ابي حل لمشكلة تانكي البنزين ....لاتبخل علينا ..

[جبل احد88]

بسم الله الرحمن الرحيم

السلام عليكم ورحمة الله وبركاته

ياقروم مكشات.. تكفون.. تكفون..لاحد يبخل علينا

عندي مشكله في تانكي البنزين لجيب vxr امريكي 80 ليتر فقط

يعني اعبيه ان كثر بنزين 91 بسعر 37 ريال :eek:

ويمشي تقريبا350 كيلو :no: :no: وتخبرون المملكه اخطوطها مخطه طويله وماني

فاضي كل شوي اعبي والدنيا صيف وباغين الجنوب والديار البعيده

يااخوان ابي حل تكفون الاسترالي غالي وجاتني فكره :confused: :confused: اني اروح للتشليح

واخذ حق فكسار سعودي تانكيين او تانكي

هل ممكن يركب ؟؟؟؟؟؟؟؟

والى عنده حل لايبخل علينا
جزاكم الله خير

[سوبر VTC]

و عليكم السلام و رحمة الله

احد الربع معه جيب لكزس امريكي م2001 تانكي واحد

اخبره يقول يركب تانكي سعودي سواء فكسار او جيكسار

طبعا من التشاليح

يكلف شغله مع التركيب عند اهل التشاليح من 1000 الى 1500ريال

[عبدالعزيز-1]

يركب بس تراها غثى

اخوي معه في اكس ار 2002 سعودي وهو يجي تانكي واحد من الوكاله

قام وشرى التانكي الثاني من التشليح وشرى الزر اللي يحوي بين التانكيين وشرى الظفيره كامله اللي رايحه للتانكي.

ملاحظه : ضروري ضروري تغير الظفيره علشان يشتغل عندك التانكي الثاني.

واشتغلها عند ورشة الجابري في الصناعيه القديمه عشان يغيرون له الظفيره ويركبون له الزر حق التحويل والكهربا والشغلات هذي وقعدت السياره عندهم 4 ايام.

المهم الشغله كلها طقت عليه مع التركيب فوق 2000 ريال.


يعني نصيحتي لك خذلك تانكي استرالي كبير وجاهز بس فك وركب وشغل نظيف ازين من شغل التلفيق

[جبل احد88]

سوبر VTC (http://www.mekshat.com/vb/member.php?u=53291)

يعطيك العافيه كم ليتر التانكي المركبه

عبدالعزيز-1



يعطيك العافيه كفيت ووفيت بس سمعت ان الاسترالي غالي ووين القاه

[سيف الظفير]

السلام عليكم ورحمه الله وبركاته


حياك الله يالغالي

بخصوص تانكي البنزين للباترول والاندكروزر الموجود عند الرماية من شركة ARB الاسترالية


هذي مواصفاته /


سعه اللترات / 145 لتـــــــــــــر ( اكبر من تانكي الباترول والاندكروزر الاثنين )

سعره / 3650 او 3750

بدون تركيب وانصحكم تمرون على الرماية فرع العقيق عندهم هندي قرم متمكن وفاهم ويعرف كهرباء السيارة والمكانيكا وانظمة التعليق

مصنع من مادة قوية تتحمل الصدمات و مصمم التانكي بطريقة احترافية متقدمة لا تؤثـر على السيارة .


للمعلومية

تانكي الباترول ( 95 الاساسي + 45 الاضافي = 140 لتـــــــــر من المصنع )

تانكي الاندكروزر ( 95 الاساسي + 40 الاضافي = 135 لتــــر من المصنع )


لذا عند تركيب التانكي الاسترالي سيكون المجموع للباترول 145+ 45 = 190 لتــــــــــــر

الاندكروزر 145 + 40 = 185 لتـــــــــــر

وتعتبر هالكمية كبيرة وكاافة لقطع
( تقريباً) 950 كيلو


اذا كانت صرفية الـ 100 كيلو حوالي 20 لتر

اي 190 / 20 = 950 كيلو


والله ولي التوفيق

وهذي موقعين متخصصين في توانك البانزين

http://www.oot4wd.com.au/main.html

http://www.thelongranger.com.au/feat...ge_details.htm (http://www.thelongranger.com.au/features/switch_gauge_details.htm)

http://www.thelongranger.com.au (http://www.thelongranger.com.au/4wdfueltanks.html)/4wdfueltanks.html (http://www.thelongranger.com.au/4wdfueltanks.html)


اعلاه كان ردي على احد الاخوان بمكشات بخصوص التانكي الاسترالـــــي

[جبل احد88]

سيف الظفير (http://www.mekshat.com/vb/member.php?u=64326)>>>>>جزاك الله خير وكثر الله من امثالك

[عبدالعزيز-1]

والله ياخوي اذا كان الاسترالي مثل ماقال الاخ سيف فانا انصحك بالاسترالي وبقوه اولا لسهولة تركيبه وثانيا لان تركيب تانكي اضافي حق الوكاله يمكن يكلف اكثر من هالمبلغ وغير كذا بتلعب بكهربا السياره وبرمجة الكمبيوتر ويمكن مايضبطون لك الشغل

[سوبر VTC]

يعطيك العافيه كم ليتر التانكي المركبه

ما قصر اخوي سيف الظفير
كفى و وفا

وجهة نظري
اذا كان ب3600 فهو غالي جدا
اجل مع التركيب كم يطلع !!!!!!!
هذي مشكله الاحتكار
و الله لو هو ذهب على هالسعر

الكبير 90 لتر
الصغير 45 لتر
مكتوب بالكتالوج

اذا بتركب تانكي استرالي
اهم شي لاتتجاوز سعه التانكي 140
عشان يصير الموتر خفيف و لا ينزل :good:
اذا صار التانكي اكبر من كذا
الله يعينك تجلس نص ساعه بالمحطه عشان تعبي و يضيق صدرك بعد :D

[صقر20]

بيض الله وجهك أخوي سيف