المساعد الشخصي الرقمي

مشاهدة النسخة كاملة : لخبراء الباترول


ذباح الخرب
22/07/2009, 04:55 AM
السلام عليكم ورحمة الله وبركاته
اخواني .. انا حصلتلي مشكله مع جيبي السفاري موديل 91 .. كنتت في البر والجو علينا غبار
وكان وجه الموتر مناطح الهوا .. عقب ماخف الغبار شغلت موتري
ومشيت فيه راد البيت ماانتبهت الى الحراره فوق النص .. طفيت الموتر وخليته يبرد
ورحت لأقرب اخصائي سفاري .. طلعت علته انه راديتر المكيف مليان تراب ( الله يكرم وجيهكم)
نضفته وقات يمكن يغدي شره .. بس للأسف ..
الموتر صارت فيه حراره موطبيعيه اذ مشيت على الربع واذا وقفت في الزحمه تتعدى النص
مع العلم انه قبل مايتعدى الشخطه الثانيه ..
والله ضيق خلقي خاصه اذا كان الموتر نضيف حيل وموماشي شي ..
سويت له كل شي .....
شيشت الراديتر
شلت الترموستات
بدلت الراديتر .. بواحد جديد
مافي فايده
رحت حق استشاري و دكتور جراح سفاري ..قلتله شوف الراس يمكن منشعر
بعد الفحص .. قالي الراس مافيه شي .. قلت الحمدلله
.. الحين نبي الحل من الوجيه الطيبه ..
وياريت لو تعطوني اسم المروحة السبارو الاضافيه الي تركب على السفاري او رقمها اونوعها وسعرها الي
مذكوره في المشاركات عندكم .. ليش اني رحت شركت سبارو قالي في أنواع واجد .. وتوهقت مدري اي نوع

واسفين على الاطاله
وجزاكم الله خير
D I K T O O R
22/07/2009, 05:24 AM
طيب يالغلا

يمكن نفس الحساس حق الحراره مايعطي قراء صحيحه او نفس سلك الحراره منجرح ومتركي على حديدهـ وتصير الحديده حاره ويعطي الحراره على النص

ومنهم اللي رحت لمهم وكشفو على الموتر
ذباح الخرب
22/07/2009, 05:34 AM
هلا وغلا اخوي الدكتور
تسلم على الرد الصاروخي
اخوي .. انت تقصد الحساس حق عداد الحراره
عداد الحراره مافي شي فحصناه
وانا ترى ياخوك من الكويت
والي رحتلهم .. علي الباكستاني
واحمد اللبناني
هم اخصائين سفاري وكل اهل الجيوب عندنا تقريبا يصلحون عندهم
وانا زبون عندهم اكثر من عشر سنين ..
rolze
22/07/2009, 02:06 PM
اخوي ذباح الخرب
انا عندي نفس المشكله وركبت مروحة اضا فيه حقة صالون 2002 ولاتغير شي
واليوم ان شاء الله ابي اغير توماتيك المروحه ممكن البلاء منه واقول ان شاء الله
يطلع السبب وارتاح من الحراره وابي اعطيك خبر باذن الله بالنتيجه
جبرني وقتي
22/07/2009, 03:01 PM
الله يعينكم
ذباح الخرب
23/07/2009, 07:13 AM
جزاكم الله خير على الرد اخواني
واسعدني مروركم اخواني
رولز
جبرني الوقت
واتمنى من الاخوان يذكرون لنا نوع المروحه السبارو
kmn
23/07/2009, 07:56 AM
السلام عليكم اخوي

هل السيارة اذا سرت عليها لمسافات بعيدة تبدأ بالارتفاع تدريجيا الى اكثر من النص ذا كان اجابتك بنعم افحص النقطة التالية وهي اذا ارتفعت حرارة السيارة اكثر من الربع روح والمس الخراطيش اذا كانت منتفخة بقوة ترى عندك راس المكينة خربان سوي له مسح ثم دبل الوجية وانشالله يظبط .
ذباح الخرب
24/07/2009, 08:31 AM
حياك الله اخوي kmn
تسلم على المرور والتعليق
اخوي السياره وانا ماشي الحراره طبيعيه يعني ربع
بس في الزحمه ترتفع كل ماطولت كل ماارتفعت الحراره
فتك ابوفهد
24/07/2009, 10:13 AM
انت غيرت الرديتر طيب غيرت الغطا < طبعا لا زم يكون اصلي
وشيك على اتواماتيك المروحه
لف المرحه بيدك والسياره طافيه اذا حسيت ان المروحه تلف معك بسهوله يعني خفيفه علطول غير اتوماتيك المروحه بواحد اصلي
وشف ريش المروحه سليمه ولا غيرها بعد
اتمنى اني افدتك
والله يعينك
rolze
24/07/2009, 09:19 PM
الحمدلله ضبط موتري باذن الله ركبت مراوح مرسدس 280
ثنتين وغيرت الاديتر وغيرت توماتيك المروح والحين طلع عندي انبير الحراره خربان
لاكن الحراره تحسنت احس بالمكيف صار يبرد والموتر تغير
انصحك غير اديترك باديتر المونيوم او بثلاث رصات نحاس ومراوح مرسدس280
ثنتين وانشاء الله تنسى الحراره