مشكلة تقطع في باترول 95

[رويفع]

السلام عليكم ورحمة الله وبركاته

اخواني الكرام بعد شرائي للباترول 95 بخاخ اتتني مشكله مال امها داعي حيث انها ضيقت صدري بالحيل ،، فيا ليت من اللي عندهم خبره يفيدوني ،،

بداية الحكاية اعطيت سيارتي واحد من الشباب وقلت له يودي سيارتي المغسله يوغسلها بستم لانها جديدة ، اللي حصل انهم غسلو الموتر بستم وغسلو مكينته بديزل او موية ، جيت واخذت السيارة ومشيت فيها 160 ما عندي مشكله ابداً الموتر سليم ولله الحمد ، يوم جاء بكره وامشي ولا الموتر يقطع لما يجي الظغط عند 3 تقطيع مو صاحي ناقصني هدرز بس :p المهم ضاق صدري قالولي بسيطه روح وانفخ هوا على البواجي وعلى الديلكو نفخت ولا تغير شي ، قالو احتمال من البخاخات اللي حصل كل واحد يقولي شي واخيس بهالصناعيه والشباب كل واحد يتفلسف علي ، قمت وشريت بواجي واسلاك بواجي اصليه كلها وغيرتها ولا تغير شي
بالصدفه قالي الهندي يمكن من المنظم واشوف ولا السلك مقطوع قال اللحمه لك ويظبط
لحم لي السلك وشغلت ودعست له ،نفس الشي يقطع ،

تذكرت يوم غيرت شمعات الانوار وتذكرت كم كهربائي تليقف ولمس المنظم وايراته واحد فيهم اقطعه والله من ذود اللقافه عيال عمنا اليمنى لانه من جد ارتفع ضغطي وضاق صدري
وقالولي وقع عقد مع ورشه لا منك اخذت النيسان .
الموتر يالربع نظيف بس هالشغله اخبصت ام الدعوه عندي ، والمنظم غالي قيمته جديد وكل ورشه تتفلسف والورش الخاصه يقولون ما نصلح بخاخات

يا جماعه الموتر ماهو مظبوط يطامر وما ادري وش يسوي ولازم اخلي رجلي على الكلتش كله بسبت التقطيع فما ادري من البخاخات ولا من المنظم ياريت اللي يعرف ورشه بالدمام ولا اللي يعرف شين زين ولا يعرف الحل يعلمنا ،

محبكم اللي ضايق صدره وصكت به الدنيا وعرف ان النصايح حق مشتري النيسان وماكل هواه :D

[وسيع البنايد]

الله يزينها من عنده

[سوبر VTC]

و عليكم السلام و رحمة الله

اللي اخبر انه تنظف بالهوا روس الكويلات + اسلاك البواجي

الكويل يجي مكبوس شد بلد اذا كان به تنسيم او داخله ماء

خلاص مابه فايده غيره

و يضبط الموتر

لك رسالة على الخاص

[عزيز النفس 66]

والله اذا هو تقطيع كهرباء تاكد من الديلكو فيه ورش تقيس الديلكو تاكد منها

والله يعينك

[رويفع]

و عليكم السلام و رحمة الله

اللي اخبر انه تنظف بالهوا روس الكويلات + اسلاك البواجي

الكويل يجي مكبوس شد بلد اذا كان به تنسيم او داخله ماء

خلاص مابه فايده غيره

و يضبط الموتر

لك رسالة على الخاص


حبيبي نظفت روس الكويلات وغيرت البواجي ما فاد ، وشفت سلك المنمظ مقطوع لحمته ولا صار شي
وهالورش كل واحد يعطينا من الرخيص ياخوك والرساله اوصلت حبيبي ،


والله اذا هو تقطيع كهرباء تاكد من الديلكو فيه ورش تقيس الديلكو تاكد منها

والله يعينك

ما فيه تقطيع كهرب فيه تقطيع الموتر لما تظضغط البنزين

[سوبر VTC]

لاهنت

لايكون دفع الطرمبة ضعيف
او ان الفلتر عندك مسكر

اذا كان دفع الطرمبه ممتاز فالاكيد عندك مشكله بحساس اللهاة
حق الهوا

[رويفع]

كل هالمشكله بعد الغسيل وحوسه تغير شموع السياره
بشيك علي الطرمبه بس ما اتوقع منها

[الاتصال السريع]

انا سيارتي نفس سيارتك حتى الموديل نفسه لكن سيارتي القير تماتيك
انا حصلي نفس مشكلتك بعد غسيل بستم ، لاحظتها صباح اليوم التالي وهو تقطيع وتدخين بزيادة واذا رفعت رجلي عن البنزين ترج وتطفي .
طبعا دخلت في مساومات مع الورش كل واحد يعطي تشخيص حتى ان احدهم كهربائي قال المشكلة في الكمبيوتر حق السيارة وقيمته بحدود الاربعة آلاف ريال وقال عندي مستعمل بالفين ريال وانا ما قتنعت بكلامهم ، الى ان نصحني احد الاخوان جزاه الله خير بفحص السيارة بالكمبيوتر وبعد ذلك اتضح الامر وهو ان المشكلة في منظم الهواء وكان غالي وعلى ضمانتهم قبل الشراء انه هو السبب لان القطع الكهربائية لاتستبدل وشريته من الوكالة اعتقد بالف وسبعمائه وسبعين ولكن فعلا ارتحت من المشكلة بدون خسائر غير مبررة
طبعا يوجد في التشليح منظم لكن غالي وثلاث مرات وانا ارجعه لهم لانه خربان طبعا ياخذونه من زبون ويرجعونه لزبون آخر

[رويفع]

انا سيارتي نفس سيارتك حتى الموديل نفسه لكن سيارتي القير تماتيك
انا حصلي نفس مشكلتك بعد غسيل بستم ، لاحظتها صباح اليوم التالي وهو تقطيع وتدخين بزيادة واذا رفعت رجلي عن البنزين ترج وتطفي .
طبعا دخلت في مساومات مع الورش كل واحد يعطي تشخيص حتى ان احدهم كهربائي قال المشكلة في الكمبيوتر حق السيارة وقيمته بحدود الاربعة آلاف ريال وقال عندي مستعمل بالفين ريال وانا ما قتنعت بكلامهم ، الى ان نصحني احد الاخوان جزاه الله خير بفحص السيارة بالكمبيوتر وبعد ذلك اتضح الامر وهو ان المشكلة في منظم الهواء وكان غالي وعلى ضمانتهم قبل الشراء انه هو السبب لان القطع الكهربائية لاتستبدل وشريته من الوكالة اعتقد بالف وسبعمائه وسبعين ولكن فعلا ارتحت من المشكلة بدون خسائر غير مبررة
طبعا يوجد في التشليح منظم لكن غالي وثلاث مرات وانا ارجعه لهم لانه خربان طبعا ياخذونه من زبون ويرجعونه لزبون آخر

اخي الكريم رحت الوكاله وقالولي سعره 1800
لكن هل انتهت المشكله ولم ترجع لك ؟؟؟

ماودي اغير القطه اخر شي ترجع لي المشكله

لان واحد من الشاباب قالي غير الفيش رحت دورت الفيش حق المنظم ما لقيت شي

وياريت لو تذكر قبل كم صارت لك المشكله وكم لك الحين من احلت وصدقت نفس الشي يرج معاي الموتر

[الاتصال السريع]

نعم اخوي انتهت المشكلة ، لكن ترى ما شريت المنظم اعتباطا بل بعد ما حددت الورشة ان السبب في المنظم وترى جربت كما قلت لك من التشليح عدد ثلاثة منظمات وطلعن اثنين منهم خربانات والثالث يعمل ولكن بنسبة 60% ونصحني الكهربائي بشراء جديد افضل حيث ان الفرق ليس كبيرا يعني في التشليح من 700 الى 1000ريال لكن انت وحضك يمكن يمشي فترة بسيطة لكن الجديد ان شاء الله يطول وعلى ضمانتهم انه لو ما طلع هو السبب انهم يتحملون النتائج لانه كما تعلم القطعة غالية وكهربائية .
لي حوالي سنتين بالضبط من غيرته وابشرك ما فيه اي مشكلة .
لكن ربما لايكون السبب في مشكلة سيارتك هو ذاته الذي في سيارتي افحص كمبيوتر ودعهم يشخصون الضمان وعلى مسؤليتهم تحمل النتائج ، او رح للتشليح وخلهم يركبون لك منظم وان ضبط تمام
آسف للإطالة وشكرا

[وسيع البنايد]

كلام الاتصال السريع كلامن طيب

[رويفع]

نعم اخوي انتهت المشكلة ، لكن ترى ما شريت المنظم اعتباطا بل بعد ما حددت الورشة ان السبب في المنظم وترى جربت كما قلت لك من التشليح عدد ثلاثة منظمات وطلعن اثنين منهم خربانات والثالث يعمل ولكن بنسبة 60% ونصحني الكهربائي بشراء جديد افضل حيث ان الفرق ليس كبيرا يعني في التشليح من 700 الى 1000ريال لكن انت وحضك يمكن يمشي فترة بسيطة لكن الجديد ان شاء الله يطول وعلى ضمانتهم انه لو ما طلع هو السبب انهم يتحملون النتائج لانه كما تعلم القطعة غالية وكهربائية .
لي حوالي سنتين بالضبط من غيرته وابشرك ما فيه اي مشكلة .
لكن ربما لايكون السبب في مشكلة سيارتك هو ذاته الذي في سيارتي افحص كمبيوتر ودعهم يشخصون الضمان وعلى مسؤليتهم تحمل النتائج ، او رح للتشليح وخلهم يركبون لك منظم وان ضبط تمام
آسف للإطالة وشكرا

الله يعطيك العافيه ياخوي انا دخلت السياره الوكاله اليوم وقلت لهم يفحصونها كمبيوتر ويعطوني خبر قالو لي انه عندهم زحمه والسياره ما تخلص الا يوم الخميس قلت اي طيب المهم افحصها كمبيوتر ويصير خير طبعاً سعر المنظم 1800 بوكالة الجبير لكن لحد الان ما حددو العطل وين يفحصونه ونشوف وش العلم واذا طلع منه راح اغيره ان شاء الله وكذالك ما ادري عن شغل الوكاله ياخذون على شغل اليد بس ما ادري كم ياخذون اذا كانو بياخذون واجد باخذ القطعه واوديها لورشه يركبونها لي ، لاني عندي كم شغله بسويها تغير جمبينات وطقم سيور وجلد بدي كامله لذلك نحاول السيطره على الميزانيه :Dاول ما اخلص من الموتر راح اعطيكم وش المكشله و الحل