اصحاب الباث فندر وخصوصاً اللي في الرياض

[ابووليد999]

تكفون ياشباب شوفو لي حل

مكيف موتري مايبرد مدري وش سالفتة

تكفون دلوني على ورشة او فني متخصص بالمكيفات

المكان الرياض

سمعت ناس تقول اغسل الثلاجة وناس تقول عب فريون اصلي وناس تقول فلتر

والله اني محتار ولا ودي اودي موتري عند واحد يتعبث فيه


واخاف اوديه للوكالة يلعبون علي زي المرة اللي راحت
وأنا بانتظار مشورتكم واقتراحاتكم

[معالي الكعبي]

طال عمرك مايبيلهاا شغل وده عند اي كهربائي وقوله ايعبيلك فروين وينظف الفلتر

نفس ماسويت انا فالباثفندر حقي

[ابووليد999]

هلا فيك اخوي معالي الكعبي

طيب وش اسم الفريون وكم رقم الفريون الاصلي

اخر مره عبيتة فريون امريكي قبل 3 شهور

وبعدين فيه صوت عندي اذا دعست بنزين صوت حنه مع المكيف

[قناص خلاوي]

أخوي ابو وليد
من تجربة قديمة انصحك بكهربائي ( الناصرية)
موجود بالصناعية القديمة قريب من ورش (ميزان العضيب)
شغلهم أغلى من غيرهم شوي لكن بإذن الله ما ترجع له بنفس المشكلة مرة ثانية ..
أنا معاملهم من عام 99 وللحين والحمد لله ماشفت منهم الا كل خير وشغل يبيض الوجه ..

[ابووليد999]

أخوي ابو وليد
من تجربة قديمة انصحك بكهربائي ( الناصرية)
موجود بالصناعية القديمة قريب من ورش (ميزان العضيب)
شغلهم أغلى من غيرهم شوي لكن بإذن الله ما ترجع له بنفس المشكلة مرة ثانية ..
أنا معاملهم من عام 99 وللحين والحمد لله ماشفت منهم الا كل خير وشغل يبيض الوجه ..


بيض الله وجهك اخوي قناص خلاوي

ماقصرت والله يعطيك الف الف عافية

رايح لهم بكره

[الستانس]

انتبه تعبي اي فريون تأكد انك ما تعبي إلا الأصلي عشان يبرد زين

وانتبه من الصيني تراه يخرب مكيفك ويجيم

وان كان ولا بد عب هندي بس تراه مهب ذاك البارد تروح برودتة بسرعه ويخلص

بالنسبه للأصلي امسك لدبه وقلبها وشف وين هي مصنوعه فيه ولا تاخذ بكلامهم


بالتوفيق

[ابومحيميد]

تاكد من الكتاوت يمكن مايوصل كهرب للكمبروسر زي ماصار معي

[دكتورالانترنت]

هلا اخوي عندنا باثندر 2002 خرب المكيف غيرنا الفريون عند ورش الصناعيه الي في الرياض بس موشرط الفريون يمكن عندك مشكله في اشياء في المكيف

[Gm Bas Gm]

اذا في الرياض

في ورشة اسمها الهندسية بالصناعية القديمة شغله مضمووون ومعروووف من عشرات السنوات

واهم شي انه صادق وفاهم الشغله



اذا تحب راسلني على الخاص ويكون بيننا اتصل اوصف لك الورشة تعرف وصف الصناعيه ما يصلح بالكتابة