ياشباب الدبل حق الجمس الحوض خربان

[ابشر بسعدك]

اسعد الله مسا الغالين بكل خير ياهل العرف والمشوره دبل الجمس حوض موديل 90 ارضي يشبك لاكن الكفرات الامامية ماتدور بالرمل يعني كنة ماهوب مشبوك مع العلم انك اذا شبكتة تسمع حنة الدبل انة اشتغل وش العلم يالربع تكفون المشورة ومن شاور ماخاب:mad:

[عاشق الموج]

شيك على الحساس الموجود في الدفرنش الامامي

90% منه

[بو جريس 73]

نفس ماقال اخي عاشق الموج

شيك على الحساس او اذا في ليات صغيره طالعه من الدبل ورايحه الى في الدفرنس الأمامي شيك عليهم وعلى القطعه الي في الدفرنس

والله يكون بعونك

[ابشر بسعدك]

الله يعطيكم العافية ياشباب ماقصرتوا الله يبيض وجيهكم بس الموديل 90 يجي لة حساس ولا الدبل عادي مافهمت .

[لن أمل من العطاء]

حبيبي

اتوقع ما له حساسات


شوف نهاية اطراف الدفرنس الامامي هناك قطع توصل ما بين العكس والهوب يمكن ماهي موجود
او انه فيه فرارات وهي على الوضع الحر

اذا كان فيه فرارات وحتى اذا حركتها ما ينفع يمكن التروس الداخليه للفرار متآكله

[سوبر VTC]

مثل ما قال اخوي لن امل من العطاء

شيك على الدفرنس الامامي

لو موترك دبله ازرار يكون الكارونة له دينمو يشبك العكوس مع الكارونة
قيمه هذا الدينمو ب190ريال له سلكين او خطين فقط
الجمس من 2000 و طالع اصلي ب400ريال له 4 اسلاك او خطوط

[ابشر بسعدك]

الله يعطيكم العافية ياغلين جميعن بس الموتر ترى موديل 90 مالة ازرار للدبل الوضع قير ارضي عادي ويعدين ياشباب وش احسن ورشة بالرياض لعمل التصليح