بالصور تركيب مثبت سرعة وبوصلة ودرجة حرارة للباترول

[يازين البر]

بسم الله الرحمن الرحيم


حبيت أعرض لكم بالصور مثبت السرعة والبوصلة ودرجة الحرارة اللي ركبتهن في موتري الباترول 2002 فتك


ركبتهن عند فلب بورشة الفايز في السحابين اللي بجنب رياض الخبراء 3 كيلو فقط


قبل كل شي اتصلت في فلب 6 آلاف مرة :) كل أشوي أقول له لقيت كذا أجيب كذا وش باقي وشلون كيف ... ولا عنده مشكلة يرد ولا يتضايق منك أبد



حتى تأكدت ان كل أغراضي جاهزة وهي كالتالي


1- زر مثبت السرعة حق ماكسيما موديل 2003 سعره بعد الخصم من الحمراني 170 ريال


وللمعلومية هو نفس زر الباترول بس زر الباترول سعره قرابة 350 ريال والقطعة هي هي (لعبة الوكالات)


2- مراية يوكن من موديل 2000 وطالع بالوكالة غالية جدا 1500 ريال :confused:


لكن تلقاها بالتشاليح مليانه وانتبه لابد انك تاخذ معها الفيش حقها وكذلك الحساس حق درجة الحرارة


أنا أخذتها من تشاليح الحاير بفيشها وحساسها بـ350 وقالوا لي ما نعطيك الفيش والحساس لأنها ظفيرة كاملة (ونفس السالفة حصلت مع أخونا بالمنتدى أبو مسفر وأنا استفدت من موضوعه جزاه الله خير)


قلت أجل ما أبي مرايتكم خلوها عندكم قالوا أجل خلاص بنعطيك الفيش والحساس


وقال لي الهندي ترا ما أحد يقص لك الفيش والحساس بأسلاكهن بس علشانك قلت إيه هين هاتهن بس , ولو كاسرتهم زيادة يمكن تاخذهن بـ300 وتراه أول تشليح بالحاير على اليمين قدام شيخ التشاليح


وبعدها اشتريت غرا بخمسة ريال من حقين قطع الغيار الأمريكي لتثبيت المراية بالقزازة


المهم رحت لفلب وحطيت موتري عنده من الساعة 8 الصباح وأخذته منه حول العشاء


وهذي الصور


ركب لي جهاز أمريكي في الكبوت للمثبت وهذا هو الأسود الكبير في وسط الصورة


http://www.mekshat.com/pix/upload03/images119/mk32953_bvbvb.jpg


وهذا الزر مثبت بالدركسون


http://www.mekshat.com/pix/upload03/images119/mk32953_mnu.jpg


وهذا الحساس حق الحرارة ورا الشبك


http://www.mekshat.com/pix/upload03/images119/mk32953_nbh.jpg


وهذي المراية تشتغل تمام


http://www.mekshat.com/pix/upload03/images119/mk32953_qpj.jpg


ملاحظة : شغل اليد لتركيب المثبت مع الجهاز 1400 ريال


وشغل اليد لتركيب المراية 200 ريال



المثبت يشتغل تمام مثل شد البلد ويولع لك لمبه خضرا في الطبلون إذا ثبت السرعة


أي سؤال أنا حاضر

[الضرغام11]

ماشاء الله تبارك الله شغل مضبوط وماقصرت اخوي يازين البر على التوضيح ...

بس سؤالي ليش استخدمت مراية جمس هل هي افضل من حقت السوبر سفاري اللي تجي مشبوكه مع اللمبات؟

[shaheenshah]

ما شاء الله شغل مضبوط

[؟؟؟ياعيني؟؟؟]

السلام عليكم .......
ماشاء الله شغل وشرح مضبوط الله يعطيك فيك

تقبل مروري

[سوبر VTC]

الشغل ما شاء الله يستاهل

لكن عسى الله يفتح على قلبه و يسلم

[شاقي القميري]

مشكور اخوي ( يازين البر) مجهود تشكر عليه
وبالمناسبة انا مره ركبت عند فلب لدي ماكس ايسوزو2004 في وقتها وهي جديده وركبلي حق كابرس جابه من التشليح صراحه شغله مضبوط100%
بس بالله عليكم ياشباب اللي بيروح لفلب يحتسب ويدعيه للإسلام تراه حبيب عسى الله يكتب هدايته على ايدين واحد من منكم بإذن الله وإلى اللقاء

[مقلع الرمث]

ياخوي انا مافهمت عليك وين حطيت المرايه حقت الجمس ممكن صوره انت شلت حقت الباترول وحطيت بدالها حقت الجمس ياليت توضح بالصور وشكرا

[صقر20]

انت شلت حقت الباترول وحطيت بدالها حقت الجمس ياليت توضح بالصور وشكرا

أتوقع الموديل اللي مع أخونا يازين البر(ابوابراهيم)
مايجي معه بوصلة ودرجة حرارة لذا كان التفكير ببديل آخر وبسعر مناسب
وراح يفيدك صاحب الموضوع أكثر

[صقر20]

مانلحق جزاك
برضوا موضوع جاء بوقته
ليت فلب يسلم وليته ينقل للرياض :)
الله يجزاك خير لماتقدمه من جهود لأخوانك بمنتدى مكشات

:good: :good: :good:
بيض الله وجهك يبوابراهيم

[Bader-M]

الله يعطيك الف عافية على الموضوع الرائع و المفيد
تحياتي اليك

[يازين البر]

ماشاء الله تبارك الله شغل مضبوط وماقصرت اخوي يازين البر على التوضيح ...

بس سؤالي ليش استخدمت مراية جمس هل هي افضل من حقت السوبر سفاري اللي تجي مشبوكه مع اللمبات؟


مراية الجمس تتميز بالعاكس الضوئي اللي يحجب عنك النور القوي وكذلك هي أرخص من حقت السوبر سفاري

من ناحية سعرها ومن ناحية سعر التركيب لأن حقت السوبر سفاري تحتاج شغل أكثر وتكلف أكثر

شاكر لك مرورك

[رحال99]

يا سلام عليك تقرير ميخرش المييه..
بارك الله فيك على هذا المجهود الرائع جعله الله في موازين حسناتك يارب ....

لكن الفني الفلبيني ماهو غالي .. ولا انا ماعندي سالفه..

[الجندي2005]

تسلم يالذيب تقرير مختصر ومفيد ،،،،،،،،،،،،،،،،،،،،،،،،،،
يعيبه قيمة التركيب غالي ( 1400 ) النسبه لي غالي ،،،،،،،،،،،،،،،،،،،
ما قصرت ،،،،،،،،،،،،،،،

[يازين البر]

ياخوي انا مافهمت عليك وين حطيت المرايه حقت الجمس ممكن صوره انت شلت حقت الباترول وحطيت بدالها حقت الجمس ياليت توضح بالصور وشكرا



إي نعم شلت مراية الباترول وركبت بدالها مراية الجمس زي ما تشوف في الصورة هذي


http://www.mekshat.com/pix/upload03/images119/mk32953_kl.jpg

وهذا فيشها من ورا وقاعدتها مثبتة بالقزازة

http://www.mekshat.com/pix/upload03/images119/mk32953_vc.jpg


وهذي لمبة المثبت

http://www.mekshat.com/pix/upload03/images119/mk32953_xcf.jpg

[يازين البر]

يا سلام عليك تقرير ميخرش المييه..
بارك الله فيك على هذا المجهود الرائع جعله الله في موازين حسناتك يارب ....

لكن الفني الفلبيني ماهو غالي .. ولا انا ماعندي سالفه..


آمين جزاك الله خير

إلا غالي ونص الحق الحق بس من بغى الدح ما قال أح :)

وترا تركيبه بالوكالة مايقل عن 4000 وشغل الفلبيني مجرب من سنين ما يحتاج شغل تمام

[يازين البر]

تسلم يالذيب تقرير مختصر ومفيد ،،،،،،،،،،،،،،،،،،،،،،،،،،
يعيبه قيمة التركيب غالي ( 1400 ) النسبه لي غالي ،،،،،،،،،،،،،،،،،،،
ما قصرت ،،،،،،،،،،،،،،،


صدقت بس عز الله اللي شريت راحتي تخيل انك راعي مشاوير مثلي تروح للجنوب والشمال الشرق والغرب

ورجلك على الأبنص عدة ساعات ما تصل إلا وهي منتفخة :)

مشكوووووووووور

[يازين البر]

مانلحق جزاك

برضوا موضوع جاء بوقته
ليت فلب يسلم وليته ينقل للرياض :)
الله يجزاك خير لماتقدمه من جهود لأخوانك بمنتدى مكشات


:good: :good: :good:
بيض الله وجهك يبوابراهيم


ووجهك أبيض يا ابو وليد وبإذن الله بيسلم أخلاقه عالية ويتقبل وبينقل للرياض إن شاء الله علشانك :p وش تبي بعد :)

ههههههههه أمزح

[سموالكاشت]

رااااااااااااائـــــع

[عاشق الموطن]

اخوي يازين البر
بيض الله وجهك على الموضوع وماقصرت
لاكن تدري ايش احسن من هذا كله
.............
........
.....
....
...
...
..
.
.



انك تعلمن بطريقة تركيب البوصلة ودرجة الحراره فقط بدون المثبت لان المثبت ممكن شغلته عويصه وتتابع بالصور طريقة شبك الاسلاك وتغذيتها
لان وانا اخوك انا بالشمال والثاني بالجنوب والثالث بالشرق ووينا ووين فيلب...وممكن الشغله بسيطه ان شاء الله
واذا بتخدمنا فجزاك الله خير وثبتك على الشهاده

[سوبر VTC]

يابعدي
الكتاوت الكبير اللي بالرفرف الايمن بجنب المثبت هذا وش حقه ؟؟؟
شفه طالع منه سلك احمر :p

بالنسبه لفليب
للاسف ما ينفع به معروف و لا جمايل :mad:
سبق اني جبت له كورولا 2002 و كامري 2006 و كامري 2001
مافي امل انه ينزل بالسعر :no:
حتى جبت له شخصين من الرياض !!!!
اول مره جبت له كورولا جبت عصا المثبت حق فكسار لكزس كامري كلهن نفس بعض من التشليح ب50ريال
المثبت شريته من التشليح حق كابرس م91 و طالع ب200ريال
شغل يده للكورولا 400 سعر منطقي :good:

لكن المره الثانيه الكامري 2001 و 2006
اخذ على كل وحده حول 750ريال
و اذا بغيت يركب لك لمبه بالطبلون عشان المثبت يعلمك هو شغال ام لا
ياخذ 50ريال :mad:
هو طماع جدا الله يهديه نفسي نفسي
بعدين انا ارى
ان الزبون اهم من الدراهم
الدراهم تروح و تجي لكن الزبون اذا راح ما عاد يرجع :no:
خصوصا ان السعر غالي جدا
فلو حط سعر منطقي و معقول
راح يكسب عملاء كثر :good:

على فكره اي شخص يقدر يوصل سلك من مرواح الكهرب الى الطبلون و تحط لمبه بالطبلون و كل ما اشتغلت المرواح
تولع اللمبة و اذا طفت المرواح تطفى اللمبه

[مجنون الفتك]

ما شاء الله تبارك الله
شغل مضبوط 100%
تحياتي

[بواسامه]

شغل مرتب
الله يطعمك من خيره ويكفيك شره
وتسلم على نقلك تجربتك لنفعنا جميعا
وبيض الله وجهك يالغالي

[سلامي لكم]

كفيت ووفيت موضوع جدا مفيد وكنت ابحث عن ها الموضوع ومحتاج جدا هالمرايه اللي تحتوي على بوصلة ودرجة الحرارة الرقمية

بس حبيت اسألك كم سعرها ؟
وهل تركيبها سهل ؟
الحساس وين توصله وكيف ؟
طريقة توصيل الكهرب على لنبات السقف او تأخذ كهرباء من السلف عشان تطفي اذا طفيت الموتر ؟


ارجوا افادتنا وهل فيه مرايات غير الجمس بنفس المواصفات

ولك مني الف شكر

[عاشق الموطن]

ترانا في انتظارك ياخوي
يازين البر

[عزيز النفس 66]

ما قصرت اخوي

مشكوووووووور

[جيب شراع]

الله يعطيك الف عافية على الموضوع الرائع

[فارس العمور]

انك تعلمن بطريقة تركيب البوصلة ودرجة الحراره فقط بدون المثبت لان المثبت ممكن شغلته عويصه وتتابع بالصور طريقة شبك الاسلاك وتغذيتها
لان وانا اخوك انا بالشمال والثاني بالجنوب والثالث بالشرق ووينا ووين فيلب...وممكن الشغله بسيطه ان شاء الله
واذا بتخدمنا فجزاك الله خير وثبتك على الشهاده



ومحتاج جدا هالمرايه اللي تحتوي على بوصلة ودرجة الحرارة الرقمية

بس حبيت اسألك كم سعرها ؟
وهل تركيبها سهل ؟
الحساس وين توصله وكيف ؟
طريقة توصيل الكهرب على لنبات السقف او تأخذ كهرباء من السلف عشان تطفي اذا طفيت الموتر ؟


ارجوا افادتنا وهل فيه مرايات غير الجمس بنفس المواصفات



يليت تجاوبنا او احد عن المرااااااااااااااااااااايه وكيفية تركيبها لاني لقيت مرايه حقت كابرس SS جدا فخمه وفيها لمبات وبوصله ومعتم للنور كهربائي

بس كيف اركبها يليت توضيح لو بسييييييييييط لان فيها اكثر من سلك فهل اوصلها بلمبات السقف ؟

[MR.BADER]

مشكور أخوي وماقصرت

[بدرالبيان]

السلام00000عليكم
15-7-1428
ركبت مثبت سرعة على جيب 2007 لاند البازعي

بصراحة000قولواماشاء الله وتبارك الرحمن
السعر 1500
عند فيليب رياض الخبراء

[المميـز]

ماشاء الله عليك تبارك الله

شغل مرتب ومنظم ورائع :good:

مشكوووور اخوووي على الموضوع وتم حفظه بالمفضله للحاجه مستقبلا :)

[يازين البر]

اخوي يازين البر



بيض الله وجهك على الموضوع وماقصرت
لاكن تدري ايش احسن من هذا كله
.............
........
.....
....
...
...
..
.
.



انك تعلمن بطريقة تركيب البوصلة ودرجة الحراره فقط بدون المثبت لان المثبت ممكن شغلته عويصه وتتابع بالصور طريقة شبك الاسلاك وتغذيتها
لان وانا اخوك انا بالشمال والثاني بالجنوب والثالث بالشرق ووينا ووين فيلب...وممكن الشغله بسيطه ان شاء الله


واذا بتخدمنا فجزاك الله خير وثبتك على الشهاده



أخدمك من عيوني :)


أنا إن شاء أبتابع الأسلاك وأصورها لك


بس الأسهل من هذا كله رح لكهربائي جيد عندكم بتبوك وقل له أبجيب لك مراية جمس تقدر تركبها لي وبكم


لأنه أي خطأ في توصيل الأسلاك يمكن يسبب لك مشاكل كبيرة وترا لازم تفك تنجيدة التندة لأن الأسلاك تطلع معها يعني الشغله مهيب سهلة تحتاج كهربائي مختص


لي رجعة بإذن الله

[يازين البر]

يابعدي

الكتاوت الكبير اللي بالرفرف الايمن بجنب المثبت هذا وش حقه ؟؟؟
شفه طالع منه سلك احمر :p


بالنسبه لفليب
للاسف ما ينفع به معروف و لا جمايل :mad:
سبق اني جبت له كورولا 2002 و كامري 2006 و كامري 2001
مافي امل انه ينزل بالسعر :no:
حتى جبت له شخصين من الرياض !!!!
اول مره جبت له كورولا جبت عصا المثبت حق فكسار لكزس كامري كلهن نفس بعض من التشليح ب50ريال
المثبت شريته من التشليح حق كابرس م91 و طالع ب200ريال
شغل يده للكورولا 400 سعر منطقي :good:


لكن المره الثانيه الكامري 2001 و 2006
اخذ على كل وحده حول 750ريال
و اذا بغيت يركب لك لمبه بالطبلون عشان المثبت يعلمك هو شغال ام لا
ياخذ 50ريال :mad:
هو طماع جدا الله يهديه نفسي نفسي
بعدين انا ارى
ان الزبون اهم من الدراهم
الدراهم تروح و تجي لكن الزبون اذا راح ما عاد يرجع :no:
خصوصا ان السعر غالي جدا
فلو حط سعر منطقي و معقول
راح يكسب عملاء كثر :good:


على فكره اي شخص يقدر يوصل سلك من مرواح الكهرب الى الطبلون و تحط لمبه بالطبلون و كل ما اشتغلت المرواح
تولع اللمبة و اذا طفت المرواح تطفى اللمبه





ههههههههههههه توقعت يجي سؤال عن هالكتاوت هذا سلمك الله مركبه اللي قبلي كتاوت للكشافات الأمامية

وبالنسبة للمبة تراها مع شغل اليد :)

[فارس العمور]

ننتظر شرح تركيب المرايه وشبكيتها الله لايهينك

[فارس العمور]

للرفع..................

[ابو عبدالملك 2]

ما شاء الله شغل متعوب عليه

[يازين البر]

ننتظر شرح تركيب المرايه وشبكيتها الله لايهينك


تراني والله ما نسيتكم تابعت سلك المراية من عند الحساس لقيته ماشي حتى دخل من عند رجلين السواق

مع الربلة المدورة الكبيرة ومشبوك بس مدري وش مشبوك فيه

والمراية طالع السلك منها وداخل في التندة يعني لازم أفك تنجيدة التندة علشان أشوف وين رايح السلك !

[راعي الفتك 9]

السلام عليكم ورحمة الله وبركاته

يازين البر ابغى طريقة تركيب مثبت السرعه من وين جهاز التثبيت عرفنى علبة الأزرار ماكسيما

معي باترول قيـــــــر عادي 2009 والدوام 70 كيلو ذهاباً وهل ينجح المثبت مع القير العادي .

http://up4.m5zn.com/9bjndthcm6y53q1w0kvpz47xgs82rf/2009/8/4/02/thumb_oxmtgelkz.jpg

[جمران]

مجهود رائع ,,,,وحب نفع الاخرين عمل يرضي الله عز وجل
افضل الناس انفعهم للناس
تحية يالغالي

[ناصر الحمد]

الله لا يهينك على الموظوع يالغالي انا معي فتك 2002 ورح أحاول أركب

[ذيب العك]

جوزيت خيرا وزوجت بكرا عمراها سبعة عشرا على الموضوع الرائع :j

[يازين البر]

السلام عليكم ورحمة الله وبركاته

يازين البر ابغى طريقة تركيب مثبت السرعه من وين جهاز التثبيت عرفنى علبة الأزرار ماكسيما

معي باترول قيـــــــر عادي 2009 والدوام 70 كيلو ذهاباً وهل ينجح المثبت مع القير العادي .

http://up4.m5zn.com/9bjndthcm6y53q1w0kvpz47xgs82rf/2009/8/4/02/thumb_oxmtgelkz.jpg


الجهاز حسب علمي من الإخوان يقولون جهاز أمريكي حق كابرس من التشليح ولا أدري كم سعره

ويركب على القير العادي تمام .. أي لمسة للكلتش يفك التثبيت أي لمسة للفرامل يفك التثبيت

بالتوفيق وعقبال ما ينقلونك لديرتك جنب بيتكم :)

[سوبر VTC]

تراني والله ما نسيتكم تابعت سلك المراية من عند الحساس لقيته ماشي حتى دخل من عند رجلين السواق
مع الربلة المدورة الكبيرة ومشبوك بس مدري وش مشبوك فيه





موصل لسلك يعطي كهرب عند فتح السويتش عشان تشتغل البوصله و الحرارة :D :p

[سوبر VTC]

الجهاز حسب علمي من الإخوان يقولون جهاز أمريكي حق كابرس من التشليح ولا أدري كم سعره

ويركب على القير العادي تمام .. أي لمسة للكلتش يفك التثبيت أي لمسة للفرامل يفك التثبيت

بالتوفيق وعقبال ما ينقلونك لديرتك جنب بيتكم :)




المثبت حق كابرس م96 و تحت سبق اني شريته ب200ريال

و عصا التويوتا حق كامري او فكسار او لكزس ب50

و ركبتهن عند فليب كورولا + كامري 2001 + كامري 2006

و ترى

(((ياخوان فيه شخص سعودي (ابو حمدان) بالزلفي يركب مثبت)))

علما ان طريقته بالسلك اللي رايح للفرامل عشان يفصل المثبت

افضل من فليب





ههههههههههههه توقعت يجي سؤال عن هالكتاوت هذا سلمك الله مركبه اللي قبلي كتاوت للكشافات الأمامية



هههههههه :D :p
كفو يابعدي
ياحبنا للشرافه :p

[موسم الخير]

طيب اخوي اقد أركب مثبت سرعه على باث فندر 2001 وين الورشه الزينه
لا هنت

[راعي الفتك 9]

التشليح قريب مستعد أجيب الي يبغاه المهندس بس مازال الطريق للمهندس غير معروف

ممكن أسم الورشه ورقم جوال المهندس للتواصل ومعرفة مايريد أختصاراً

للمشوار (بالبريد الخاص) إذا كانت الأرقام مم :)

[الناس]

ماشاء الله تبارك الله
شغل صح ومضبوط
سؤالي بارك الله فيك .. هل يصلح اركب المثبت على باث 2002
او هذا خاص بالباترول ؟
مشكور مقدماً

[محسن اليامي]

ماشاءالله عليك شغلك 100 % أقدر أركب مراية يوكن على سوبر سفاري بس من غير البوصله ودرجة الحراره

[القلب المحروم]

ما شاء الله شغل نظيف

[سوبر VTC]

يالربع فيه شخص كهربائي سعودي يركب مثبت بالزلفي و احسن من فيلب

اللي يبي رقمه يستفسر يعلمن

[يازين البر]

التشليح قريب مستعد أجيب الي يبغاه المهندس بس مازال الطريق للمهندس غير معروف

ممكن أسم الورشه ورقم جوال المهندس للتواصل ومعرفة مايريد أختصاراً

للمشوار (بالبريد الخاص) إذا كانت الأرقام مم :)


طيب أنا أقول لك هذا رقم الفلبيني 0501907090

دق عليه وقل له أنا أبجيب لك زر المثبت والجهاز حقه , بكم تركبه لي ؟ وعلمه وش موترك لأنك إذا جبت الجهاز أنت أكيد بيكون أوفر لك من أنه يجيبه هو

هذا شي والشي الثاني أبعطيك وصف الورشة

تمشي مع الطريق السريع الرياض المدينة حتى يجيك كبري مكتوب عليه الخبرا أو رياض الخبرا يمين

اطلع فوق الكبري وخذ يسار لا تروح يمين وسيدك لين تتعدا دوارين ثم إشارتين بعد الإشارة الثانية بـ 3 كيلو تقريبا تكون الورشة على يسارك ترا ما عليها لوحة ولا جنبها ورش بس ماريتها فيها قراشيع واجد وشيولات

وترا الفلبيني يوصف زين إن ضيعت يوصف لك

[يازين البر]

ماشاءالله عليك شغلك 100 % أقدر أركب مراية يوكن على سوبر سفاري بس من غير البوصله ودرجة الحراره


إيه تقدر فيه مراية يوكن 2009 ما فيها لا بوصلة ولا درجة حرارة بس فيها ميزة العاكس الضوئي

[يازين البر]

ماشاء الله تبارك الله
شغل صح ومضبوط
سؤالي بارك الله فيك .. هل يصلح اركب المثبت على باث 2002
او هذا خاص بالباترول ؟
مشكور مقدماً





لو تبي تركب المثبت على موديل 82 عادي :)

إيه يركب بس زر المثبت حق الباث فاندر غير حق الباترول

وتراه موجود بالوكالة ورخيص بـ 170 ريال بعد الخصم أنا سائل عنه

[SE.3500]

أخ محسن إذا بتبيع مراية السوبر حقت سيارتك أنا مستعد أشتريها

[ابومازن2]

الاخ العزيز / يازين البر
انا اخوك ابو مازن ورايح الرياض خلال اليومين الجاية وودي اركب مثلها لانة عندي جمس بليزر موديل 94 وما فيها .وعندي بعض الاستفسارات .
فياريت تدق او ترسل رقمك على جوال / 0566073320
للاهمية وجعلها الله في ميزان حسناتك

[بيلاني]

ماشاء الله عليك شلون فكرت التفكير هذا100%
الله يعطيك العافيه على الموضوع الجميل .

[يازين البر]

الاخ العزيز / يازين البر
انا اخوك ابو مازن ورايح الرياض خلال اليومين الجاية وودي اركب مثلها لانة عندي جمس بليزر موديل 94 وما فيها .وعندي بعض الاستفسارات .
فياريت تدق او ترسل رقمك على جوال / 0566073320
للاهمية وجعلها الله في ميزان حسناتك


حياك الله يا أبو مازن تم الاتصال

[راعي الفتك 9]

يالربع فيه شخص كهربائي سعودي يركب مثبت بالزلفي و احسن من فيلب




اللي يبي رقمه يستفسر يعلمن


أشكرك سوبر على التفاعل وجعلها الله في موازين أعمالك لحبك الخير لأخيك المسلم .

ممكن رقم الكهربائي .

[راعي الفتك 9]

طيب أنا أقول لك هذا رقم الفلبيني 0501907090




دق عليه وقل له أنا أبجيب لك زر المثبت والجهاز حقه , بكم تركبه لي ؟ وعلمه وش موترك لأنك إذا جبت الجهاز أنت أكيد بيكون أوفر لك من أنه يجيبه هو


هذا شي والشي الثاني أبعطيك وصف الورشة


تمشي مع الطريق السريع الرياض المدينة حتى يجيك كبري مكتوب عليه الخبرا أو رياض الخبرا يمين


اطلع فوق الكبري وخذ يسار لا تروح يمين وسيدك لين تتعدا دوارين ثم إشارتين بعد الإشارة الثانية بـ 3 كيلو تقريبا تكون الورشة على يسارك ترا ما عليها لوحة ولا جنبها ورش بس ماريتها فيها قراشيع واجد وشيولات


وترا الفلبيني يوصف زين إن ضيعت يوصف لك





تم الأتصال وقال جب بس الأزرار وفيه نقطه هو غير متأكد تركب الأزرار على 2009 الى إذا كان نفس دركسون 2006 هل هي نفس الدركسون .

وأشكرك على التفاعل في الردود

[راعي الفتك 9]

...........

[الحر الحمر]

ماشاء اللله عليك يا اخوي <<<يازيــــن الــبــر>>> شغل حلو\\\بس اقدر اركبها على الددسن خخخخ

[يازين البر]

ماشاء اللله عليك يا اخوي <<<يازيــــن الــبــر>>> شغل حلو\\\بس اقدر اركبها على الددسن خخخخ


ليش تضحك ؟

أنت في عالم الكتلونوزجيا يعني كلش يركب :p

لو تبي تركبه على بعير بتلقى من يركبه لك :) هههههه

[االديحاني]

الله يعطيك العافيه

[سوبر VTC]

أشكرك سوبر على التفاعل وجعلها الله في موازين أعمالك لحبك الخير لأخيك المسلم .

ممكن رقم الكهربائي .


جزاك الله خير
تحصل الرقم على الخاص

[راعي الفتك 9]

مشكور سوبر على المعلومات الرائعه .

[ابومازن2]

حياك الله يا أبو مازن تم الاتصال

شكرا لك ( يازين البر ) وجعلها في ميزان حسناتك

[ابوفيصل9]

ما قصرت والله يعطيك العافيه

[ابن روووق]

يازين البر
السلام عليكم ورحمة الله
استفسارات بسيطه

الموتر gxr 2002 القير عادي
اقدر الركب عليه مثبت سرعه ومرايه فيها درجة الحراره والبوصله
اذاكان الجواب نعم

اي ا نواع المثبتتات وحق اي سياره اركب وكذالك المرايه اي نوع وحقت اي سياره جزاك الله خير ورحم الله والديك

[يازين البر]

يازين البر



السلام عليكم ورحمة الله
استفسارات بسيطه


الموتر gxr 2002 القير عادي
اقدر الركب عليه مثبت سرعه ومرايه فيها درجة الحراره والبوصله
اذاكان الجواب نعم


اي ا نواع المثبتتات وحق اي سياره اركب وكذالك المرايه اي نوع وحقت اي سياره جزاك الله خير ورحم الله والديك



ماعندك مشكلة يركب له مثبت رح للوكالة وخذ منهم عصا مثبت السرعة حق الفيكسار أي موديل من 2007 وتحت


وأما درجة الحرارة ففيه طريقة حلوة تطلع لك درجة الحرارة في الجي إكس آر مثل الفيكسار


وهي انك تشتري الحساس حق الحرارة من التشليح وفيه كهربائي بالرياض قدام كلية المعلمين (إن شاء الله أبجيب لكم اسمه ووصفه بالضبط) يشبك لك الحساس


ويصنفر مكان درجة الحرارة اللي تحت المسجل لين تطلع الأرقام حقت الحرارة ويصير مثل الفيكسار بـ150 ريال لأنه مجهز له من الوكالة أصلا بس بدون حساس


وأما البوصلة فأنا أنصحك تركب مراية في اكس ار فيها بوصلة وتمشي أمورك تمام


بالتوفيق وأي سؤال حنا في الخدمة

[موسم الخير]

ليش تضحك ؟



أنت في عالم الكتلونوزجيا يعني كلش يركب :p



لو تبي تركبه على بعير بتلقى من يركبه لك :) هههههه


بس حلوه تركب على بعير ههههههههههه تركب على البعير ابدن ماينقصك شي مثبت وراكب هه:no2:

[ابن روووق]

يازين البر


السلام عليكم ورحمة الله
استفسارات بسيطه

الموتر gxr 2002 القير عادي
اقدر الركب عليه مثبت سرعه ومرايه فيها درجة الحراره والبوصله
اذاكان الجواب نعم

اي ا نواع المثبتتات وحق اي سياره اركب وكذالك المرايه اي نوع وحقت اي سياره جزاك الله خير ورحم الله والديك







ماعندك مشكلة يركب له مثبت رح للوكالة وخذ منهم عصا مثبت السرعة حق الفيكسار أي موديل من 2007 وتحت




وأما درجة الحرارة ففيه طريقة حلوة تطلع لك درجة الحرارة في الجي إكس آر مثل الفيكسار


وهي انك تشتري الحساس حق الحرارة من التشليح وفيه كهربائي بالرياض قدام كلية المعلمين (إن شاء الله أبجيب لكم اسمه ووصفه بالضبط) يشبك لك الحساس


ويصنفر مكان درجة الحرارة اللي تحت المسجل لين تطلع الأرقام حقت الحرارة ويصير مثل الفيكسار بـ150 ريال لأنه مجهز له من الوكالة أصلا بس بدون حساس


وأما البوصلة فأنا أنصحك تركب مراية في اكس ار فيها بوصلة وتمشي أمورك تمام



بالتوفيق وأي سؤال حنا في الخدمة



http://img412.imageshack.us/img412/7131/29456938.gif


بس ماقلتلي اي نوع مثبت اخذه واركبه

[سوبر VTC]

بس ماقلتلي اي نوع مثبت اخذه واركبه




المثبت حق كابرس م96 و تحت سبق اني شريته ب200ريال
و عصا التويوتا حق كامري او فكسار او لكزس ب50
طبعا من التشاليح
و ركبتهن عند فليب كورولا + كامري 2001 + كامري 2006
و قبل 3 ايام جيب هدد م2006
و ترى
(((ياخوان فيه شخص سعودي (ابو حمدان) بالزلفي يركب مثبت)))
علما ان طريقته بالسلك اللي رايح للفرامل عشان يفصل المثبت
افضل من فليب

[ابن روووق]

المثبت حق كابرس م96 و تحت سبق اني شريته ب200ريال

و عصا التويوتا حق كامري او فكسار او لكزس ب50
طبعا من التشاليح
و ركبتهن عند فليب كورولا + كامري 2001 + كامري 2006
و قبل 3 ايام جيب هدد م2006
و ترى
(((ياخوان فيه شخص سعودي (ابو حمدان) بالزلفي يركب مثبت)))
علما ان طريقته بالسلك اللي رايح للفرامل عشان يفصل المثبت
افضل من فليب

http://img412.imageshack.us/img412/7131/29456938.gif

[الصدفانى]

مشكوووووووووور

[أبو مسفر]

بيض الله وجيهكم يا ( يازين البر ) وسوبرفتك
عز الله اثريتوا الموضوع ووفيتوه حقه
واخوي يازين البر ودي اسألك عن البوصلة وشلونها ؟تمام وهل تحتاج حساس ؟
وبعدين ترى فيه طريقة للرمجة درجة الحرارة والبوصلة في جميع السيارات وهي انك تضغط زر التشغيل وتستمر وانت ضاغطه لين يجيك ارقام استمر على الضغط والارقام تمشي الى رقم 15 ثم تبدا من 1 خلك مستمر على الضغط الى ان يصل الرقم 8 ثم قف
لأن الرقم 8 هذا رقم برمجة السعودية
اخوي سوبر فتك ممكن على الخاص رقم الكهربائي السعودي ؟؟؟
شاكر لكم اريحيتكم وتعاونكم لما فيه الخير والفائدة

اخوكم الصغير : أبو مسفر

[باترول_94]

مشكور وما قصرت

ننتظر جديدك

[ابوليله]

والله فلب عامل شغل ماشاءالله عليه

صراحه روعه يعطيك العافيه يالغالي

[قناص خلاوي]

بيض الله وجهك اخوي يازين البر
طيب وعلومك طيبة ولا قصرت






يالربع فيه شخص كهربائي سعودي يركب مثبت بالزلفي و احسن من فيلب

اللي يبي رقمه يستفسر يعلمن




ياليت ترسل رقمه اخوي سوبرفتك
لاهنت

[ابو عبدالإله]

السلام عليكم ورحمة الله وبركاته

ماشاء الله تبارك الرحمن

أخوي بتعبك شوي بالاسئلة

أنا عندي باترول 2009 Gl-v قير عادي ومافيه أزرار في الدركسون السؤال الأول

ودي أركب مثبت سرعه لأني احب السفر بالسيارة ومسافات طويلة ومثل ماقال أحد الاخوان توصل المكان ورجلك منتفخة . السؤال ماهي القطع المطلوبة بالتحديد لتركيب المثبت

السؤال الثاني ودي اني اركب مراية زي اللي انت مركبها فياليت انك تحدد لي القطع المطلوبه بالتحديد ولك جزيل الشكر

[مشاغب السقالة]

مبروك عليك التجديدات اخوى

[هويدي]

ماشاء الله تبارك الله

الله يطعمك خيرهن ويكفيك شرهن

[سوبر VTC]

ياليت ترسل رقمه اخوي سوبرفتك
لاهنت




لك رسالة على الخاص
موفق

[ابو عبدالإله]

وأنا بعد ارسل لي رقمه تكفى

[هماليل البرد]

ماشاء الله تبارك الله
الله يعطيك العافية
بارك الله فيك

[مكشات سعودي]

يعطيك العافيه وماقصرت ومعك سوبرفتك
وليتك تحط رقم ابوحمدان اللي بالزلفي على العام

[برق الشمال A]

شغل ماعليه كلالالالالالالالالالالالالالالالام
الله يعطيك العافيه

[قراند ماركيز]

جزاكم الله خير

[تميمي 1414]

والله فيليب شغاله تمام ومضمون ...

[الحاتمي2006]

نبي رقم ابو حمدان يالربع تكفون اللي بالزلفي

[alkamali]

تركيب مثبت سرعة في الكويت و تحكم دركسون لعموم سيارات تويوتا وكيا وهايونداي بقطع اصلية بدون ترهيم وبدون اي مخاطر للتواصل واتس او اتصال
0096555512123
هايلوكس 2016 فما فوق عادي واوتوماتيك
fj 2008 وفوق
كامري 2007 وفوق
كرولا 2008 وفوق
لاندكروزر 2008 وفوق عادي واوتوماتيك
برادو 2010 وفوق 4 سلندر و 6 سلندر جير عادي واوتوماتيك
رافور 2008 وفوق عادي واوتوماتيك
فورشنر 2016 وفوق عادي واوتوماتيك
اينوفا 2016 وفوق
يارس بعض الموديلات عادي واوتوماتيك
وعموم سيارات الكيا و الهايونداي