للمره الثانيه اتمنى القا الحل

[الفاخر111]

اخواني ارجو الافاده عن حرارت الجيب
انا معي جيب gx مديل 99 وعندي مشكله في الحراره اذا طلعت على خط ترتفع الحراره سواء في ليل والى نهار قالويمكن من تماتيك المروحه خربان وغيرته ما فيه فايده وقالو يمكن موية الاديتر ما هي اصليه
وغيرتها من الاصلي وما زالت المشكله موجوده تكفون ابي حل

:confused: :confused: :confused:

[الصقري2000]

هلا بك اخوي
افحص ليات الرديتراتوقع فيه تهريب
بس ما ادري اي لي فا افحصهن كلهن
..........
وانشاء الله تلقا حل لمشكلتك
............
تقبل مروري

[ابوخالد ب141]

اخوي يمكن عندك الدبات حقت الشكمان مسدده
الشي الثاني هل سويت غسيل مجاري المياه الي في المكينه
الشي الثالث شف وضع الديلكو
وان شا الله خير

[ابولولو]

1-يمكن الحساس خربان2-الاديتريبغي تسيخ 3-الاديترصغير4-مروحه المكينه صغيره 5-مجري المكينه مسكر6-بلف الحراره مقفل اومسكر هذي الي عندي ارجوا اني افدك

[موادع 1]

غطاء الاديتر له دور كبير
ممكن الربلة البلاستيك اللي عليه متكسرة من الحرارة
تأكد من عدم وجود تنسيم في الاديتر او في الليات لان التنسيم يرفع الحرارة
ويمكن التنسيم يكون في مجاري الماء الدقيقة اللي في الاديتر ولا يكون واضح
ولكن تأكد بفحص الاديتر عند واحد شاطر بالشغلة
اغسل الاديتر ومجاري المكينة بمضخة الغسيل عند اهل الاديترات
لان نظافة مجرى الماء يبعد الرواسب العالقة بمجرى الماء مسببة عزل بين الماء والمجرى
وتمنع تبريد الماء
تأكد من ان الاديتر اصلي لان التجاري يسبب ارتفاع بالحرارة غالبا
والله يدلك وتلاقي الخلل وتنحل مشكلتك

[هاوي طلعات]

السلام عليكم ورحمة الله وبركاته

قرأت مشكلت أخونا لكن أقترح على أخونا يفحص طرمبة الماء لأنه ممكن تصير منه المشكله مع العلم أنه غير الكثير من القطع لكن لا فائده.


تقبل إقتراحي وجرب,,,

[كرفان]

اخواني ارجو الافاده عن حرارت الجيب

انا معي جيب gx مديل 99 وعندي مشكله في الحراره اذا طلعت على خط ترتفع الحراره سواء في ليل والى نهار قالويمكن من تماتيك المروحه خربان وغيرته ما فيه فايده وقالو يمكن موية الاديتر ما هي اصليه
وغيرتها من الاصلي وما زالت المشكله موجوده تكفون ابي حل



:confused: :confused: :confused:


لا تطلع على الخط خلك تحت:D :D :D
وضح أكثر تقصد إذا أسرعت:mad:

[المميـز]

ماشاء الله

الحلول كثيره من الاخوان ... باقي تقولنا وش صار معك ؟؟

[abu saud]

السلام عليكم ورحمة الله وبركاته
أول شي هل صيخت الرديتر
أذا كان الجواب لا صيخه أول
واذا كان الجواب نعم شيك هوز الرديتر اللي تحت يعني اللي يودي المويه من الرديتر للمكينه
لأن بعض أحيان يصير لين مره واذا دست بنزين مع شفط طرنبت المويه يلتصق يعني يتسكر والله ما أدري كيف أشرحلك يعني يصير كن واحد ضاغط عليه عشان يسكره

[سوبر VTC]

يمكن ان الماء مايدور بسبب الطرمبة مبوشة
دس بنزين و الغطاء مفتوح
شف الماء يدور ام لا
اهم نقطه
بدل غطاء الاديتر من موتر اخر او اشتر جديد
اذا كان الغطاء ينسم ترتفع الحرارة

[سبع الصحراء]

اخوي الفاخر

انا منيب قايل لك يمكن ؟؟

روح للمركز السعودي بالصناعية القديمة حق الرديترات وخلهم يفحصون لك الرديتر
أنا متأكد مية بالمية ان الرديتر فيه بعض المجاري مسدودة من الصدى ويلزمك تصييخ رديتر

كانت عندي نفس المشكله إذا مسكت خط ومشيت فوق الـ 130 أرتفعت الحرارة

وصف المحل
وأنت جاي من 17 وجهك غرب لين يجيك الكبري
ديور وأول دخله يمين لف معها وأول تقاطع كبير يجيك شف الملحل على يمينك بالزاوية
عاد بكيفك تبي تروح لهم وإلا غيرهم المشكله بتكون بسيطه كلها تصييخ رديتر
نصيحة ثانية :
إذا صيخت الرديتر حط موية تويوتها الاصلية الحمرا قمت الجالون 35 تقريباً
والباقي موية مقطره حقت البطاريات

وبتوفيق اخوي

[غربي هواوي]

الاخوان ما قصروا

[الستانس]

حبيت اذكر

يا اخوان لا تنسون ان الحراره ما ترتفع إلا إذا مسك خط

يعني فيه خرابات مالها علاقه



وشكرا

[الشمال الغربي]

الله يستر من راس المكينة شيك عليه

[رومنسي غير]

غطاء الاديتر له دور كبير
ممكن الربلة البلاستيك اللي عليه متكسرة من الحرارة


اخوي الفاخر هذا الحل جاك من اخونا موادع واهو الحل 100% , وانا معاه في كلامة .



=سبع الصحراء;2925955]

انا منيب قايل لك يمكن ؟؟

روح للمركز السعودي بالصناعية القديمة حق الرديترات وخلهم يفحصون لك الرديتر
أنا متأكد مية بالمية ان الرديتر فيه بعض المجاري مسدودة من الصدى ويلزمك تصييخ رديتر

كانت عندي نفس المشكله إذا مسكت خط ومشيت فوق الـ 130 أرتفعت الحرارة

وصف المحل
وأنت جاي من 17 وجهك غرب لين يجيك الكبري
ديور وأول دخله يمين لف معها وأول تقاطع كبير يجيك شف الملحل على يمينك بالزاوية
عاد بكيفك تبي تروح لهم وإلا غيرهم المشكله بتكون بسيطه كلها تصييخ رديتر
نصيحة ثانية :
إذا صيخت الرديتر حط موية تويوتها الاصلية الحمرا قمت الجالون 35 تقريباً
والباقي موية مقطره حقت البطاريات

وبتوفيق اخوي
بعد ما تجرب الحل اللي عطاك اياه اخونا موادع روح لللصناعية اللي دلك عليها سبع الصحراء واهو الحل النهائي .

تحياتي ,,, رومنسي غير

[جبل حائل]

اخوي الفاخر مرحبا
اهم شي يكون رديتر موترك ماهو نحاس لان النحاس يسخن صحيح انه قوي وما ينشق بس يحتمي
انا ركبت رديتر ماليزي المنيوم نفس حق الوكالة وعليه ضمان سنة بـ 800 ريال وضبطت عندي الحرارة صارت على الربع بأي وقت وعلى اي طريق وبدون بلف

[سوبر VTC]

خذ لك مشوار بالموتر اكرف بمشوار كانك بسباق سرعه
لمدة 10 دقائق
و افتح غطاء زيت المكينه
اذا حصلت على نفس الغطاء حليب ابيض
فهذا بخار ماء يعني الراس منشعر او به تنسيم
او وجه الراس تعبان
يصير جايته حرارة قويه من قبل
و توها تبين بعز الحر
و الله اعلم

[الفاخر111]

اخواني السلام عليكم
اولا الف شكرا على تفاعلكم وردودكم على المشكله الي طرحتها
وثانيا انا بالقريات ماني من سكان الرياض للاخوه الي انصحوني بالورش ويعطيهم العافيه
وثالثا ابي ابدا ادور في الحلول الي قلتوها وابي ابدا بغطاء الاديتر ابي اغيره الحين
وشوف بيتغير شي ولا لا
واكرر شكري لكم اخواني

[الشمالي.كوم]

انشاءالله افادوك الشباب

[NEWASSER]

حيا الله اهل القريات والموجودين
عندي تجربه وحبيت اذكرها لكم
على موضوع الحراره عندي bmw ويسخن في الظهر وعلى السرعه بعد170 على طول ما بقى سوريا في الصناعيه ما افتى فيه ولا انحلت المشكله
لين يوم تلقفت وغيرت دبات الرصاص اللى في الشكمان عند ابو هنود ب80 ريال
والحمد لله من ذاك اليوم انحلت المشكله نهائيا

[ابوسعد931]

غطاء اللديتر ابد به مجرب والله يسهل لك

[شامخ ألهيلا]

اذا اسرعت ترتفع الحرااره ؟
50% من راس المكينه وربك يستر
سيخ الاديتر + غير البلف + غطاء الاديتر غيره + افحص الخراطيش + افحص طرمبة الماء نظري بس فك البلف