافادته الوكالة بان هناك مكان ما في مجموعة الدركسون تحتاج تشحيم واغلب الميكانيكيين لا يعرفون المكان بالظبط او لا يتوقعون انه مكان للشحم وراحت المشكله بعدها واضا اظن له راس تشحيم خاص

عليك بالبحث

تحيتي اليك اخي سيف الظفير

[سيف الظفير]

مشكورين على المرور وياليت الافادة من الجميع حول هالمشكلة

[عزبة بر]

انا نفسك مشكلتك يا اخوي عندي اذا ديورت تجي طقة
من عندك المقص على ما اظن .. وش الحل يااخوان؟؟!

[عاشق z71]

شف يالغالي

الطقطقه من وين بالظبط

اذا هي تحت رجلينك بالظبط فهي غابا من جلود البدي


واذا قدام تحسها عند المقصات

وهو شيكو مالقوا شي منكسر

فاتوقع من جلد المقصد لانها تطلع صوت طقطقه

[ابولولو]

اخوي عزبه بر كان معي يوكن 2001 وفيه طقه يسار اذا لفيت اول خطوه اغسله بستم من بره والخطوه المهمه رقم 2 تربيط والله الحمد راحت مره

[ابو بالود]

السلام عليكم

انا عندي نفس المشكله له سنتين مريت اكثر من ورشه وبعدين مااحد عطاني الحل

وساق موتري واحد من الشباب مكانيكي وقال المشكله في الدركسون

موتري جمس حوض 2001

[رزيم الرعد]

احتمال يكون من عمود الدركسون .. شيك عليه لا ينكسر ..

[أبوسليم]

احتمال يكون من عمود الدركسون .. شيك عليه لا ينكسر ..


بالضبط كما ذكر أخي رزيم الرعد

خذها من واقع تجربة

هذا الالعطل من أعطال الجمس المتكررة

سيارتي جمس 2005 وحصل لي مثا ما وصفت والجميح قال عمود الدركسون وغيروه على الضمان قبل 3 سنوات والآن رجعت الطقطقة ومع الوقت بتزيد ولا ضرر منها مؤقتا اذا هي خفيفة ممكن تصبر سنوات فقد شاهدتها في موتر أحد الزملاء منذ 3 سنوات والى الآن

تحياتي

[Mr.Elegent]

اخوي اخذ مني الكلام الاكيد ان شاء الله

هاذي الله يسلمك جلد البودي

[برق السحابه]

جلد المقصات والله العالم

[ابوفيصل1]

يا اخوان --------------- عندي نفس المشكلة يوكن 2003

ولها سنة وديتها كذا محل

واحترت كني في مكشات واحد قال ذراع الدركسون وواحد قال دودة الذراع واحد قال هذا الذراع وواحد قال السيارة ممتازه عظلاتها شحمها وبس والله حيره

الصوت يطلع اذا فية تدرج في سطح الزفلت او البر وانا لفية الدركسون كن الصوت جلده مع حديدة

وفي الخط الطويل وانا مسرع وعدية على كبري ملتف وفي بطناج ((الفواصل الي في الكبري)) يظهر صوت غير

صوت حديد قوي جداً كنة عامود يضرب بحديدة اخري والله احترت ولا لقيت حل -------- عظلات السيارة ممتازة جداً جداً

[سيف الظفير]

يالربع مريت على ورشة الصامل بالعروبة وقال لي الفني انها من جلد البدي غسل الجمس بستم وشحم الموتر وتروح او شحم جلد البودي بـ 600 ريال

[حمودي2010]

السلام عليكم احتمال يا اخوي الصوت في زراع الديركسون الي تحت الطاره يكون فيها فراغ يعمل نفس الطقه

[ابو شقط]

انا عندي نف الطقة اذا لفيت الدركسون يمين ثم يسار وعن المطبات اذا لفيت بعد المطب جهة الصوت ، الصوت في الجهة اليمين والسيارة يوكون 2008 وحجرب اشحم جلد المقصات واذا ما صلح ابوديه للوكالة يتتصرفون فيه

[mdnu0117]

نفس المشكلة عندي في السوبربان 2006 لما الف احس قرقعة وبوش في الدركسون وانا ما شي في طرق مستقيم تروح المشكلة ولو في مطبات ما احس بها وكل مكنيكي يقول شي مختلف والله احترت ياريت من مرت عليه المشكلة وحلها يفيدنا
جزاكم الله خير

[سعيد11]

اقول يالحبيب السياره جديده لا تفك جلد البدي ولا جلد المقصات انا عندي جمس 2006 وماشي 30الف وفيه نفس المشكله طنش تعش انسا

[awod]

انا عندي نفس المشكلة سيارتي سويربان 2006 دبل وشافها احد الشباب الي كانو شغالين في الوكالة وقالي انها من عمود الدركسون ولاهو اي احد يصلحه لانه يمكن يفكه غلط وتطلع الاير باق .
لذلك وده عند واحد فاهم احسلك لايدمرون عليك موترك والصوت عندي من زمان ويقولون ما يأثر .

[عزبة بر]

والله الى الان ما لقيت حل
لكن شكلي ابروح اربطها واشوف
:)

[عزبة بر]

اخوي عزبه بر كان معي يوكن 2001 وفيه طقه يسار اذا لفيت اول خطوه اغسله بستم من بره والخطوه المهمه رقم 2 تربيط والله الحمد راحت مره
مشكور يالغالي
:)

[التل الصامت]

شيك يا اخوي على زيت الباور يعني حق الدركسون واعطني خبر

انا صارت لي نفس المشكلة وشيكت على زيت الباور ولقيته ناقص