خاص لمن جرب ربع النيسان

[صحن قلابة]

السلام عليكم ورحمة الله وبركاته,, حياكم الله
طرأ في بالي أن امتلك نيسان ربع 2006 فمافوق ,, عندها أردت أن اطرح بعض الأسئلة على ـ ذيابة مكشات ـ الذين سبق أن جربوا الموتر :
1ـ صرفية البنـزين
2ـ العزم في النفود
3ـ العزم في الخط
4ـ هل يتحمل ولا لاء
5ـ قطع الغيار
6ـ أبرز العيوب
7ـ ماهي المواصفات اللي احرص عليها في الموتر مثل الثلاجة مرتبه طول لا عرض ...
8ـ كم الاسعار بالنسبة ل 2006 و 2007
أسأل الله لي ولكم التوفيق ,, ومن دخل الموضوع سواء رد ولا ما رد ان الله يرحم والديه والمسلمين عن النار ويجمعنا في جنة الخلد

[عذب الروح]

إن شاء الله يفيدونك الشباب

[باترول RB3]

السلام عليكم اخوي صحن قلابه

انا معي باترول ربع 2008 وراح اجاوبك من خلال تجربتي

1ـ صرفية البنـزين
انا ما اقدر اقولك هو يصرف والا لا

لان كان معي موتر 4 سلندر

بس كل شهرين امسك خط الرياض القصيم

اعبيه فل عند محطه القصيم السريع واوصل للرياض وبه الثلث طبعا مثبت رجلي 120

طبعا اعبي 95 والتانكي فل ياخذ تقريبا 50 ريال

2ـ العزم في النفود

الموتر مهب نشيط زي ربع التويوتا بس يمشي

3ـ العزم في الخط

الموتر بطه يالله يجيب 170 بدحديره بعد (عادي تروح عليك اكسنت)<--مجرب:D

4ـ هل يتحمل ولا لاء

معروف بالباترول انه يتفكك

موتر اللحين ماشي 27الف والباب اللي يروا بدا يطلع اصوات

5ـ قطع الغيار

الحمد لله الموتر ما طلب مني الا بنزين و زيت

والله لا يبلانا ان شاء الله

6ـ أبرز العيوب

1-طبعا الموتر نازل من وراء وراح تواجه صعوبه في رفعه

انا ما رفعت الموتر الى اللحين

طبعا اذا رفعته راح تتطلع لك حره بالعامود ولازم تنزل القير

وانا قالي واحد وهذا اللي مخوفني

انك اذا نزلت القير راح تميل المكينه لوراء وراح يضرها

2- المروحه وما ادراك ما المروحه: اكره شئ بالموتر صوت المروحه وانت تمشي والضغط ب3 وشوي تحس انك فاقع الموتر

3- مرتبة الراكب : المرتبة ضيقه على الرجلين

4- العازل الارضي: العازل خرابيط
اعرف اني اذا جيت امسك خط احط عن رجليني سجادتين علشان الحراره ويوم عزلت الموتر ما حسيت بشي

7ـ ماهي المواصفات اللي احرص عليها في الموتر مثل الثلاجة مرتبه طول لا عرض

بالنسبه للمواصفات اهم شئ المرتبه عرض ازين شكل اريح للراكب

اما الثلاجه فما تجي الا بالفل

سمعت ان البازعي بدا يبيع نيسان موصفات خليجيه ازين من الحمراني

8ـ كم الاسعار بالنسبة ل 2006 و 2007

الاسعار ما عندي علم

بس قبل اسبوع رحت لمعرض نجد وسالت عن الباترول ربع

قالي ب 93الف مرتبه طول ولون ابيض

تقبل تحياتي

واذا بغيت معلومات زياده ارسلي على الخاص

[كساب الطيب]

يا طويل العمر انا معي باترول 99 ابيض ربع كبليتر
اولا البنزين
والله يشفط بنزين افلله باربعين ريال 91 وما ياخذ الا 300 كم داخل البلد
ثانيا
العزم الموتر من قال انه ملك الصحراء ما كذب بنفود بطين الموتر عزم
ثالثا العزم بالخط انتف الكوامري بالخط مشاء الله
رابعا يتحمل عير مكده
القطع نيسان متوفره
هذا اللي من واقع تجربتي له

[طخيمان]

والله يا الغالي من ناحية الصرف عز الله انه يصرف صرف يعبيه واحد من الشباب بـــ 36 طبعاً 91 ويالله يمشيه 350

والعزم لك عليه والله

(ينفع يكون موتر ثاني مخصص للبر)

[صحن قلابة]

والله ياجماعة اني محتار ورابط راسي بشماغ من كثر ماافكر ,, لأني انقرصت من كذا موتر شريته ,, والربع النيسان عاجبني شكله لكن فيه عيوب واجد بس ودي اقطع الشك باليقين ,, يعني بعض العيوب يمكن الواحد يلقى لها حل مثل الازعاج : ركب مراوح كهرب
الحرارة الداخلية : إعزل الموتر من تحت
التفكك: ربط كل فترة
بس يبقى العزم وقطع الغيار ,, يقال ان عزمه ينزل في الطلعات يعني ماهنا زود في قوته ,, بس ما أدري عنه في النفود ,, بالنسبة للخط الصراحه انا مانيب راعي سرعه يعني 150 اذا كانت المراهقة زايده ولا العاده 130
جزاكم الله خير للي رد والي مارد والله يبيض وجيهكم دنيا وأخره
ننتظر تجارب المكشاتيه

[راعي باترول]

العزم يا اخوي انا معي واحد 2008 توه ماشي 25000 يجيب 185-190 كم تقريبا بجنوط الوكاله لأنهن اخف على الموتر

اما بجنوط مقاس 17 زي اللي بالصوره يجيب 170كم

[escape_man]

الربيع النيسان مايبي من ينشد عنه وانا اخوك

هو افضل الموجود ويميزه عن التويوتا انه اريح واوسع

صرفية البنزين مزعجة

المركب مهوب ذاك الزود خصوصاً بوسط الديرة .. قيادته ممتعة فقط بالبر

عزمه مناسب ولا تنسى انه اكبر قير ومكينة ودفرنسات من التويوتا فاكيد بيكون اثقل

الطلعات يضعف عزمه وخصاة اذا الموتر بالخامس .. لكن بشكل عام النمر الي قبل الخامس

نشيطة وادائها رائع على ردمية او بنفود وعندي انه افضل من التويوتا اداء وارسى بامر الله

التفكك على الاستعمال .. انا استخدم من عام 99 مواتر نيسان من باترول ومكسيما وباث

وسياقتي راكدة ولاعمري ربطت منهن واحد .. ولله الحمد والمواتر الي تفكك غالبا مواتر

المقانيص او مهابيل التطعيس على عماها ..

التحمل كميكانيكا لايوجد افضل من النيسان .. يدوم ويدوم ويدوم

[ابوفهوود]

لالالالالالالالالالالالالالالا:no2: تشتري الا من عندي خخخخخخخخخخ 2006 موجودات تعال خلني افك عصبتك عندي وكثر الدراهم :j

على العموم مبروك مقدمآ والشباب ماقصرو عطوك العلوم كلها النيسان على رجل راعيه هذا الي اقدراقوله..

وللللللللك تحياتي..........:D

[أبو محمد2010]

من واقع تجربه الموتر ممتاز بالخط و البر لكن عيبه العزم و صرفية البنزين ، عندي لك نصيحة بسيطة جرب الإكستيرا الموتر ما شاء الله ما علية كلام عزم لا يشق له غبار لكن فيه عيب واحد الي هو الله يسلمك اذا حملت يشغلك بالمطب الخلفي فقط و أما الباقي عز الله إنك تبي تنبسط ...

[NissaN 1990]

الشباب كفو ووفو وماعندي تعليق بردو خاطري
توكل على الله ويكفيك أنه يابني الصنع كامل
وتقدر تركب عائله لأنه مريح

[سوبر VTC]

و عليكم السلام و رحمة الله
اخوي
حلاة الباترول تروح و ترجع و تجرب السيارات
و مردك للباترول==> وجهة نظر
لانه مريييييييييييييييييييييييييييييييييح جدا بالخط و السفر و بالبر
و الصرفيه اي موتر فوق سرعه 120 يصرف
العزم لاباس به ان بغيت يرقى جبل ما رده و زود على كذا بخاخ
و ما مثل سرعة 130 او 140 بالخط
لكن عيب غالب النيسان قطع غيار غالي
تحياتي

[هايبر]

صباح الخير .
طبعا كل سياره لها عيوب و لها مميزات . 2006 نيسان ربع السياره بشكل عام جيده جدا .
مميزاتها :
1- قوة تحمل غير عادي ( خصوصا في السحب سواءا في الزفلت او في النفود )
2- سعره مناسب مقارنه مع غيره.
3- حرارة السياره ممتازه .
4- اسعار قطع الغيار معقوله .
5- يمسك سعره في حالة البيع .
6- راسيه في الخط (زفلت و نفود )
عيوبه :
1- صرفية البنزين بشكل غير عادي .
2- السير ينطلق او ينقطع يعني لازم يكون معك اسبير له .( يقال ان هذا العيب في دفعه معينه في 2006 فقط )
3- طرمبة البنزين .( لها حل تسليك كهرب خارجي لها و تنتهي المشكله )
4- الكمبيوتر يتعطل ( و لها حل يبرمجونه في القصيم ب 200 ريال ) مع العلم ان تغيره يكلف 6000 في الوكاله
5- عزم المكينه ضعيف كسياره ربع ( لها حل تزيده هيدرز و برمجه )

قيمت 2006 من 65 الى 70 الف حسب النظافه

بشكل عام خيار موفق انشاء الله

هذا رأي شخصي فقط من واقع تجربه مع احد الاصدقاء.

[سوبر VTC]

- الكمبيوتر يتعطل ( و لها حل يبرمجونه في القصيم ب 200 ريال ) مع العلم ان تغيره يكلف 6000 في الوكاله

الله يسلمك
مهب الكمبيوتر اللي يخرب
اللي يخرب سيكيورتي المفتاح
بمعنى انك تجي تشغل الموتر و يعي يشتغل
يحتاج برمجه المفتاح او شريحه المفتاح
الحل
يتم الغاء قطعه السيكيورتي ايسي قطعه الكترونية بوسط الكمبيوتر
تكلف 200ريال بورشة الخضير

[ابوهتان2007]

السلام عليكم ورحمة الله وبركاته

ومن واقع تجربه البترول الربع سياره ماشاءالله تبارك الله بر و بحر كمان

وعيبها صرف البنزين وبشكل كبير جدآ

عفوآ أخوى صحن قلابة
ليه ماتجرب اليوكن القصير من موديل 2003 ونتا طالع وأكيد الكثير من الأخوان رايحين يفيدونك

هذا فقط أقتراح

[صحن قلابة]

بيض الله وجيهكم ,, واحد واحد عز الله انكم تبردون الحره
اما بالنسبة لليوكن انا سبق اني جربت الامريكي وانيت سييرا 2002 قير تماتيك 1500 صندوق طويل عز الله انه موتر بس مشكلته انه تماتيك أولا حجمه ثانيا أما اليوكن ما أظن انه يتحمل مثل الربع ــ وجهة نظر ـ

[ابو طلال 2009]

اول شي اختيارك للنيسان بحد ذاته اختيار موفق جدا .... وجة نظر
انا معي نيسان ربع 2006 واستخدامي له بكل بساطه عندك ياطويل العمر من الرياض وما حولها الين توصل لعاصمة الاردن عمان ماسحها مسح مافي جحر ما جيته شي اعرف اسمه وشي لا والله مدري وشو زائدا دول الخليج حتى صلاله لكن السياره ما عليها كلام بس ابي اقول لك شي مهم يمكن يفيدك ويفيد الاخوان لا تشتري سياره انت منت حابها لانك ما راح ترتاح معها واي سبب تبي تشوتها انا شخصيا من عشاق النيسان وهذه ثالث سياره اخذها وبصراحه حبي لها مهو مخليني اناظر عذاريبها اذا كان اصلا فيها عذاريب لكن على الخطوط انا جربت السياره تمشي 180 بالراحه الا اذا غرت عن طلوع بالخامس لك عليه شوووووي اما صيانه ما يحتاج منك اي شي ابد اذا كنت رجال تشيك انت عليه من وقت لوقت مثل فلتر الهوى + صفاية البنزين + بواجي + يعني الاشياء الاستهلاكيه اما سيور وما سيور انا ما حصل معي اي مشكله ولله الحمد باختصار اشتر وانت مغمض والله يعطيك خيره ويكفيك شره
اخر شي ابي اقوله لك اذا طفى معك وما اشتغل وتولع لك لمبة طرنبة البنزيز شف تحت الدركسون كتاوت لونه ازرق لازم تشيل الوجه بمفتاح 12 وسكروب مثلث كل ما عليك انك تبدل الكتاوت وبس شغل وانطلق ولا عليك انشاء الله الا العافيه ;)
العيب الي اشوفه انا عيب ان نسافاته تتكسر من الشعبان الكبيره وبس وانشاء الله يرزق الجميع الصحه والعافيه :d

[سوبر VTC]

نقطه اخرى كنت ناسيه

اللي يخلي الموتر يصرف بنزين
ان قيره شاد
بمعنى اذا كنت مريح القير بالخامس و كنت تمشي 140
يكون الكمبرشين او انبير الضغط عالي تقريبا على 3 و نص
يعنى به صوت حنه
كانك تقول القير يبي نمره سادسه
و الدليل على ذلك انك اذا كنت مثبت على سرعه 120 مثلا ثم دعست بنزين
يفز الموتر لان الترس الخامس كبير

مثل اخر الفتك الصالون 4800 و اقرب مثال موتر العضو المميز
ركب قير لموتره حق م97 و تحت طبعا هو قير عادي
يقول ان البنص على سرعه 140 تقريبا على 3
و قبل يوم كان بقيره بلاده قبل ما يخرب كان الموتر يحن
و الكلام ينطبق على الفتك التماتيك على ما اعتقد

[صحن قلابة]

الله يبيض وجهك ،، بس هل شغلة هالطرمبة تحصل دايم؟؟؟؟؟؟؟؟