وش أسوي

[ابوجازع9]

تقفون عطون الراى . أناء موتري صدمت فية صدمه خفيفة خلف الراكب( فوق الرفرف الى ورى يمين )الحمدالله انها ماهي قوية تقريبا زي الخدوش بس فية عجنات بالحديد خفيفة جداوالله مادري أسمكرها واخاف يقولون الموتر كلها مسمكره وأن خليتها شكلها يطفش

[أبوعبدالاله]

الحمد لله على السلامة 0 والحديد بداله حديد يا أبو جازع9
ورائي إنك ما تسمكرة حاول تعديلها ولوبسيط في أحد الورش ويكون الفني فلبيني أو هندي أفضل 0

[فتك ابوفهد]

الحمد لله على السلامه
انا من رأيي اذا لك نيه تبيع قريب خلها لا تسوي شي واذا الصدمه تعديلها بسيط ولا لك نيه بيع قريب صلحها والشكوى على الله وأهم شي الشغل
ونصيه اذا بتصلح صور الصدمه قبل التصليح عشان لاجيت تبيع يصير معك اثبات والموقف هذا قد صار لي

تحياتي وآسف على الاطاله

[قميري 999]

اذا كنت تقدر تعدلها عدلها افضل بكثير من السمكره لانه ما تأثر عند بيع السيارة...

[سوبر VTC]

الحمدلله على السلامه
و طهور ان شاء الله

اذا كانت تحتمل التعديل عدله
و اي مكان منكسرة بويته تقدر تنقطه
و تنقيط البويه تبي واحد فنان
طبعا ترح لمكتبه و اشتر فرشه رسم اصغر ريشه
و قص الشعر بالمقص و خل به تقريبا 7شعرات
طبعا الشعره الواحد طوله تقريبا 1سم
قص منه وخل الطول تقريبا ربع او ثلث سم
و نقط انت بنفسك اي مكان به بويه منكسره
و راح تدعيلي :)
شغل احسن من الوكالة
اذا خرج التنقيط عن مكانه امسحه بقطنه و ذلك باستخدام التنر
انا مجربه بالسيارات اللي عندي
والتنقيط احسن من الورش لان ماعندهم ذمه اهم شي ينقط البدي و بس

و ااذ انت تبي تستخدم فالسمكره افضل
بشرط تخفيف المعجون عشان ما ينتفخ البدي

[ابوجازع9]

ماقصرتو أخواني ( ابوعبدلاله.فتك ابوفهد.قميري999.سوبر VTC) والله لايحرمنى منكم وشكرا على أهتمامك وخاصة اخوى( سوبر VTC)

[ابوسعد931]

لا تسمكر حاول التعديل واسئل ترى فيه ناس محترفين تعديل بدون بويه او سمكره او اصبر احسن

[شاص2007]

غير الباب من التشليح

[ابن عكاش]

فيه هني في صناعية المزاحمية مهوب صاحي تخصص تعديل بس الله يعينك على مواعيده
وهذا رقم جواله /0502126203 رافيل
نصيحه لا تسمكر حتى تتأكد ان مافيه مجال للتعديل ومن كلامك انها تتعدل
واي خدمة يالغالي انا حاضر