سؤال افضل طريق من الرياض الي حقل ؟ [الأرشيف]

عبدالرحمن الحربي

08/07/2009, 09:30 PM

شوف أخوي

بحكم إني من سكان تبوك وأعمل حاليا في الرياض

ما أعتقد إن فيه أكثر من طريق من الرياض إلى تبوك

لكن من تبوك إلى حقل فيه أكثر من طريق لذلك بأوصف لك الطريق من الرياَض إلى تبوك

ومن تبوك لحقل بأقترح عليك طريق في الذهاب وطريق ثاني في الرجعه

والطريق اقصر طريق من الرياض إلى حقل حوالى ١٤٠٠ ك

وعليك الحسبة

من الرياض إلى القصيم ٣٠٠ ك

من القصيم لحايل ٢٢٠ ك

من حايل إلى تبوك ٧٠٠ ك

من تبوك للحقل ٢٣٠ ك

٣٠٠ + ٢٢٠ + ٧٠٠ + ٢٣٠ = ١٤٥٠

وبالنسبة للتبوك حقل في الطريق المباشر على طول من تبوك للحقل

اللي يفرق من عند بير بن هرماس هذا كله ٢٣٠

وفي الطريق الثاني من إن تطلع من تبوك وهذا اللي أقترحه عليك يكون طريق

ذهابك من تبوك للحقل عشان تمرون على ديار الساحل الشمالي الغربي كلها

بدلا فقط أن تذهبوا إلى حقل فقط

إنك تطلع من تبوك على طريق ضباء ثم تفرق من مفرق شرما

المسافة تقريبا من تبوك حتى تقول سلام ياشرما ١٣٠ - ١٥٠ ك

بعدين تأخذ يمن إذا وصلت شرما

وعاد ترآ من شرما كل ما طلعت شمال كل ما حصلت شواطي أجمل

فإما إنكم تجلسون في شرما أو تكملون تتجهون شمال

شرما - الخريبه 5 ك

الخريبة - قيال ١٥ ك

القيال البدع حدود ٤٠ ك

راح يوقف الخط فيكم في تقاطع T خطير جدا إذا ما إنتبهتم له

إذا رحت يمن مع هالتقاطع راح توصل للبدع يمكن مسافة ٣٠ ك من هالتقاطع

وإذا رحت يسار راح ينتهي فيك الطريق بمنطقة رأس الشيخ حميد لكن يبي يبلشكم

سلاح الحدود فيها ما عاد صارو مثل أول صاروا يشددون الحين ولا يخلونك ترتاح

المهم تكمل من عالبدع

من البدع تقدر تنزل للقيال اعتقد حدود ٢٠ ك إذا بغيتم تروحون لمقنا

طبعا البدع منطقة مائن شعيب

ومن البدع تكملون شمال ٥٠ ك للمفرق الشرف واللي فيه يلتقي هذا الطريق الساحلي

بطريق تبوك حقل البري

ومن مفرق الشرف تأخذون يسار للحقل ٥٠ ك

عاد في الرجعة إلى تبوك من حقل تجعون مع نفس خطكم حتى توصلون للمفرق الشرف

لكن ما ترروحون معه يمين للبدع

تكملون على طول عشان تمرون على جبال الزيته واللوز حتى تنزلون على مفرق

بير بن هرماس تقاطع حرف T

تروحون معه يمين تبوك

وعاد من تبوك خط الرجعة للرياض هو نفس طريق جيتكم