المساعد الشخصي الرقمي

مشاهدة النسخة كاملة : ###فزعتكم يالنشاما###


Desert Ranger
18/07/2009, 12:37 AM
السلام عليكم ورحمة الله وبركاته,,

أخواني انا رجال من الرياض و احب الطلعات للبر والبرية بس المشكلة ان ماعندي الموتر اللي ياخذني للمواقع الطيبة:( , مين اللي يقدر يفيدني عن مواقع طيبة والاحداثيات بمنطقة الرياض ممكن الواحد يروح لها بسيارة سيدان عادية؟

ولكم مني جزيل الشكر والدعاء الخالص,,,
شقن بقا
18/07/2009, 01:01 AM
أخوي الكريم حياك الله تقول إنت من الرياض وتحب البر وتبي اللي يفيدك عن إحداثيات مواقع زينه بس مابينت إنت تبي المواقع في الرياض ولا في مدينة أخرى عشان نقدر نساهم وممكن نتعرف على بعض إن كانك حولنا وحياك الله بسيارتنا وأعتبرها سيارتك
Desert Ranger
18/07/2009, 01:10 AM
أخوي الكريم حياك الله تقول إنت من الرياض وتحب البر وتبي اللي يفيدك عن إحداثيات مواقع زينه بس مابينت إنت تبي المواقع في الرياض ولا في مدينة أخرى عشان نقدر نساهم وممكن نتعرف على بعض إن كانك حولنا وحياك الله بسيارتنا وأعتبرها سيارتك

عدلت عالموضوع وشاكر لك على التنويه:)
عاشق السيل
18/07/2009, 07:46 PM
وعليكم السلام ورحمة الله وبركاته ،،

حياك الله اخوي ،، عندي سؤال : مدامك من أهل الرياض وتحب البر والطلعات وراك ماتشتري جيب وترتاح ؟؟

صدقني ترى الجيب ضروري جدا لراعي الكشتات وخاصة وقت الربيع والأمطار ،، حتى في زحمة الرياض الجيب له وقته وخاصة أيام الأمطار والبحيرات ،، أما بعض المطبات بالرياض مايمشي عليها إلا الجيوب تقول ضلع يادافع البلاء !!!!

عموما نرجع لموضوعنا : أنت تبي أماكن زينة للكشتات حول الرياض وبصراحة الأماكن اللي عليها الكلام ماتنفع إلا وقت الربيع والشتاء والأمطار ،، أما الصيف مالك إلا توقف في أحد المخططات أو على جال النفود من الساعة 6 العصر إلى 6 الصبح وغير كذا ماينفع !!

وإن شاء الله إذا جاء الشتاء تكون شريت الجيب وأبشر باللي يعلمك بأحلى الأماكن وبالإحداثيات ،،

وتقبل مروري يالغالي ......
efi4500_2002
10/09/2009, 02:12 AM
اكثر المواقع البريه الي حول الرياض تقدر تجيها بأي سياره

حتي الدهنا لو بتروح باكسنت ما فيه مشكله
صقر العثمور
10/09/2009, 03:00 AM
العذرلك اني ماني من اهل الرياض واهل الرياض فيهم الخير بيدلونك وتقبل اتذاري
سهيل تميم
10/09/2009, 04:23 AM
اكثر المواقع البريه الي حول الرياض تقدر تجيها بأي سياره

حتي الدهنا لو بتروح باكسنت ما فيه مشكله

الله يجزاك خير اخوي بتورط الرجال :)

وبالنسبة للأماكن القريبه وتدخله اي سياره عندك روضة خريم والتنهاة (بعض الاماكن فيها غراز )

واذا تبي قريب فيه المخططات الي شمال الرياض حقت سحور وترجع قريبه..

ومثل ماقالو الاخوان خذلك جيب موب لازم جديد وغالي دورلك شي مستعمل ب10 الاف ولا حولها اهم شي المحركات والدبلات ممتازه وخله موتر مكده وطلعات خفيفه
العزوم
12/09/2009, 01:36 AM
حياك الله

عندك مواقع كثيره (روضة المحليه الجهة الشماليه وهي على طريق نساح المفرق اللي مقابل قصور ال مقبل غرب + طريق الحجاز مخرج 9 المشاعله باتجاه الجنوب فيه ردمية بسيطه ونفود طيبه وقف سيارتك وانزل قريب منها ) الله يوفقك ويستر عليك
راعي جيوب
12/09/2009, 02:59 AM
مثب ما قال لك أخونا العزوم
رجم النايف
12/09/2009, 04:10 AM
تبي النفود الثمامه حول 30 كم
تبي فياض روضه خريم على طريق رماح حول 140كم تقريبا
اما شعبان وكشتات شعيب غيلانه قبل روضه خريم
وفيه مناطق حلوه ومزارع بالخرج
ارجوا ان اكون افدناك والمعذره على القصور (حسب عرفي)