لكل المكشاتيين اقتراح خطير "اظن ذلك"

[القناص]

السلام عليكم ورحمة الله وبركاته

بصراحه ناقصنا نادي او ملتقى للمكشاتيين !
في كل مدينه او ضاحيه

والحل:
اقترح بدايةً كنبتين وطاوله عليها لوحة مكتوب عليها ملتقى المكشاتيين، وزمزمية شاهي في كل اكبر محل لوازم رحلات في كل مدينه اوضاحيه.....!!
لزوم جلوس الاعضاء المكشاتيين! اقتراح بسيط وغير مكلف!

لازم نلتقي! وهو مكسب لنا ولاهل المحلات هو وسيلة جذب زبائن.

ولنا في استكر مكشات بدايه. مثلا معظم الاعضاء زاروا المحل اللي يوزعه مجانا وتعرفوا عليه وبعضهم اشترى منهم اي شي. فالمحل استفاد. وهم ما شافوا بعض اقصِد المكشاتيين.

فيه ناس واجد ودي اتكلم معهم واشوفهم!
فيني شفاحه
مدري ليش
ولا شرايكم يا مكشاتيين او يا اهل المحلات البريه ولوازم الرحلات .;)
ص.مع التحيه الى
xxxxxxxxxxxxx
xxxxxxxxxxxxx
xxxxxxxxxxxxx
وكل من له علاقه بالموضوع.
والسلام عليكم
تكفون عطوني وجه
:D

[راشد ابراهيم]

الاخ القناص
السلام عليكم ورحمة الله وبركاته
الحقيقه انك قنصت فكرة تطير في راسي ،وهنيئا لك وتأكلها بالعافيه ولكن اترك لنا شوي منها ،واحب اضيف لماذا لاترتب عن طريق تلك المحلات طلعات بريه اسوة بمحلات العمرة والسفر ،ارجو ان يتبنى المنتدى فكرتكم واضع يدي بيدك ومن اراد من الاخوة وننظم تلك الطلعات البريه تحت اشراف خبراء منتدى مكشات ويستفيد المبتدىء، ويخدم محب البر (بفلوسه)
الرجاء المواصله وهذا البريد الاكتروني rothman@stc.com.sa

[حفرلوجيا]

العزيز القناص , واضح أنك محب لمكشات و للمكشاتيين ,,
و من واقع تجربة أقول الاجتماعات التي تتم بمبادرة من شخص واحد وتمتد للقاء عدة أشخاص لايتعدى عددهم أصابع اليد الواحدة ومن مكان أو مدينة واحدة هي الأقرب للواقعية .

أما أننا نجتمع عند أحد المحلات فكأننا من نجوم الصيف في بعض المنتجعات والشاليهات يعني ( أدوات ترغيب ) للزبائن :confused:, , هذي اسمح لي خل اهل المحلات يولون :rolleyes:.. إلا إذا يعلنون بمكشات ;) ويقدمون كرت مشتروات مجاني بقيمة الف ريال لكل مكشاتي .. فـ أوافق. :good:

و أيضا من واقع تجربة , المكان الذي لايقطع بعض الأشخاص عن بعضهم هو الأنسب , يعني قد لايكون مناسبا أن أقصدك في بيتك في زيارة لمدة ساعة نصفها أو أكثر يروح مابين هات قهوة وجب شاهي , ولاتخلو من أن يقول الضيف ( ماأشرب الحلو ) :mad:همينن هات مر جب شاهي أخضر ,, ونصير ماصرناش ,, لذلك الأماكن العامة المحترمة هي الخيار ,, :light:

[بــح ــر الــكــرم]

العزيز القناص , واضح أنك محب لمكشات و للمكشاتيين ,,
و من واقع تجربة أقول الاجتماعات التي تتم بمبادرة من شخص واحد وتمتد للقاء عدة أشخاص لايتعدى عددهم أصابع اليد الواحدة ومن مكان أو مدينة واحدة هي الأقرب للواقعية .

أما أننا نجتمع عند أحد المحلات فكأننا من نجوم الصيف في بعض المنتجعات والشاليهات يعني ( أدوات ترغيب ) للزبائن , , هذي اسمح لي خل اهل المحلات يولون .. إلا إذا يعلنون بمكشات ويقدمون كرت مشتروات مجاني بقيمة الف ريال لكل مكشاتي .. فـ أوافق.

و أيضا من واقع تجربة , المكان الذي لايقطع بعض الأشخاص عن بعضهم هو الأنسب , يعني قد لايكون مناسبا أن أقصدك في بيتك في زيارة لمدة ساعة نصفها أو أكثر يروح مابين هات قهوة وجب شاهي , ولاتخلو من أن يقول الضيف ( ماأشرب الحلو ) همينن هات مر جب شاهي أخضر ,, ونصير ماصرناش ,, لذلك الأماكن العامة المحترمة هي الخيار ,,

منـــــــــــــــــــــــــــــــــقــــــــــــــ ــــــــــــــــــــــــــــــــــــــــول

[القناص]

اخواني
راشد ابراهيم
حفرولوجيا
شرفتموني بردودكم والقصد الاجتماع.

الاخ السهلي
ياليتك تقول لنا رايك الشخصي طال عمرك؟

[محمد العنزي]

السلام عليكم ورحمة الله وبركاته



الله يتمم بخير

فكره رااااااااااااائعة

ودام انكم متحمسين ومهتمين للموضوع والعذر بالحر فالله امدالكم اليا جاء البراد ودخل الوسم ان شاء الله

فمثل ما تعرفون اليا زان الجو وبدأت الامطار وربعت الديار تكثر المخيمات والمكاشيت .... وطبعاً كل منطقة ولها متنزهاتها المعروفه بربيعها كل عام من فضل الله
......... لذا

فانا عندي كم اقتراح :: ولو ثقّلت عليكم :::
1- يكون في كل منطقة مخيم معروف بمخيم مكشات يقوم احد الاعضاء او مجموعة منهم بتجهيزه كلٍ باللي عنده ((( مثلاً انا عليّ الخيمة – وفلان عليه الماطور – وفلان عليه خزان الماء – والثاني عليه ادوات القهوة والشاي -- والثالث عليه الفرش والمراكي ..... وهكذا )))) ويكون بينهم تواصل وتفاهم بحكم وجودهم بمنطقة واحدة مثلاً (((( منطقة الرياض مجموعة – منطقة القصيم مجموعة منطقة حايل مجموعة ..... وهكذا ))))
اللي يجي للديرة او هالمنطقة يمر عليه ويتعرف على من فيه واكيد هاللي متكفل به من اعضاء مكشات
بيكون متواجد اغلب الوقت فيه او على الأقل كل نهاية أسبوع .....

2 – يحدد موعد لإجتماع جميع اعضاء المجموعات (( أعضاء المنتدى )) في احد الأماكن المعروفه ..
وذلك عن طريق المنتدى او البريد الخاص :: تاريخ الإجتماع والمكان ::: في اوقات الربيع او غيره

مع ان المواعيد اتوقع انها ثقيله شوي ومافيه احد يفضلها حتى ماتكون رسميات زياده عن اللزوم ... وكذلك ضروف العمل والمسافات .....!!!!!!!!!!

2-الله ومــر ياحمود في مـعـرفة يوم &&& وحنا ثمان سنين ياحمود جيران ..
.... ياحمود يظهر لك صديقٍ من القوم &&& ويظهر من الربع الادنين عدوان

ــــــــــــــــــــــــــــــــــــــــــــــــــ ــــــــــــــــــــــــــــــــــــ

وهذا رأيي ،،،،،،،،،،،،،،،،،،،،


وآآآآآآآآآآآآآآآسف على الإطالة


وتسلمووووووووووووون

[القناص]

رايك سديد

وعزمك حديد

والله يجزاك خير على هالمشاركه اللي توزن بالذهب

حياك وبياك

[fhd97]

السلام عليكم ورحمة الله وبركاته

والله ان اللى يقرا اقتراحاتكم يحس انكم من الناس اللى قلوبها صافيه
والطيب فيها

لان مجرد الاقتراح بالتواصل كنه تواصل فعلا


وهذى الهقوى وانتم من اهلها

انا عندى تكمله اقتراح للاخوان اذا يسمحون لى و

وهى ان حنا نلتقى فى برنامج البال توك المشهور حتى لو يوم فى الاسبوع

ويكون بدايه للتعارف وفى رايي انه بيسهل كثير وخطوه اوليه تكمل مقترحات التلاقى بينا

:rolleyes: :rolleyes: :rolleyes: :rolleyes:

[القناص]

حياك الله اخوي فهد97

اقتراحك نوجهه للمشرفين

اشكر لك تواصلك معنا واهلا بك

[الضاري]

يازينكم بالمنتدى ومن ورى الشاشة ....بس:D :D

تحياتي للجميع