اللي عنده خبره بالعدسات يدخل ( فزعه يالربع )

[علي الشايع]

مساء الخير للجيمع في الحقيقة ناوي اشتري عدسة لكامرتي كانون d50 وعن طريق موقع الامازون وتم التركيز على نوعين من العدسات بس فيه فرق بين العدستين من ناحية السعر ومن ناحيه الزوم يعني
العدسة اللي تجيب مسافة ابعد سعرها اقل بس اتوقع فيه فرق بينهن لكن ماني عارف وش الفرق وايهم افضل لاني ناوي على عدسة تصوير مسافات بعيده
العدسة الاولى على هذا الرابط وهي ذات السعر الاعلى
http://www.amazon.com/Canon-100-400mm-f4-5-5-6L-Telephoto-Cameras/dp/B00007GQLS/ref=pd_sim_p_12


والعدسة الثانية على هذا الرابط
http://www.amazon.com/gp/product/B001GKLLRY/ref=s9_simz_gw_s0_p114_t1?pf_rd_m=ATVPDKIKX0DER&pf_rd_s=center-2&pf_rd_r=1ZDZN0KXDJ45CE09NB57&pf_rd_t=101&pf_rd_p=470938631&pf_rd_i=507846





ما نستغني عن فزعتكم يا اهل الخبرة

[قناص الهمله]

مايقصرون الاخوان انشاء الله

[حق الفيتو]

الي فهمتة ام 1000 دولار هذي عدسة من شركة كانون وهي نوعية كويسة



اما الثانية من شركة مدري وش اسمها ... وهي للزوم القوي

[علي الشايع]

شكرا على المرور ولا زلنا ننتظر المزيد من المعلومات عن العدستين

[ابو لمى A]

1 الوزن اخف من 2 وتصوير ادق المصنع شركة كانون

2 التقريب اكبر الوزن ثقيل


اتمنى اني اكون افتك

[علي الشايع]

جزاك الله خير اخوي ابو لمى وما قصرت ولا زلنا ننتظر المزيد .

[ديسم 911]

براق التنايا
مافيه وجه مقارنه بين العدستين الأولى كانون 100-400 و f4-5.6 يعني مدى التقريب 400مم وتعتبر مناسبه جدا للهواة اللي يستخدمون التصوير في النهار اما لثانيه فا إنساها على مسئوليتي ولكن للفائده مثل العدساة هذي لازم صور ثابته وبعز القوايل والكميره على قاعده يعني ماتنفع أبد ، يمكن الموضوع قديم بس هذا للفائده وأي معلومات حاضر وبالمناسبه موقع الأمازون مايبيع الأجهزه لنا بسبب الشحن وتقدر تشتري أجهزه وعدسات من الموقع التالي ومضمون وشخصيا معظم الأجهزه اللي اشتريها منه غالبا اسبوع بالكثير وتكون عندك البضاعه بدون تعقيدات
http://www.bhphotovideo.com/
تحياتي

[علي الشايع]

جزاك الله خير اخوي سديم 911 وما قصرت على التوضيح وما زلنا ننتظر المزيد لتعم الفائدة

[الرجم العالي]

فيما يخص العدسهOpteka 650-2600mm
فهي من ماركة Opteka الشهيرة بالتلسكوبات فتحة العدسه فيها F/8 على 650ملم و f/16 على 1300 ملم وهي فتحه ضيقه وتحتاج
للأضاءه العاليه عند التصوير فإذا كنت من محبي تصوير الطيور فقد تحتاج إلى سرعة غالق عاليه وهنا تظطر للأستعانه بالأيزو والذي يفسد
جودة الصور زد على ذلك أنها لاتحتوي على مانع أهتزاز :confused: كذلك لاتحتوي على نظام الفوكس التلقائي كذلك حجمها كبير جداً ووزنها
ثقيل وللتصوير فيها تحتاج إلى حامل قوي وجيد .. بمعنى عليك النسيان بأنك ستخرج بصوره جيده ..

على العكس منها تماماً الـ CANON 100-400 فجميع ماتفتقده العدسه الأولى تجده في هذه العدسه الشهيره الرائعه فهي بلا شك تستحق الأقتناء ..

للتذكير أن العدسه الأولى فيما لوأنها توفر مزايا العدسات الفاخره فصدقني أنه لن يقتنيها سوى بيل جتيس .. :j

تمنياتي لك بالتوفيق والسداد ..




.

[علي الشايع]

فيما يخص العدسهOpteka 650-2600mm
فهي من ماركة Opteka الشهيرة بالتلسكوبات فتحة العدسه فيها F/8 على 650ملم و f/16 على 1300 ملم وهي فتحه ضيقه وتحتاج
للأضاءه العاليه عند التصوير فإذا كنت من محبي تصوير الطيور فقد تحتاج إلى سرعة غالق عاليه وهنا تظطر للأستعانه بالأيزو والذي يفسد
جودة الصور زد على ذلك أنها لاتحتوي على مانع أهتزاز :confused: كذلك لاتحتوي على نظام الفوكس التلقائي كذلك حجمها كبير جداً ووزنها
ثقيل وللتصوير فيها تحتاج إلى حامل قوي وجيد .. بمعنى عليك النسيان بأنك ستخرج بصوره جيده ..

على العكس منها تماماً الـ CANON 100-400 فجميع ماتفتقده العدسه الأولى تجده في هذه العدسه الشهيره الرائعه فهي بلا شك تستحق الأقتناء ..

للتذكير أن العدسه الأولى فيما لوأنها توفر مزايا العدسات الفاخره فصدقني أنه لن يقتنيها سوى بيل جتيس .. :j

تمنياتي لك بالتوفيق والسداد ..




.


تسلم اخوي الرجم العالي كفيت ووفيت معلومات قيمة وبيض الله وجهك وجعلها الله في موازين حسناتك