المساعد الشخصي الرقمي

مشاهدة النسخة كاملة : لاصحاب الاكاديا 2009 ...


Dolphin
13/07/2009, 12:17 PM
انا ودي اشتري لي اكاديا 2009 بس مااعرف احد استخدمها من قبل ... طلبتكم يالشبيبه ابغى مشورتكم وش رايكم فيها من ناحيه قوة تحملها واستخدامها ومن ناحيه الخرابات ...
اخو من طاع الله
14/07/2009, 12:45 AM
السياره دوبها نازله للسوق مايمدي احد جربها واذا خربت من الان فانحش عنها
ملك الإحسآس
14/07/2009, 02:59 AM
صرآحة السياره فاشله جداً

ودفع أمامي مثل الكامري وغيرها ..

وسعرها مبالغ في جداً 136 ألف ..
ابوعمر1397
14/07/2009, 08:30 AM
مع واحد من الجماعة 2008 مراتبها قاسية وغير مريحة
كنك في جيب

زد فلوسك وخذلك تاهو والا يوكون احسن لك
الربذي
14/07/2009, 08:38 AM
بصراحة انا اعجبت بها مرة اول ماشفتها وسالت واستشرت وطلعت سيارة
غير معروفه وقليلة جدا جدا
وسعرها مبالغ فيه وايضا نازلة قريبه للارض .
وسعرها عالي الفل الي يستاهل الشراء بحول 150الف
وصرفت النظر نهائيا لو هديت يمكن مااقبلها ...لاطبعا الهدية تقبل ولكن ابدلها بشي ينفع ..

حتى انها بالسوق غير معروفة وبيعها صعب ولااحد يسومها
ابوشجاع911
14/07/2009, 09:01 AM
اظنها صناعة اسيوية (كورية) مثل الافيو والابيكا وطقتها حتا اسمها نفس التناغم تقريبا
Dolphin
14/07/2009, 01:32 PM
اشكركم جميعا على المشوره بس ياريت في احد مجرب السياره او يعرف احد شاريها علشان يفيدنا من ناحيه الاستخدام والخرابات والعيوب التصنيعيه اذا كان فيها
قناص صبحاء
14/07/2009, 09:45 PM
اشكركم جميعا على المشوره بس ياريت في احد مجرب السياره او يعرف احد شاريها علشان يفيدنا من ناحيه الاستخدام والخرابات والعيوب التصنيعيه اذا كان فيها

السياره حليوه وقويه اعرف واحد شاريها موديل 2007 جديده والى الان ماشيه بدون مشاكل ويمدح فيها
ويسمونها كرسيدا الامريكى وبعد تجربتها اقتنعت فيها وشريت واحده م 2009 وشغلهم فيها متماسك
وراسيه ووذفه بالزحام وعليها مكيف ماشاء الله ثلاجه بس عذروبها غاليه ... وصحيح مافيه فرق كبير
عن سعر التاهو بدون دبل لكن للاستخدام اليومى والمشاوير الكثيره بالنسبة لى افضلها لان التاهو واليوكن
سيارات كبيره للسفر والمشاوير المتباعده اما الاستخدام اليومى الكثير فهى مناسبه وجرب تاهو او يوكن
استعمال داخل المدينه تجد قرقعه وصرصره واستخر وجربها لدى الوكلاء ..
Dolphin
17/07/2009, 08:32 PM
السياره حليوه وقويه اعرف واحد شاريها موديل 2007 جديده والى الان ماشيه بدون مشاكل ويمدح فيها
ويسمونها كرسيدا الامريكى وبعد تجربتها اقتنعت فيها وشريت واحده م 2009 وشغلهم فيها متماسك
وراسيه ووذفه بالزحام وعليها مكيف ماشاء الله ثلاجه بس عذروبها غاليه ... وصحيح مافيه فرق كبير
عن سعر التاهو بدون دبل لكن للاستخدام اليومى والمشاوير الكثيره بالنسبة لى افضلها لان التاهو واليوكن
سيارات كبيره للسفر والمشاوير المتباعده اما الاستخدام اليومى الكثير فهى مناسبه وجرب تاهو او يوكن
استعمال داخل المدينه تجد قرقعه وصرصره واستخر وجربها لدى الوكلاء ..


اشكرك ياقناص صبحاء على المشوره وراح اجرب التاهو والاكاديا عند الوكيل وراح نوافيك بالاخبار
ابو فارس744
17/07/2009, 08:43 PM
السلام عليكم
السيارة حلوة ومريحة وتعجبك بالخط لكن المشكلة في قطع الغيار تتعب وانت ماجبتها وغالية بالحيل عندي اكاديا 2008 وجاته دقة بالرفرف الايسر مع ضربه بالكفر كلفني قسم بالله اكثر من (22000)ريال غير انه قعد بالورشة اكثر من (3) اشهر على حساب قطع الغيار وإذا تبغى تفاصيل اكثر ارسلي جوالك على الخاص واعلمك بكل شي عنه ويعلم الله اني ماكتبت الكلام ذا الا حتى تنتبة ولا تتوهق مثلي
عاشق القمم
22/07/2009, 01:08 AM
اشتر لك اكسبدشن 2009 احسن لك من هالسياره المقرقعه
ابو فهد55
02/05/2014, 11:24 PM
انا عندي 2009 فل كامل بانوراما دفع رباعي مستمر بسم الله ما شاء الله ان بغيت قوة قوه صحيح انها لا تقارن بالجيب بس قوة تخارج السيارة نفسها وقت التغريس ليست قوة للسحب والهياط ... ان بغيت راحة راااااحةحتي صوت المحرك لا تكاد تسمعه... ومع الطرقات راسيه جدا جدا وتتحمل السفريات الطويله ويقتصد في استهلاك الوقود عند الخطوط الطويه..المشكله ان الصدام الامامي نازل شوي بس لا اراها مشكله كبيره..والقطع غاليه شوي بس كل السيارات الشبيهه لها الان قطعها شبه غاليه