المساعد الشخصي الرقمي

مشاهدة النسخة كاملة : مطر خفيييف على شمال شرق الرياض !!!


العنكبوت
14/07/2004, 12:25 AM
السلام عليكم

من حول ساعه ( يعني حول الساعه 11بالليل ) وانا جايب ابوي من المطار

نشوف لمع بالسما وكان ااخر مانتوقعه برق لا كن الغريب يوم جينا حول

بوابه المئويه والا الارض رطبه ويوم قربنا من الامام والاهي تمطر خفيف

واستمر الوضع الا حول مخرج 10 صحيح انه مطر بسيطه بس والله ياجماعة

الخير ان ريح المطر يشرح الصدر

وللمعلوميه الرياض ميب من عادته تمطر بهالوقت بس سبحان مسخر السحاب

تحياتي

27/5/1425
نفل
14/07/2004, 01:27 AM
السلام عليكم ورحمة الله وبركاته

كلام العنكبوت صحيح لاكن المطر قوي على الثمامة والعقيق .
الخبر صحيح وانا كنت وقتها بالثمامة وفي حوالي الساعة 11 كانت سحابة جاية من الغرب تبرق
وترعد وجانا مطر طيب نقعت الارض وبصراحة كان الجو منعش جدا وكان منظر البرق وصوت الرعد
له اكبر الاثر في نفسي وذكرني بالوسم الله يعيده علينا واعتقد ان هذا مطر خريف وهو نادر وسبق ان
هطلت على الرياض امطار غزيرة مثل هذا الوقت وسال شعيب صلبوخ وكشتنا عنده وكان ذلك قبل حوالي
........... سنة :D يوم كان عمري 10 سنوات .

والسلام عليكم
مُغادر
14/07/2004, 01:57 AM
ما شاء الله اللهم صيباَ نافعاَ........

الله يديم علينا النعمة ....

بس على كلام الوالد( أطال الله عمرة على الطاعة) إنه سحاب صيف ...

وما قصرتو .
العنكبوت
14/07/2004, 10:50 AM
مشكوور نفل على الرد والتوضيح

بس ااه يالي يفك لنا (...........) وش تصير :what: :D

مشكوور مغادر على التعقيب والله يطول بعمر والدك كلامه صحيح

وعاد اليوم رطوبه والسما ملبده الله يجيب الخير

تحياتي
الفياضي
02/08/2004, 03:50 PM
ماشاء الله تبارك الله