كيفية قرآة معيار الهواء [الأرشيف]

مشاهدة النسخة كاملة : كيفية قرآة معيار الهواء

الهوى جنوبي

11/07/2009, 11:42 PM

اخواني الاعزاء السلام عليكم ورحمة الله وبركاته
اشتريت معيار هوا للكفرات اللي يجي على شكل قلم وذلك حفاظاً على الاطارات من التلف ولكن المشكله اللي واجهتني ان المعيار له وجهين الاول مكتوب عليه psi ومتجدرج من 10 الى 20 الخ.... والوجه الثاني مكتوب عليه kg ومتدرج من 1 الى 2 الخ ... السؤال : اي الوجهين يتم الاعتماد عليه في معايرت هواء الاطارات وما معنى الرقم 10 والرقم 1 مع العلم اني عايرت الهواء عند البنشري وقال الهواء على 35 وعند معايرته بعيار القلم كان على 30 psi و2.5 kg آسف على الاطاله ولكن ارجوا التفاعل لتتم الاستفاده للجميع تحــــــــــــــــــيــــــــــــــاتـــــــــــــ ـي

ساري 111

12/07/2009, 12:37 AM

اخوي عياارك هذا مااعرف له

لكني عندي تنبيه /

العيار مايعطي القراءه الصحيحه الا والكفر باااارد .. (الصباح افضل شي)

واذا مشيت على الكفر شوي واحتمى يعطيك العيار اكثر

مثلاً لو تعايره الصبح يعطيك 30 رح مشور على الموتر ساعه راح تشوفه يزيد الى 35 بعض الأحيان

<نمر>

12/07/2009, 03:49 AM

الدارج استخدام وحدة psi
اما التدريج الثاني في الغالب الـ Bar موجود حتى في ساعة الضغط الي عند البنشر لكن انساه لانه غير دارج و غير مستخدم
لكن خل في بالك ممكن العيار حق البنشر يكون غير دقيق مع سوء الاستخدام
و كذلك حرارة الكفر لها دوار
لكن حاول تقارن في نفس الوقت قيس بالقلم و ساعة البنشر و شوف
و جرب كذا بنشر كلما ما غيرت الزيت مثلا
انا معاي قلم دايم استخدمه في عيار الضغط و ملاحظ انه دقيق بما يكفي بمقارنته مع كذا ساعة ضغط يعطي تقريبا نفس القراءة
بالتوفيق

الهوى جنوبي

12/07/2009, 06:22 AM

سوبر VTC

12/07/2009, 01:58 PM

و عليكم السلام و رحمة الله
انا معي غيار على شكل قلم
و معي عيار اخر اصغر منه
طبعا كلهن صيني
المقياس psi
انا احط كفرات موتري الهوا على 25
احيانا 20
غالب الجيب و الجمس و غيرهن
الافضل 30 الى 25 بالديره و اريح للموتر من التفكك
المطلوب
منك تشوف ضغط الكفر ثم تقارنه بالعيار العادي الايطالي حق البنشري
لانه يفرق عندي 5درجات
سواء زيادة او نقص
لذلك يلزمك تعرف الفرق بين عيارك و العيار العادي
حتى كل مره تعبي الكفر تكون انت على بينه
تحياتي

الهوى جنوبي

12/07/2009, 03:13 PM

اخي سوير vtc شكراً على تجاوبك وفعلاً بساوي مقارنه بين المعيارين عند البنشره واحسب الفرق بينها
تحياتي للك

راعي المجهم

12/07/2009, 09:46 PM

أفضل هواء للأطارات 35 فقط

أعلى منها يضر مع المطبات وأقل منها يسبب تشقق الكفر وأنصلاخه !!!!

ساقان

13/07/2009, 12:47 AM

3=40 بالعيار

ساقان

13/07/2009, 12:48 AM

3=40 بالعيار الي عندك

<نمر>

13/07/2009, 02:38 AM

الاخ (ساري 111) شكراً على تجاوبك وعلى المعلومه المفيده
الاخ<نمر> شكراُ على مرورك وسؤال بسيط لو سمحت
افهم من كلامك انك تستخدم دائماً وحدة psi السؤال على اي درجه يكون عيار الهوا عندك
تحياتي لكم جميعاً

ماهو بس انا استخدم psi الغالبية العظمى و هي الوحدة الدارجة لقياس ضغط الاطارات

كل سيارة تلقى الضغط الموصى به مسجل على الستكر الي في باب السواق او غطاء البنزين
و ممكن ما يكون رقم ثابت لكن عدة خيارات حسب السرعة و الحمل

بالنسبة لسيارتي مسجل لي تقريبا 31 خلفي 27 امامي اذا ماني ناسي

انا عادة اضبطها كلها على 30 و في الطرق السريعة بالذات مع زيادة الحمل اخليها 35

بالتوفيق