المساعد الشخصي الرقمي

مشاهدة النسخة كاملة : ودي ارش صدام الموتر .... بس ......>>>


مرير الشوق
08/07/2009, 01:23 PM
السلام عليكم ورحمة الله وبركاته


ياخواني من يخبر لي ورشة ممتازة

او متخصص بويات ممتاز وشغله عدل .. لان عندي الصدام اللي قدام متقشر شوي من الخطوط والغبار

وودي ارشه رشه ممتازة ما اتندم اني رشيته ..

علشان كذا اللي يبي يسوي خير معي ويدلني على ورشه ممتازه او يعطيني رقمها علشان ارش صدامي

وانا مرتاح ... والله يجزاكم خير ويوفقكم ان شاء الله :)

للمعلوميه انا بالرياض
ابو خــــالد
08/07/2009, 01:42 PM
عندك الغامدي بالصناعية القديمة >>>>>>ماقد جربته بس يمدحونه واجد

وعندك بصناعية النسيم مركز المملكه >انا مجربه >رشيت الكبوت قبل يومين والصراحه كذا :good: >>>>>>>>>>>بس انتبه تراهم اثنين اللي يشتغلون اللي رش لي واحد اسمه نعيم >>طبعاً رشت فرن

.
.
.

وتقبل تحياتي&أخوك/ هاوي الذيب
القناص 3626
08/07/2009, 01:53 PM
عندك ورشه الوفاء في الصناعيه القديمه بس السعر الله يعينك غالي
مرير الشوق
08/07/2009, 03:50 PM
يامال العافيه والله اخواني

هاوي الذيب ------ القناص

على مروركم الجميل

بس بغيت اسالك اخوي هاوي الذيب ...::

مركز المملكة اللي بالنسيم ... اي صناعيه تقصد .. حقت الفواز الجديده ..؟
ولا الصناعية اللي خلف الحراج ...؟ ولا صناعية النسيم القديمه اللي بطريق المئه .. وسوق الغنم ..؟

ياليت توضح يالغالي
Explorer 4X4
08/07/2009, 07:05 PM
ااي رائي اخوي القناص الوفاء في فرعين الصناعية القديمة وصناعية العاصمه



بس غالي ع قولة اخوي القناص بس شغــــل مضبوط


تحياتي


ابوسعد
ياليل خبرني
08/07/2009, 10:52 PM
الوفاء شغلة ماشاء الله نظيف مررة لاكن السعر غالي شوي
لاكن ماتتحسف اذا رشيت عندة ولاتنسى البوية علية ضمان
4 سنوات
utlsmm
08/07/2009, 11:46 PM
والله ياخوي ما أقدر افيدك لاني في الشرقيه ...

وابي استغل موضوعك واستفسر عن افضل الورش في الدمام او الخبر لرش الصدامات بجوده عاليه !!!

ارجوا من لديه المعرفه ان يفيدنا وله مني جزيل الشكر والعرفاان !!!
ابو خــــالد
09/07/2009, 03:30 AM
يامال العافيه والله اخواني

هاوي الذيب ------ القناص

على مروركم الجميل

بس بغيت اسالك اخوي هاوي الذيب ...::

مركز المملكة اللي بالنسيم ... اي صناعيه تقصد .. حقت الفواز الجديده ..؟
ولا الصناعية اللي خلف الحراج ...؟ ولا صناعية النسيم القديمه اللي بطريق المئه .. وسوق الغنم ..؟

ياليت توضح يالغالي

أقصد صناعية النسيم القديمة >>>>>اللي بطريق المئة

أول ماتجيك الإشارة اللي عند شركة ذيب تعده وأمسك الخدمه وطوووول لما تجيك الصناعية على يمينك)عقب محلات الرديرات تشوف محل قدامك على الزاوية اسمه الغامدي (لوحه كبيرة وواضحه))
رح يمين , أول تقاطع رح يسار همن أول لفة يمين ادخل معه> ثالث ورشة على يمينك (مركز المملكه)
.
..
وأعذرن على الوصف الخايس

وتقبل تحياتي&أخوك/ هاوي الذيب
قرناس شماالي
09/07/2009, 03:39 AM
انشاءالله يفيدونك الرجال
مرير الشوق
11/07/2009, 09:43 AM
احب اشكـــــــــــــــــــر الجميع

على حسن تواجدكم في صفحاتي وعلى إفادتي

وماقصرتوا في توضيح الوصف

وجزاكم الله كل خير