المساعد الشخصي الرقمي

مشاهدة النسخة كاملة : عندي رجه


ولـد الدوادمي
21/07/2009, 04:39 AM
هلابكم يا الربع أنا دخيلكم تكفون عجزت ألقاء الحل

عندي بالجيب جراند شروكي 2001

تجي حالااات دائم ويقعد يرج إذا مشيت عليه وأحيانن إذا وطيت عيون القطط وأنا أمشي وإلا مطاب خفيفه

يقعد يرج وينتفض الموتر كلة لين أشيل رجلي وأنتم بكرامة عن البنزين وتخف الرجة وتروح

رصصت الكفرات كلها ووزنت الاذرعة والعكوس وشيكت عليها سليمة

وقالي العامل أن كفراتك تعبانة وقديمة لازم تغيرها هي السبب

بس ما أرتحت لكلامة وما أتوقع إلى هالدرجة إن الكفر له دخل ؟

الله الله بفزعتكم
التعـ King ـديل
21/07/2009, 04:42 AM
غريبه الموتر يرج بدعسه البنزين

مالي خبره بالشروكي بسئل وارد لك
عاشق السناف
21/07/2009, 04:47 AM
على حسب ماسمعت


كراسي المكينه
ولـد الدوادمي
21/07/2009, 05:26 AM
الله لايهينكم

وننتضر بقية الأخوان
برق بريده
21/07/2009, 05:55 AM
ياخوي يمكن من الصليبات با العمود

ويكمن من الكفرات بس شيك على الصليبات
ولـد الدوادمي
21/07/2009, 06:03 AM
والله مدري وأنخوك
وأحترررت والله
1من الناس
21/07/2009, 06:04 AM
هلا بخوي ولد الدوادمي اتوقع وانا اخوك نفس العامود له ترصيص خاص شيك عليه ولا تستبعد يمكن من الكفرات شف واحد من الشباب وتبادل انت وياه بالكفرات وجررب مراح تخسر شي..تحياتي
ولـد الدوادمي
21/07/2009, 06:06 AM
العااامود مابه إلا العافية

بس تتوقعون بإن الكفرات لها دخل ؟
ميمون111
21/07/2009, 08:16 AM
سوي ترصيص ياخي
راعي الرجم
21/07/2009, 08:49 AM
شيك على مساعد الدركسون الرجه الي تجي من مطب صغير سببها مساعد الدركسون
أبو براك
21/07/2009, 08:56 AM
اتفق مع اخي راعي الرجم

اعتقد المشكله في مساعد الدركسون ( معاون السكان نسميه في الكويت )
القناص 2008
21/07/2009, 09:11 AM
اخوي لو تكرمت
لازم تغير مساعد الدركسون
كانت عندي نفس المشكله
المشكله من المساعد الدركسون خذ العلم وانا اخوك اذا اكات مطب يرج بقوه كانها بتنطلق الكفرات
تحياتي لك ......
shaheenshah
21/07/2009, 09:40 AM
اذا كان الدركسون فيه فضاوه يسبب الرجه
سوبر VTC
21/07/2009, 10:56 AM
عندك عدة حلول
بدل الكفرات الاماميه مع الخلفيه و جرب
همن فك عمود الدبل و جرب
احيانا عمود الكردان الخلفي يسبب رجه على سرعه 100 و طالع
يصير به طعج
همن تاكد من دودة الدركسون لا يكون به فضاوة
تاكد من الذراع اللي شابك بالدودة من الاعلى الذراع اللي طالع من الدركسون
ابو لندا
21/07/2009, 11:08 AM
اهلين والله بولد الدوادمي

شف وانا اخوك . الرجه كلها من الكفرات واسال مجرب . لانه قد صار معي نفس المشكله .. وغيرت كل شي ورصصت الكفرات وهي هي المشكله .

بدلات كفرات انا واخوي . وراحت الرجه . وصار كله من الكفرات . ^_^ ..

ودمت سالم ..
الرحال 2003
21/07/2009, 11:22 AM
سبب رجت السياره عند المطبات الخفيفه وعيون القطط مساعد الدركسون يكون خربان
سوبر VTC
21/07/2009, 11:43 AM
اهلين والله بولد الدوادمي

شف وانا اخوك . الرجه كلها من الكفرات واسال مجرب . لانه قد صار معي نفس المشكله .. وغيرت كل شي ورصصت الكفرات وهي هي المشكله .

بدلات كفرات انا واخوي . وراحت الرجه . وصار كله من الكفرات . ^_^ ..

ودمت سالم ..


الله يذكرك بالشهادة

اخبر واحد معه جمس و كان عنده صوت مستمر
فكان اهل الورش يتخرصون اللي يقول رمان كارونه صليبات رمان عكس

شار عليه احد الربع يبدل الكفرات و الجنوط من موتر حق خويه
المهم و الله و يروح الصوت :good:
ولـد الدوادمي
22/07/2009, 01:48 AM
الله يبيض وجيهكم يا الشقردية

أنشهد إنكم كفيتو ووفيتو

ورحم الله والديكم بكل خير يارب
محمدالمحيسن
22/07/2009, 11:29 AM
على حسب ماسمعت


كراسي المكينه

كلام سليم 100%


من واقع تجربه غير كراسي المكينه بس الله الله بالأصلي وتدعيلي ان شاء الله

القصه وانا اخوك كان معي شروكي ينتفض نفض الله لايوريك حول ما يسندح

المهم غيرت الربلات كامله مانفع ثم غيرت مساعد الدركسون بواحد رياضي مانفع

وانقهرت قهر ثم غيرت الاذرعه وهي والله جديده بسمن القهر قلت ابخلص اييييييييه

ماضبطت السالفه كرهت الموتر من ورشه لورشه وكلهم نفس الكلام واقولهم غيرت

كذا وكذا وكذا قالو خلاص مابقى الا الدوده صبر جميل والله والمستعان غيرنا الدوده

والله الحاله ماضبط وش يبي ذا الموتر كهرت ذا الموتر ومن ورده المهم ويلهمن ربي

واناضر كراسي المكينه ولاهن متقطعات قلت حسبي الله ونعم الوكيل غيرتهن وكلي ثقه

انهن المشكله وابشرك غيرتهن وضبط الموتر المهم خساير في خساير بحدود 5000 ريال

لكن عوضن الله دخلته المعارض وجابلي سعر طييييييييييييييييييييييييييييييب

ذكرتن بالشقاء

طولت عليك بس اتمنى اني افدتك ولايهونون الاخوان الباقين