المساعد الشخصي الرقمي

مشاهدة النسخة كاملة : نفكها وللا نلحمها ؟؟؟ (مسامير الثلاجة)


طخيمان
22/07/2009, 02:34 AM
يا اخوان انا معي باترول سوبر سفاري 2004 شاريه تقريباً من 4 شهور واول ما شريته سمعت عن مشكلة مسامير الثلاجة وانك لازم تفكها او تلحمها وقلت ابخلي الموتر على حاله وان شاء الله ما صاير اللا الخير

لكن بدت قبل كم يوم تراودني فكرة فك المسامير او تلحيمها ومحتار والله وش اسوي بها

لأن فيه واحد كتب عن مشكلته وان معه 2008 وطاحت المسامير وخفت الصراحة انها تصير لي

نبي رايكم الله لا يهينكم مع توضيح السبب في الفك او التلحيم
الستانس
22/07/2009, 02:42 AM
انا في الباث فاكها صحيح تحسفت لأني لقيتها راكبه تمام
ولكن كل ما فكرت ارجعها خفت يطيح اللحام

وانا صراحه ما اقتنعت بفكها إلأا لما شفت في الورشه كرتون صغير مليان مسامير مع غطيانها
هذا اللي شجعني افكها ولا كانت النيه تلحيم

وسو اللي يجوز لك وبالتوفيق
محمدالعريني
22/07/2009, 02:54 AM
والله انا معي فتك 2005 فكيتها قبل شهر ولا شفت اي تغير بالموتر لامن عزم ولا صرفيه
وانا اتوقع ان فكها افضل عشان ماتشيل همها وكلف الفك 150 مع ان الشغله سهله

توكل على الله وفكها وريح راسك وبالنسبه للتلحيم انا سمعت ان فيه ناس انفك التلحيم وطاحن المسامير
سوبر VTC
22/07/2009, 02:54 AM
و الله ياخوي طخيمان

المواتر نسبة سقوط مسامير الثلاجه تقريا 10 بالمائة و اقل

بمعنى اشخاص يجلدون مواترهم و ما شافوا الا العافيه
و بعضهم محافظ و للاسف طاحهن

زميلي معه فتك م2005 ملحمهن و عقب سنة تقريبا طاحن المسامير
طبعا هو على طول طفى الموتر
لان اللحام البارد ينكسر من الحرارة و تحل المسامير و تطيح

الافضل احد حلين

يا انك تحط مسمار طويل و تعوجه خفيف يسار او يمين

او انك تلغي اللهاة نهائيا وترا ما تفرق بالعزم

اللهاه على حسب خبرتي المتواضعه توزع الهوا بالتساوي

3 بساتم جهة و الجهه الاخرى 3 بساتم

واحد من جماعتنا بالرياض كبير بالسن
معه فتك فاكه وكاله م2008
و طاحت عليه المسامير و كسرن البستم لانه مشى عليه و لا يدري عن هالشغله
اهم شي ان الوكاله صلحوا المكينه على الضمان


عليك بالورد اليومي و توكل على الله
شف موضوعي بالتوقيع عن مسامير الثلاجه للتوضيح

تحياتي
طخيمان
22/07/2009, 12:42 PM
الله يعطيكم العافية يا الربع


بس يا اخوي سوبر فتك اخاف اني اكون من ال10%


وننتظر تعليقات باقي الاعضاء
.أبوعبدالرحمن
22/07/2009, 01:47 PM
توكل على الله وفكها انا لي تقريبا سنة فاكها وسافرت على السيارة كذا مرة

والى الان ما شفت منها أي شيء شين ولله الحمد والمنة


الفك أفضل من التلحيم لان التلحيم مع الوقت راح بنفك
جبرني وقتي
22/07/2009, 02:52 PM
الله يعطيكم العافية يا الربع
سوبر VTC
22/07/2009, 08:48 PM
الله يعطيكم العافية يا الربع


بس يا اخوي سوبر فتك اخاف اني اكون من ال10%


وننتظر تعليقات باقي الاعضاء



ههههههههههه :D:p

يارجال لا عاد توسوس

توكل على الله

و الا اشتر راحه ضميرك و فكها

شغل يد 200ريال و ارتح و ماراح ياثر بالعزم
ابوعبدالله530
23/07/2009, 12:08 AM
اخوى فكهن وتوكل على الله

ومثل ماقال المثل
درهم وقايه خير من دينار علاج
مواسي الطعوس
23/07/2009, 12:45 AM
الى الان تفكر ....سبق تكلمت عنها انت .

المشكله ماطلعت الا ب2005م هل غير المسمار ؟؟؟مادري .الاول مشى مع الناس اكثر من 300 الف ولاسمعنا بها الا في موديل 2005م .2002 و2003 و2004 م ماسمعنا فيها شي .

* مادام كل العالم تفكها انت رح غير بواجي واذا فك الثلاجه :قل له فك ها المسمار وعطنا ريال ها الحديد .مارايح ياخذ عليك الا حق البواجي .

هو مثل التصييخ للاديتر لو معك طبله جديده تخليه يركبها بدل القديمه ولا ياخذ عليها شي .مثل القديمه .ياخذ حق التسييخ فقط .
لانه ماهو زي الفاندر معقد وكثيره مساميره .
الضرغام11
23/07/2009, 04:23 AM
فكها وارتح انا فاكه لي حول 8 شهور ولا فيه اي اختلاف لا بالعزم ولا تقطيع ولا شيء..
escape_man
23/07/2009, 04:50 AM
الله يعطيكم العافية يا الربع


بس يا اخوي سوبر فتك اخاف اني اكون من ال10%


وننتظر تعليقات باقي الاعضاء

ياحليلك ياطخيمان

والله انك ضحكتني

انا فعلا كنت من ضمن هالعشرة بالمية والاسواء انها طاحت والموتر جديد

اتصلت على ابوابراهيم والشباب يعرفونه وقعدت معه نص ساعة استجواب وطلعت بنتيجة ان فكها افضل

وانا احتري فرصة ازرق له ويفكها
أبوناصر
23/07/2009, 12:51 PM
أنا فاكها في الباث حقي ولا وتغير على الموتر أبد لا في عزم ولا في تفتفه ولا في برد ولا في حر


والراي الأول والأخير لك
ابوسليمان.
23/07/2009, 02:02 PM
اقول الحق على الموتر قبل يخبط او اقل الاحوال تمسح الراس وتبلش على تردد الورشات
ومااكثر الفتك الي نحصلة بالمعارض ممسوح الراس وتلقى الموتر جديد والمشكلة مسامير؟؟؟؟

والاغرب في هذا شركة نيسان عدو الانسان لم تتلافا هذه الاخطاء من 2002وحتى الان
وليس من المعقول ان اشري فتك بــ150000 واذهب للورشة لفك المسامير وتدبيل سلك كتاوت الطرمبة وعزل الكمبيوتر وغيرها؛؛؛

مالفائدة من شرائي موتر وكالة انا ابريح راسي من ملاحق الورشات؟؟؟؟؟؟؟
ابوتركي666
23/07/2009, 02:31 PM
السلام عليكم
فك الهاة افضل من تركها لاني اشوف واحد من الشباب فاكها يقول متأثر شيء ابد
اضم كلامي مع كلام ابوسليمان كلام صحيح
مالفائدة من اني مشتري وكاله ونحره الورشه
براري القصيم
24/07/2009, 03:02 PM
فكها أفضل
على ماأظن فائدة المسامير من أجل ارتداد ضغط المكينة إذا وصل للمؤشر الأحمر