مشكلة في الباترول 2008

[سوبر بانلي]

يالله صباح خير قمت الصباح ابروح الدوام الفتك داخل البيت
من زود الثقه فتحت باب الراكب وحطيت المفتاح بالسويتش وشغلت وشغلت وشغلت وشغلت

اخيرا دقيت رجليه للدوام
قالو لي كتاوت فوق الفيوز دقه كم دقه بالمفك ويشتغل
وفعلا اشتغل (((( بس مسكين اللي مسافر وحصلت عنده المشكله وما يعرف لها حل )))


انتهينا من هاذي (((( تعطل عندي تانكي البنزين الصغير ))) قالوا افصل البطاريه بس مافيه فائدة


ابي حل فزعتكم يالنشاما

[سوبر VTC]

و عليكم السلام و رحمة الله
الله يعيننا و اياك
اخبر الكهربائي العثيم ببريده يصلح هالشغله
فيه معالج بيانات او قارئ معلومه او ايسي مثل حقت الكنود بنفس الطبلون هي اللي تخرب
طبعا يصلحه مع الضمان ب500ريال
المشكله احيانا ما يشتغل التانكي الاضافي
احيانا يلعب الانبير
احيانا تولع اللمبه

كتاوت الطرمبة مكتوب بالكتالوج ما تشغل حتى تطفى لمبة اتكت اللي بنفس الطبلون
و الافضل تنتظر 7ثواني حتى تطفى الطرمبة
الكتاوت بداخله مثل بليتين الديلكو يسوي كربون و ما يوصل
طبعا العثيم يصلح الكتاوت على الضمان ب50ريال
يسحب منه سلك الى مكان ما......

تاكيد لكلامك
ماكلن يعرف حل هالمشاكل خصوصا اذا كان جاهلن بالمشاكل هاذي

عمي و ربعه بالنفود الكبير معهم فتك م2006 و موتر اخر
كاشتين ما مثلهم و اخرته تصفي الكشته يجرون الموتر الى حائل
و هناك اشتغل الموتر و ماهو السبب؟؟
بسبب الكتاوت :no:

شايب يسولف علي يقول كاشتين و مبسوطين ما مثلنا و يوم جينا نمشي عيا يشتغل الموتر
يقول و الى معنا جذع ==> شاب :D
يقول قام يطقطق بالكتاوت و يضرب الديكور و اشتغل الموتر

احد ربعي معه ربع سلقه م2006 جا من الكشته و نزل اغراضه بالبيت و يشغل و يعي يشتغل الموتر :(
وش صارت المشكلة؟؟
صارت من المفتاح اعاده برمجه وزان الموتر
يعني ما ينفع فصل البطارية

اخر نفس هذه المشكله سفاري ربع
ودا موتره لكهربائي بالتشاليح
فك الكمبيوتر و الغى ايسية السيكيورتي شغل يد ب200ريال
و زان الموتر

طيب لو عيا يشتغل موترك و انت بالصمان او الدهناء او النفود الكبير
بهاللحظة دور كهربائي او اعادة برمجه
علمن ان لقيت احد :mad:

السؤال اللي يسدح نفسه و بقوه ؟؟؟؟؟؟؟؟؟؟

لاصار واحد من الناس كاشت او مسافر باهله
و عيا يشتغل الموتر خصوصا انه يجهل مشاكل هالكهرب وش يسوي؟؟؟؟


لاشك ان موقف محرج جدااااااااا


الله لا يجيب هاليوم لكم و لنا و لكل مسلم

[سوبر VTC]

ان بغيت رقم الكهربائي
علمن



ابقولك سالفة و لايضيق صدرك او توسوس
واحد نسيب لنا من الجماعه طبعا هو بالرياض فاكن فتك و كاله م2008
المهم الموتر بعد فتره طاحت مسامير الثلاجه
و اكسرن البستم
طبعا صلحوا المكينه على الضمان
و اكيد الدعوى صار به هواش و لجه :mad:

[سوبر بانلي]

اشكرك على الرد والتفاعل معي



عقب ها العلوم ترى الموتر للبيع
مواصفاته
1- موديل 2008 سفاري 2
2 - اللون عسلي
3- ماشي 70000
4- خالي ولله الحمد من السمكرة
5- لايوجد فيه اي مشكلة سوى مشلكة تفريغ تانكي البنزين الصغير

مفتوح للسوم
0594219918
القصيم

[سوبر VTC]

اشكرك على الرد والتفاعل معي



عقب ها العلوم ترى الموتر للبيع
مواصفاته
1- موديل 2008 سفاري 2
2 - اللون عسلي
3- ماشي 70000
4- خالي ولله الحمد من السمكرة
5- لايوجد فيه اي مشكلة سوى مشلكة تفريغ تانكي البنزين الصغير

مفتوح للسوم
0594219918
القصيم




اتأسف اشد الاسف على كلامي السابق :(:(

و ارجو اني ماكون سبب في انك تبي تبيعه عشان المشاكل السابقه التي ذكرتها آنفا


و ترى المواتر توفيق بعد الله
احيانا تجلده و لا يخرب
و احيانا تحافظ عليه و يخرب

[دانكن]

لاطلعت للبر اقرا اذكارك والحافظ الله ..

انا معي 2005 ومن شريته ماخرب علي بالبر .. :) ..

ومشكلة الكتاوت مر محل قطع غيار نيسان حق الوكالة بـ 50 ريال اشتر الكتاوت الجديدة اللي عالجوا مشكلتها وركبها انت افتح علبة الفيوز وغيرها .. :) ..

[سوبر VTC]

لاطلعت للبر اقرا اذكارك والحافظ الله ..

انا معي 2005 ومن شريته ماخرب علي بالبر .. :) ..

ومشكلة الكتاوت مر محل قطع غيار نيسان حق الوكالة بـ 50 ريال اشتر الكتاوت الجديدة اللي عالجوا مشكلتها وركبها انت افتح علبة الفيوز وغيرها .. :) ..





صدقت يابعدي :good:
ازيد على كلامك ان الواحد اول ما يطلع من للبيت سواء للدوام او للسفر او للبر
او لقضاء حاجه

يقرا الورد و يتوكل على الله
و الاهم الورد اليومي صباح و مساء

[سوبر بانلي]

اشكرك اخوي على مشاعرك
وعلى العموم اذا جاب قيمه مرضيه بعناه لأني موبدلي vxr2006
133000:)

[سوبر VTC]

الله يكتب لك البيعه الطيبه ان شاء الله :good:





موبدلي
هههههههههه :D:p
حلوه موبدلي ==> شكلك خبوبي :p ونعم بك
ترانا نمزح

[لن أمل من العطاء]

السلام عليكم

فعلا السيارات هذي توفيق من الله عز وجل

في شخص معاه سوبربان 1999 شراه وكالة جميح

وماشاء الله الى يومك هذا يقول ما اغير الا زيت فقط بس انه هادئ في القيادة

اخر معاه2500 موديل 2004 محافظ عليه ونفس الشيء يقول ما به مشكله

وانا معي 2006 هايلوكس فقعت قلبي بانواع الخرابات وانا والششركة على ابواب المحاكم

ومع الوالد 85 هايلوكس ولا قطعه قد تغيرت فيها ولا فكت مكينتها ومكيف وكل قطعها بلد حتى الاسبير حق بلدها اللي جاي معاها ووالله بعد توفيق الله اثق فيها ولا اثق في 2006 اللي معي

وغيره كثير من التوافيق في السيارات

واحد من اخواني كان معاه كابرس 88 ما كان فيها صرة زيت كانت تقطر ولحمها ومن يومها ماعاد يغير زيت بس يزيد صح كانت تدخن لكن مو كثير وعاشت معاه سنوات كثيره


الله يعينك اخوي على حل مشكلتك
شكرا لكم

[ابرق نثيل]

كنت اسمع عن هالمشكله وبعد ماميشت بالموتر 88 الف و موديله 2008

دقيت ما اشتغل وكان معي بالدرج كتاوت الطرمبه غيرته واشتغل الموتر

الفتك اغلب مشاكله بالكتاوت الزرق لانها نوعيه يتسرب لها الغبار

ولا هو مثل الاندركزر مشاكله جذريه مثلاً

= كل 150 الف لابد من فك المكينه وتغيير الجنزير واذا تاخرت يخطب
= العكوس والاذرعه لابد من تغييرها كل 3 سنوات تنشف مع الوقت ولا سوف تنطلق عليك والنتجيه حادث انقلاب شنيع
وهذي صارت لواحد من الربع ،،
= اذا دخلت نفود وهيار غرز ـ اذا دخلت فيه مطينه برك مكانه ، اذا دخلت به الحزم فوشحت كفرات وطاحت اصطباته

والباترول يخلو من ذلك

والله اعلم

[سوبر VTC]

كنت اسمع عن هالمشكله وبعد ماميشت بالموتر 88 الف و موديله 2008

دقيت ما اشتغل وكان معي بالدرج كتاوت الطرمبه غيرته واشتغل الموتر

الفتك اغلب مشاكله بالكتاوت الزرق لانها نوعيه يتسرب لها الغبار

ولا هو مثل الاندركزر مشاكله جذريه مثلاً

= كل 150 الف لابد من فك المكينه وتغيير الجنزير واذا تاخرت يخطب
= العكوس والاذرعه لابد من تغييرها كل 3 سنوات تنشف مع الوقت ولا سوف تنطلق عليك والنتجيه حادث انقلاب شنيع
وهذي صارت لواحد من الربع ،،
= اذا دخلت نفود وهيار غرز ـ اذا دخلت فيه مطينه برك مكانه ، اذا دخلت به الحزم فوشحت كفرات وطاحت اصطباته

والباترول يخلو من ذلك

والله اعلم



هلابك اخوي ابرق

بالنسبة للكتاوت طال عمرك
سبب خرابه مهب من الغبار
السبب من البليتين اللي بنفس الكتاوت يبدا يلذع مثل بليتين الديلكو تقريبا
بسبب فتح السويتش و تشغيل الموتر مباشرة
لانه يسوي كربون و بالتالي ما يوصل

حل الكتاوت انه يسحب منه سلك و يصير دايركت مباشر !!!!


لكن اللي اخبر ان جنزير التيمن حق الجيب ما يغير :no2: لانه حديد
فيه مواتر ماشيه على 300000الف طبعا جيكسار و لا خربن
فيه كورولا م2002 ماشيه 250000الف و لا خربت لانه جنزير التيمن حديد

اللي يغير سير التيمن الربل حق الفكسار فقط
و ايضا حق الجيب و الهايلوكس الديزل ايضا هن ربل

تحياتي

[مواسي الطعوس]

كنت اسمع عن هالمشكله وبعد ماميشت بالموتر 88 الف و موديله 2008

دقيت ما اشتغل وكان معي بالدرج كتاوت الطرمبه غيرته واشتغل الموتر

الفتك اغلب مشاكله بالكتاوت الزرق لانها نوعيه يتسرب لها الغبار

ولا هو مثل الاندركزر مشاكله جذريه مثلاً

= كل 150 الف لابد من فك المكينه وتغيير الجنزير واذا تاخرت يخطب
= العكوس والاذرعه لابد من تغييرها كل 3 سنوات تنشف مع الوقت ولا سوف تنطلق عليك والنتجيه حادث انقلاب شنيع
وهذي صارت لواحد من الربع ،،
= اذا دخلت نفود وهيار غرز ـ اذا دخلت فيه مطينه برك مكانه ، اذا دخلت به الحزم فوشحت كفرات وطاحت اصطباته

والباترول يخلو من ذلك

والله اعلم
*********************************

كلام سليم .

ولاتنسى الدوده راعي البر لازم يغيرها واذكر قيمتها كانت في حدود 4000 الاف ونزلت شوي ويمكن ارتفعت تالي مع ارتفاع القطع .

** الفتك يكفيك الدفرنس الامامي ماله مثيل ابد ويسوى من الفلوس ربع قيمة الموتر .