استفسار بخصوص الثلاجه لاهنتو

[محيسن1]

السلام عليكم ورحمه الله الله وبركاته
استفسار بخصوص ثلاجه السياره شريت وحده من عند الرمايه 45 لتر وركبت بطاريه اضافيه اربعين انبير وسويت له اشتراك مع البطاريه الاساسيه وحطيت فاصل بينها بس المشكله اذا سكرت الفاصل بين البطاريتين شفطت البطاريه ولاتقومه اكثر من 4 ساعات علمن اني اقصر علي البروده عشان تشبك وتفصل بس تسحبها على طول فا وشو الحل يالنشاما افزعو لي هل احط بطاريه اكبر وهل له ضرر علي ظفيرة السيارة علمن اني موتري باترول 91

[محيسن1]

مهب هي يالربع مشاهدات 16 ردود صفر تكفون يالنشاما افيدوني

[Bader-M]

لا تستعجل الاجابة سوف ياتي من يعطيك الاجابة الشافية ان شاء الله

تحيايي اليك

[الكايف2]

يبي لك كل ماخذت لك وقت تشغل السياره عشان تعبي البطاريه الاظافيه

[لاتكب البيالة]

السلام عليكم
البطارية الاضافية 40 امبير يعني تقريبا 480 واط
انت شف الثلاجة كم واط
مثلا الثلاجة اذا كانت 480 واط تشتغل ساعة فقط
مثلا 240 واط تبي تشتغل ساعتين
وبما ان الثلاجة اشتغلت 4 ساعات فهي اعتقد 120 واط

هالكلام اذا شحنت البطارية الاضافية بالكامل
طبعا انت قلت انك مقصر على البرودة لكن هذا ما يؤثر بالبداية لان الثلاجة يبيلة تشتغل فترة حتى تاصل للبرودة المطلوبة ثم تفصل يعني اول اربع ساعات يمكن ما تفصل ابد ثم بعدين تبدا تفصل وتشبك

[محيسن1]

يعطيكم العافيه طيب الحل هل اركب اكبر منها يعني 60 او 70 انبير والا وش اسوي رايكم يهمني يالنشاما خصوصن اللي له سابق تجربه مع اني مريت الرمايه وقالو لي انه تستهلك في الساعه خمسه انبير فااللي معه مثله او قد استخدمه يفيدنا اللي لايهينكم

[مدور الخيرة]

اعتقد والله اعلم ان المشكل بالبطاريه لان 40 امبير ضعيفه , وسعة التخزين صغيره جدا

لو تاخذ بطاريه من اي محل مستعمله 80 امبير او اكبر وتجرب يوم واحد بس

وان شاءالله يفيدونك الاخوان

[محيسن1]

تسلام مدور الخيرة على الراي واتمني ان احد جربها ويفيدنا

[زايد بن بدران]

السلام عليكم
انا اقول افصل الاضافيه واشبك على بطاريه الاساس عشان تبين وش السبب هو من البطاريه ولا لا والله اعلم
تقبل مروري

[محيسن1]

يعطيك العافية اخو ى زايد وشاكر مرورك

[محيسن1]

يالربع مو معقول احد ماقد جربها تكفون ردو لاهنتو

[محيسن1]

افااااا يالنشاما وين الردود اللي تثلج الصدر وتبرد الخاطر ولا مهونه للي ردو علي

[ابوخالد2004]

اسمع يامحيسن انا مركب بطاريه ثانية وعندي ثلاجه اسمع الارشادات خبره 3 سنوات مع ابطارية (ههههه)
1-الباطاريه الثانية لازم تكون 100 انبير -كورية او يابانية او امريكيه -شغل الثلاجه ونسها |(اطفي السياره المغرب والساعه 7 الصبح الثلاجه شغالة ولا دريت اليطاريه
2- تركب دقمة (فرت) لانها افضل شي ولا تحتمي ولا تخرب سعرها 90 ريال طبعا الاصليه
3- الدينمو حق السياره افضل شي يكون 100 انبير يمكن موترك 60 انبير وهذي مشكله يعني يبطي مايعبي يبغي وقت
4- الاسلاك الي جايات من ابطاريه لازم يكونن متينات لفضل شي السلك الحراري تحصله عند حقين الادوات الكهربائية (يعني كهرب البت)
ارجو ان اكون قد افتك وشكرا

[محيسن1]

تسلام يابوخالد عز الله ماقصرت
طيب الاساسيه 60 انبير يعني اركب معه 100 انبير مايضر الموتر ولاهنت يابو خالد

[ابوخالد2004]

الافظل يكونن مثل بعض وياليت تسأل كهربائي بالنسبه لي مركب بطاريتين نفس بعض 100 انبير
وإذا انت بالقصيم ودها لبريده صناعية الرواف (( محل العثيم )) كهربائي 100% لكن يضرب بالسعر

[محيسن1]

لاهنت يابو خالد وشاكر ومقدر لك

[مخاوي الليل1]

السلام عليكم ورحمة الله وبركاته
اخوي محيسن1
حاولت ارسل لك على الخاص لاكن ماقدرت
اخوي الثلاجه تحصلها عند بعض محلات الثلاجات بس تكون الثلاجه تشتغل 12 فلت
وقيمتها تقريبي 600 ريال
وان شاءلله قريب بكتب اسم المحل وتليفونه ان شاءلله
واسف اني ماقدرت افيدك اكثر بس من عيوني قريب بكتب لك اسم المحل

والحمدلله رب العالمين

[مخاوي الليل1]

اخوي محيسن 1
الرسائل مرفوضه من جهتك حاولت ارسل لك

[ابوحمد666]

الاخ محيسن ركب بطاريه اكبر شي بالسوق والظاهر انه 100 امبير وتكفي عن البطاريه الاحتياطيه !!ما يكفيك تشتغل 10 ساعات بدون ما تشغل السياره؟الظاهر كافي وبعده تشغل السياره؟بعدين تاكد من دينمو السياره يشحن زين وتاكد من اصابع البطاريه والكيابل انه غير مملحه ومكربنه
بعدين لازم اسلاك الثلاجه اقل شي تكون من 7 ملم وطالع وركب فيوز بين الثلاجه والبطاريه
بعدين انت تقول انت انك قاصر ع الثلاجه عشان ما تسحب كهرباء ..طيب تاكد هي تفصل وتشبك وتاكد اذا فيها زر بالاسفل يكون هاي و لووhi و low فان كان فيها حطه دايم ع low
الاخ محيسن طبعا انا من واقع تجربه لي تقريبا 15 سنه استخدم الثلاجات ولا بعمري ركبت بطاريه اضافيه
بعدين ياليت تقول ايش نوع الثلاجه صناعته ووش نوع بدي الثلاجه وسعره لكي افيدك اكثر
تحياتي لك

[؟؟؟ياعيني؟؟؟]

السلام عليكم
الصراحه مابغيت ارد علشان ردوا يالنشاما ليش مارديتوا وين يااخي محيسن ههههههههههه
اقول غيري دينمو اول حق الشد البلد ماينفع يقومها ركب 4500 احسن وهذا اللي اتوقع......


لا الله الا الله


تقبل تقديري واحترامي

[محيسن1]

مشكورين اخواني
مخاوي الليل
وابو حمد
وجزاكم الله خير

[سوبر VTC]

و عليكم السلام و رحمة الله

اكثر ربعي خصوصا راعين الباترول يحطون البطارية الاضافيه بالخلف

طبعا بطاريه اقل شي 80امبير و فيه بطاريه الكترونيه تبع باقادر كوريه :good:

تعطي 110امبير ب260ريال و حجمه مثل حجم بطاريه الفتك م2002 و طالع

بالاضافه لدقمه الجمس و هي افضل من دقمه الفورد

هذي الدقمه

http://www.mekshat.com/vb/../pix/upload01/prof004/mk53291_amb22.jpg



علما ان فيه ثلاجات و فريزر يجابن من الامارت كوريات او صينيات

يستهلكن كهرب 37وات فقط :good:

يعني لمبه اسطب خلفي :cool:

و هي اقل استهلاك كهرب من حقه الطمره

الطمره تستهلك تقريبا 55وات و طالع

[مخاوي الليل1]

السلام عليكم ورحمة الله وبركاته
اخوي محيسن1
حاولت ارسل لك بس كلها فشلت
وانا مسافر بكره الاربعاء اسبوع وان شاءلله اجيب لك اسم ورقم المحل

وموضوع البطاريه الاضافيه
فيه افضل من دقمة الجمس او الفرد مع ان فروعنا (شركة التقوى القطع غيار السيارات )تبيع دقمة الجمس او الفرد بس بنصحكم بكتاوت الفرنسي قيمته 20 ريال تباع في الغرابي محلات الزهراني اخر شارع الغرابي وانا مجرب اثنتين وخبرتي كبيره فيه وفي الصناعيه
وسموحه على التقصير

والحمدلله رب العالمين

[محيسن1]

مشكور اخوي
سوبر فتك
واخوي مخاوي الليل
وجزاك الله خير