انصحوني اخواني بالكفرات ,, اخذ هانكوك ولا ماكسس وكلهم صينين ,, [الأرشيف]

مشاهدة النسخة كاملة : انصحوني اخواني بالكفرات ,, اخذ هانكوك ولا ماكسس وكلهم صينين ,,

Fmejrad

10/07/2009, 07:09 PM

السلام عليكم ورحمه الله وبركاته

اخواني ابي اغير كفرات الهمر ومحتار بصراحه

مقاس كفرات الوكاله 315/70/17

حصلت ارخص نوعين هم هانكوك كوري مصنع بالصين وماكسس صيني وكلهم عليهم ضمان سنه

هانكوك مقاسه 315/70/17 سعرهـ ب 780 ريال للكفر الواحد

ماكسس مقاسه 305/70/17 سعرهـ 750 ريال للكفر الواحد

محتار بصراحه ابي تنصحوني وش افضل من ناحيه الليونه والتحمل ,,

انا ودي اخذ ماكسس بس مقاسه 305 والهانكوك نفس مقاس كفرات الوكاله 315 ,,

انتظركم جزاكم الله خير

ابو شهد جدة

10/07/2009, 07:24 PM

اخوي الهانكوك ممتازه ومقاسها نفس مقاس الوكالة
نصيحتي لاتاخذ الا نفس المقاس. والفرق مثل ماذكرت 30 ريال يعني الاجمالي 120 للأربعه كفرات.
يعني اشتري راحتك بـ 120 ريال.

Fmejrad

10/07/2009, 07:46 PM

يعطيك العافيه حبيب قلبي وانا ماهمني الفرق بينهم لانه بسيط جداً

بس ابي كفر يتحمل ويكون لين مايكون قاسي وهذا سبب كاتبتي للموضوع

ابو شهد جدة

10/07/2009, 07:53 PM

اجل خليك على اليوكوهاما او الهنكوك

Fmejrad

10/07/2009, 08:34 PM

المشكله كل الكفرات الباقيه اسعارها الواحد فوق ال 1400 !!

بس الهانكوك وماكسس هم ارخص شي

ابو شهد جدة

10/07/2009, 08:36 PM

انتظر رأي الشباب
ان شاء الله مايقصروا.

هواوي صيد

10/07/2009, 08:48 PM

وعليكم السلام ورحمة الله وبركاته،،،

لي وجهة نظر اخوي للأمن والسلامة

نصيحتي تبعد عن الصيني

حاول تدبر امورك وتشتري كفرات تتحمل الحراره والسرعة

الوقت هذا حر وكثير الحوادث اللي تصير بسبب افجار الكفرات وهي جديده

أضاءة:

واحد من الربع سافر يوم الثلاثاء كلمني يقول ياكثر السيارات اللي موقفه على الطريق

بسبب البنشر.

احترامي

محب جبل اللوز

10/07/2009, 08:50 PM

أخوي حط كفرات دنلوب 8 طابق

أبو ياسر العمراني

10/07/2009, 11:19 PM

الماكسس تايلندي وليس صيني

نايف7007

10/07/2009, 11:30 PM

السلام عليكم
حسب خبرتي بالكفرات المكسس طيب ويتحمل الحمل والحراره والسرعات
ويجي منه تايلندي لسيارات الصغيره والبالون والمقاسات الكبيره تايواني
وانصحك فيه عن تجربه والهانكوك مع الوقت يقسى يكون قاسي
ارجو اني اكون افدتك

بنزرت

10/07/2009, 11:30 PM

سلام
اخوي راعي الهمر
اقول لك نصيحه
توكل على الله سبحانه وتعالى وابذل الاسباب واشتر عمرك (( اعقلها وتوكل))
خل عنك الكفرات الرديه
كل شئ العب به واشتريه صيني او ردي الا حاجتين في السياره
الكفرات و والفرامل
والله يسترك عليك وعلينا

عاشق البدون

10/07/2009, 11:35 PM

الماكسس جداً ممتاز

Fmejrad

11/07/2009, 02:22 AM

الله يجزاكم خير اخواني ,,

كلامكم عين العقل والله ,, بروح بكرا وبشوف انواع الكفرات الثانيه

القناص المميز

11/07/2009, 04:54 AM

اخوي انصحك بكفرات برجستون او ميشلان ...

YZNQAZ

11/07/2009, 09:48 PM

ماكسيس ممتازة عن تجربه وتراها تايلندية
انا جربت 245/65R17 maxxis bravo 760 H/H
TREADWEAR 540 / TRACTION A / TEMPERATURE B /التحمل 105S

كاتم الشكوى

11/07/2009, 09:56 PM

الهانكوك سبق وأن جربته أكثر من مرة
من ركبته حتى نزلته ما بنشر ولا مرة
واستهلك أكثر من ثلاث سنوات علما أنني أنزل صحراء
وهلحين مركبهن بسيارتي ولهن تقريبا أكثر من سنة ولله الحمد مية مية
والمثل يقول (إسأل مجرب ولا تسأل طبيب )
وفقك الله

هاوي geed

11/07/2009, 10:26 PM

صراحة ان كنت منحد على احد هالنوعين فلكل ميزته:
هانكوك/لين _
ماكسس/يتحمل الحراره(مجرب)

راعي السيل

11/07/2009, 10:37 PM

الهانكوك عندي بس صناعته كوري وليس صيني ، حتى مكتوب على الكفر made in koria

خبت قوس

11/07/2009, 10:50 PM

مالك غير البرجستون صحيح غالي سعره شوي لكنه طيب بالحيل واحد من الشباب مركبه يقول له سنتين ماشاء الله صحيح مايروح مسافات بعيده لكنه دام معه
أما الهانكوك أنا مجربه نصيحة أبعد عنه والماكسيس مادام انه صيني اتركه
تحياتي للجميع

الستانس

11/07/2009, 11:15 PM

الماكسس يجي نوعين صيني وتايلندي والفرق بسيط

اشتر تايلندي وتدعيلي التايلندي يجي مكتوب عليه 760 من جنب

وانا مجربه ممتاز لدرجه ما تتوقعها مع رخص السعر

اما الصيني ما جربته ولكن ما سمعت احد يمدحه

صفق الهواء

11/07/2009, 11:32 PM

اخوي مالك غير البرجستون والله يسترك عليك وعلينا

الستانس

28/03/2010, 08:46 PM

باوزير

28/03/2010, 11:57 PM

شوف الدانلوب نفس مقاس اللاندكروزر الجديد

راعي المجهم

29/03/2010, 02:39 AM

ماكسس ممتااااااااااااااازة جداً

اليكي

29/03/2010, 09:02 AM

هانكوك جدا ممتاز ومريح ولين .... وعن تجربه

ناصر الدهمشي

29/03/2010, 09:24 AM

ا
لمفروض ماتفكر الا بالياباني لكن
دامك محتار بين هالنوعين

شوف مواصفات الكفر

من تاريخ صنع وتحمل السرعات العالية والحرارة وتحمل التحميل

لان ناس بتمدح الماكسس والناس بتمدح الهانكوك والكفر اخرتها حسب الاستعمال لكن اهتم بتاريخ الصنع وتحمل السرعات وتحمل الحرارة والضغط التحميل

جهام القصيم

29/03/2010, 10:24 AM

بواسامه

29/03/2010, 11:09 AM

مكسس وهنكوك
كلها ممتازة
من سابق تجربه
وبعد سنه غيرها ومازلت في العافيه عن 1400 ريال
وصدقني ماراح تفرق عليك في الجوده شي

شاص 4500

29/03/2010, 03:47 PM

اخوووي اذا بتركب هنكوك تراه قووية
وذا تبي ماركة ركب يوكاهما
بس الهنكوك على قد امورك

N-xterra

29/03/2010, 04:02 PM

يعطيك العافيه حبيب قلبي وانا ماهمني الفرق بينهم لانه بسيط جداً

بس ابي كفر يتحمل ويكون لين مايكون قاسي وهذا سبب كاتبتي للموضوع

1- جرب الماستركرافت وراح تدعي لي

يجي منها مقاس 285 / 70 / 17 وحجمه وارتفاعة أكبر من 315 الهانكوك

بس غويلي سعره 800 ريال بس كفر ما بعدة كفر لسيارات البر وخصوصا سيارة زي الهمر

لين جدا جدا وشكله أحلى بمراحل من الهانكوك وألين منهم كلهم وصناعة أمريكي

والشباب اللي جربوه بموتري كلهم ركبو مثله

2- فيه كفر ممتاز جدا وهو كوبر أمريكي للهمر تحصله عند القحطاني اللي على طريق خرص ب 750 للكفر - نفس كفر الماستركرافت بس الكتبة تختلف - يوم بحثت بالنت حصلت الإثنين من نفس المصنع بس هذا يصنع لماستركرافت والثاني لكوبر

يعيب الكفرات هاذي شوية صوت لحد ال 120 بعدين يسكت لكن عز الله ما أحد صنع زيه كفر
تحياتي لك

البرتقالي

29/03/2010, 10:09 PM

اذا انت راعي خطوط بالنهار لا تتعدى الياباني اسلم لك بأمر الله
والكوري بالديره بناخي الياباني وكلهم خشومهم فنس :)
تايلند والصين ماعندي خبره ولا سابق تجربه وما اقدر افتيك

ابو سليمان 11

29/03/2010, 11:19 PM

المكس حليوه مره مره ولينه
بس قزازة البيره تفقه
والهنكوك معي وقاده كد

قاع بير

30/03/2010, 01:21 AM

وعليكم السلام ورحمه الله وبركاته

عن تجربه المكسس ممتازة

لكن حدهاا سنه وغيرهااااا

والله يحفظنا وياكم من شر الحوادث.

نيساني قديم

30/03/2010, 03:45 AM

توني ماابطيت مركب هنكوك للفتك 2006 وسبق جربتهم على باث وعلى باترول ربع الحق يقال لم اجد مثلهم في الليونة والراحه ابد وفيه نوعين منها نوع رخيص بمواصفات اقل من تحمل حراره وسرعات عاليه ونوع اغلى بمواصفات افضل من تحمل حراره وسرعه