حرارة السيارة ترتفع كيف أحدد منين الخلل ؟

[سيف العدالة]

الارتفاع تدريجي عند زيادة السرعة وفي الأماكن المزدحمة ( ما تتجاوز النصف )


إذا طلعت طلعة ترتفع الحرارة فوق النص وإذا نزلت معها تنزل لتحت الربع


إذا خلصت من مشوار تكون على خط الربع بالضبط ( قبل ما أطفيها ) وإذا شغلتها بعد دقايق أشوفها فوق الثلث . وإذا مشيت شوي ترجع للربع


لما بردت السيارة تماما فتحت غطاء الراديتر وأشوف الموية ما فيها نقص و اللي الصغير اللي جاي من الجهة اليمين ما يطلع مويه أبد أبد والسيارة شغالة لها 10 دقيق ثم بدأت الموية ترتفع شوي ونزل كمية أقل من الفنجال من الموية والراديتر صار حار
وبعد ربع ساعة ثبتت درجة الحرارة على الربع وتوقفت الموية عن النزول


من فين المشكلة يا رررربع ؟

[فهد العرجان]

السلام عليكم
ياخوي وش السيارة ؟

[جبرني وقتي]

السلام عليكم
ياخوي وش السيارة

[سيف العدالة]

وعليكم السلام ورحمة الله وبركاته

المعذرة على التأخر

السيارة باث

[نشمي الحوطة]

فيه اشياء اساسية تأكد منها ..

الخراطيش ما تكون منشقة والا شي ..

المراوح شغالة

الرديتر ما ينقص

السيور ..

وتأكد ان الحرارة ترتفع اذا كان المكيف شغال والالا .؟

ممكن تكون من مراوح المكيف كما هو الحال عندي بالباترول ..

وعموماً النيسان كما سمعت لا تظره ان تصل درجة الحرارة الى النصف .. أرجو من اي شخص عنده خلفيه عن هذي النقطة انه يتكرّم بالرد ..!

[راعي الركيات]

سيارتك طبيعيه جدآ

ومافيها حرارة

طبيعي ان السيارة ترتفع حرارتها مع الطلوع وتنخفض مع النزول

اهم شي انها ماتتعدي النص وهي تمشي مشي عادي بدون شد

[د.الحب]

احيان مجرد تنظيف الرديتر يحل المشكلة

كانت سيارتي ترتفع الحرارة فيها وكل شي سليم ولله الحمد

بعدين رحت عند ميكانيكي كويس قالي نظف الرديتر والسلندر وان شاء الله الامور تمام


وفعلا نظفتها مشت الامور زي الحلاوة ما شاء الله

[فتك ابوفهد]

هلا اخوي
اذا تبي تعرف سيارتك فيها حراره زايده امسك الخرطوش اللي جاي من المكينه للرديتر وظغط عليه اذا حصلته جامد << معناتها سيارتك فيها مشكله

شيك على اللي بقوله لك
وترى المفروض كل سنه تغير بلف الحراره ( الترمستات ) وتغير المويه وطبعا تصب مويه اصليه حمرا ولا خضرا << وافضلها من وجهة نظري موية تويوتا الحمرا
وتخفف المويه الحمرا بمويه مقطره << ضروري
وتسييخ الرديتر وتشييك على المراوح الكهربائيه + الميكانيكيه
وشيك على السيور يمكن تبي تغيير
واذا المويه اللي كانت في الرديتر مصديها وفيها شوائب كثير يبيلك غسيل سلندر
وان شاء الله تنسى شي اسمه حراره
اتمنى اني افدتك
تقبل مروري

[كميت]

بسم الله الرحمن الرحيم

اعتقد ان الوضع طبيعي ولاتنس انك بالسعودية يعني صيف جدا حار لكن ابعطيك نصيحة

لاتحط بالرديتر موية عادية ابدا مع الوقت بتحوس عليك الرديتر والطرمبة ضع ماء رديتر اصلي لان السوق فيه موية خضراء مكتوب عليها ( منظف رديتر ) لاتحطها ابدا انتبه والبياعين يبوعوها على انها موية رديتر ولذلك انتبه اشتر موية رديتر اصلي

تأكد من غطاء الرديتر افتحه إذا شفت المطاط الي بالغطاء ناشف وقاسي على طول غير الغطاء ( صار لي هذا الموقف )

كل 3 اشهر غير موية الرديتر يعني والسيارة واقفة وباردة افتح الخرطوش السفلي وخل الموية تنكب كلها ثم اذا انكبت كل الموية القديمة ارجع اربط الخرطوش وتأكد من ربطه جيدا ثم اضف موية رديتر جديدة اصلي

تأكد ان الرديتر من قدام نظيف جهة الفتحات الامامية يعني ماهو مسدد من كثر الحشرات او اوراق او ما شبهه ونظفها

( دائما اشتر اصلي ولو من الوكالة احسن لان حقيقتا الأجواء عندنا قاسية جدا ولا يصبر عليها الا الأصلي والله الموفق )

[فتك ابوفهد]

إذا خلصت من مشوار تكون على خط الربع بالضبط ( قبل ما أطفيها ) وإذا شغلتها بعد دقايق أشوفها فوق الثلث . وإذا مشيت شوي ترجع للربع


المكينه 3.000 ولا 3.500 ؟
وش البنزين اللي تعبيه 91 ولا 95 ؟

[سيف العدالة]

سيارتك طبيعيه جدآ

ومافيها حرارة

طبيعي ان السيارة ترتفع حرارتها مع الطلوع وتنخفض مع النزول

اهم شي انها ماتتعدي النص وهي تمشي مشي عادي بدون شد


المشكلة فعلا أنها تتعدى النص إذا طلعت طلعة القدية , وظهرت هذي المشكلة هذي السنة فقط




المكينه 3.000 ولا 3.500 ؟
وش البنزين اللي تعبيه 91 ولا 95 ؟

الموديل 2005
البنزين 91


:::::::::::::::::::::::::::::::::::::::::::::::::: ::::::::::::

[كرفان]

بسم الله الرحمن الرحيم



اعتقد ان الوضع طبيعي ولاتنس انك بالسعودية يعني صيف جدا حار لكن ابعطيك نصيحة


لاتحط بالرديتر موية عادية ابدا مع الوقت بتحوس عليك الرديتر والطرمبة ضع ماء رديتر اصلي لان السوق فيه موية خضراء مكتوب عليها ( منظف رديتر ) لاتحطها ابدا انتبه والبياعين يبوعوها على انها موية رديتر ولذلك انتبه اشتر موية رديتر اصلي


تأكد من غطاء الرديتر افتحه إذا شفت المطاط الي بالغطاء ناشف وقاسي على طول غير الغطاء ( صار لي هذا الموقف )


كل 3 اشهر غير موية الرديتر يعني والسيارة واقفة وباردة افتح الخرطوش السفلي وخل الموية تنكب كلها ثم اذا انكبت كل الموية القديمة ارجع اربط الخرطوش وتأكد من ربطه جيدا ثم اضف موية رديتر جديدة اصلي


تأكد ان الرديتر من قدام نظيف جهة الفتحات الامامية يعني ماهو مسدد من كثر الحشرات او اوراق او ما شبهه ونظفها



( دائما اشتر اصلي ولو من الوكالة احسن لان حقيقتا الأجواء عندنا قاسية جدا ولا يصبر عليها الا الأصلي والله الموفق )


هلا هلا..من جدك تستخدم موية أصلية وتغيرها كل ثلاثة أشهر:mad:
وينك مادرينا عنك :no: أجل لو تكرمت ،تراي زبون أبا أشتريها منك والسعر منا مختلفين :no2:

[فتك ابوفهد]

الموديل 2005
البنزين 91


:::::::::::::::::::::::::::::::::::::::::::::::::: ::::::::::::

سيارتك يضرها الـ 91 وتبي تصدقني استخدم 95 لمدة اسبوع وشف الفرق في الحراره والعزم
بنزين الباث 95 كلام الوكاله

[ابوفرايديز]

والله انا سمعت ان الباث فاندر طبعا الوكاله يقولون الكلام ان الباث فاندر يجي اثنين بلف حراره يعني بلفين حراره الوكاله يشيلون واحد اثم تزين الحراره وانتبه للغطاء حق الاديتر لازم تغيره

[البرتقالي]

اذا المروحة كهربائية بعد ماترتفع الحرارة اضربها مع النص والسيارة تشتغل
بعصى مكنسة والا عصى عفريته هيلوكس 79 تشليح :)
اذا اشتغلت معناها يبي لك تغيير مروحه
واذا ماشتغلت شيك على فيوز المروحه وتمديداتها

واذا هي سليمة وهذا الاقرب بظني
انسها وشيك على الباقي غطاء اديتر تصييخ بلف حراره تيبس خراطيش وهلم جرا

[سيف العدالة]

أبشركم
تم حل مشكلة الحرارة

بتغيير الراديتر لصيني وشكل المشكلة كانت منه

وقبل اسبوع غيرت السيور

[بيك اب 4X4]

على البركه
و ما شاء الله عليك صبرت اكثر من سنتين على المشكله

[وحش القفار]

تعبت قبلك وخسرت وبعت السيارة والشخص اللي شرها صديق وعلى علم بالمشكلة عند الشراء وحلها بتسييخ الاديتر
وهناك فرق بين الغسيل (ماينفع ) والمهم هو التسييخ