أغيثوني ..أريد سيارة مناسبة

[jasser]

السلام عليكم ورحمة الله وبركاته
الشكر الجزيل لكل القائمين على هذا الموقع المتميز والمفيد
والراقي وجزاهم الله كل خير وسدد خطاهم
إخواني ان واقع في مشكله عويصه ومطيره النوم من
عيني من ست اشهر
وهي اني ابغى اشتري سيارهSUV
يعني جيب متوسط لا تتعدى قيمته 110 الاف
وكل ما حطيت عيني على سياره ظهر فيها عيوب
ويجيني واحد يغير نظرتي عنها 180 درجه
ووجدت في منتداكم الموقر العديد من الروابط
لملاك سيارات مختلفه لكن الى الان لم اجد مطلوبي
حيث كذلك يظهر فيها عيوب وانا انسان تعبت والله من
الورش وراح اشتري السياره بنظام التاجير
يعني ما ابغى يجي يوم اندم اني حطيت في هالسياره
قسط واحد والمطلوب بالضبط هو:
- سياره متوسطة الحجم وذات قوه ممتازه
- عائلتي ليست بالكبيره جدا يعني 6 اشخاص
- السياره ما يكون فيها عيوب تصنيع وقطعها ما تكون غاليه يعني متوسطه تمشي
- يكون فيها دبل والصراحه انا ماني راعي مقناص لكن طلعاتي للبر كثيره
- تكون مريحه في السفر الطويل
- داخليتها تكون فيها نوع من الفخامه وما تتهربد بسرعه
- تدوم معي على الاقل 5سنوات دون مل تطلب غير الاشياء الاستهلاكيه وانا من الناس المحافظين يعني ما العب بالسياره:D
- خدمة ما بعد البيع تكون جيده ويكون الوكيل فعلا ملتزم بالضمان
- ارتفاعها عن الارض يكون جيد
وعندي عدة خيارات ارجو منكم نصحي فيها وابداء ارائكم
وخاصة للي جرب:
- كيا موهافي
- اكسبلورر
-باثفايندر
- بليزر
- جيب شيروكي
ولو تسمحوا لي في التويوتا لانه سعره غالي مقابل القليل
من المميزات ووكيله ما اضمنه بريال واحد( وجهة نظر)
فيا اخوان ارجوكم المساعده بقدر ما تستطيعون ونسيت اذكر لكم ان هالسياره بتكون الرئيسيه يعني ما عندي غيرها لجميع المشاوير
تكفون فزعتكم ومساعدتكم باللي تقدرون عليه بعيد عن التعصب لانه ما بيفيدني
والف شكر لكم مقدما

[ال شرق]

وعليكم السلام ,,

طبعاً الامور توافيق من الله سبحانه

توكل على الله اولاً وضع مقارنه بنفسك والخيارات مفتوحه الان امامك كل سياره ذكرته انت موجود لها رابطه هنا بقليل من المقارنه راحه تخرج بنتيجه مرضيه
وراح تصل الى اقل الضرر ولكن ان كنت تبحث عن الكمال فلن تجده لن كل نوع له عيوب ومميزات

انت خصيم نفسك سدد وقارب ,,,,,


بالنسبه للشروكي ما انصحك فيه ابد

الاكسبلورر معي استخدامه زين وحليو

البليزر يمدحه احد الاصدقاء وانا اشوف الانفوي افضل منه

هذا الي اقدر افيدك فيه

واستفتي قلبك وان افتوك وافتوك

والله اعلم

[الستانس]

ههههههههههههههههههههههههههههههههههههههههههههاي

والله تحلم تلقى مواصفات كذا يا بعدي
والله انت معقد لموضوع بزود مفيه في السعوديه وكيل محترم
وكلهم زفت

ولاكن انت تقول طلعاتك للبر كثيرة فكر في الإكستيرا
وخياراتك حلوه ولكن شيل منها الكيا والشروكي


واتمنى لك بالتوفيق


تحياتي

والعذر والسموحة

[jasser]

هلا والله بالغالين ومشكورين على نجاوبكم السريع
الاخ ال شرق -الله يجزاك خير وافدتني جدا لكن الاكسبلورر كيفه وكيف مواصفاته

الاخ مستانس - والله من زود الاحلام صارت كوابيس وانا ادري ان الوكلاء زفت لكن فيه واحد اهون من الثاني ولو نصبوا فيه شي اخف من شي
وبالنسبه للاكستيرا اشوف انه ما فيه مواصفات مقابل سعره

الله يجزاكم خير جميع وننتظر الاخوان الباقين واللي عنده وجهة نظر يفيدنا
ودمتم

[ال شرق]

هلا والله بالغالين ومشكورين على نجاوبكم السريع
الاخ ال شرق -الله يجزاك خير وافدتني جدا لكن الاكسبلورر كيفه وكيف مواصفاته



بالنسبه للاكسبلورر بصراحه استخدامه معي حتى الان جميل جداً

هذا تقرير كامل عن السياره راح يفيدك كثير وبصراحه كان السبب الرئيسي بقتناعي فيها

http://www.assayyarat.com/forums/showthread.php?t=124596&highlight=%C7%E1%C7%DF%D3%C8%E1%E6%D1%D1

وهذه مواضيع ذات صله تكشفلك سياره صح

http://www.mekshat.com/vb/showthread.php?t=181502

http://www.mekshat.com/vb/showthread.php?t=164187

[jasser]

سلمك الله يالغالي وانا باشوف الروابط الان لكن وش رايك الصريح في قطع الغيار والديكور الداخلي؟؟؟

ودام عزك ياوطن...

[الساهر2003]

اخوي باختصار شديد
بحسب ما اشوف في السوق الان وتزامن مع اسعار قطع الغيار والوكلاء الحلوين
فمثل طلبك هو سيارة واحدة وباذن الله سبحانه ستعيش معك وتدعيلي
الفوتشنر سته سرندل تماتيك بـ 105 الف فقط
لكن لا ينصح بالسرعة عليه لانه جدار واقف لكن خذ ولد ممتاز جدا
سامحنا على الرد العجل
لاني كتبت رد مفصل وللاسف راح عليي
الله ييسر امورك وامورنا اجمعين

[ال شرق]

الديكور الداخلي انيق

وقطع الغيار ماعندي علم حتى الان

موتري 2009 ولله الحمد

[jasser]

الساهر - بارك الله فيك ومشكور على ردك الكريم

ال شرق - مشكور على المعلومات المفيده وبالبركه الموتر الله يعطيك خير ويكفيك شره

وان شاء الله اشاور واستخير واشوف - ولازال البحث جاريا والموضوع مفتوح

[jasser]

وين الناس ؟؟؟؟؟؟؟؟؟؟؟؟؟؟

[لاتكب البيالة]

انا بقولك ابعد عن الشيروكي لاني اشوف انه ضيق وغثيث وحرارة وهو توافيك يعني واحد من 100 يطلع زين
والكيا والله ماهي معروفة لذا ابعد عنه
والاكسبلورر ما جربته لكن ما شاء الله شكل والناس ما اشتكو منه
واسمح لي اضيف لك سيارة اللي هي جيب سوزوكي تروه نشيط ويحمل لكن ما ادري عن سعره وسعر القطع
بالاخير تبي نصيحتي زود فلوسك شوي وطق لك باترول لو اردى نوع لكن يكون مكيفين وانا سمعت انه بين 115 و 120الف

[YZNQAZ]

مالك الا باجيرو 3.8
هذا فيه كل المواصفات اللي ذكرتها
وفيه ميزة تقسيط بسعر الكاش

[أبوالمثنى]

نصيحتي لك خذ الباجيرو

ماشاء سيارة يابانيه 100%100

وعندهم عرض مميز جدا الي هو أقساط بسعر الكاش

هذي نصيحتي لك والله يكتب لك الي فيه الخير

ولا تنسى الاستخاره

[سهم القارمن]

السلام عليكم
حياك اخوي جاسر
نصيحتي لك نصيحتي لنفسي
انا اغثيث في الشراء
اصير مصري معاه 500 ريال ويبي تلفزيون جديد ال سي دي ورخيص وفخم وفيه كل المميزات
علشان كذا اقرأ كثير كلما بقيت اشري شي
واشاور كثير

شوري عليك التاهو او اليكون
كل المواصفات فيها ووسيعه وفخمة وقوية
بس الله يعينك على نصب البنوك
وعسى الله يقدر لك الخير
والله يعطيك خير السيارة اللي بتاخذها ويكفيك شرها

[بن سليمان]

وعليكم السلام
تبي سيارة للبر من الطراز الأول عليك بالنيسان الاكستيرا سعره بحدود 86 الف ريال يجي بعد باجيرو خذ نص الفل سعره قريب من السعر اللي انت حاط اذا بغيت سيارة تجمع بين السفريات والبر بشكل مقبول إلى حد ما لا يرخص عليك الفورد الاكسبلورر بس أوف لو الوكيل يجيب أبو 8 سلندر

[الهوى جنوبي]

اخي العزيز ما تلقى سياره فيها جميع المواصفات اللي طلبت ولكن سددوا وقاربوا اذا كنت وضعت في خياراتك الاكسبلورر والباثفندر فاضف اليهم الباجيرو مكينه 3800 وارى ان تحصر الخيارات في هذه الماركات الثلاث وتعمل مقارنه بينها من جميع النواحي بتجرد وتبتعد عن رأي فلان وعلان وعليك اولاً وآخراً بالاستخاره

[fusfus]

والله يا اخي مفيه غير الباترول سياره لكن بما انك محدود بالقيمه فأنا مع اما الباجيرو او الكسبلورر وفقك الله:)

[hightech]

الله يعينك اخوي ومدام لك 6 شهور والنوم طاير من عينك

توكل على الله وخذ لاندكروزر مستعمل نظيف بالقيمه اللي

ذكرت واشتره وفالك التوفيق ولا انت خسران ان شاء الله مع اني ماني

من اهل التايوتا بس لو امر في ظروفك وشروطك بلا ادنى

شك رح اشتري تايوتا وعلى فكره مناسب لك لعائله مثل

عايلتك وقبل كل شي لاتنسى الاستخاره والله يوفقك

[برنو1990]

اخوي
فورتشينر
او فتيك

[fusfus]

الأخ بن سليمان نعم فيه اكسبلورر 8 سلندر بس في امريكا واحسن من وكالاتنا اللى ضاحكين علينا ولا اثروا علينا بمقوله سعودي والإ امريكى يعني كأن السيارات الامريكيه اللي عندنا مصنوعه بالصناعيه الثانيه عجيب امرنا من صدق عجيب!!!!! تحياتي للجميع

[auob]

السلام عليكم ورحمة الله وبركاته


أنا من واقع استخدام وتجربه اقترح عليك اليوكون أو التاهو عندي يوكون من أربع سنوات اشتريته ماشي 136000 كيلومتر وفيه مجموعه قريبه مني أكثر من عشرة أشخاص معهم يوكون على اختلاف الموديلات من 96 إلى 2007 مميزاته (مركبه مريح ووسيع ومثبت سرعة ودبل ومكيف خلفي وفيه اكسسورات) ما توجد في الجيب الكزس بس نصيحه أخويه حاول تشتري جديد من الوكالة علشان تعرف كل قطعه تغيرها وتضع سجل للسيارة تسجل كل شي يخص السيارة وبالتاريخ مثلاً تم تغيير السير أو البواجي أو صفاية البنزين أو فلتر الهواء أو فلتر الزيت (السيفون)أو فلتر القير مع الزيت كل هذه الاشياء تساعد على استمرار السيارة معك بدون مشاكل والله يرزقك ويعينك على اختيار السيارة التي تفي بغرضك

[fusfus]

auobالحين الرجال يقول ماليا محدود 110000 ريال وانت تقول يوكون جديد يا حليلك فيه يوكن دبل جديد بقيمه110000 على يدك جزاك الله خير ولا تزعل اخي الكريم تحياتي للجميع

[بر الوالدين]

بعد ما تشيل الـ الكيا والشروكي أضف و فكر في

النيسان الباترول الفتك ( ثلاث أسماء في واحد :) )

صح إن يصرف بانزين بس عائلي

[ابرق نثيل]

طالما ان هاذي متطلباتك وظروفك اللي تحدك لانك تبي موتر لاستخدام طويل

فاغلب التفكير يتجه نحو التايوتا او النيسان مع استبعاد الامريكي والكوري

فاعتقد الخيارات الانسب في
باجيرو
باترول
فورنتشر

والافضليه للتويوتا لو احتديت تبي تبيع نفسياً

[عقاب طويق]

عليك ب برادو 2010 شفت له صور صراحه افضل من السابق بكثير 0

[مدري علامي]

الله ييسر امورك
اخوي انا بشطح شوي عن الربع وبشير عليك بجيب الهيونداي فيراكروز جيب جديد نزل في 2008
جاري مشتريه الله يعطيه خيره ويكفيه شره له ما يقارب 10 شهور وما شكى منه للحين فيه مواصفات حلوه
وبالنسبه للصيانه ما قد سمعته يشكتي منها كل ما وداه لهم يرحبون فيه وهذا رابط للسياره
http://images.google.com.sa/imgres?imgurl=http://www.carsyr.com/includes-doc/car_by_day/82-Hyundai_Veracruz/Hyundai%2520Veracruz_files/2.JPG&imgrefurl=http://www.carsyr.com/car_by_day.php%3Fstart%3D60&usg=__zokoXmgXv1Zjdl25Qmqh4c7H8cQ=&h=554&w=800&sz=52&hl=ar&start=3&tbnid=PVmDfiWrSPrSdM:&tbnh=99&tbnw=143&prev=/images%3Fq%3D%25D9%2581%25D9%258A%25D8%25B1%25D9%2 58A%25D9%2583%25D8%25B1%25D9%2588%25D8%25B2%26gbv% 3D2%26hl%3Dar%26safe%3Dactive&safe=active

[jasser]

قسم بالله العظيم انكم رجال وانعم بكم

والله هذي الردود ما حصلتها في المواقع المتخصصه في السيارات لهذا اشكركم كل باسمه

وفوق هذا احب فوق روسكم واحد واحد...

- بالنسبه للباجيرو ممتاز لكن قطعه غاليه وعزمه ضعيف شوي وكبير علي على شهادة خالي الله يذكره بالخير
- الفتك لو احصله بالقيمه اللي ابيها ما باشاور احد لكن الاستاندر في الوكاله اكثر من ميزانيتي وانا ما باجلس اقسط خمس سنوات في سياره ستاندر ( وجهة نظر)
- التويوتا يالغالين ما عاد مثل اول وبعد ما شفت غش وتلاعب عبد اللطيف نزل من عيني بالحيل وفوق هذا اسعاره سما سما!!!!!!!!!!!
- التاهو ممتاز جدا لكن اقل نوع ب 116 الف وبدون دبل وبعد ما شفت اعلان استدعائم له الاسبوع الماضي صرفت نظر نهائيا
- الشروكي سقط من القائمه
- الباثفندر كذلك سقط من القائمه
- السيارات الاخرى اللي ذكروها الاخوان قيمتها غاليه بدون مقابل في المواصفات

انتظر ردودكم يا ابعدي والله لا يخليني منكم..

[هبوب الصبا]

توجه الى الله بقول اغثني ودع البشر وشاورهم فقط والغوث من الله تعالى

[jasser]

الاخ هبوب الصبا مشكور على النصيحه
والله معي وفي قلبي بكل وقت والكلمه مستخدمه في اللغه العربيه من زمااااااان

واذا فيه تعديل يقدرون المشرفين الله يوفقهم يعدلونه...

- وما خاب من استشار اذا عندك علم لا تبخل علينا وافيدنا ولا تكتم علم الله يجزاك بالخير-

[أمير الخيال]

الله يعافي الآخوآن عطوك المعلومات الي عندهم

تحيآتي

[Fmejrad]

تبي نصيحه اخوي ,,

خذ لك اكسبلــور وبتدعيلي ,, ولاتاخذهـ بعد جديد ,, رح لصالات الامريكيه ودور لك واحد نظيف وموديلهـ جديد وافحصه وتوكل على الله وخذهـ وكذا تكون وفرقت على نفسك مبلغ الفرق بين الجديد والمستعمل ,,

والاكسبـلور والله جدا رائع كشكل وكفخامه وكمركب ,, وغير كذا وسيع من داخل وكل المواصفات الي انت ذكرتها تحصلها فيه ,, و6 سلندر وفيه دبـل ومواصفاته جداً حلوهـ ,,

ويعيش معاك ,, الفورد معروف انه يعيش معاك واسال ملاك الفورد عن هالنقطه ,,

وانت لاجيت تاخذه استعمال امريكي من الصالات بيعطونك ضمان على القير والمكينه ,,الخ

اكسبلور استعمال امريكي تاخذهـ فـل كامل ولا احلى ,,

وموفق ان شاءالله اخوي

[هبوب الصبا]

تستاهل ياجاسر ابشير عليك بس بشرط تدعي للوالدة الله يغفر لها آمين

إذا بران ومطامر شف لك ايسوزو ديمكس غمارتين

وإذا عايله وسفر عندك التاهو ثور امريكا

[أبوغيث 2003]

والله الاكسبلور ممتاز

كسيارة فخمة ومريحة وتدخل النفود

واذا تبي شوري

اذا كان ما يهمك الفخامه وكلام الناس

تبي موتر يكد معك كد ويصبر

خذلك ددسن دفرنسين

[jasser]

قسم بالله احرجتوني بردودكم الكريمه :j
والاخ هبوب الصبا ---
(((اللهم ارحم والديه وجميع موتى المسلمين واغفر لهم وتجاوز عنهم بكرمك وعطفك وجودك يا ارحم الراحمين - اللهم اسكنهم فسيح جناتك واسقهم من الكوثر واجعلهم شفعاء لاهلهم واحبتهم وذويهم من الاولين والاخرين انك انت العزيز الغفار القادر الاول والاخر لك الاسماء الحسنى سبحانك انك على كل شيء قدير .)))

الشكر موصول لكم اخواني واللي عنده راي يتفضل على الرحب والسعه وانا اشوف اغلب الاخوان اجمعوا على الاكسبلورر وان شاء الله استشير واشاور والله يكتب ما فيه الخير للجميع.

وفقني الله واياكم لما يحبه ويرضاه

[باثقندر 2002]

لبى الباثفندر
نصحتكـ... به

[Desert Ranger]

وعليكم السلام
تبي سيارة للبر من الطراز الأول عليك بالنيسان الاكستيرا سعره بحدود 86 الف ريال يجي بعد باجيرو خذ نص الفل سعره قريب من السعر اللي انت حاط اذا بغيت سيارة تجمع بين السفريات والبر بشكل مقبول إلى حد ما لا يرخص عليك الفورد الاكسبلورر بس أوف لو الوكيل يجيب أبو 8 سلندر

أنا مع أخوي بن سليمان أكستيرا لايعلى عليه:good2: حسب التقارير اللي قريته في النت.
كنت أبشتري واحد بالتأجير المنتهي بالتمليك بس الحسبة ماجت لصالحي:(
تراني سويت عليه بحث لمدة طويلة ولقيت انه كان ينباع في امريكا من حول 1999 او 2000 (ناسي) وان سمعته مرره طيبه من ناحية الكرف و تحمل و من ناحية الOff-road لايعلى عليه سو بحث في اليوتوب وراح تشوف والداخلية من قماش وبلاستك Heavy Duty Use متين وشاصية حق الباثفايندر القديم .
بس المشكلة حسب ماسمعت من موظف في الحمراني انه مو مريح لوتمسك فيه بالخط الحل حسب كلامه حمل عليه ثقل في الشنطة علشان مايهز و قريته عنه في حدى المنتديات انه فيه صوت واضح للهوا في الزجاج الامامي والجانبي اذا كانك ماسك خط بعد ومن ناحية التجهيزات الداخلية لاتتوقعه فيه حركات High-Tech .
لعلمك تراه يصنع في كندا اول مانزل عندك.

[jasser]

شكرا لك اخي باثفند2002
لكن مشكله الباثفندر اعطاله كثير وقيمته غاليه شوي وفقك الله وسلمت على ردك الكريم

الاخ ديزيرت رينجر الاكستيرا ممتاز ومواصفاته قويه لكن اذا ماهو مريح في السفر اكيد ما يناسب عائلتي ولك الشكر والتقدير على وجهة نظرك وسلمكم الله يالغالين والف شكر
ولا يزال للنقاش بقيه

[Desert Ranger]

لاشكر على واجب أخوي Jasser

توكل على الله وخذلك الاكسبولرل احسن لك لانه فورد والي اشوفه ان الفور انظف الامريكي.

[jasser]

اشكر كل الاخوان اللذين تفاعلوا مع مشكلتي وابداوا اراء ونعم بها وهذا يدل على معدنكم واصلكم الطيب والاصيل
بالنسبه للاكسبلورر كثير اللي يشكون من حنته ومشاكل الرجه فيه والغريب انهم ممتلكين سيارات 2008 او 2009 فهل معقول باشتري سياره عشان اداوم يوميا في الصيانه والله امر غريب ومحير وزادني حيره؟؟؟؟؟؟؟؟؟؟؟؟؟؟؟؟؟؟

[MR.BADER]

أنصحك تشتري شروكي معي واحد حلو وكويس بس حافظ على ومايجيه شئ أن شاء الله
ولا أشتر الاكتيرا ممتاز وكوس مع واحد من أخوياي

[jasser]

مشكور اخوي بدر على النصيحه والغريب ان ما احد قد نصحني به مع اني اشوفه ممتاز والعيب الوحيد ان قطعه غاليه والشركه فلست!!!
يعني والله ما ادري هل سيكون له مستقبل وكيف بيكون حال قطع الغيار للموديل الحالي
وش رايك في الموضوع بما انك من ملاك هذه السياره واكيد باستفيد منك ومن خبرتك فيه.
لا تبخل علينا ...

ربي وفقني واياهم لما تحبه وترضاه وما يقربني اليك من قول او عمل

[ساري 111]

خذ تااااهو Ls 2008 دفرنسين تلقاه بـ 110 اتوقع

[ابويارا1001]

اخي العزيز


اسئل الله ان يوفقك في موتر يناسبك ويريحك


العاده نلقى احد الاعضاء محتار بين موترين او ثلاثه


بس انت ما شاء الله محتار بين كل المواترsuv


ما عندك مشكله وكل الشباب ما راح يقصرون


انا جربت البليزر والانفوي والبرادو والكروزر والتاهو


وكلها ممتازه كل وحده فيها ميزات وعيوب


وانصحك من بد هالسيارت بالبرادو او التاهو


البرادو vx1 سعره 120 الف وعليها


والتاهو اقل نوع دبل سعره 120 الف وحولها



يمكن هذي اقرب السيارات لميزانيتك


بس ممكن تلقا لك اخو الجديد ماشي شوي وسعره يناسبك




ولا تدور وكيل سنع كلهم سوى داجين



وبالتوفيق

[مدور الخيرة]

اسأل الله أن يوفقك في السيارة التي ترضيك

وبودي اشير عليك بسيارة لعدة أسباب , طبعا هي ميتسوبيشي باجيرو فل أو نص فل

أول سبب لأنك تبي تاخذ بنظام أقساط سواء تملك أو تأجير

السبب الثاني أن عرض باجيرو روعة ( أقساط بسعر الكاش )

السبب الثالث لو حسبت فوائد اكسبلورر أو اكستيرا أو غيرها تطلع أعلى من سعر الباجيرو

السبب الرابع أنها سيارة لا يعلى عليها من حيث الجودة والمتانة والراحة والفخامة ( طبعا حسب مواصفاتك اللي أنت قلتها )

فأنا أشير عليك فيه لأنه سيارة اقتصادية في قطع الغيار والسبب لأنه ياباني 100%100 حتى في استهلاكه لقطع الغيار اقتصادي

ولا تنسى انه مريح جداً في السفر , واذا تبي تتأكد استاجر باجيرو ليوم واحد وجرب الفخامه والمتانه والتسارع الجميل فيه

كذلك تحصل فيه ( فتحة سقف وثلاجه ) وأنا اعتبر الثلاجه ضروريه للسفر لحفظ الماء على أقل تقدير

وبالاخير اسأل الله أن يرزقك السيارة التي تلبي احتياجاتك الكاملة

[محمد بن سعيد]

خلك بين الباثفيندر والاكسبلورر والله يرزقك بالسيارة الزينة

[سيف الظفير]

السلام عليكم ورحمة الله وبركاته
الشكر الجزيل لكل القائمين على هذا الموقع المتميز والمفيد
والراقي وجزاهم الله كل خير وسدد خطاهم
إخواني ان واقع في مشكله عويصه ومطيره النوم من
عيني من ست اشهر
وهي اني ابغى اشتري سيارهSUV
يعني جيب متوسط لا تتعدى قيمته 110 الاف
وكل ما حطيت عيني على سياره ظهر فيها عيوب
ويجيني واحد يغير نظرتي عنها 180 درجه
ووجدت في منتداكم الموقر العديد من الروابط
لملاك سيارات مختلفه لكن الى الان لم اجد مطلوبي
حيث كذلك يظهر فيها عيوب وانا انسان تعبت والله من
الورش وراح اشتري السياره بنظام التاجير
يعني ما ابغى يجي يوم اندم اني حطيت في هالسياره
قسط واحد والمطلوب بالضبط هو:
- سياره متوسطة الحجم وذات قوه ممتازه
- عائلتي ليست بالكبيره جدا يعني 6 اشخاص
- السياره ما يكون فيها عيوب تصنيع وقطعها ما تكون غاليه يعني متوسطه تمشي
- يكون فيها دبل والصراحه انا ماني راعي مقناص لكن طلعاتي للبر كثيره
- تكون مريحه في السفر الطويل
- داخليتها تكون فيها نوع من الفخامه وما تتهربد بسرعه
- تدوم معي على الاقل 5سنوات دون مل تطلب غير الاشياء الاستهلاكيه وانا من الناس المحافظين يعني ما العب بالسياره:D
- خدمة ما بعد البيع تكون جيده ويكون الوكيل فعلا ملتزم بالضمان
- ارتفاعها عن الارض يكون جيد
وعندي عدة خيارات ارجو منكم نصحي فيها وابداء ارائكم
وخاصة للي جرب:
- كيا موهافي
- اكسبلورر
-باثفايندر
- بليزر
- جيب شيروكي
ولو تسمحوا لي في التويوتا لانه سعره غالي مقابل القليل
من المميزات ووكيله ما اضمنه بريال واحد( وجهة نظر)
فيا اخوان ارجوكم المساعده بقدر ما تستطيعون ونسيت اذكر لكم ان هالسياره بتكون الرئيسيه يعني ما عندي غيرها لجميع المشاوير
تكفون فزعتكم ومساعدتكم باللي تقدرون عليه بعيد عن التعصب لانه ما بيفيدني
والف شكر لكم مقدما






طلبك عن يا بعد حي


خذلك


SGL-V

موديل / 2008 / 2009

http://www4.0zz0.com/2009/03/10/07/899245066.jpg (http://www4.0zz0.com/2009/03/10/07/899245066.jpg)


مثل هالذهبي الجديد VTC 4800

[jasser]

أشكر جميع الاخوان واللي ريحوني شوي من عناء السؤال واستقر الراي على عدة سيارات وباشاور فيها واستخير والله يكتب مافيه الخير للجميع

كما لا انسى كل الشكر والتقدير والامتنان لهذا المنتدى الجبار وجميع القائمين عليه والمشاركين فيه واقول: اللهم ارزقهم من فضلك وكرمك وجودك من حيث لا يحتسبون وافض عليهم بنعمك ومتعهم بصحتهم ومالهم واولادهم وابعد عنهم كل شر وقهم فتن الدنيا وبلغهم جنات الاخره يا كريم.

ان شاء الله اذا استقر الراي على ثلاث سيارات باطرحها لكم وتعطوني رايكم فيها واللي عنده الان اي راي او خبره في الموضوع يتفضل لاني باكون متابع للموضوع وارد على جميع مشاركاتكم
وفقني رب العزة والجلال واياكم لما يحبه ويرضاه

[البرتقالي]

اشتر اكسبدشن مستعمل استعمال حشمه ولاتضغط عمرك
سيارة مريحة وعملية ومواصفات الفل روعه

[aooa]

يبيك سته اشهر قادمه علشان تحدد الموتر اللي تبي تشتريه

وبعد هذه المده قد نزلت موديلات 2010 وبكذا راح تتغير جميع النصائح

حسب المتغيرات ...

لكن اذا تبي نصيحه خذ لك vxr موديل 2004 - 2005 تحصله بهذا السعر كاش

وبعدها تدعيلي

مالك الا الله ثم تويوتا .....

[ولد العويني]

خذ نصيحتي وابعد عن الفورد والامريكي عموما والله انه كلام فااضي .. واسئل مجرب! واحنا عندنا فكتوريا 2009 وبليزر دبل 2008 والله العظيم وربي شاهد علي انهم مايسوون قرش!
وعندنا يوكون 2005 دبل ( وبعناه وافتكينا منه )

يالبى التويوتا وبس!


ونصيحتي لك خذ لك فورتشنر 2009 والله رهيب



والله يكتب الي فيه الخير لك

[برق الحيا 55]

لا تبعد عن اللكزس او التويوتا هذي السيارات وبعدها الباترول

[جيب شراع]

نصيحة وانا اخوك لا تستعجل
لان الامريكي يجي علية عرض في رمضان الله بيلغناه
فاصبر الى رمضان
واذا تبي موتر مخبور ومجرب خذ تاهو دبل تراة ممتاز ومجرب

[بحرالحياة]

سكويا ..
يكفيها أنها تويوتا
الأسعار :
ستاندر 125 ألف
أعلى منه 135 ألف (( سلة سقف ، فتحة ، تحكم في الدركسون ، كرسي كهرباء للسائق ))
القير والمكينة :
نفس اللكزس ... 5700

http://www.omania2.net/avb/attachment.php?attachmentid=119240&thumb=1&d=1234171915 (http://www.omania2.net/avb/attachment.php?attachmentid=119240&d=1234171915)

http://www.omania2.net/avb/attachment.php?attachmentid=119242&d=1234171915

صور داخلية للمقصورة والكراسي

http://www.omania2.net/avb/attachment.php?attachmentid=119243&thumb=1&d=1234171915 (http://www.omania2.net/avb/attachment.php?attachmentid=119243&d=1234171915)

http://www.omania2.net/avb/attachment.php?attachmentid=119244&thumb=1&d=1234171915 (http://www.omania2.net/avb/attachment.php?attachmentid=119244&d=1234171915)

http://www.omania2.net/avb/attachment.php?attachmentid=119240&thumb=1&d=1234171915 (http://www.omania2.net/avb/attachment.php?attachmentid=119240&d=1234171915)

http://www.omania2.net/avb/attachment.php?attachmentid=119242&d=1234171915
الصور المصغرة للصور المرفقةhttp://www.omania2.net/avb/attachment.php?attachmentid=119247&stc=1&thumb=1&d=1234172279 (http://www.omania2.net/avb/attachment.php?attachmentid=119247&d=1234172279)
الصور المرفقةhttp://www.omania2.net/avb/attachment.php?attachmentid=119248&stc=1&d=1234172279