المساعد الشخصي الرقمي

مشاهدة النسخة كاملة : اين اجد في الدمام من يركب بطاريه اضافيه وشغله ممتاز ومتخصص...؟؟


MNH
10/07/2009, 12:45 AM
السلام عليكم


ابحث عن شخص متخصص وله خبره في الدمام
في تركيب بطاريه اضافيه لموتري بصراحه ما احب اروح لكهربائيين يجربون في موتري ويتعبثون على غير سنع وخبره ...؟
عاشق البر511
10/07/2009, 06:17 AM
عندك محل المقناص في حي واحد تسعين علي طريق المطار
MNH
12/07/2009, 09:12 AM
عندك محل المقناص في حي واحد تسعين علي طريق المطار


محل القناص يبيع لوازم الرحلات والكشتات ما عنده كهربائي متخصص يركب بطاريه اضافيه


اريد محل متخصص.........؟؟؟؟
ابوعقل
12/07/2009, 09:20 AM
وعليكم السلام

فيه محل بشارع الملك سعود اسمه البتار

يمدحون شغله
موادع الشرقيه
12/07/2009, 09:27 AM
وعليكم السلام

فيه محل بشارع الملك سعود اسمه البتار

يمدحون شغله


88888888

مثل ما قال ابوعقل
شغله ممتاز بس سعره غالي شوي
الوانيت1
12/07/2009, 11:06 AM
88888888

مثل ما قال ابوعقل
شغله ممتاز بس سعره غالي شوي

سعره أكثر من غالى
يطلب مبالغ خيالية
وغير معقولة
بس شغل يد لتركيب البطارية فى الكبوت وبدون تمديدات داخل السيارة
وبدون قطع يطلب 1200 ريال فقط شغل يد :confused: :confused: :confused:
........................ /////.
بدر ساري
12/07/2009, 11:27 AM
البتار احسن محل بالشرقية
وشغلة وكالة مشاء الله علية امين مرة
بحر القصيد
12/07/2009, 03:51 PM
اخوي : Mnh

ازرق للرياض ركبها هناك وارجع للشرقيه//شغل ايد وقطع غيار ومصروف الطريق يمكن ماتاخذ منك 500ريال

إسأل اهل الرياض كل شيء عندهم رخيص وشغل مضبوط


تحيتي لك والله يوفقك
البتار2011
12/07/2009, 06:23 PM
صحيح البتار شغله غالي جدا ....:o :o
GMC79
12/07/2009, 11:07 PM
الشرقيه غاليه كلها نصب في نصب

تعال للرياض ك
سليمان 10
12/07/2009, 11:17 PM
خلك مثلي مركب بطارية 120 امبير وعليها ثلاجة الطمره ومحول 220 فولت وعقد لمبات ولاب توب والامور ازين من الزين ولله الحمد والمنة 0لكن يلزم الملاحضه الدوريه وعدم الغفله 000
عزبة بر
12/07/2009, 11:24 PM
والله انا قاعد ادور لي في الرياض .. لكن نصب في نصب
يقولون بـ 1200 وين يالحبيب
يا اخوان يا ليت تدلون على محل والله تبهذلة
واخوي سليمان1 مركب 120 ما شاء الله كبيرة لكن لقية لها مكان ما شاء الله
ننتظر ردكم الله يجزاكم خير
مدمن فتك
13/07/2009, 01:30 AM
تبي تريح بالك رح للبتار وشغله للبطارية 1000 ريال لكن للذمه شغل جامد وكاله وانا مجرب الفتك 2009 عليه وكل من شافه يحسبها وكاله ..
عزبة بر
13/07/2009, 03:21 AM
اخوي 1000 شغل اليد مع جميع القطع
ويا ليت تعلمنا وصفه
كبسولة2
13/07/2009, 04:04 AM
شغل اليد مايتعدى 200 ريال الشغلة بسيطة جداً

مساكات بطارية عند محلات القطع والعدة

أسلاك كهرب ناعمة مع دقمة وأصابع بطارية نحاسية وصلى الله وبارك
مدمن فتك
13/07/2009, 04:20 AM
اخوي كبسوله ليتك تفتح محل كهربائي وتخلي البطاريه الاضافيه ب200 ..والله عجب من بعض لناس
كبسولة2
13/07/2009, 05:21 AM
اخوي كبسوله ليتك تفتح محل كهربائي وتخلي البطاريه الاضافيه ب200 ..والله عجب من بعض لناس

هههههههههههه

والله عجبي أنا من بعض الناس الي مايرتاح

حتى تلطخه العمالة السايبة بهاك القيمة !!!!

موفقن خير ياخوي خشمك معك والصلاة قدامك ركب بألف ريال بطارية
سوبر VTC
13/07/2009, 10:19 AM
انا مركب بطاريه اضافيه 120امبير ب370ريال
دقمه جمس ب70ريال
اسلاك 10ملي المتر ب5ريال
روس مشابك
اذا حبيت تحط عند البطارية الاضافية فيوز مثل فيوز الكنود
تروح لحداد يفصلك قاعده للبطاريه تكلفك 40ريال

الشغله سهله تقدر تركبها بنفسك

الموتر له عندي سنتين
و موتري السابق له 3 سنوات
سوبر VTC
13/07/2009, 10:42 AM
هذا كهربائي سعودي بالصناعيه القديمه
شغل يده 300ريال
اذا بغيت تركب بطارية من عنده
يركب لك بطارية اصليه اف بي ب400ريال
مكان الورشه
مخرج 17 من الدائري الشرقي
تتجه غرب خامس اشاره ديور و ارجع شرق
ادخل مع اول لفه بعد بنك البلاد مباشره
رابع تقاطع يجيك مركز ترايستار على اليسار
ادخل مع اول لفه يسار بعد المركز مباشره
تجيك ورشته على اليمين تقريبا رابع ورشه مكتوب نيسان
رقمه 0504209258 سليمان
عزبة بر
13/07/2009, 04:50 PM
تسلم يا سوبر على الرد اللي يرد القلب
يعطيك الف عافية والله لا يحرمك الاجر
سلمت يمينك يالغالي
سوبر VTC
14/07/2009, 09:01 AM
تسلم يا سوبر على الرد اللي يرد القلب
يعطيك الف عافية والله لا يحرمك الاجر
سلمت يمينك يالغالي




حياك يا بعدي لاهنت :D
حنا بالخدمه :good:

الا وش الهبال براعين الورش
طمع و جشع و استغلال :mad:
معقوله واحد شغل يد 700
و الثاني 1200

يالله لو الدراهم منثورة بالارض
عزبة بر
14/07/2009, 02:10 PM
والله انك صدقة .. يعطيك العافية لكن حبيت استفسر
الاغراض انا اجيبه او هو ؟؟؟
سوبر VTC
14/07/2009, 02:42 PM
والله انك صدقة .. يعطيك العافية لكن حبيت استفسر
الاغراض انا اجيبه او هو ؟؟؟




هلابك
البطاريه اذا انت تبي تجيبه بكيفك
اذا تبي هو يحط لك من عنده يركب لك بطاريه اف بي يابانيه 80 امبير بسعر400ريال
شغله الاسلاك و الكتاوت و شغل اليد كل شي من عنده ب300ريال
عزبة بر
14/07/2009, 09:09 PM
الله لا يحرمكـ ,, الاجر .. انا داري اني غثيتك
لكن الشكوى لله ,, اعذرني
والله يجزاكـ .. خير يالغالي
لكن ,, حبيت اتأكد زيادة شغل يده بس 300
او مع بعض الاغراض
وعطني السعر كامل مع البطارية .. الله لا يهينكـ
عزبة بر
15/07/2009, 06:15 AM
,, للرفع ,,
سوبر VTC
15/07/2009, 10:33 AM
الله لا يحرمكـ ,, الاجر .. انا داري اني غثيتك
لكن الشكوى لله ,, اعذرني
والله يجزاكـ .. خير يالغالي
لكن ,, حبيت اتأكد زيادة شغل يده بس 300
او مع بعض الاغراض
وعطني السعر كامل مع البطارية .. الله لا يهينكـ


الله يجزاك خير
و حنا ياخوي نعين و نعاون على الخير باذن الله
بما يرضي الله

انا كلمته و قال شغل كامل مع البطاريه من عنده ب700ريال
اذا انت جبت البطاريه ياخذ عليك التركيب شغل يد 300ريال
شكلك منتب صدق :p :D
WAW
15/07/2009, 10:54 AM
ومافائدة تركيب بطارية اضافية ؟

وماهي اضرارها ؟
قريب الدار
15/07/2009, 02:08 PM
السلام عليكم
اذكر فيه واحد سعودي (يقاله القرزعي) يركب بطارية مع سلك حراري مع وصلات افياش ، بس انه غالي
محله وانت في شارع ابوبكر الصديق (التجاري بين 91/71 ) متجه شمال واذا جيت عند التقاطع اللي تكون عيادة الزهراني علىيسارك لف يسار بإتجاه الغرب ، تلقى محله على اليمين قبل حقين الصقور على ما أتذكر (خبري فيه قبل 4 سنين) و الله يوفقك
عزبة بر
15/07/2009, 02:12 PM
والله اخوي سوبر من عقب 1200 ما اتوقع اصدق !!!
على العموم الله لا يحرمك الاجر يالغالي
الموعد الثاني
15/07/2009, 02:23 PM
ومافائدة تركيب بطارية اضافية ؟

وماهي اضرارها ؟



يا ليت كل من ركبها يعلمنا ليه ركبها وبكم وكيف وكم استفاد منها لتعم الفائده
وهل تستحق دفع هالمبالغ فيها ناهيك عن صيانتها وتغييرها كل سنتين تقريبا ؟؟؟؟

وعلى فكره في الغالب البطاريه الاضافيه في اغلب السيارات الجديده تضرب كمبيوتر السياره حسب ما اشيع
ويا ليت الاخوان ينتبهو لهالنقطه

والسلام عليكم
لاتكب البيالة
15/07/2009, 02:39 PM
والله يالغالي انا اشوف ان اكثر المحلات اللي يركبون البطارية الاضافية غالين غلاء فاحش تخيل تركب ب 1200 بينما شغل اليد حقه بالكثير 200 ريال

بس شف تبي نصيحتي ركبة بنفسك او عند كهربائي تحت اشرافك بالطريقة التالية
الطريقة سهلة صحيح الشحن والتفريغ بيكون يدوي لكن هالطريقة تبي تعطيك عمر طويييل للبطارية الاضافية لان كثر شحنة وتفريغه هو عمره الافتراضي وطريقتي اللي ابذكره اتوقع تعطي البطارية دبل عمره او اطول وايضا هناك قلة التمديدات مما يقلل الخطورة ويكثر الامان ويقلل التكلفة
اولا اشتر البطارية المناسبة
واشتر سلك 8 ملي واحرص يكون السلك شعيراته كثيرة
واشتر علبة فيوزات وتجي جاهزة
واشتر قاطع والله ما اقدر اشرح لك القاطع لكن هو قاطع يتحمل 200امبير dc او اكثر طبعا يدوي تلقاه عن محلات الادوات الكهربية سعره تقريبا من 80 وحوله طبعا بالمحلات الكبيرة
الشغلة بكل سهولة تفصل قاعدة تحمل البطارية وعلبة الفيوزات والقاطع في آن واحد عند اقرب حداد سواء المنيوم او حديد وحسب المساحة المتوفرة عندك
تثبت القطع كل بمحلة ثم توصل البطارية الاضافية مع البطارية الاساسية وتخلي الحار او الوجب يمر على القاطع
الان توصل القاطع تشحن البطارية تفصله تقطع الشحن انت طبعا تخلي البطارية دائما مشحونة وتفصل القاطع واذا شغلت عليه شي ترجع تشحنة عن طريق القاطع وهنا مربط الفرس اكثر اللي يركب بطارية اضافية يخلية تشحن دائما مدامت السيارة تشتغل مما يقلل عمر البطارية وانت بهالطريقة عطيته عمر طويل الله يطول عمرك على الطاعة
طبعا حاول كل شهر او شهرين تشحن البطارية عند عدم الاستخدام لانه تفقد بعض الشحنة (للاحتياط)
مثلا خربت بطاريتك الاساسية ابد القاطع عندك وشغل

الطريقة لو تلاحظ سهلة ولاتبي كثر عدة وشغل ولا احتجن لكتاوت وهالامور
وحمل كل اجهزتك على البطارية الاضافية مرورا بالفيوز المناسب

انا تمنيت ان الشرح يكن بالصور وان شاء الله اني اركب لاحد بطارية واصورة بالتفصيل
وتقبل تقديري
https://rnspsw.bay.livefilestore.com/y1pq9vBl1GutFOU_BgzdDiUQtLYHFMM7Q-sjFgRlobEZv7wW1EUPu3mg57URLjW943KEzt_GakBiqlR-115pgVPjmuWayKiS5JC/%D8%A8%D8%AF%D9%88%D9%86%20%D8%B9%D9%86%D9%88%D8%A 7%D9%86.JPG
سوبر VTC
15/07/2009, 02:44 PM
والله اخوي سوبر من عقب 1200 ما اتوقع اصدق !!!
على العموم الله لا يحرمك الاجر يالغالي




الله يهديك على هالرد بس
يؤسفني ان يكون هذا الرد من رجال مكشات
الرقم عندك اتصل على الرجال !!!!!!!!!!!!!!!!!!
مهونة بالرجال ان تكذبهم :(
يعني حنا مثل قولة اننا نكذب :(
سوبر VTC
15/07/2009, 03:00 PM
هذا رابط بالصور لتركيب بطاريه اضافيه

اقرا ردي في نفس الموضوع رقم (107)





- طريقة شبك البطاريه الاحتياطيه للسياره بالشرح والصور (http://www.mekshat.com/vb/showthread.php?t=37714)(المترو)
عزبة بر
15/07/2009, 03:31 PM
وش دعوة يالغالي ((سوبر))
ما عاش من كذبك !!!
والله ما كان قصدي شي .. الله يهديك بس
والله ما كان قصدي شي .. والله ما كان قصدي شي