موضوع يخص الصقاقير

[عنيد]

:good2: ارجوا من ادارة مكشات العظيمة السماح لي بحكم اني احد اعضاء هذا المنتدى الرائع التنوية عن موضوع يسبب البلبلة الا وهو عند اي عرض :director: طير اوغيرة اتفاجأ بالردود انها ردود ايجابية لكن من المفروض لا تكتب الا وهي على سبيل المثال .
( الله يرزقك بالزبون الطيب ) ( ماشاء الله عليه ) وغيرها من الردود ....الخ
انا لا :no2: انفي كتابة مثل هذه الردود الله يجزاكم خير لكن باستطاعتك ان تقولها في نفسك وان لا تلجأ الى كتابتها لما يؤدي الى كثرة الصفحات ويفقد الموضوع الجدية والمصداقية في الطرح .
هذا مجرد رأي وارجوا من الله العلي القدير ان يرحمنا واياكم .

[عـــرادي]

أنا اتفق مع اخوي عنيد

فعلا تفتح اربع صفحات وتحصل سومه وحده

واتمنى تطبيق ذلك ،،،

أخوكم / عرادي

[جو الشيخ]

عنيد بيض الله وجهك
بصراحه اقتراح لاغبار عليه
وانا من المؤيدين لموضوعك

[@قرناص@]

صحيح موضوعك ماعليه غبار واقتراحك جيد ..

لاكن من وجهت نظري ان بعض المواضيع تفتح لبيع طير ونتفاجا سومه وحده والطير مابيع للحين ولاكنه بصفحه ال3 !

لو كان فيه ردود مثل هاذه لكان الموضوع في الصفحه الاولى وهاذا افضل

قرناص

[الهواوي 502]

انا اتفق مع اخوي عنيد

تلقى 5او6 صفحات مماتلقى الي سومه اوسومتين


يعطيك الف عااافيه

[عنيد]

اشكر جميع من تفاعل مع موضوعي وارجوا ان يأخذ بعين الاعتبار مجرد رأي
( واختلاف الراي لايفسد للود قضية )

[لعّاب المنايا]

عندك خيار تخلي الصفحه الوحده 40 مشاركه
ولاتكثر عندك عدد الصفحات

[مبارك 1]

انا اتفق معك اخي الكريم

وبالنسبه للاخوان

ياخي راعي الموضوع الله لايهينه يكتب للرفع ويرجع موضوعه

او يكتب يالربع الطير مازال معروض للبيع

وبعض الاخوان ونلاحظهم ويلاحظهم الجميع

الله يرزقك بالزبون الصامل

ياخي هو ماعرض الا يبي الزبون الصامل

لكن اما تسوم او تكلم راعيه بعد ان كان فيه جوال

وكلها وجهة نظر واسمحو لي على الاطاله

لكن الموضوع شدني لأني الاحظ هالشي متكرر

اشكركم جميعا

[قرناس ارامكو]

أنا اتفق مع اخوي عنيد

[بو غازي]

السلام عليكم ورحمه الله وبركاته
جزاك الله خير اخوي عنيد انا ياأخي الكريم اختلف معك تدري ليه لان الاخوان حابين يتفاعلون باي طريقه طيب وش يمنع اذا انت دخلت وشفت الطير وعجبك الطير وفي حاجة بنفسك ودك تقولها قمت كتبت عسى الله يرزقك اما من ناحية الله يرزقك بالزبون الصامل لانه فعلا يااخوان في ناس كثير تسوم ولاجا وقت الجد قالك والله استخرت فهم يدعون الله يرزقك الزبون الصامل مجرد تذكير للي يسوم على ماأعتقد وبعدين لما يدعون للبايع ياخي شي طيب البايع نفسه ينبسط يحس ان موضوعه مهم مدري انا احسها ترفع من المعنويات واتمنى تتقبل مرووري .

[عنيد]

لعاب المنايا ومبارك 1 وقرناس ارمكوا شرفني مروركم
اما بالنسبة لخوي بوغازي فوجهة نظرك احترمها :butt3:

[ابو بريكان]

انا اتفق معا اخوي ابو غازي منت لاقي الا قوالت ماشاء الله والا الله يرزقك وهذي كلمات فيها اسم الله واسم الله مايجي في شي الى اوزينه خلو الشباب يذكرون الله اما كتابه والا قرايه اوبعدين التعب على الفاره كلها طقت اصبع والامر ماشي ههههههه اسمحو لي على الايطاله والاخطاء الملائيه

[صقار شياهين]

االسلام عليكم : الصراحة انا اشوف ان موضوعك هذا في غير محلة :no2: :no2: :no2: :no2: ياخي الناس يمرون ويشوفون الطير ويذكرون الله عشان مايحسدونه :) ويدعون لصاحبه بالبيعة الطيبة ;) واللي يبي يشتري وصامل يبي يقلب صفحتين ولا ثلاث كلها ضغطة زر :o وسلام عليكم

[قناص الهمله]

أنا اتفق مع اخوي عنيد

فعلا تفتح اربع صفحات وتحصل سومه وحده

واتمنى تطبيق ذلك ،،،

[مشبر البران]

السلام عليكم ورحمه الله وبركاته
جزاك الله خير اخوي عنيد انا ياأخي الكريم اختلف معك تدري ليه لان الاخوان حابين يتفاعلون باي طريقه طيب وش يمنع اذا انت دخلت وشفت الطير وعجبك الطير وفي حاجة بنفسك ودك تقولها قمت كتبت عسى الله يرزقك اما من ناحية الله يرزقك بالزبون الصامل لانه فعلا يااخوان في ناس كثير تسوم ولاجا وقت الجد قالك والله استخرت فهم يدعون الله يرزقك الزبون الصامل مجرد تذكير للي يسوم على ماأعتقد وبعدين لما يدعون للبايع ياخي شي طيب البايع نفسه ينبسط يحس ان موضوعه مهم مدري انا احسها ترفع من المعنويات واتمنى تتقبل مرووري .
معه بكل لمة قالها

[&كاتم الونات&]

الله يجزاك خير وانا اوافق ا خوي عنيد اراي
وتقبل مروري اخوك :- كاتم الونات