صوت صرصره

[الايام]

السلام عليكم اخواني المكشاتيه

عندي مشكله وارجو ان تكون بسيطه 0 وهي ان عندي جيب ربع 2008 ما مشى ولا 10000 كيلو توه جديد

اسمع صوت صرصره خفييفه واذا دعست الكلتش تختفى تماما

افيدونا يا اصحاب الخبره والله يجزاكم خير جميعا

[Bader-M]

هذا فحمة الكلتش اذا لم يخب ظني

تحياتي اليك

[الايام]

شكرا على ردك اخوي

لكن السياره توها جديده ومحافظ عليها (متى امداها تخرب فحمة الكلتش)

ربما احد يتسآل ويقول ودها للوكاله والضمان لسى ساري مفعوله


وبالنسبه لشركة عبداللطيف جميل وانت بكرامه ترفض استقبالها بحجة اني لم ابدأ معهم الصيانه واستنزاف المال من البدايه وهي لسى على الزيرو

مع اني من البدايه طلبت منهم انهم يغيرون الزيت اللي انا ابغاه وهو موبيل 1 اول 5000 كيلو ورح ادفع الفرق 0قالوا لا000 نغير الزيت حقنا وبس اعجبك اعجبك والا الضمان يروح عليك وانت الخسران0 قلت طيب لو خرب المسجل مثلا او المكيف وش دخله بالمكينه قالوا هذا نظامنا مالنا شغل باي قطعه بالسياره0

انا انسحبت منهم وعرفت ان المسأله هي استنزاف اموال وسرق فوق السرق حسبي الله ونعم الوكيل عليهم 0 ولا حماية مستهلك ولا غيره

[بدوي جنوبي]

حتى لو السياره جديده ممكن يخرب رمان فحمة الكلتش
ويتضح لك عند الضغط علي الكلتش

[بدوي جنوبي]

๑ஐ◄▓▒--> طريقة عمل الكلتش(فلاش)<--▒▓►ஐ๑ (http://www.mekshat.com/vb/showthread.php?t=116129)

[الايام]

شكرا لك مشرفنا العزيز على اهتمامك

[الربذي]

اسمع روح لهم وخل كلامك قوي ورهم العين الحمراء وقل والله لارفع شكوى لشركة واكتب بالانترنت ان تويوتا تخلى عن عملائها ..
تبي الصدق غصبا عليهم يصلحونها لك وين الضمان ..وعلى ايش وانت مافكيت القير عند اخرين ...

والضمان لابد يصلحونها على الضمان بس شد معهم وشوف لاترحمهم ........
وزمان كانوا يصلحونها على الضمان حتى لو ماجيتهم ولا مرة بس الحين كثرت عليهم الناس وصارو يدورون عذر ......ماعليك هم اصلا اخذين حق التصليح منك بسعرها المرتفع يعني من المصنع عليهم ب60يبيعونها 132الف ....

[shaheenshah]

هذا صوت الفحمة حقت الكلتش وطبيعي يكون لها صوت يعني موترك ما فيه الا العافية
اللي مهوب طبيعي انك تسمع صوت صرصرة مزعج يعني قوي والا صوت قروشه

[عبدالرحمن السالم]

عيب الربع كلتشه على طول يحترق .. الصوت هذا من فحمات الكلتشات ولا ازيد كلامي عن اخوي shaheenshah (http://www.mekshat.com/vb/member.php?u=38135) فكلامه عين الصواب ولايهنون الاخوان

موفق خير

[الربذي]

وترا مامنها ضرر كانت معي بسيارة تروح وتجي لكن جديدة بصراحة مايصبر عليها انا كانت ماشية 380الف واخرى نفس الصوت ماشية 200الف ويوم مشت 350الف وهو يخرب معيالصحن ماادري منها ولا لا .....................وتراها تروح اذكر تجي اذا سافرت وابطت موقفه وشغلتها يطلع الصوت زي كذا ...

[الايام]

يامال العافيه يا اخوان على تفاعلكم ووقتكم ونصحكم اللي افادني وافاد غيري

[الكشات الصغير]

والله اني مالي بالسيارات ولا كان افدتك من قبل اعذرني ياخوي الايام
اخوك:الكشات الصغير

[الايام]

يعني ظنكم لازم ينزلون القير عشان تتصلح هالمشكله؟

ان كان كذلك والله قهر وهي توها جدييييده باكياسها

وانا اصلا ما شريتها الا لعلمي بانها جباره وقويه ويستخدمونها اكثر الجيوش مسانده لهم

تاليتها تخرب وهي جديده

[شبح الصحراء]

السلام عليكم ورحمة الله وبركاته ...
هذي اول مشاركة لي منذ مدة طويلة !
المهم بالنسبة للصوت انا كان عندي هايلوكس دبل 2005 ما كملت على ما اذكر 5000 كلم ايام ما كانت جديدة وسمعت صوت بالسيارة الظاهر من الجير بس الصوت يختفي اذا دعست الكلتش مثل ما تفضلت واحترت ورحت للوكالة وانا في الإنتظار قابلت واحد من الزبائن كانت عنده نفس المشكلة وطالب باصلاح سيارته ونزلوا الجير وحاسوا فيه وراح الصوت بس تغير عليه الجير واصبح اثقل في التغيير بين النمر من السابق ، المهم بعد ما سمعت كلامه قررت عدم اصلاح المشكلة ولله الحمد استمر معاي الموتر سنتين حتى بعته ولم اعاني مشكلة من الجير والظاهر ان هذا الصوت طبيعي حتى انه موجود في بعض اللاندكروزر الصالون .
الخلاصة قبل توديه للوكالة ويحوسون في موترك الجديد اعط موترك فرصة وانتظر يمكن يكون الصوت طبيعي والضمان معك حتى 60 الف فإذا زاد الصوت فوق الحد المعقول رح لهم ، وهذي نصيحتي قبل لا يتعبثون الوكالة في موترك ، والله يعطيك من خيره ويكفيك شره .

[HW80]

حسب الي اعرفه لازم يفكون القير الله يعينا وياك