نصيحتكم ياأهل الجيوب

[Desert Ranger]

السلام عليكم ورحمة الله و بركاته,,,
أخواني أبي اشتري جيب للبر بسعر رخيص بس نظيف وحق طلعات البر وش تقترحون علي ومتى احسن وقت اشتريه.
المشكلة الميزانية مرة متواضعة يعني تقدرون تقولون من15000ونازل لأني عندي سيدان للمشاوير.
لقيت ديسكفيري قديم حول 15000ناسي الموديل, طبعا باعه راعيه بس دايما القى عروض حلوه على الدسكفيري وش رايكم فيه؟

[العود&& الازرق]

بدون شك اخوي بترول وبس

[Desert Ranger]

معك حق اخوي بس كم يسوى ماعتقد حول 15000 اربع ابواب

[المرتاع]

جيب ربع وريح رااااااااسك نيسان

[غربي هواوي]

فلوسك تجيب لك ربع نيسان

[Desert Ranger]

يعطيكم العافية ماقصرتو
بس كم الموديل ممكن يجيب

[بعض البشر]

عليك بالي بتوقيع المرتاعععع والحق اهلك

[كساب الطيب]

باترول موديل حول 93.94 بهاالمديلات
بتلقا

[باثقندر 2002]

باجيرو 2000 حوالي 15000
والباجيرو حلو للبر

[التعـ King ـديل]

15000 تجيب لك باترول اربع ابواب موديل 88 الى 90

وتجيب لك ربع من 88 الى 92 على حسب النظافه

اخوي كساب ال 93 وال 94 لو انه مكسر من ال20 وفيها

[Desert Ranger]

15000 تجيب لك باترول اربع ابواب موديل 88 الى 90

وتجيب لك ربع من 88 الى 92 على حسب النظافه

اخوي كساب ال 93 وال 94 لو انه مكسر من ال20 وفيها

شكرا لك اخوي على الاسعار بس الاسعار هذه في موسم معين؟ وهل معارض النسيم افضل ولا الشفاء؟

[Desert Ranger]

شاكر لكم ويعطيكم العافية

[المميـز]

عندك الجيب السزوكي رخيص

عندك باجيرو رخيص من 2000 وتحت

والديهاتسو بعد رخيص

والفور اكسبلورر 97 وتحت

وجيوب الشفر مقل الجيمي رخيص

وعليك بالمعارض وتبي تلقى ان شاء الله خير

بس عليك بدعاء دخول المعارض :)

[ابوو زيد]

اخذ لك باترول ربع 91 وونس عمرك

سهل وقطعه بكل مكان

وكل من يعرفه له وماهو معقد لو يخرب عليك وعندك شي بسيط بالمكانيكه تصلحه

[التعـ King ـديل]

شكرا لك اخوي على الاسعار بس الاسعار هذه في موسم معين؟ وهل معارض النسيم افضل ولا الشفاء؟


الاسعار بيغير الموسم وقت الموسم المكسر غالي شلون النظيف يعني هذي اسعار فتره الصيف

[كسير الحظ]

موفق ان شاء الله


وهالمواتر يبي لك تتعب حتى تحصل على النظيف الي بسعر معقول

يعني نصيحه لا تستعجل

[الستانس]

يا رجال اشتر جلوبر هونداي ربع وريح راسك

انا شريت قبل فترة واحد مديل99 خذته 7500 نقل وفحص والأمور كلفني حول 10 وكديته سنه إلين صار يصرف زيت وبدا يطلب وادخلبه الحراج وجابلي حوالي الخمسه وبغاة الوالد لعامل من العمال عنده
وإلى الحين موجود وماشي زي لحلاوة زبطه شوي ولقطه منا منا وتمام التمام

وإسأل مجرب لا تحوس في القديم تراني حست وخسرت مبالغ ما تخطر على بالك بسبتها
كل شي شريته

من التيوتا للهونداي
ولاكن تبي نصيحت الوالد لي قالي لا تشتري سمعة اشتر مديل

جربت هوندا 2002 hr-v وخسرت عليه فوق الخمسه وعند البيع خسرت عشرة
وشريت ربع تيوتا 88 وياليتني ما شريته الله لا يردة صجه وحوسه وغربله وتنسيم ومناقز
وصرفية بنزيم ولا يبعد بك حدك حريملاء وبتصير مبعد مررررررررررررة وخسرت عليه مبلغ وقدرة
وبعته بخسارة كبيرة
خذت هاليوكس غمارة 91 وللحين موجود زين شين مدري وشلون
خذت هونداي جلوبر 99 وكديته مكده وسافرت عليه وانا مرتاح لا خايف ولا شي
ضامنه ضمانه وارخص منهم كلهم وازين مهم كلهم لا شكل ولا وجاهه ولا صرفيه ولا عزم
ولا شي ابد لو تبيني وين اروح رحت وسعرة ببلاش وزينتة محركاته كلها مستبيشي يبانية مية في المية
والديكور والبدي كوري بس يعيبة قطع غيرة غاليه ومساعداته ما تدوم مدري لية في سنة وحده غيرتها 3 مرات



وبالتوفيق

[Desert Ranger]

يا رجال اشتر جلوبر هونداي ربع وريح راسك

انا شريت قبل فترة واحد مديل99 خذته 7500 نقل وفحص والأمور كلفني حول 10 وكديته سنه إلين صار يصرف زيت وبدا يطلب وادخلبه الحراج وجابلي حوالي الخمسه وبغاة الوالد لعامل من العمال عنده
وإلى الحين موجود وماشي زي لحلاوة زبطه شوي ولقطه منا منا وتمام التمام

وإسأل مجرب لا تحوس في القديم تراني حست وخسرت مبالغ ما تخطر على بالك بسبتها
كل شي شريته

من التيوتا للهونداي
ولاكن تبي نصيحت الوالد لي قالي لا تشتري سمعة اشتر مديل

جربت هوندا 2002 hr-v وخسرت عليه فوق الخمسه وعند البيع خسرت عشرة
وشريت ربع تيوتا 88 وياليتني ما شريته الله لا يردة صجه وحوسه وغربله وتنسيم ومناقز
وصرفية بنزيم ولا يبعد بك حدك حريملاء وبتصير مبعد مررررررررررررة وخسرت عليه مبلغ وقدرة
وبعته بخسارة كبيرة
خذت هاليوكس غمارة 91 وللحين موجود زين شين مدري وشلون
خذت هونداي جلوبر 99 وكديته مكده وسافرت عليه وانا مرتاح لا خايف ولا شي
ضامنه ضمانه وارخص منهم كلهم وازين مهم كلهم لا شكل ولا وجاهه ولا صرفيه ولا عزم
ولا شي ابد لو تبيني وين اروح رحت وسعرة ببلاش وزينتة محركاته كلها مستبيشي يبانية مية في المية
والديكور والبدي كوري بس يعيبة قطع غيرة غاليه ومساعداته ما تدوم مدري لية في سنة وحده غيرتها 3 مرات



وبالتوفيق

والله كفيت ووفيت اخوي انت اللي حاس فيني بس ماقلتلي هالهونداي هذه جربته في البر؟

[Desert Ranger]

للرفع.......

[الرياضي1111]

الديسكوفري الي تقول هو يشبه الاكسبلورر بس انه ميركوري؟
اذا كان هو
بتلقى لك واحد نظيف بالقيمه هذي
اخوي شراله واحد مديل 98 بـ 18000 وكرفه ثلاث سنوات
وماشي زي الحلاوه

[Desert Ranger]

للرفع..........

[الستانس]

والله كفيت ووفيت اخوي انت اللي حاس فيني بس ماقلتلي هالهونداي هذه جربته في البر؟

اخوي والله ان لي اكثر من 5 دقايق قاعد اكتب في الأخير طفى الجهاز ههههههه

ايه نعم جربته في البر طعوس وجبال وشعبان وما يحتاج
وقد سحبت به جمس مغرز بطين من مديلات التسعينات
وقطعت به شارع كامل يمشي والمويه للكبوت طبعا اضطراري روحه ورجه وروحه ثمن طفى لمشكله في الموتر وكنت طلع به بلقليل مره مرتين في الشهر للبر هذا غير وحاتي بكثره للبير وحريملاء اللي كل خميس لازم اروح لوحده منهن

والله انه ما قصر خصوص ن سعره رخيص وافضل من غيره الغاليات والقدام
واذكر ني مركب له جنوط برادو مقس 15 على كفرات ماكسس 255 75 15
مع فرارات ورافعه من ورى شوي ومساعدات استراليه اماميه وقد رهمت له مساعدات فكسار خلفيه ولكن انكسر علي واحد منهن لأن الشغل ترهيم وسبب الكسر اني امشي بردميه ومسرع وفجأه جا في وجهي شعيب صغير ما اتبهت له مر اطمر ذيك الطمره اللي احمد الله اني ما تقلبت فيها
ملبس المراتب جلد رصاصي غامك تحت ومن فوق رصاصي فاتح منقط وصاير شكله فخم من جوا

خربته اللي خرب معي
قد انكسرت المروحه بسبب التطعيس في الهافمون ورجعت عليه للرياض بريشه وحده طبعا ما كنت ادري ولا دريت إلا في الرياض
غيرت فيه دسك وكلتش وفحمه كلتش اول ما شريته
سيور
فحمات مرتين مرة تجاري بـ30 ريال ومره اصلي بـ110
مساعدات خلفية ثلاث مرات

وبس
ويوم اعطيه العامل كان يحتاج كمبروسر وتسقيط شنبر او تغيير المكينة على حسب حالتها ومساعدات خلفيه

وللمعلوميه اني شريته يصرف زيت يحتاج شنبر ولا غيرته سنه كامله لين يأس من الحياه
وزود على كذ ما اغير لا زيت ولا فلتر الفلتر غيرته مرتين بس
والزيت ازوده من ارخص الأنواع اشترها بـ7 ريال وادور الأرخص
الداخليه ما سمعت قرقعه إلا آخر ايامه معي يمكن راعيه اللي قبلي مربطه مدري

واهم شي الإستخاره ولا تشتري اي موتر إلا وانت مقتنع


وبالتوفيق

[اهل الجنوب]

<?xml version="1.0" encoding="windows-1256"?>
<message><![CDATA[<?xml version="1.0" encoding="windows-1256"?>
<message><=!=[=C=D=A=T=A=[يا الحبيب اتمنى ان تبحث على جيب نيسان ربع موديل 94 او 95 ولكن من خارج معارض أبها والخميس اذا أنت من سكان الجنوب لأنهم مغلين الدفع الرباعي واجد واجد -اتمنى لك التوفيق والسداد 00 ودمتم]=]=></message>
]=]=>]]></message>
]]>

[ابوووهلا]

بااااااااااترول فقط

[قرم العيال]

باترول يكد ويمد

ويمشي عند البيع

وسهل ورخيص اصلاحه

[قنآص زهرآن]

لبيه يالقلوبر..والله انه يسوي اشياء م توقعتها معي واحد..خشيت فيه سيول الباحه وسحبت راعي ربع ابو شنب.ولا قال اي والدفاع المدني يناظرون..وسحبت فيه عتم شجره طولها يمكن 15 متر..ولا قال آي..وطلعت شعاب وجبال في الباحه والله م يطلعونها غير بحمير اعزكم الله..ولا عمره قال اي وسافرت فيه الرياض من الباحه امشي فيه 140 ولا تحركت الشحمه رغم اني لك عليه متين ههههههههه..فديته

[مآإآإآجد]

باترول يكد ويمد

ويمشي عند البيع

وسهل ورخيص اصلاحه


:good2:
:good2:
:good2:
:good2:

[moooj]

لا تروح عن النيسان باترول وص معارفك ودور على مهلك وبتلقا الزين ان شاء الله
الربع من 15 الى 18 حسب النظافة من 91 وحوله والأربع ابواب بتطري ال 20 لنفس الموديل
وفقك الله لكل خير

[ناااادرالوجود]

وعليكم السلام اخوي عندي سفاري موديل 88 فل كامل بعشر الف بشرط علي الفحص
اربع ابواب