عاجل: لي اصحاب الهايلوكس الدفرنسين (الدبل ) من لديه خبرة وتجربة من موديل 2006وفوق

[برنو1990]

;) السلام عليكم
يا شباب انا ناوي اشري لي هايلوكس دفرنسين من مديل 2006 إلى 2009
ابي الي عنده خبره وعن تجربه يجاوب عن اسألتي :

1: هل هي مريحه في روكوبه وسواقته وخاصتاً بالخطوط السريعة ؟
2: هل تصرف وتأكل بنزين ؟
3: هل خراباته ومشاكلها كثيره ؟
سؤال مهم 4: هل تمسك سعره او تحافظ على سعره ( يعني اشر وأنساه)؟ مثال اللاندكرووزر
5: هل قطع الغيار غالي ام معقول ؟
6: هل تنصحن انا اشتريلي واحده ام لا ؟


واخيراً انا داري اني دبلت اكبادكم بالاسأله:d لاكن تحملون وانتظر ردودكم يا النشاما;)

[سوبر VTC]

و عليكم السلام و رحمة الله
مقدما
الله يطعمك من خيره و يكفيك شره
اهم شي الاستخاره
من ناحيه الراحه مريحه جدا
الصرفيه مادري عنه لكن اعتقادي ان صرفه اكثر من الهايلوكس العاديه لانه دفرنسين
الخرابات لاعتقد اهم شي تكون السواقه على سنع وارقد و امن
و اي موتر وفقه بعد الله
تجلده و لا يخرب و احيانا تحافظ عليه و يخرب
قطع الغيار معروف عن التويوتا و النسيان انه غالي مقارنه بالامريكي اللي هو ارخص
انصحك انك تشريه لانه مريحه جدا
لان يعيبه انه غاليه جدا
اذا تبي الشور الطيب
سعر منطقي و مريحه
انك تاخذ ددسن دفرنسين اخبر احد الربع فاكه وكاله م2005 ب57000الف فقط

من ناحيه النشاط الديماكس السوزو انشط اقوى مكينه و ايضا تيربو خصوصا الديزل


و الشيبان يقولون الغمارتين غرفتين و سطح يعني صندوق :p:D
اعرف 4 كبار من السن كلهم معهم دفرنسين م2006 لكنهن ديزل :D
و الخامس معه م2008 دفرنسين بنزين لكنه تماتيك فاكه ب85000الف

هذا رابط لا يفوتك عن السيارات اللي تمسك سعره عند البيع و طلع ان النسيان اقل خساره لان مشتراه اقل لذلك طبيعي جدا ان خسارته اقل
اقرب مثال
ولد عمي فاكن كامري 4سلندر و كاله تماتيك م2001 طبعا لونين فتحه ب74000الف
تخيل باع الموتر قبل شهرين ب31000الف بسعر السوق
و الموتر نظيف
يعني خسر اكثر من النص :(
ميزة النيسان على غالبيه الانواع الاخرى ان
خسارته اقل لان مشتراه اقل
اقرا هذا الرابط يتمعن و ابعد العاطفه حتى تخرج بنتيجه مقنعه و منطقيه



تحقيق من الافضل:نيسان-gm-فورد-تويوتا "((عند اعادة البيع)) (http://www.mekshat.com/vb/showthread.php?t=134726) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=134726)2 (http://www.mekshat.com/vb/showthread.php?t=134726&page=2) 3 (http://www.mekshat.com/vb/showthread.php?t=134726&page=3) 4 (http://www.mekshat.com/vb/showthread.php?t=134726&page=4))

[aooa]

ان شاء الله الاخوان يفيدونك

[راعي السيل]

1: هل هي مريحه في روكوبه وسواقته وخاصتاً بالخطوط السريعة ؟
2: هل تصرف وتأكل بنزين ؟

السؤال الاول غريب شوي ، يعني انت راكب هايلكس ، وش تتوقع؟ مثلا متوقع انك ما راح تسمع صوت المكينة ؟ :d من ناحية مريح ، لا والله مهوب مريح لكن سيارة اعتمادية درجة اولى.
السؤال الثاني: قرأت في اكثر من منتدى ان مكينة الدفرنسين هي نفسها مكينة الدفرنس الواحد. اذا فيه احد عنده القدرة على تأكيد الكلام هذا ياليت والله لاني حتى الان غير مقتنع.

[برنو1990]

سوبر TVCو راعي السيل جزاكم الله خير على رائيكم
aooaشكراً على مرورك

[Abu Saad]

عندنا دفرنسين 2006 دبل ديزل تيربو فاكينها وكالة 73 الف ( ياحرام)
العزم بااارد.
الراحة مفارقتها ...وخصوصا اذا انت الي تسوق عز الله اسفل ظهرك بيوجعك وبالذات في المشاوير الطويلة شوي ... طريقة المرتبة مصممة بشكل غريب نازلة من الاسفل ..مدري كيف اوصف لكن جرب وبتعرف.
الصرفية ما انتبهت لانها ديزل .. لكن فيما يبدو ان التانكي صغير نوعا ما .
الخرابات حتى الان تمام .
مسكت السعر لا اعلم لانا لم نعرضها للبيع.
قطع الغيار لا اعلم لاننا لم نشتري لها شي حتى الان ( ماشية 45 الف)
الديزل ما انصحك تشري .. وتبي الصراحة ما انصحك تشري دفع رباعي 4 سلندر لاددسن ولاهايلكس ولا سوزو لابنزين ولاديزل ... كلها خراميط عن واقع تجربة ..
مايعطنك على كيفك عزمهن بااارد .. واسال المجربين .
وبقولك حاجة يمكن تتعجب منها ... الهايلكس العادي او الددسن العادي ( اللي مهوب دبل) ياصلن مواصيل مايصلها ابو دبل !
وبالتوفيق

[برنو1990]

Abu saad

جزاك الله خير على الشوره الطيبه لاكن انا ناوي ان شريت إنشاء الله بانزين

على العموم الله يعافيك وما قصرت

[مسري النجوم]

صبحك الله بالخير اخوي .
انا معي 2009 غمارة بنزين والله الموتر أريح من الدفرنس الواحد وصرفه للبنزين ممتاز وقطع الغيار ما ادري عنه لكن العزم لك عليه شوي تقول انه بارد وهذا اللي أقدر أفيدك فيه يالغالي

[برنو1990]

مسري النجوم
صبحك الله بالنور
مشكور على الشوره الطيبة
لاكن انا امس مع واحد معاه دفرنسين 2008
يمدحه بكل شي إلا الخطوط السريعة يقول متعبه شوي والباقي يقول تمام ولها معه سنة تقريباً سألته تبي تبيعة قال لا لانه مرتح معاها
على العموم الله يجزاك خير على المرور والمشاركه والشوره

[برنو1990]

للرفع ............................ للرفع

[سوبر VTC]

عندنا دفرنسين 2006 دبل ديزل تيربو فاكينها وكالة 73 الف ( ياحرام)
العزم بااارد.
الراحة مفارقتها ...وخصوصا اذا انت الي تسوق عز الله اسفل ظهرك بيوجعك وبالذات في المشاوير الطويلة شوي ... طريقة المرتبة مصممة بشكل غريب نازلة من الاسفل ..مدري كيف اوصف لكن جرب وبتعرف.
الصرفية ما انتبهت لانها ديزل .. لكن فيما يبدو ان التانكي صغير نوعا ما .
الخرابات حتى الان تمام .
مسكت السعر لا اعلم لانا لم نعرضها للبيع.
قطع الغيار لا اعلم لاننا لم نشتري لها شي حتى الان ( ماشية 45 الف)
الديزل ما انصحك تشري .. وتبي الصراحة ما انصحك تشري دفع رباعي 4 سلندر لاددسن ولاهايلكس ولا سوزو لابنزين ولاديزل ... كلها خراميط عن واقع تجربة ..
مايعطنك على كيفك عزمهن بااارد .. واسال المجربين .
وبقولك حاجة يمكن تتعجب منها ... الهايلكس العادي او الددسن العادي ( اللي مهوب دبل) ياصلن مواصيل مايصلها ابو دبل !
وبالتوفيق



هههههههههه :D
و الله يابو سعد انا ارى انه مريحه
لكن اتفق معك ان عزم الديزل بارد جدا على انه تيربو و المواتر اللي انا اخبرهن ماشيات الان على 120 و طالع
و لا طبلن شي لكن العزم دماررررررر جدا
الديزل الان زبونه عند البيع قليل لان البنزين رخيص
و اكثر مايشري الديزل المستعمل خصوصا الدفرنسين عندنا اليمنيه يشرونه بسعر خيالي و ياجرونهن على شركات باليمن

[سوبر VTC]

هنا رابط لموضوع افضل غمارتين دبل للاخ ذيب حصن

ما أفضل غمارتين دبل (ذيب حضن) (http://www.mekshat.com/vb/showthread.php?s=&threadid=7999)

[برنو1990]

اخوي سوبر Vtc
صدقت بالنسبة للراحه انا ركبته داخل الدير هي مريحة لكن مدري بالنسبة للسفر والخطوط السريعة
وبيض الله وجهك على الرابط

[برنو1990]

هنا رابط لموضوع افضل غمارتين دبل للاخ ذيب حصن



ما أفضل غمارتين دبل (ذيب حضن) (http://www.mekshat.com/vb/showthread.php?s=&threadid=7999)


لاكن اخوي هدا الموضوع قديم شوي ايام 2004 :j

على العموم جزاك الله خير

[برنو1990]

للرفع............................................. ...

[سوبر VTC]

لاكن اخوي هدا الموضوع قديم شوي ايام 2004 :j

على العموم جزاك الله خير



ههههههههه :D:p

خابر انه قديم طال عمرك
بس قلت يمكن انك تستفيد ;)