المساعد الشخصي الرقمي

مشاهدة النسخة كاملة : طابعه خاصه للصور


الصارم1
14/07/2009, 12:38 PM
السلام عليكم ورحمة الله وبركاته

يا شباب الطابعه الخاصه للصور وين القاها وكم سعرها


والي عنده خبره فيها يشرح لنا عنها زينه شينه
(محمد العبري)
14/07/2009, 01:59 PM
بالخير أخوي الصارم
بالنسبة لأفضل طابع للصور فهي هذي

http://taiwan.cnet.com/sharedmedia/Computer%20channel/Printer/hiti/hiti_dazzle_s400/hiti_dazzle_s400_front_300.gif


وموجوده ومتوفره بالأسواق السعوديه
وقيمته من 400 إلى 320ريال
ولقيتها في البطحاء عند محلات بيع الكميرات
طبعاص هذي الطابعة مناسبه للمستخدمين العاديين اللي يصورون بالجولات وبالكميرات المدمجة وطبعاً يجب ان تشتري ورق تصوير زي اللي يعطيكياه الأستوديو إذا حمضت عنده فلم !
وتلقاه عند محلات الأستديوهات ومحلات كوداك منتشره في كل الرياض
طبعا مقاس الورق 4*7 بوصة = 10.16*17.18سم
واذا كنت تبي طباعة صور بمقاسات اكبر فالموضوع يختلف
(________________)
بالنسبه للطباعة بالمقاسات الكبيرة
تحتاج انك تركز على نقاط أساسية هي:
1/ الصورة تكون بحجم كبير........... يعني مصورة بكميرة إحترافية أو بكميرة مدمجة تعطيك رزليوشن عالي ، وغيركذا فلو شريت طابع ممتازه تبي تظل الصور سيئة مهما سويت وعملت .
2/ يجب شراء ورق خاص للطباعة الملونة بالحجم اللذي تريده .
3/ طبعاً لازم تفتح الصورة بالفوتو شوب وتعدل مقاسات الصورة حسب حجم الورق
وكذلك تستخدم نظام ألوان (CMYK COLR)
4/......!!!؟؟؟ وش نوع الطابعة اللي يجب انك تستخدمها ؟
طبعاً الماركات كثيرة(اتش بي ، كانون ، ابسون ....إلخ ) !!!
طبعاً تمتاز كل طابعة بمييزات عن الأخرى وكل ماركة تقول حنا الأفضل ؟
لكن نقطتين أساسيات في شراء طابعة للصور الكبيرة :
أ/ الرزليوشن حقها + الديبي أي ؟
ب/ يجب ان تكون ذات اربع(4) علب حبر !
يعني اللي نشتريها دايم فيها علبتين حبر هذي أكس عليها ماتصلح
ارجو ان اكون وضحت لك الموضوع وصلت لك فكره ولو بسيطة لأن الموضوع هذا كبير وتقنيات الطباعة كبيرة جداً
على فكرة كثير من المحترفين للتصوير يستخدمون (إبسون )ذات 4 علب حبر وسعرها قرابة 6000ريال
تحياتي لك وولجميع
قناص الهمله
15/07/2009, 01:40 PM
مثل ماقال النقى
الصارم1
15/07/2009, 02:14 PM
كم قيمتها ياطويل العمر
(محمد العبري)
15/07/2009, 09:07 PM
هلا أخوي الصارم
عزيز لو كلفت على نفسك شوي ووضحت الله يعافيك سؤالك ؟؟ :)
ما ادري اي طابعة انت تسأل عنها بالضبط !!
بانتظارك عزيزي
ابن ثعلي
15/07/2009, 09:36 PM
اخوي النقى تحملني شوي ابي اسئلك كم سؤال..

بالنسبه للطابعه اللي تقول عنها افضل شي.

اسمها......؟

ماركتها....؟

كم حبر فيها..؟
الفريح1
15/07/2009, 09:54 PM
انل اقترح عليك اذا كانك في الرياض حمض في البطحاء وريح راسك من مشاكل الطابعات واحبارها
صلهامه
15/07/2009, 10:58 PM
السلام عليكم


طابعات الصور اشكال وانواع


منها اللى تجى مع الكميرات كعروض تجيك الكميره مع الطابعه وهذى لا تتوهق فيها تراها ناشبة فى حلوق التجار


وفيه الطابعات النافثه للحبر Ink Jet مثل Hp و Epson


الطابعات اللى تجيك مع الكميره او تشترى لوحدها يحدونك على انك تشترى لفة الورق من مقاس ثابت احيانا يكون مقاس 10x15 سم والورق يكون على كمية الحبر يعنى اذا خلص الورق الحبر يخلص معاه , ويجيك الورق مع الحبر أصلا فى كرتون ولا تقدر تستعمل الحبر الاول مع الورق الجديد لازم تغيرها كلها مرة وحده وعيبها الثانى احتكار الأحبار يعنى نوع معين ما يركب له الا حبر معين ولا يبيعه الا وكيله او واحد متوهق فيه .
الطابعات النفثيه تقدر تطبع فيها من مقاس A4 الى اصغر مقاس 4X6 بس يعيبها الحبر اذا كنت مستخدم دقة الطباعه العاليه انه ما يبطى ويخلص لكن لها حل في محلات الكمبيوتر محلات متخصصه لتعبئة الحبر .


الطابعات فيه انواع مخصصه للصور عاد انت ومزاجك .


اللى عجبنى نوع Epson موديله R1900 هذا فيه ثمان عبوات حبر ويعطيك الصورة حتى ان بغيتها على مقاس A3 اللى هو عبارة عن اثنين A4 اللى هو عباره عن ورق المعاملات اليوميه للى ما يعرف المقاسات
لقيت عبوات الحبر عند الشدادى فى مجمع كمبيوترات العليا على خمسين ريال للعبوة لكن الحق ينقال لو انك اخذت صورة فى كميره من 10 ميغا واعلى وطبعتها فى هالطابعه على اكبر مقاس للورق انك ما تفرقها عن محلات التحميض
على فكره وضوحها فوق الــ 5000 DPI يعنى صورة قزازه اذا صورت بكميره ذات وضوح عالى فوق الـ 10 ميغا


يعيبها سعرها 2700 بسسسسسسسسسسسسس


واي سؤال انا حاضر
aooa
15/07/2009, 11:03 PM
http://www.samysoft.net/forumim/shokr/2/gfjhfghjhfg.gif