وش الحل ياخوان للي ما عنده ظل للسيارة . . . دعوة للنقاش وايجاد حلول [الأرشيف]

its right

24/07/2009, 06:47 PM

الاخوة الاعضاء والزوار
السلام عليكم ورحمة الله وبركاته
عندي جيب واقف اغلب الوقت قدام الباب ما استخدمه الا للمشاوير العائلية او السفر او المكاشيت
والحقيقة اغلب الوقت واقف في الشمس:no: :no: المشكلة ان البيت اللي ساكنه واجهته غربية يعني الشمس على الموتر الين تغيب وهي تضربه ضرب
فكرت اغير البيت:no2: :no2: ولكن الايجارات ناااااااااار الله يجيرنا قلت خلك على قردك ابرك لك لا يجيك اقرد منه وشيل وحط وبرابيس ملها لزوم:good:
فكرت اشتري له شراع واغطيه ولكن لا اعلم اين تباع وفكها وتركيبها غثا
بالاضافة الى كثرة الملاقيف اللي بيرفعون الشراع واللي بيطل كني مغطي لي كنز مهوب موتر
هذا كوم والدوريات كوم ثاني
واذا ما فيه الا هالحل وين القى شراع مضبوط للسفاري 2000 صالون
فاللي عنده حل او فكره ثانية لا يبخل علينا

مع جزيل الشكر للجميع

سوبر VTC

24/07/2009, 07:54 PM

و عليكم السلام و رحمة الله

نصيحه ترى الشراع اللي يلبس السيارة مهب زين ابد

يعدم عليك بوية السيارة لانه يحمي بوية السيارة دبل يعني بزياده

الله يعيننا و ياك حررررر يالله النجاة من النار

ان اشوف بيوت واجد حولنا يحطون مظلات خارجية على حد جدار البيت
يعني مثلك انت تحط مظله و له معاليق (شيالات) تحطه غرب بيتك
همن تنزل شراع اخر من غرب المظلة عشان الشمس خبرك تغرب عنك
لكن اهم شي السقف
بعضهم يفصل شراع و يحط له شدادات

تحياتي

~ V T A C ~

24/07/2009, 08:07 PM

اخوي سوبر Vtc

بس البوايك الخارجيه

اتوقع ممنوعه من البلديه ولا

أبوغيث 2003

24/07/2009, 08:16 PM

اخوي ان كان بجنب بيتك براحة حط لك شجرتين ولا ثلاث ووقف جيبك تحتهن

كثارين اللي يزينون مثل كذا

سوبر VTC

24/07/2009, 08:44 PM

اخوي سوبر Vtc

بس البوايك الخارجيه

اتوقع ممنوعه من البلديه ولا

هلا و مرحبا اخوي

حولنا حي الاسكان طبعا على امتداد الشارع فيه رصيف
و غالبيه البيوت حاطين مظلات من عند السنيدي
اذا امكن غدا انزل صورة
تحياتي

~ V T A C ~

24/07/2009, 11:15 PM

هلا و مرحبا اخوي

حولنا حي الاسكان طبعا على امتداد الشارع فيه رصيف
و غالبيه البيوت حاطين مظلات من عند السنيدي
اذا امكن غدا انزل صورة
تحياتي

وش دعوى

تراى ماكذبتك

بس انا اسئلك

فقط

وانا ساكن في الرياض

حي الربوه

سوبر VTC

25/07/2009, 12:13 AM

وش دعوى

تراى ماكذبتك

بس انا اسئلك

فقط

وانا ساكن في الرياض

حي الربوه

افا عليك يابعدي
انا ما قلت انك تكذب طال عمرك :no2:
و بعدين انا لما قلت ان بغيت اصور لك المظلة
قصدي انك تشوفه و يمكن تعجبك و تفصل وحده لك او لغيرك
ابعينك على الخير فقط لاغير :good:
تحياتي

سطام vip

25/07/2009, 12:23 AM

بسم الله الرحمن الرحيم

الله يعين والله مشاكل هالشمس كثيره

اخوي سوبر فتك شخبارك يالطيب ان شاء الله بخير

البلديه يالغالي ما تخلي شي ممنوع تحط مظله وخصوصا في غرب وجنوب الرياض

على طول مخالفه والا هم يشيلونها بانفسهم

ومن ناحية المشكله اخوي مالك حل وانا اخوك في المظله

والحل هو في سيارتك

ظللها دبل اسووود خلفي وجوانب ونافذه السواق قص لك كرتون

وركبه عليها وعلى جانبيه الراكب الامامي وهذا افضل حل

ومحلات التلميع يسوون لك طبقه حمايه تحمي البويه

بس مشكلتها لازم تغسل سيارتك بشامبو خاص قيمة العلبه 35 ريال

والله يكون بالعون والله يرزقنا واياك الفله واستراحتها قول آمين

دمت بحفظ المولى

its right

25/07/2009, 12:46 AM

اشكر جميع الاخوان اللي شاركونا بآرائهم النيرة
ومشاركاتهم الطيبة
فلهم جزيل الشكر والعرفان

سوبر VTC

25/07/2009, 12:54 AM

اخوي سوبر فتك شخبارك يالطيب ان شاء الله بخير

هلا و غلا اخوي سطام اف اي بي :)
اموري الحمدلله على ما تسر
علومك طيب يا علك بخير

بالنسبه للموتر من ناحيه الغمارة اضيف على كلامك
انه الافضل تنسم جميع النوافذ تقريبا 1سم
بهذه الحاله تقل الحرارة الداخليه
تحياتي

مطعوس

25/07/2009, 12:59 AM

وعليكم السلام ورحمة الله وبركاته
نصيحتي لك انك تضللها تضلليل عازل للحراره مثل شركة زيبارت في الرياض على طريق خريص يعزل 95 من الحراره وشكرا.

ابولولو

25/07/2009, 01:17 AM

اخوي فتك كلامك علي متمه وهونون باقي الاخوان حنا جارانكم بالفيحاء البلديه مخلت لنا مظلات لو نظافه او رش مبيد ماحد سئل من البلديه دور لك احد تمون عليه عند بيت شجر او مزرعه او استراحه او مستودع وحط السياره عنده

موادع 1

25/07/2009, 01:29 AM

والله اني اعاني من نفس مشكلة الاخ الكريم صاحب الموضوع
والسيارة لعبت فيها الشمس لعب
ولا ادري وش الحل ؟؟؟

موادع 1

25/07/2009, 01:32 AM

مرير الشوق

25/07/2009, 09:06 AM

لقيت لكم الحل ابشركم

اولاً : السلام عليكم ورحمة الله وبركاته

ثانياً: كيف احوالكم

ثالثاً :

الحل طول الله عماركم هو : فيه مظله جديده في الاسواق هاليومين واشوف بروشوراتها ( إعلاناتها ) هاليومين بالاسواق وهي عبارة عن :
مظله تقريبا 3 امتار تركب على الجدار ولها ريموت كنترول تفتحها وتسكرها متى مابغيتها وسعرها تقريباً
1200 ريال وشكلها حلو
واتوقع ما تكشفك البلديه لأن شكلها بالجدار كأنها مكيف سبلت صغير

وانصحك بالابتعاد عن شراء الشراع لانه يقشر البدي
والله يسهل عليكم

سوبر VTC

25/07/2009, 09:40 AM

هلا اخوي موادع

ان شاء الله اليوم انزل صورة

الحل طول الله عماركم هو : فيه مظله جديده في الاسواق هاليومين واشوف بروشوراتها ( إعلاناتها ) هاليومين بالاسواق وهي عبارة عن :
مظله تقريبا 3 امتار تركب على الجدار ولها ريموت كنترول تفتحها وتسكرها متى مابغيتها وسعرها تقريباً
1200 ريال وشكلها حلو
واتوقع ما تكشفك البلديه لأن شكلها بالجدار كأنها مكيف سبلت صغير

وانصحك بالابتعاد عن شراء الشراع لانه يقشر البدي
والله يسهل عليكم

اخوي مرير الشوق
و الكلام للجميع
وش رايكم بالمظلات حقت البقالات و محلات الخضره
اللي على هندل باليد ؟
هل هي قابله للتنفيذ لانه يحتمل انه ما تجي مقاس صغير

هويدي

25/07/2009, 10:21 AM

اخوي مرير الشوق
و الكلام للجميع
وش رايكم بالمظلات حقت البقالات و محلات الخضره
اللي على هندل باليد ؟
هل هي قابله للتنفيذ لانه يحتمل انه ما تجي مقاس صغير

والله اني داخل اببطح هالفكره :d

اللي هي مضله البقالات لان عندي وحده فوق الملحق وودي اركبها منذو مبطي

بس ناقصني دريل وكل يوم اقول بكرى

ان ركبتها ونجحت الفكره ابنزل الصوره بهالموضوع او موضوع مستقل للفائده

سوبر VTC

26/07/2009, 02:41 AM

هذي المظلات

http://www.mekshat.com/pix/upload01/prof004/mk53291_qq1.jpg

http://www.mekshat.com/pix/upload01/prof004/mk53291_qq2.jpg

http://www.mekshat.com/pix/upload01/prof004/mk53291_qq3.jpg

الله يطعمهم من خيرهن و يكفيهم شرهن :D

على كلام واحد يفصلون المظلات
يقول اذا بغيت تركب مظله
ركبه يوم الخميس او الجمعه
عشان البلديه

نشمي الحوطة

26/07/2009, 03:16 AM

اذكر البلدية يعطون مخالفات على المظلات بالشوارع والسبب على كلامهم ان الشارع مهب ملكك ..

المماتوس

26/07/2009, 05:13 AM

اسمع وانا أخوك فيه أشجار كبيرة مترين وفوق تباع عند المشاتل وقاعدتها تقول برميل مندي خذ لك ثلاث شجرات وركزها صف جنب بعض أقل شي تفكك من صلى الظهر وريح بالك

ومنها تفيدنا إذا جاء وقت الدخل :d

المميـز

26/07/2009, 05:47 AM

سبق وان طرح مثل هذا الموضوع ولكن من زمااااااااااان :D

ولقيته بالبحث

ولقطت لكم كم حل منه لعلها تفيدكم

الحل الأول للعضو عبدالرحمن (http://www.mekshat.com/vb/showpost.php?p=949857&postcount=18)

الحل الثاني للعضو الأخضر (http://www.mekshat.com/vb/showpost.php?p=951422&postcount=23)

الحل الثالث للعضو فتى الوادي (http://www.mekshat.com/vb/showpost.php?p=954772&postcount=31)

وهذا رابط الموضوع للعضو No.1 (http://www.mekshat.com/vb/showthread.php?t=90213)

واخونا سوبر فتك ماقصر الله يجزاه خير على التصوير

الله يصلحك ياسوبر فتك ماشفت اللي يطل عليك من شباك البيت ناويك هههههههه :D:D

وانا فكرتي لهذا الموضوع

ازرع شجر وتشوف ظلال يحبه قلبك

المميـز

26/07/2009, 05:53 AM

وهذا حل ثاني لقيته على طريقي وانا اتمشى :D

هذه المظله صممها شاب سعودي لم تكلفه سوى 400ريال:

من مميزاتها :
· سهلة التركيب والفك .
· مقاومه للهواء والمطر والشمس .
· تاخذ حيز بسيط في السيارة .
· لا يحجب الروية والهواء عنك .

تستطيع تركيبه في أي مكان بجانب السيارة أو بدون السيارة باستخدام عامودين آخرين .

الأدوات المستخدمة :
· شراع تنزاني المقاس : 5م × 3,70م وقد عملت المظلة بحسب حجتي وطول السيارة

وتستطيع خياطته في أي محل من المحلات الخاصة با لشرع والخيام .
· شريط ( حزام ) نايلون أمريكي يثبت على أطراف المظلة .
· شنا كير متحركة بسسته عدد10.
· مواسير سباكة ( المثبتة في صندوق السيارة ) متداخله أي بوصة وداخلها بوصة الاربع.
· أعمدة للمظلة متداخلة ليسهل حملها في السيارة .
· أوتاد طويلة عدد2.
· حبال لشد المظلة في الأوتاد عدد 2 .
· حلق مثلث مثبتة في المظلة لشد المظلة عدد4 بحيث تكون في أخر الشراع وقبل نهايته

بمتر بحيث تجعله ( الشراع ) نازل بجانب الأعمدة لتقيك من الشمس إذا نزلت أو المطر الذي يصحبه هواء شديد.
· حلق مقاس 8ملم ملحمة في المواسير عدد10 لتثبيت المظلة بها عن طريق الشناكير.

للأسف الحل بدون صور واللي قدر يتخيل الشكل يرسمه لنا :)

الشمالي.كوم

26/07/2009, 06:41 AM

حط مظله خارجيه على حد الجدار وخلاص ~

سوبر VTC

26/07/2009, 08:47 AM

الله يصلحك ياسوبر فتك ماشفت اللي يطل عليك من شباك البيت ناويك هههههههه

هههههههههه

ورطنا :D :p

مرير الشوق

26/07/2009, 09:45 AM

o92366-ar.html (http://www.essoog.com/%D9%85%D8%B8%D9%84%D8%A7%D8%AA_%D9%85%D8%AA%D8%AD% D8%B1%D9%83%D9%87_%D8%A8%D8%A7%D9%84%D8%B1%D9%8A%D 9%85%D9%88%D8%AA_-o92366-ar.html)

هلا اخوي موادع

ان شاء الله اليوم انزل صورة

اخوي مرير الشوق
و الكلام للجميع
وش رايكم بالمظلات حقت البقالات و محلات الخضره
اللي على هندل باليد ؟

هل هي قابله للتنفيذ لانه يحتمل انه ما تجي مقاس صغير

هلا فيك اخوي سوبر فتك
الله يحيك يالغالي

الحمد لله ابشرك حصلت على صورة من النوع اللي اقوله لكم : وهو على شكل وشبيه لشكل حقت البقالات : مثل هذا شوف الصورة يالغالي

http://www.gmrup.com/out.php/i66606_Mozal.gif

:D :)

وهذا الرابط ترى مالي دخل في صاحب الاعلان لا اعرفه ولا يعرفني بس مجرد مساعده لكم والله والبروشور اللي قلت لكم عليه هذا الرابط تحت شوفوه واللي يبي يكلمه يكلمه ..
بس هاه ترى مثل ماقلت لكم والله ماعرفه ولا شئ ..:)

http://www.essoog.com/%D9%85%D8%B8%D9%84%D8%A7%D8%AA_%D9%85%D8%AA%D8%AD% D8%B1%D9%83%D9%87_%D8%A8%D8%A7%D9%84%D8%B1%D9%8A%D 9%85%D9%88%D8%AA_-o92366-ar.html

وهذا رقمه ..

قيمة المظلة 1200 ريال

أبو محمد
0598202178

سوبر VTC

26/07/2009, 11:51 AM

اورنس الشمري

26/07/2009, 11:55 AM

واجهته غربيه يعني لازم يكون جدار البايكه غربي بعد ..

اقول مالك إلا تهدم الجدار كان بيتك ارضي وتصفطه بالحوش

اما اذا دور علوي فالله يعينك

مرير الشوق

26/07/2009, 02:15 PM

لا خلا و لا عدم اخوي مرير الشوق

و كلفنا عليك
الله يجزاك خير

انا كلمت السنيدي امس و سالتهم عن المظلة اللي على كهرب او ريموت
و قال انه سبق انه جبناه بس ما مشت
يبدو ان الناس متخوفين من كثره الاعطال او عدم تحملها
بمعنى لو تعرضت لهوا او اي سبب اخر تنكسر او تتاثر....الخ

اخاف اني اركبه همن من باكر و القاه مسروقه
ماخف وزنه و غلا ثمنه :p :D

فالك الخير اخوي مرير الشوق :good:

الله يسلمك يا سوبر فتك ...

وعز الله انك صادق .. هي مشكلتها بس يمكن تنسرق ولا مافيه مشاكل ثانيه
حتى لو مشيت وحركت موترك تقدر تسفطفها بريموت ... يعني ماتدري عنك البلديه
يحسبونها مكيف سبلت هههههههههه :D

وفالك المليون اخوي سوبر فتك :)

مرير الشوق

26/07/2009, 02:22 PM

واجهته غربيه يعني لازم يكون جدار البايكه غربي بعد ..

اقول مالك إلا تهدم الجدار كان بيتك ارضي وتصفطه بالحوش

اما اذا دور علوي فالله يعينك

ههههههههههههههههه اخوي اورنس الشمري

وش السالفه ..؟

وش اللي واجهته غربيه .......؟

هذي مظله تركبها وين ماتحب .. سواً شماليه ولا غربيه ولا جنوبيه ولا شرقيه ..

والله يسهل امورك ان شاء الله

مغلي

18/06/2014, 03:16 PM

لقيت لكم الحل ابشركم

اولاً : السلام عليكم ورحمة الله وبركاته

ثانياً: كيف احوالكم

ثالثاً :

الحل طول الله عماركم هو : فيه مظله جديده في الاسواق هاليومين واشوف بروشوراتها ( إعلاناتها ) هاليومين بالاسواق وهي عبارة عن :
مظله تقريبا 3 امتار تركب على الجدار ولها ريموت كنترول تفتحها وتسكرها متى مابغيتها وسعرها تقريباً
1200 ريال وشكلها حلو
واتوقع ما تكشفك البلديه لأن شكلها بالجدار كأنها مكيف سبلت صغير
وانصحك بالابتعاد عن شراء الشراع لانه يقشر البدي
والله يسهل عليكم

وين ممكن نحصله بالرياض