المساعد الشخصي الرقمي

مشاهدة النسخة كاملة : مين من الاعضاء سيارته باثفاندار


اطلس
19/07/2004, 03:16 PM
السلام عليكم ورحمة الله وبركاته

انا مقبل على شراء سياره وحاط في بالي باثفاندار بس مااعرف عن السياره اي معلومات

وعن استخامها وهل تصلح لبلاد الحرة او بلاد النفوذ والطعوس الرملية وهل هي قوية بما

فيه الكفايه وعن سعر السياره من موديلات 92 الى 97 ..

يعني ابي من الاعضاء المستخدمين للبثفاندار معلومات ومواصفات عن السياره فلا تبخلو علينا

جزاكم الله خير ....
الربذي
19/07/2004, 03:54 PM
الاخ العزيز اطلس السلام عليكم ورحمة الله وبركاته
تسال عن الباثفايندر عسى افيدك
1-اولا السيارة من موديل 92الى 97 الي انت محدد فاقول لك انها الى موديل 96وقفت 97 مانزل بالسعودية ونزل 98 سيارة شكل متغير واكبر واحلى و6سلندر وفي موديل 99تغيرت اشكل الخارجي صار اجمل ونفس الشكل حتى موديل 2004 ولا كل شي زي ماهو الا في موديل 2003نزلت بمكينة اقوي 250حصان اما من موديل 98الى 2002فهي 185حصان وحلوه مرة بس ماتصلح للحرة والطرق الحجرية القاسية لانها كانيسان تفكك لكن هي بزود لانها بصراحة ناعمة خكرية حقت اسفلت ونفود وصحاري سهلة ماهي كايدة ورقلات!!النفيضة الي بطرق المردومة اعتبرها ماكسيما دبل :D
2-اما من 92 الى 96فانحش عنها بصراحة مامن عزم خرطي لانها مكينة ددسن 4 سلندر 114 حصان ماتنفع ابد مع النفود ماتمشي الا بواحد اذا كان غراز مررة ومع السفر اذا بوجهك هو ومحمل مع المكيف ماتتعدي 120اما مع الصحاري فهي معقولة والحين عندي موديل قديم وموديل حديث الفرق بينهن واجد اما مع السفر فانا انصحك بموديل 2003وجاي بصراحة قمة الروعة ماشاء الله مايلحقك احد صاروخ تجيب الطبلون وزيادة مع نعومة هايلة
اما من ناحيت القوة فموديل 2003اقوي بكثير من الموديلات الثانية تحصل استعمال امريكي نعن امريكي موديل 95 96 وستة اسلندر بصراحة ابعد ةعنهن لان مالهن قطع وكله يجن قير اتوماتك مع واحد اعرفة بهذلتة وراح للوكالة واطردوة ماعندهم قطع



تحياتي
الربذي
19/07/2004, 04:01 PM
اما من ناحية السعر فاقول لك من 96وتحت وتراها ىددسن بكل شي بس مقفصة ودبل 18500والى 20000لنظيييف انا 6 سلندر 98 وطالع من 40 وفوق لنضييف واقصد من تاكيدي على انها امريكة فاقول نعم موردة من اليابان الى امريكا ومنها الى السعودية
اطلس
24/07/2004, 06:20 PM
بارك الله فيك اخوي الربذي

عز الله انك كفيت ووفيت بالمعلومات

جزاك الله خير .....
الجنوبي
08/08/2004, 02:46 PM
السلام عليكم ورحمة الله وبركاته
اخوي الربذي ما تركت لنا شي
صراحه كفيت ووفيت
........................................الجنوبي
الربذي
08/08/2004, 04:55 PM
الغالي الجنوبي احرجتنا:D
الرماي
10/08/2004, 01:55 PM
ماشاء الله

على هل معلومات الطيبه

وجزاك الله خير
راعي العزبة
11/08/2004, 10:52 AM
ياخوي مالك ومال النيسان تبي النصيحة لاتترك التيوتا وأنا ماني أسويلهم دعاية لاكن أبي للك ألشىء الطيب والتايوتا متوفر قطع الغيار في كل بلدة حتى بعض القرى ويجب أن تعرف أن قيمة البافندر تجيبلك جيب GX
وهذا لك ولزمن والسلام ونأسف للمداخلة التي في غير محلها وشكراً
* ولد الديمن *
11/08/2004, 11:01 AM
السلام عليكم ورحمة الله وبركاته:

استخر يارجال ثم اعقلها وتوكل...:burnout2:


والان معي 2004 ما اشتكي منها...:good:



واعرف كم شخص معهم 2003::::2002 ميشتكون الا على اشياء بسيطه...



لكن هناك اختلاف من 2003 عن ما قبله بقوة المكينة واشياء اخرى بسيطه....


وشكرآ....
الربذي
11/08/2004, 01:18 PM
السلام عليكم ورحمة الله وبركاته
اخي راعي العزبة ياهلا بك بالعكس بمكانها وانا لاحظ من مشاركتي لم امدح النيسان بل امتدح التويوتا اكثر بس مو الموديل الجديد الاسترالى نعم استرالى لاحظ مامكتوب اذافتحت الباب مصنع تويوتا باستراليا
المنتفش
17/08/2004, 05:58 PM
السلام عليكم ورحمة الله وبركاته................وبعد
تحية طيبه اخوي اطلس انا معي باث فايندر 2004 الصراحه كل الصراحه انه موتر ان جيت للخط فهو موتر وان جيت للبر فهو فراشه فوق النفدان موتر يعطيك ومن ناحية الصرف ارقد وامن الفل حقه بـ65ريال ان زاد وصل 68/ 70ريال داخلي فخم بحيث يتناسب مع الفاخمه وفي نفس الوقت القوه
وهذا ماعندي .

وإذا اردت شي انا بالخدمه.:good: