المساعد الشخصي الرقمي

مشاهدة النسخة كاملة : ماخاب من استشار !!!!!!!!!!


سهم القارمن
14/07/2009, 08:54 AM
السلام عليكم ورحمة الله وبركاته
صبحكم / مساكم الله بالخير جميع

السالفة ومافيها يا اخوان اني نويت اشري تاهو الجديد بنظام التأجير عن طريق الاهلي
طبعا بدون دفعة اخير
سوف ادفع 70000مقدم والاقساط على اربع سنوات قيمة القسط الشهري 1800
طبعا تامين شامل خلال فترة التاجير وضمان مكينه قير دفرنس وكالة
اللي حدني لنظام التاجير عندي اقساط في بنك ثاني
لذلك اضطريت اشري بهذا النظام .

المشورة الأولى :
وش رايكم بالدفعة وارباحهم هل هي معقوله ( ارباح البنك قرابة ال 35000خلال الاربع سنوات )
المشورة الثانية :
دخت في اللون
انا ابي الابيض لانه يركب عليه اي شي وثاني شي بارد ويعطي السيارة حجم زيادة ( خداع نظر )
الناس تقول ذهبي ( انا اشوف الذهبي صار مثل الكامري وش كثره بالديره )
الاسود شين بجونا شين في التنظيف ( والا هو اسد الالوان )
وش رايكم باللون الابيض

الشور يا اهل الشور

ارجوا الرد رحم الله شيبانكم
http://www.mekshat.com/vb/D:\08CHTA02012_Wallpaper_850.jpg
سهم القارمن
14/07/2009, 11:02 AM
السلام عليكم
ياجماعة والله ماانتظر غير الشور بس
والنية موجودة
نبي الشور بس
خالد السيف
14/07/2009, 11:54 AM
بشور عليك بالنسبه للون

لأن باقي الامور انت ادرى بما هو في صالحك

اللون السموك سلفر اللي هو الذهبي الفاتح هو سيد الالوان بالنسبه لمنطقتنا

هو صحيح انها هـ اللون منتشر لكن في كل الاحوال افضل من الابيض

هذه وجهة نظري والله يكتب لك اللي فيه خير

ولا تنسى صلاة الاستخاره

مع تمنياتنا لك بالتوفيق
سهم القارمن
14/07/2009, 05:05 PM
بيض الله وجهك يا خالد
رحم الله والديك على هالشور
والاستخارة لابد منها ان شاء الله
بدوي جنوبي
14/07/2009, 09:40 PM
والله يا غالي 70 الف كثير كدقعه اولي
لو تزيدها وان شاء الله بتحصل مستعمل نظيف

عموما اللون الابيض اؤيدك وبقوة وجميل جداااا علي التاهو
سبحان هذا اللون علي بعض الصوالين حلو ،، مثل الاكسبلور
عليه جميل جداااا

الله يوفقك
أبوفيصل التميمي
14/07/2009, 10:46 PM
الله يعطيك خيره ويكفيك شره
اللون على مزاجك
تحياتي
سوبر VTC
15/07/2009, 03:02 AM
و عليكم السلام و رحمة الله
انا من راي المشرف ترا اللون الابيض مميز جدا :good:
يجي بعده الذهبي

لكن الاسود لا يقربك يتعبك يحتاج تمسيح و هو جاذب للحرارة
بعكس الابيض تماما

و الابيض و الذهبي له نظره حتى لو جلس اسبوعين ما غسلته
مرير الشوق
15/07/2009, 09:11 AM
اولا عزيزي اللون الابيض حلووووو مررره وجميل ومناسب لأجواءنا بالمملكه

بعدين كان فيه عرض بالوكاله قبل شهر بس مدري للحين موجود ولا لا ..

واحد من الشباب دفع لهم كاش 80 الف ...او 70 ماني متأكد ..

والدفعه الثانيه بعد سنتين تكملة للمبلغ المتبقي .. يعني بدون اقساط وعوار راس وبدون فوائد

شوف الطريقه هذي اذا تناسبك ترى حلوووة

والله يسهل عليك
سهم القارمن
15/07/2009, 11:01 PM
حي الله مشرفنا الغالي بدوي جنوبي
والله يا غالي ماعاد ورى هذا اللي قدرنا عليه
70000 مع بيع نص اغراض البيت

بردت كبدي الله يحفظ لك غواليك
اللون عاجبني حيل بس الناس دوخوني فيه
حتى اللي بالوكالة شين الحلاايا يقول اللون الابيض يجيب الشؤم
قلت الشؤم خشتك
اهل التوحيد ماينقال لهم شي فيه شؤم

الله يرضى عليك ويغفر لوالديك اخوي بدوي جنوبي
شرفتني بمداخلتك وبشورك الطيب
سهم القارمن
15/07/2009, 11:03 PM
اخي الغالي همر
دعوة طيبه من طيب
الله يحفظك ويرعاك
شرفتنا بوجودك
aooa
15/07/2009, 11:07 PM
السيارات الامريكيه ليست سيارات

خذ توتوتا ولو قديم
سهم القارمن
15/07/2009, 11:07 PM
هلا وغلا بسوبر
والله يا غالي الابيض اسرني لاني شايفة على تاهو 2008
بس الناس مايخلونك على كيفك

اما الاسود فهو اسد بس مثل ماقال احد الاخوان لازم تركب بنغالي جنبك

شورك يا غالي وهداية الله

جزاك الله خير
وشرفني جدا مرورك
سهم القارمن
15/07/2009, 11:13 PM
حياك الله يا مرير الشوق

والله يا غالي العرض موجود الى الان
بس مانقوى ندفع 80000 بعد سنتين

وغير ذلك التامين سنتين بس وكالة والتامين الشامل

عرضي مدته 4 سنوات اقطع قلبهم فيها
ومأمن شامل طول الفتره

والله اني داري اننا مغلوبين في كل الاحوال
بس وش حدك على المر غير وظيفة الحكومة ( مثل جديد )

جزاك الله خير يا غالي
مشكور على الشور والحضور الطيب
سهم القارمن
15/07/2009, 11:18 PM
حياك الله يا اخوي عوا ( انشاء الله الاسم صح )

الامريكي ماهي سيارات وش هي لايكون سياكل

هداك الله شكلك راعي مشاكل
لو سمعك واحد متعصب امريكي كان علوم

الامريكي سياره والياباني سيارة
بس القلب وما يهوى

وانا قلبي هواه امريكي

شرفتنا بوجودك يا غالي
سهم القارمن
15/07/2009, 11:31 PM
فيه صورة عندي لتاهو ابيض مو طبيعيه بس اخوكم مايعرف كيف ينزل الصورة
هويدي
16/07/2009, 12:19 AM
الابيض مايحتاج ملك الالوان لايبين فيه غبار ولا مخوش وزي ماتفضلت بارد


بس نصيحه ابعد عن التأجير المنتهي بالتدبيس

اخوي الله يخلف عليه راح عليه موتره بسبب حادث بسيط والبركه بالتأجير الله لا يوفقهم مع انه كان يدفع رسوم شهريه للتأمين

مدام معك 70 الف انصحك تشتري موتر مستعمل نظيف افضل واضمن لايغرونك بتأمينهم الكاذب والخادع او انك تسلف منا ولا منا وتكمل دراهمك وتشري كاش بأسمك المهم انت ادرى بوضعك وامكانياتك بس نصيحه اخويه ابعد عن التأجير اقصاد اضمن بعد الله
سهم القارمن
16/07/2009, 12:37 AM
حياك الله اخوي هويدي
شورك على راسي وعيني
بس يا غالي دخنا من المستعمل

والله ماحدني على التاجير الا لانه عندي ارتباط ثاني في بنك ثاني ( الحمد لله انه في شراء بيت )

بالنسبة للتاجير ما ابي منهم شي - مالهم الا 1800 شهريا
والسيارة ان جاها شي فالورش مالية الديره
بصلحها على حسابي
لاني سمعت ان السيارة اذا جاها شي ورحت لهم يعذبونك ويمكن ياخذون السيارة ويصير اللي دفعته قيمة اجار السيارة طول الفتره
يعني راحت عليك

والله شورك طيب يا غالي بس والله ودي بالجديد
ناوي شر هالصيفية ناوي افر السعودية كلها
عسى الله يوفق

جزاك الله خير وشورك على راسي وعيني
سهم القارمن
16/07/2009, 12:39 AM
هاذي الصورة هدية لاخوي عوا

شوف الامريكي اللي يعور القلب

http://up.arab-x.com/July09/6KY92881.jpg