المساعد الشخصي الرقمي

مشاهدة النسخة كاملة : بالصور تركيب تانكي ماء للباترول


يازين البر
23/07/2009, 12:56 AM
بسم الله الرحمن الرحيم


بعد وقت طويل من البحث والاستشارة والتمتير(القياس بالمتر:))


للوصول إلى أفضل طريقة لشكل تانكي الماء للباترول ومكانه


من حيث سعته المناسبة وعدم أخذ حيز في السيارة استقر في نفسي أن هذه أفضل طريقة بالنسبة لي وهي كالتالي :


التانكي سعته : 100 لتر


ألمونيوم 3 ملي


شكله : واقف خلف المرتبة


انظر الصورة


http://www.mekshat.com/pix/upload03/images119/mk32953_h.jpg


وبعد ذلك قمت بتفصيل طبق على قياس الشنطة بعد تركيب التانكي يمكنك رفعه إلى 50 سم


ولكن سأضع عليه بعض التعديلات بإذن الله سأذكرها في بعد قليل انظر الصورة


http://www.mekshat.com/pix/upload03/images119/mk32953_jh.jpg


من جهة أخرى


http://www.mekshat.com/pix/upload03/images119/mk32953_nbvtc.jpg


ولكن كما تلاحظون الطبق يحتاج تعديلات أولا أعمدته بعيدة عن الزوايا حتى أصبحت عائقا لدخول الأغراض وإخراجها


لذلك سأقوم بتغيير مكانها ووضعها في الزوايا وهذا يحتاج إلى تلحيم أحد جوانب الطبق التي تنصفط إلى أعلى وعكس الأخرى انظر الصور


هنا من الجهة اليمنى سأقوم بعكس اتجاه الصفطة إلى أسفل بدلا من الأعلى وذلك بتغيير مكان الفصالة ثم ألحم العمود في الزاوية
http://www.mekshat.com/pix/upload03/images119/mk32953_mv.jpg


وهنا من الجهة اليسرى سأقوم بتلحيمها لكي لا تتحرك لأنه لافائدة منها فالطبق يدخل بصفطة واحدة ومن ثم سأقوم بتلحيم العمود بزاويتها


http://www.mekshat.com/pix/upload03/images119/mk32953_crh.jpg



وهذه صورة الفصالة وسأقوم بنقلها إلى الجهة السفلية للماصورة لكي تكون الصفطة إلى الأسفل


http://www.mekshat.com/pix/upload03/images119/mk32953_as.jpg



ثم ألحم العمود في هذه الزاوية


http://www.mekshat.com/pix/upload03/images119/mk32953_ad.jpg



وبعدها يكون الطبق من أفضل ما يكون أما بالنسبة لبزبوز الماء فقد أدخلت اللي من إحدى الربلات الموجودة تحت الفرشة انظر الصورة


http://www.mekshat.com/pix/upload03/images119/mk32953_nugh.jpg



وهاهو من الأسفل (التصوير من فوق الكفرة )


http://www.mekshat.com/pix/upload03/images119/mk32953_bvi.jpg


http://www.mekshat.com/pix/upload03/images119/mk32953_k.jpg
يازين البر
23/07/2009, 12:57 AM
http://www.mekshat.com/pix/upload03/images119/mk32953_muj.jpg


http://www.mekshat.com/pix/upload03/images119/mk32953_q.jpg


http://www.mekshat.com/pix/upload03/images119/mk32953_isw.jpg


اللي مشدود لا يحتاج إلى تثبيت لأني أدخلته من بين فتحات الشاص


وأنت بعدها ثبت البزبوز في أي مكان تريد


ملاحظة : سعر التانكي 650 ملبس ومركب وسعر تفصيل الطبق 250 كلها من عروق الشمال ببريدة


واللي يبي يفصل الطبق عندهم لابد انه ينتبه للملاحظات والتعديلات اللي ذكرتها حتى ما تبهذله الأعمدة


أرجو أن يكون الموضوع واضح ومفيد وأي سؤال أنا حاضر
راعي السيل
23/07/2009, 01:01 AM
السلام عليكم
اشكرك على وضع الصور وعلى هذا الموضوع الرائع :)

ممكن نعرف كيف تم تثبيت التانكي؟ كأني اشوف مساكات مثبته على الجانب الايمن والايسر؟
مواسي الطعوس
23/07/2009, 01:02 AM
موضوع رائع يعطيك العافيه .

*شكلك ماتنام بالموتر ابد .

**انا افضل يكون بحجم الموتر من الخلف وبارتفاع 14 سم علشان اذا سفطت المرتبه تكون متساويه مع الخزان ..والنوم داخل الموتر لوحده ترتاح مره ولا مطر ولاهواء ولاشي .

او تقصره من الخلف وتكمله بطبق ياخذ اللي تحته الاغراض اللي ارتفاعها اقل من 14 سم .
يازين البر
23/07/2009, 01:05 AM
السلام عليكم
اشكرك على وضع الصور وعلى هذا الموضوع الرائع :)

ممكن نعرف كيف تم تثبيت التانكي؟ كأني اشوف مساكات مثبته على الجانب الايمن والايسر؟


هلا بك أخوي راعي السيل عذرا نسيت هذا الأمر جزاك الله خير نبهتني


اللي تشوفها مساكات ألمونيوم مشدودة بسامير وتم وضعها مكان مسامير المرتبة الثالثة كما في الصورة الأولى


وشاكر ومقدر لك مرورك الرائع
يازين البر
23/07/2009, 01:10 AM
موضوع رائع يعطيك العافيه .

*شكلك ماتنام بالموتر ابد .

**انا افضل يكون بحجم الموتر من الخلف وبارتفاع 14 سم علشان اذا سفطت المرتبه تكون متساويه مع الخزان ..والنوم داخل الموتر لوحده ترتاح مره ولا مطر ولاهواء ولاشي .

او تقصره من الخلف وتكمله بطبق ياخذ اللي تحته الاغراض اللي ارتفاعها اقل من 14 سم .


ههههه لا والله ما أنام بالوتر أبد وتراني فكرت بفكرتك بس المشكلة في التانكي المفروش على الأرضية أنه أثقل على السيارة


ومروجة الماء أكثر والتحميل بيصير فوقه أما اللي أنا حطيت فوق الدفرنس مباشرة يعني ما يثقل على السيارة ولا يتمروج فيه الماء مثل تانكي الفرش


مع العلم اني وضعت بداخله شرايح (قواطع) لتقليل ارتداد الماء
mo7taj
23/07/2009, 01:11 AM
بارك الله فيك ورعاك...

الله يعطيك خيرهم ويكفيك شرهم....

تقرير رائع وتصوير مميز....

موفق لكل خير....
اسير الغضا
23/07/2009, 01:17 AM
شغل مزبوط الله يهنيك ويطعمك خيره
ابولولو
23/07/2009, 01:32 AM
بارك الله فيك علي المجهود الطيب والنقل الممتاز وفيه طريقه حلوه شفته مع احد الشباب باترول 2007 شايل المراتب الخلفيه وحاط تانكي مكان المراتب وحاط بطرف التانكي ماصورتين ويسقط مرتبت الظهر فيهن عن الحاجه للمرتبه وتصير مرتبه كامله وملبسه كانه مرتبه وشكرا لصاحب الموضوع والله يحفظ لك الولد
؟؟؟ياعيني؟؟؟
23/07/2009, 05:14 AM
السلام عليكم..............
الله يعطيك العافية اخوي وماشاء الله شغل نظيف ومرتب وتبغى الصراحه موتر بر مافيه تانكي مويه مهوب موتر............


تقبل مروري
سوبر VTC
23/07/2009, 05:39 AM
و عليكم السلام و رحمة الله

الله يطعمك من خيره و يكفيك شره

و صراحه شغل قوه خصوصا الطبق و طريقه التصميم

انا صدفه اتصفح مواضيعك القديمه يوم انك تطلب تانكي المونيوم 80لتر :)

المهم ان احد الربع معه سلقة باترول م91 و معه تانكي ستيل 80لتر

خفيف جدا تشيله باصبع واحد و وذف

طوله تقريبا 110 ارتفاع 12 عرض 60

طبعا هو سدح بالعرض خلف المرتبه الخلفيه اخبر انه مفصله على ماظن عند فهد

باسواق

الغد او شاريه من المبارك

اخبره شاريه قبل 7سنين ب700ريال

عموما انا قبل اسبوع رحت للسنيدي و عروق الشمال ابي عزبه حقت طبخ و قهوة

يعني عزبه وحده و لا اعجبن شي من تفصيلهم

المهم قلت ياولد خلن اروح لفهد همن اروح لمحل غنام و بعده اروح لمحل المبارك

وسيع صدر :cool:

مريت فهد و القى عندهم عزبه خييييييييال جدا :good: تصميم رائع

قلت تدري ياولد ما يلزم نروح لغنام و المبارك :D

اخذت منهم عزبه رقم 2 وسط بس انه غاليه ب65ريال بس تستاهل

ميزته مستطيل على شكل كرتون موز و تشيل اغراض الطبخ و القهوة

الميزة الاخرى و التي لاتوجد لا عند السنيدي و لا عروق الشمال

ان السفنج حق العزبه متين اللي هو اسفنج الكبرات اسفنج ابيض فوقه القصدير

الابيض

بعكس اسنفج عروق و السنيدي اللي هو اسفنج عادي اصفر

و ايضا مبطنه بالسفنج من الاسفل بالكامل بعكس حقت السنيدي و عروق
يازين البر
23/07/2009, 01:09 PM
بارك الله فيك ورعاك...

الله يعطيك خيرهم ويكفيك شرهم....

تقرير رائع وتصوير مميز....

موفق لكل خير....

آمين شاكر لك مرورك الكريم أخوي محتاج
يازين البر
23/07/2009, 01:16 PM
بارك الله فيك علي المجهود الطيب والنقل الممتاز وفيه طريقه حلوه شفته مع احد الشباب باترول 2007 شايل المراتب الخلفيه وحاط تانكي مكان المراتب وحاط بطرف التانكي ماصورتين ويسقط مرتبت الظهر فيهن عن الحاجه للمرتبه وتصير مرتبه كامله وملبسه كانه مرتبه وشكرا لصاحب الموضوع والله يحفظ لك الولد


هلا ابو لولو الصراحة فكرة رفيقك حلوة بس المشكلة مع وين يعبيه ؟ وكيف يجلس الركاب على التانكي لابد من تلبيسه اسفنج و و و مشكوووووور على المرور
يازين البر
23/07/2009, 01:20 PM
السلام عليكم..............
الله يعطيك العافية اخوي وماشاء الله شغل نظيف ومرتب وتبغى الصراحه موتر بر مافيه تانكي مويه مهوب موتر............


تقبل مروري

الله يعافيك أخوي ياعيني وأنا أشهد ان الموتر بلا تانكي ماء ناقص

مشكوووووووووووور
بواسامه
23/07/2009, 01:31 PM
شغل اكثر من رائع ربي يهنيك
ويطعمك خيره ويكفيك شره
يازين البر
23/07/2009, 01:34 PM
و عليكم السلام و رحمة الله




الله يطعمك من خيره و يكفيك شره


و صراحه شغل قوه خصوصا الطبق و طريقه التصميم


انا صدفه اتصفح مواضيعك القديمه يوم انك تطلب تانكي المونيوم 80لتر :)


المهم ان احد الربع معه سلقة باترول م91 و معه تانكي ستيل 80لتر


خفيف جدا تشيله باصبع واحد و وذف


طوله تقريبا 110 ارتفاع 12 عرض 60


طبعا هو سدح بالعرض خلف المرتبه الخلفيه اخبر انه مفصله على ماظن عند فهد


باسواق


الغد او شاريه من المبارك


اخبره شاريه قبل 7سنين ب700ريال


عموما انا قبل اسبوع رحت للسنيدي و عروق الشمال ابي عزبه حقت طبخ و قهوة


يعني عزبه وحده و لا اعجبن شي من تفصيلهم


المهم قلت ياولد خلن اروح لفهد همن اروح لمحل غنام و بعده اروح لمحل المبارك


وسيع صدر :cool:


مريت فهد و القى عندهم عزبه خييييييييال جدا :good: تصميم رائع


قلت تدري ياولد ما يلزم نروح لغنام و المبارك :D


اخذت منهم عزبه رقم 2 وسط بس انه غاليه ب65ريال بس تستاهل


ميزته مستطيل على شكل كرتون موز و تشيل اغراض الطبخ و القهوة


الميزة الاخرى و التي لاتوجد لا عند السنيدي و لا عروق الشمال


ان السفنج حق العزبه متين اللي هو اسفنج الكبرات اسفنج ابيض فوقه القصدير


الابيض


بعكس اسنفج عروق و السنيدي اللي هو اسفنج عادي اصفر


و ايضا مبطنه بالسفنج من الاسفل بالكامل بعكس حقت السنيدي و عروق



هلا بك أخوي سوبر فتك فعلا عزب السنيدي وعروق الشمال شراعها مروح يا أما صيني وإلا باكستاني


والعزب اللي تشوفها بالصورة شاريها من برق الحيا بالرياض شراع تنزاني أصلي ومثل ما قلت عزبة السفنج مضبطينها صح


والغريب ان مكتوب على وحدة منهن شنطة السنيدي للبر الرياض


شاكر لك مرورك وأفدتنا بالجديد

وعلى فكرة الشراع اللي على التانكي تنزاني بس ما أدري ليه ما يحطونه على عزبهم
فتك ابوفهد
23/07/2009, 01:37 PM
ماشاء الله تبارك الله شغل نظيف ولا فيه كلام


وسعر تفصيل الطبق 250 كلها من عروق الشمال ببريدة

250 ريال الطبق والله يابلاش والله انك هيضتني شكلي بسوي مثلك

مع اني ارشح تانكي المويه يكون بالشاص ;)
والسبب صوت المويه مع المطاب تقول تسوق وايت :D
والله يعطيك من خيره ويكفيك شره
تقبل مروري
يازين البر
23/07/2009, 01:45 PM
شغل اكثر من رائع ربي يهنيك
ويطعمك خيره ويكفيك شره


هلا بالغالي بواسامة شرفتنا بمرورك
طخيمان
23/07/2009, 01:56 PM
اخوي يازين البر

الظاهر ان الباترول اللي معك من 2002 وطالع

سؤالي التانكي اللي انت مركبه ساقط في الحفرة اللي ورا المرتبة الثانية ؟؟

وهل انت مفصله تفصيل عند عروق الشمال ولا لقيته جاهز ؟

وبالنسبة للتعديل على الطبق هلو هو مهم جداً لأن اللي انا خابره ان اليدين اللي تنسفط في الجوانب ممكن انها تكون على نفس مستوى الطبق ولالا
نشمي الحوطة
23/07/2009, 02:00 PM
بدايــة اشكرك على طرحك وتقريرك الرائع ..

وإن شاء الله نقتبس من بعض ما عملت ..

حبيت أسأل عن [ اللّي ] .. هل هو يجي له فتحة من الوكالة عشان تطلعه من تحت .. ؟

أم انك انت فاتحن له ؟ ..

وهل تستطيع اغلاق الفتحة اذا اردت اخراج التانكي .؟
( يعني اذا ما احتجت التانكي وتبي تنزله هل تبقى مفتوحه ام ان لها باب صغير تصكّه ؟ )

اتمنى منك الافادة وشكرا ..

:)
صقر20
23/07/2009, 03:13 PM
ماشاء الله
الله يخليلك وليدك وذريك يبوبراهيم
مشكور على الموضوع اللي جاء بوقته
:good: :good:
الله يوفقكـ ويجزاكـ الفردوس وجعلكـ تشرب من حوض النبي
والله يجعله في موازين حسناتك
أخوك:ابووليد
(يستاهل التقييم الأعلى)
أبومنصور
23/07/2009, 03:22 PM
تبارك الرحمن
شغل مضبوط وبالملي .. وهذا السنع يا بعدي
الله يبارك لك بما اعطاك
ولا تحرمنا مواضيعك وابداعاتك
اخوك ابو منصور
ابولولو
23/07/2009, 03:32 PM
اخوي يازين البر الرجال خوي ملبس صح ومريح بالحيل والتعبيه امره سهل واذا بغاء يحط الطبق وخر دكايت المرتبه هي متحركه
يازين البر
24/07/2009, 10:02 PM
اخوي يازين البر





الظاهر ان الباترول اللي معك من 2002 وطالع


سؤالي التانكي اللي انت مركبه ساقط في الحفرة اللي ورا المرتبة الثانية ؟؟


وهل انت مفصله تفصيل عند عروق الشمال ولا لقيته جاهز ؟


وبالنسبة للتعديل على الطبق هلو هو مهم جداً لأن اللي انا خابره ان اليدين اللي تنسفط في الجوانب ممكن انها تكون على نفس مستوى الطبق ولالا





إيه 2002 والتانكي ما سقط في الحفرة ولو ترجع للصورة رقم 8 بتشوفني حاط في الحفرة شنيطة عدة ومسحاة تنفك بسنة وغيرها من الأغراض البسيطة


وأنا لقيته عندهم جاهز ولقيت عندهم واحد يسد الحفرة بس ما يزيد إلا 10 لتر بس ويصير 110 ويضيع عليك الحفرة وعندهم 70 لتر جاهز أنحف من هذا بشوي ولا يسد الحفرة


وعلى فكرة اللي أنا مركبة عرضه من تحت 27 سم وارتفاعة 50 سم وعرضه من فوق 15 سم


وبالنسبة للطبق ما فهمت سؤالك زين أنا أدري ان المصافط تجي بنفس مستوى سطح الطبق مثل ما تشوف بالصورة الثانية


بس هم حاطين المصافط علشان يدخل الطبق مع البيبان لأن المساحة اللي بين البابين أضوق من داخل السيارة ,


وبالتالي اضطروا إلى تقريب الأعمدة من بعض لأنها ما يمكن تثبت بالمصافط لأن المصافط متحركة تنصفط إلى أعلى , بس أنا جربت أدخل الطبق من دون ما أصفط الثنتين صفطت وحدة بس


ودخل بس يبي له مسايس شوي فقررت اني أثبت وحدة من المصافط و أحط العمودين بالزوايا والصفطة الثانية أقلب اتجاها فتصير تنصفط على تحت وأحط العمودين بالزوايا


فإذا جيت أدخل الطبق بالسيارة أصفطها على تحت هي وأعمدتها وإذا دخل الطبق عدلتها ولا راح تنصفط لأن الاعمدة تحتها تمسكها

إن شاء الله يكون كلامي واضح وبإذن الله بعد ما أضبطها أبنزل الصور
طخيمان
24/07/2009, 10:03 PM
اخوي يا زين البر

اللي اشوفه ان التانكي ما فيه فتحة بزبوز عشان تشبك فيه اللي (هل لازم انك تحط اللي مع فتحة التانكي اللي تعبيه منها ) ؟
يازين البر
24/07/2009, 10:09 PM
اخوي يا زين البر

اللي اشوفه ان التانكي ما فيه فتحة بزبوز عشان تشبك فيه اللي (هل لازم انك تحط اللي مع فتحة التانكي اللي تعبيه منها ) ؟


إلا مكان التعبئة في الصورة الأولى فوق يسار غطا بوصتين فيه بلف كفر للتهوية

ومكان خروج الماء في الصورة رقم 8 (شكلها ماطلعت عندك) ؟
طخيمان
24/07/2009, 10:14 PM
اللا ابشرك طلعت بس ما ألقى عندهم تانكي ويكون البزبوز من جهة لبيبان اللي ورا يعني خلف التانكي وليس تحته ؟؟؟

الله لا يهينك طال عمرك كلفنا عليك
يازين البر
25/07/2009, 01:38 PM
اللا ابشرك طلعت بس ما ألقى عندهم تانكي ويكون البزبوز من جهة لبيبان اللي ورا يعني خلف التانكي وليس تحته ؟؟؟

الله لا يهينك طال عمرك كلفنا عليك


إلا تلقى , أصلا هم يحطونه في الأصل من جهة البيبان يعني ورا التانكي من يسار علشان اللي يبي يغسل يفتح الباب


اللي ورا السواق ويطلع اللي ويغسل بس أنا قلت لهم حطوه لي من تحت التانكي من جهة اليمين وطلعته من تحت السيارة .


وش دعوى لا كلفت ولاشي ما جينا إلا ننفع وننتفع :)
يازين البر
25/07/2009, 01:44 PM
بدايــة اشكرك على طرحك وتقريرك الرائع ..




وإن شاء الله نقتبس من بعض ما عملت ..


حبيت أسأل عن [ اللّي ] .. هل هو يجي له فتحة من الوكالة عشان تطلعه من تحت .. ؟


أم انك انت فاتحن له ؟ ..


وهل تستطيع اغلاق الفتحة اذا اردت اخراج التانكي .؟
( يعني اذا ما احتجت التانكي وتبي تنزله هل تبقى مفتوحه ام ان لها باب صغير تصكّه ؟ )


اتمنى منك الافادة وشكرا ..


:)



العفو أخوي نشمي الحوطة وعذرا على التأخر بالرد


الفتحة موجودة من وكالته بس مسكرينها بربلة قوية أنا شلت الربلة بزرادية ما تبي شي


ودخلت ( اللي ) ومتى ما بغيت تشيل التانكي رجع الربلة والحمد لله

وعلى فكرة الفتحات واجد أنت شل الفرشة بس واختر المكان المناسب لك حتى عند البيبان فيه فتحة
يازين البر
25/07/2009, 01:52 PM
ماشاء الله تبارك الله شغل نظيف ولا فيه كلام


250 ريال الطبق والله يابلاش والله انك هيضتني شكلي بسوي مثلك

مع اني ارشح تانكي المويه يكون بالشاص ;)
والسبب صوت المويه مع المطاب تقول تسوق وايت :D
والله يعطيك من خيره ويكفيك شره
تقبل مروري


الله يسلمك أخوي أبو فهد بس مشكلة التانكي اللي تحت للباترول أولا حجمه ما يتعدى 60 لتر في الغالب


ثانيا يكون تحت تانكي البنزين ويصير نازل ويحكحك بالجروف


ثالثا شكله يشوه السيارة تقول ملبس السيارة ..... :p ما نيب قايل

وبالنسبة لصجة الموية تراهم يحطون بوسط التانكي شرايح (قواطع) علشان ما يلعب الماء

صح انك تسمع الماء بس خفيف وتتعود عليه
يازين البر
25/07/2009, 01:59 PM
ماشاء الله




الله يخليلك وليدك وذريك يبوبراهيم
مشكور على الموضوع اللي جاء بوقته
:good: :good:
الله يوفقكـ ويجزاكـ الفردوس وجعلكـ تشرب من حوض النبي
والله يجعله في موازين حسناتك
أخوك:ابووليد
(يستاهل التقييم الأعلى)



آمين وإياك وجميع المسلمين والله يجزاك خير دعوة طيبة من وجه أطيب


وما قصرت على هالتقييم وعقبال ما نشوفك مركب اللي أزين منه على الفتك الجديد :)
النسيم العليل
25/07/2009, 02:05 PM
الأخ يازين البر
لماذا قلبت الفصالة ؟
ما الملاحظة لو تركتها على وضعها وثبت الأخرى
يازين البر
25/07/2009, 02:17 PM
الأخ يازين البر
لماذا قلبت الفصالة ؟
ما الملاحظة لو تركتها على وضعها وثبت الأخرى


قلبت الفصالة علشان أحط العمودين في زوايا الطبق


أما لوحطيت العمودين في الزوايا بدون ما أقلب الفصالة ماراح ياقف الطبق بيطيح
رداااااد
25/07/2009, 04:43 PM
ما شاء الله تبارك الله شغل جدا رائع

الله يعطيك العافية
يازين البر
25/07/2009, 10:48 PM
رحت اليوم للحداد وضبطت الأعمدة وصارت 100% ما تضيق أبد أبد


وسويت اللي كنت أقوله لكم اللهم إلا أني تركت الجهة اليمنى كما هي ما قلبت الفصالة لأنه صار بعد التمتير ما يحتاج


الصورة الأولى


هذا الطبق من الجهة اليمنى العمود الأمامي نقلت العمود إلى الزاوية اللي قبل الصفطة


ولاحظ مكان العمود الأول وين صاير يعني مكانه غلط واضح


http://www.mekshat.com/pix/upload03/images119/mk32953_cxzc.jpg


وهذا العمود الخلفي أيضا نقلته للزاوية اللي قبل الصفطة لاحظ مكانه الأول



http://www.mekshat.com/pix/upload03/images119/mk32953_mgj.jpg



وهذا العمود الأمامي من الجهة اليسرى لاحظ اني لحمت الصفطة تماما ونقلت العمود للزاوية


http://www.mekshat.com/pix/upload03/images119/mk32953_cv.jpg



وهذا العمود الخلفي طبعا ما نقلته للزاوية لأنكم تعرفون الموتر من داخل فيه مكان بارز للكفرة


http://www.mekshat.com/pix/upload03/images119/mk32953_ui.jpg



وهذا هو راكب لاحظ الأعمدة في الأطراف يعني تدخل أغراضك وتطلعها بارتياح ركز في الأعمدة الأمامية والخلفية تجدها في أبعد مكان


http://www.mekshat.com/pix/upload03/images119/mk32953_cw.jpg



وهذا صورته قبل التعديل


http://www.mekshat.com/pix/upload03/images119/mk32953_jh.jpg


طبعا يمكن يكون تحمله أقل من أول بس تقدر تضمده من تحت حتى يتحمل أكثر


وبالنسبة لي ماراح أحط فوقه إلا فرش وما فرش
طخيمان
25/07/2009, 10:56 PM
الله لا يهينك اخوي (يازين البر)

بس الله يعافيك لو تعلمنا كم كلف شغل الحداد

ووين سويته عشان لو بغيناه يسوي نفس اللي انت مزينه؟؟
يازين البر
25/07/2009, 11:39 PM
الله لا يهينك اخوي (يازين البر)

بس الله يعافيك لو تعلمنا كم كلف شغل الحداد

ووين سويته عشان لو بغيناه يسوي نفس اللي انت مزينه؟؟


والله صلحته عند ورشة الوالد الله يجزاه الجنة ووالديه :)


بس إذا تبي تفصل طبق عند عروق الشمال أو غيرهم من الأساس علمهم يضبطونة مثل هالطريقة وترتاح وبالعكس بيوفر عليهم فصالتين :)

عند عروق الشمال سوداني حداد اسمه وليد قل له اللي أنت تبيه يسويه لك وعلى فكره تراه حافظ المقاسات بس نبهه على مكان الأعمدة وخله يلغي لك الصفطة من يسار
النسيم العليل
26/07/2009, 08:56 AM
الله يعطيك العافية شغل رائع
ولكن هل تختلف مقاسات سيارتك عن سيارات 2005 فما فوق
لك شكري وتقديري
يازين البر
26/07/2009, 03:36 PM
الله يعطيك العافية شغل رائع
ولكن هل تختلف مقاسات سيارتك عن سيارات 2005 فما فوق
لك شكري وتقديري


لا ما أظن انها تختلف لأن المحلات اللي تزين الطبق يكتبون عليه باترول ما يحطون الموديل

شاكر لك مرورك الكريم
يازين البر
28/07/2009, 05:19 PM
تبارك الرحمن
شغل مضبوط وبالملي .. وهذا السنع يا بعدي
الله يبارك لك بما اعطاك
ولا تحرمنا مواضيعك وابداعاتك
اخوك ابو منصور




آمين وإياك أخوي فيصل

وماقصرت على المرور
راعي الصطحه
28/07/2009, 08:43 PM
الف
شكر
على
الصور
وتقبل تحياااااااااااتي
يازين البر
05/08/2009, 11:56 AM
الف
شكر
على
الصور
وتقبل تحياااااااااااتي



العفو أخوي راعي الصطحة
كايد
04/05/2014, 07:47 PM
مشكور ...صحيح الموضوع قديم بس أفادني كثير كثير
تعبنا من توانك الفيبر ...

تقبل شكري لك وتقديري
سعيد المسيلي
05/05/2014, 03:17 PM
شرح وافي

ماشاء الله عليك

تقبل مروري
ara888
06/05/2014, 05:05 AM
الله يعطيك العافية
حسن الراشدي
06/05/2014, 07:59 AM
تقرير جميل
شغل اكثر من رائع الله يهنيك
الله يعطيك خيرهم ويكفيك شرهم....
(ابو عبدالله)
06/05/2014, 03:13 PM
ماشاء الله عليك
شغل اكثر من رائع الله يهنيك
تقبل مروري
محسن اليامي
06/05/2014, 11:22 PM
ماشاءالله تبارك الله
يعطيك العافيه شغل مرتب
hz2da
23/06/2014, 03:02 AM
السلام عليكم جميعا
ممكن مساعده وين احصل تانكي جيب ربع كبسوله مفروش خلف المقعده الخلفيه
عندي عدد 2 تانكي وكلها ماركبت على الكبسوله ودي في عنوان اللي يفصل أو جهاز
ولكم جزيل الشكر
العواد 2
23/06/2014, 09:30 AM
بارك الله فيك ورعاك...

الله يعطيك خيرهم ويكفيك شرهم....

تقرير رائع وتصوير مميز....

موفق لكل خير....
صلاح الزيد
25/06/2014, 02:43 PM
احد يدلني على ورشع تصلح خزانات ماء للوانيت السلفرادو بالرياض اسعارهم مناسبه وشغلهم زين
اخوكم ابوسلطان
A V A L O N
25/06/2014, 02:54 PM
شغل مضبوط ماشاءالله تبارك الله
راعي النقاير
21/11/2014, 12:21 PM
السلام عليكم ورحمة الله وبركاتة
شغلك عدل ما شاء الله
سؤالي
انا عندي فورد اكسبيديشن طويل يركب عليه نفس تفصيلك ؟