حراره في الباترول من يعرف المشكله

[الكمبودي]

السلام عليكم ورحمة الله وبركاته

اولاً اهنيئ الجميع على هالمحبه والتألف بين الاعضاء
والله انني اراكم اخوه وارى محبه واضحه للكل
أسال الله ان يجمعني واياكم في جناة النعيم على سرر متقابلين في الدرجات العلى


عندي باترول موديل 91
المشكله انه ترتفع الحراره اذا وقفت واذا كنت ماشي مع الخط ما ترتفع نهائي إلا اذا كانت الهواء من الخلف احس ترتفع بس بشكل بطئ جداً حتى توصل النص وبعدها توقف
طبعا انا مغير المروحه وتماتيك المروحه ومسيخ الراديتر
غطاء الراديتر مالاحظت فيه اي شئ ولا ينقص ماء
البواجي واسلاك البواجي كله مغيرها


فيه شئ لاحظته ولا ادري له دخل بالحراره ولا لا
لاحظت الحامي البلاستيك اللي يجي بين الماكينه والكفر مو موجود وشاك فيه بصراحه انه ما يكتم الهواء



ملاحظة : ترتفع الحراره فقط اذا المكيف شغال مع اني غيرت كمبروسر المكيف ونفس المشكله


منتظر حلولكم اخواني مع شكري التام للجميع

[اسدهم]

سو وزن بلون للمكينة
ارديتر حق الوكالة او مغيراذا كان نحاس الله يعين ع اذا كان حق الوكالة سو الي قلت

[ابو طلال 2009]

شف ابي اقول لك شي احتمال كبير يفيدك ورخيص حيييييييل رح لمحل ينضف رديترات واساله اذا كان عنده مكينة تنظيف رديترات تراها مكينه امريكية الصنع وجب له زيت بريك اي سي دلكو وخله يحطه بالرديتر ويشبك لك المويه الداخل والطالع وينظفه تنظيف محترم من سبع الى ثمان مرات بعدها خله يطبق الرديتر وحط مي احمر او اخضر وبتشوف بلاوي تطلع من الرديتر لا تستغرب عادي وكل هالشغله ما تكلفك ولا حتى 120 ريال وبتدعيلي انشاء الله والحراره ما راح تتعدى الربع بكل الاحوال والراي رايك بس هذي من تجربه وكل واحد بالصناعيه يتفلسف علي شكل لكن الله يعين.
نصيحه لا تجرب ولا تقعد تغير كل شي وانت جرب الي قلت لك وشف انشاء الله وحده بوحده

[garah]

مرحبا اخوي الكمبودي
والله يعينك على فلسفة الصناعيه بس خذ الحل مني
من واقع تجربه
انا سويت كل شي سويته او ذكرو لك الأخوان بس مانفع
عليك ياصاحبي
بتثبيت تماتيك المروحه بالتلحيم لجل مايفصل يكون مستمر دوران المروحه يعني زي ماتقول تلغي التماتيك بتثبيته
راح يطلع لك صوت بتستغربه اول مره الي وهو شحط المكينه بس تتعود عليه ويصير عادي وراح تفقد الحراره
والله يكتب الي فيه الخير
تحياتي لك
garah

[سوبر VTC]

و عليكم السلام و رحمة الله
اوزن البلوف عادت اذا دست تلقلق البلوف
تاكد من البلف يصير ثقيل ما يفتح ==> اشك به
احد الربع موتره نفس موترك
حط غطاء اديتر اصلي اللي فوقه استكر برتقالي
اذا مسك الخط على سرعه 120 تعدا الحرارة الخطين
المهم
رجع لنفس المحل و بدل الغطاء و اخذ غطء بدون استكر
و صارت الحرارة بين الخطين :good:
موتر اخر
سيخ الاديتر و غير الغطاء و غير انبير الحراره
و الطرمبه ممتازة لانه اذا داس يدور الماء
و صارت المشكله من البلف ب20ريال
احيانا اذا كان محتمي الموتر و صيخته ما يفيد
لان الرصات من الحراره متمدده و ضاغطه على بعضه
فما يدور الماء بسهولة
تاكد من الخراطيش
اذا احتمى الموتر و انت واقف و كانت الخراطيش محجره
اعرف ان الماء دورانه ضعيف جدا

[صقرالعارض]

السلام عليكم اخوي لاحظت من كلامك ان الموتر مايحتر الالين توقف واذا انت ماشي مايحتر فهذا دليل على ان الموترمحتاج هواء لذلك اذا مافيه مروحه كهرب امام الرديتر ركبله مروحه واناجربت الطريقه والحمد لله ماقول راحت بس احسن من اول هذاشوري والله يوفق الجميع لمايحب ويرضى .

[الكمبودي]

هلا بالاخوه جميعا
## اسدهم ##
انا ما سويت وزن للبلوف ولكن ما احس ان فيها شئ
اما بالنسبه للراديتر والله ما ادري عنه بصراحه
اشكرك مره اخرى اخي الكريم على النصح


==========
## ابو طلال 2009 ##
لو المسألة على الراديتر انا ممكن اركب جديد بس تروح الحراره
والله انذبحت انا وعيالي اذا وقفت روحت الحراره للأتش !!
على العموم بسوي الطريقه هذي وان شاء الله تفيد بس على الله القى الجهاز هذا اللي تقول عليه
اشكرك مره اخرى اخوي


==========
## GARAH ##
هلا اخوي جراح .. تثبيت المروحه لها سلبيات منها صرف البنزين ومنها ثقل عزم الموتر وقت الطلوع وغير كذا الازعاج اللي يصدر منها ..
رأيك مبروك بس بجرب الطرق الاولى واذا ماشفت نفعت ممكن اثبت التماتيك
اشكرك مره اخرى على تفضلك بالرد


==========
## سوبر VTC ##
هلا فيك اخوي سوبر
وزن البلوف لانه مافيه لقلقه بالسيارة
البلف مو موجود نهائي
غطى الاديتر لونها اصفر على ما اضن يعني اصلي
المشكله انا اذا ماسك خط ما يرتفع حرارته نهائي إلا اذا الهوى من الخلف توصل للنص
الخراطيش ما ادري عنها بصراحه ولكن كشف عليها واحدمن الشباب عنده علم في المكانيكا ويقول مافيها شئ
ولكن ما استبعد الخراطيش لانك تقول اذا وقفت !!
اشكرك مره اخرى اخوي


=========
## صقر العارض ##
هلا فيك اخوي
انت ذكرتني بواحد قابلته في الصناعية في يوم وكان يركب مروحه صغيره امام الراديتر ويقول انه علشان الحراره عنده بس ما ادري عن تجربته شئ وشورك مبروك ان شاء الله
اشكرك مره اخرى اخوي





جزاكم الله خير على هالنصح ومحتاجين لنصائح اكثر يمكن نصيد الهدف من احد الاخوه المجربين

[garah]

هلا اخوي
والله شوف لكل قاعدة شواذ
(:
بس انا جربت الشي والحمد لله ماتغير علي شي لا بالصرفيه ولا بالعزم مغير الصوت وتعودت عليه
وقبل شهرين يوم خلصت من المقناص قالولي غير التماتيك وخذ اصلي من الوكاله وطعت شورهم وشريته اصلي
وركبته وشريت مروحه جديده معه وركبته ورجعت لي الحاله القديمه
((بس ابشرك التماتيك الأول تحت المرتبه لأني عارف برجع له ههههه لاجاء المقناص)))
بعدين المشكله هذى واضحه لاوقفت بس ترتفع الحراره واذا مشيت وصرت ناطح الهواء مافيه حراره واذا صرت متقفي الهواء ارتفعت الحراره يعني هذى يدل ان مافيه دفع هواء كثير لتبريد الماكينه
وأنصح ان تجرب تركيب مروحة ثانيه مساعده يمكن تنحل المشكله
والله يوفقك واذا لقيت حل غير الحلوول وضبط معك عطني خبر هههه يمكن يهداك الله على حل بصيط هههه

[محمدالمحيسن]

السلام عليكم

اخوي تأكد من ريشة المروحة لاتصير مركبة عكس

والطريقة حط منديل على الشبك إذا نشب بالشبك فالمروحة مركبة بطريقة صحيحة وان طاح فالمروحة مركبة عكس

اتمنى اني افدتك وتنحل مشكلك

[سوبر VTC]

طيب يابعدي سؤال؟؟؟؟؟؟؟؟؟؟؟؟
وشلون تبي الحرارة تزين و انت ملغي البلف
انا من رايي و اشدد على ذلك
لازم تركب البلف و حط بلف يفتح على حرارة 75
حق بلده مدري كم؟؟؟؟ لكن اظنه 75 او 82
اذا حطيت البلف تستقر الحرارة لانه ينظم دورة الماء
و يسمح للمروحة بتريد الماء اللي بالاديتر قبل ما يفتح البلف

ادخل هالرابط للاخ كبسولة2
كل شي صلحه و اخرته من السلندر



http://www.mekshat.com/vb/showthread.php?t=161939

[rolze]

اخوي الكمبودي معي بترول 94 وعندي نفس مشكلتك
والله اني قمت اخفف روحاتي عليه بسبب الحراره كرهتني فيه
اذا لقيت حل علمني لاهنت ولايهونون الاخوان

[عنيد]

ملاحظة : ترتفع الحراره فقط اذا المكيف شغال مع اني غيرت كمبروسر المكيف ونفس المشكله

افضل شيء انك تاخذ موتر مثل موتر وخذ منه اديتر وتتاكد من الاديتر اذا كان نحاس مافي امل يبرد الموتر
افضل اديتر هو الالمنيوم وقبل هذا تاكد من وزن الديلكو والبلوف والحامي حق المروحه اللي بين المكينه والاديتر