أستكشاف الغوص

[نفسو يغوص]

السلام عليكم ورحمة الله وبركاته كيفكم اخباركم إن شاء الله تمام
عندي بعض الأسئلة عن استكشاف الغوص
س1:هل استكشاف الغوص يدرب المستكشف على لبس المعدات ونزعهاا؟؟
س2:هل استكشاف الغوص فيها شهادة ورخصه وكم يوم الأستكشاف يعني في قبلها نظري وزي كذا وكم سعرها؟
س4:ايش طرق وزن الضغط غير النفخ لأنها ما نعت معي؟؟
وطبعا عستكشف الغوص بعد الحمد لله تعلمت السنوركل من واحد من اصحابي وعلمني كل شي ونزلت وعادلت وكل شي ولله الحمد
وشكرا

[GPS-MAN]

حياك الله اخي الكريم
استكشاف الغوص فكرتها هي انه انا بصفتي مدرب كيف اقنع الشخص او الطالب في الدخول في رياضة او دورة الغطس .. يعني انت حاب انك تغوص بس في نفس الوقت متردد او متخوف .. اجي انا بصفتي مثلا مدرب اخذك وانزلك غطسه استكشافية .. طبعاً قبل الغطسه ابداء اعطيك اولا فكرة عن رياضة الغطس والمتعة اللي فيها .. ثانياً اعطيك فكرة مبسطه وميسرة عن المعدات المستخدمة ووظيفة كل جهاز ابتداء من الاسطوانة وحتى الريجليتور .. ثالثاً اشرح لك كيف يتم تركيب المعدات وتجميعها وتجهيزها للبس .. رابعا اعطيك ايضا فكرة عن المخاطر والنقاط الاساسية التي يجب انك تتبعها قبل النزول وفبل الخروج من البحر والاشارة المستخدمة تحت الماء .. بعد كل هذا انت كده تعتبر مؤهلا اني انزلك غطسه استكشافية على عمق ما يتجاوز 30 او 40 قدم لكسر حاجز الخوف وايضا الاستمتاع بالمناظر الجميلة اللي تحت البحر وذلك في معدل تقريبا نص ساعة .. وهذه هي الغطسه الاستكشافية او ما يطلقون عليها في بادي غطسه ديسكفري .. بكده انا خليتك تجرب المتعة ورياضة الغطس من قبل ما تشترك فيها وكل الشغله هذه ما تاخذ حق يوم واحد يتم فيه التنسيق بينك وبين المدرب اللي حاب يعطيك هي.. وبعدها القرار يعود لك في انك تدخل دورة الغطس او لا .. طبعا بالنسبة للشهادة هي لها شهادة بس اغلبية المدربين ما يركزون فيها ولا يعطونها الى اذا الشخص نفسه طلبها وعلى فكرة شهادتها فري من بادي ما عليها اي رسوم ..

بالنسبة لطرق وزن الضغط .. ام شيء انه ما تكون مزكم او مرشح والجيوب الانفية سالكه عندك .. وطريقة النفخ تعتبر من اسهل الطرق واذا ما ضبطت معاك تقدر تحرك فكك السفلي يمين ويسار اثناء النفخ او ميلان الراس يمين ويسار واذا ما نفع تخفف العمق وتبدء تسوي النفخ كل دقيقة حتى لو ما حسيت بالضغط وطول ما انت نازل اقعد انفخ حتى توصل للعمق المطلوب ...

ارجو ان تكون الفكرة قد وضحت لك .. واي استفسار احنى جاهزين ..

تحياتي للجميع

[نفسو يغوص]

يعطيك العافيه اخوي وما قصرت والله يجعلها في موازين حسناتك
بس اخوي بالنسبة للسعر بكم تكون؟
وهل انت مدرب بجده ممكن تعطيني هيا؟
وشكرا

[قناص البحر]

السلام عليكم ورحمة الله وبركاته

أخوي نفسو يغوص عندكم مدربين كثير في جده ما شاء الله ونصيحتي لك إنك تشوف لك مدرب من المنتدى

بعد المشوره والإستخاره

وإعقلها وتوكل على الله


وأتمنى لك حياة سعيده في عالم الغوص

وأما ما يخص الأسعار حقيقه لا أعلم سعر ديسكفري داينفق

[نفسو يغوص]

يعطيك العافيه اخوي قناص وما قصرت ويشرفني مرورك
وشكر