(((الطريقة الصحيحــــــــة لإزالة التظليلة)))

[كرفان]

السلام عليكم
أخواني مشرفي وأعضاء المنتدى الكرام
المرور مسك الولد وطلب منه يشيل التظليله .وتعرفون أن التظليله لابد يبقى لها أثر وهذ الأثر مع نزول وطلوع الزجاجه يخرب الربر ، أرجوا التكرم بالإفادة عن كيفية الإزاله الصحيحة لها شاكرا لكم تعاونكم
مقدم المعروض (كرفان):no:

[ابودعسان]

هذي انا مجربه
فيه طريقة بالماء البارد
تجيب لك قطعة ثلج وتمسح به القزازه
وبيدك الثانيه مشرط عشان تكشط الشمع المتبقي
او بالقاز بس الخوف على الربلات ممكن ياثر عليهن

[كساب الطيب]

اخوي
اولا شيل الطبقه الاولى اللي تقل كيس
وجب اللي تجي مع التظليل الصفراء القطعه البلاستكيه ورش الطبقه الباقيه بالماء وسلته سلت من فوق الى تحت
وتروح ان شاء الله ما يبقى لها اثر اتمنا الطريقه وضحت

[الدربشي]

فيه طريقة استخدمتها انا وهي باستخدام بخاخ ملمع الزجاج لانوا يرطب المادة اللاصقة بالزجاج وترش على التضظليله من بين التظليله والزجاجه ثم تكشط باستخدام القطعه البلاستيكية الصفراءالي تجي مع التظليله وإن شاء الله تروح بالسهوله . تحياتي

[شاقي القميري]

السلام عليكم ....
اخ كرفان رأيي الظهريه وقت الحر تنشال معاك بسرعه وأتمنى اني أفدتك

[سقفاوي]

اخوووووواني .......
معليش كل هالطرق معروفه ولااظن هالطرق تخفى على اخوي كرفان ...
بس اظن ان المشكله اكبر وانا اظن ان التظليل صار له فتره طويله على السياره ...
وهالمشكله مالها الا حل واحد انك تروح لاقرب محل زينه متخصص في شيل التظليل ..
وراح تنحل هالمشكله ..............والله اعلم ..............
ووووووووووشكرا .............

[fox1]

اخذلك مويه مغليه وحط معها فيري وبل السفنجه ماء ومسح الغرا الي بعد التضليله وخذلك اليفه السلك وابدا بتنضيف وحاول تكون القزازه مبلول على طول وبتنضف القزازه على طول انا مجربها كذا مره .... تحياتي للجميع

[Gm Bas Gm]

افضل شي
1/ اقرب محل تظليل بالغرابي اذا من الرياض يشيلها لك
اول
2/ مجفف الشعر (استشوار) توجه الهواء الحار على التظليلة وتطلع معاك على طول




............

[abumohammad99]

هذي تهون واللي تظليلته لها فوق 3 سنين وش السوات خخخخ

[الخشع]

بسيطه ومحلوله بإذن الله

فيه ماده يبيعوها في محلات الزينه للسيارات روح وأطلبها سعرها حول 15 ريال

أنا مجربها و 100 % ما يبقى أي أثر

طريقتها تحط الماده ع الزجاج وتمسحها بأي شي وتروح بإذن الله

[جيب شراع]

بسيطه وانا اخوك
فية موس خاص عند حقين الزينة يرجع القزاز وكالة

[مستر قلق]

إذا عالغراء حط بنزين 95 في خرقة وافرك الغراء إلى ما يروح أنا كنت مظللة القزازة الخلفية من داخل وكنت خايف عالاسلاك من الموس المهم قشعتها اول شي بيدي وبقا الغراء جبت لي بنص ريال بنزين احمر وحطيته بخرقة وفركته إلى ما راح

[أبوحمد 505]

والله أنا ناوي أغير التضليلة لها سنتين
لكن بعد ماتطلع من الورشة وتتسمكر بنوديها لمحل التضليل
وأنا أشوف أحسن شي تروح لحقين التضليل لأن عندهم الأدوات المطلوبة

[كرفان]

أشكركم جميعا على هذه الإفادة.
وسوف أقوم بإستخدام جميع الطرق بوضع جميع السوائل التي ذكرتموها في إناء واحد وأقوم بالإزاله بعد صلاة الظهر .:D :D

[64 الحر]

الطريقه اللي استخدمها دايم هي مسح البنزين با القزاز وفركه بقوه لين تروح التظليله

[الستانس]

الطريقه اللي استخدمها دايم هي مسح البنزين با القزاز وفركه بقوه لين تروح التظليله

;)
.............

[سوبر VTC]

و عليكم السلام و رحمة الله

فيري او تايد + سفنجه خشنه الطبقه اللي فوق الاسفنج الاصفر
+ سلكه ناعمه حقت المواعين :p

اذا بقى شي بسيط ==> حط زيت فرامل :good:
او ان بغيت بنزين

[هويدي]

نصيحه مجرب : فيه موس يباع عند محلات البناء او العدد بعشره ريال على ما اذكر شكله مشابه لموس الحلاقه بس انه كبير ويستخدمونه حقين التضليل لكشط التضليله الناشبه مثل حالتك واذا ماعندك وقت مر اقرب محل تضليل وقله مضللها قبل شهر علشان مايصلخك بالسعر لانه نفس الشي سواء سنه ولا عشر بس هم يستغلون هالنقطه لرفع السعر

[كرفان]

بارك الله فيكم وفيتوا وماقصرتوا..شكرا شكرا شكرا:D

[باترول 82]

عليك وعلى زيت الفرامل
انا مجربه على بقايا اللصق بعد تغيير الزجاج النتيجه كانت 100 %

[كرفان]

موس المشرط من المكتبه والا من أبو ريالين بس عليك بالكبير وأنتبه لايجرحك:no2: فكيته من البدي(البلاستيك) من أبدع مايكون والشكر موصول لكل من أبدى رأيه:D

[ابو سمسم]

عليك بزيت الفرامل

[capricorn99]

ما شاء الله الاخوان شادين حيلهم :D:D

اخي الكريم كرفان اغلب الطرق اللي شفتها تنفع والكلام راجع لك تختار الطريقة الانسب..طبعا بعض الطرق سريعة لكن قد تؤثر عاى الربلات او الزجاج...والبعض الاخر قد يكون بطيء ولكن بدون رواح البنزين المزعجة..

عموما انا استخدمت ماء مخلوط بـ فيري وموس للكشط...لكن انتبه للاتي:
يجب ابقاء الزجاج رطب باستمرار.
لا تستعجل في كشط التضليلة بمساحات كبيرة.
انتبه بارك الله فيك على اصابعك :good: ترى من كثر الفيري والماء ممكن تزلق وتجرحك.
حاول قدر الامكان ان تكون الزاوية بين الموس والزجاجة اقل ما يمكن لتفادي جرح الزجاج.تحياتي

[بريداووي]

اخوي روح لاقرب محل تظليل ويشلها لك وانت واقف حتى لو كانت مطوله بالسياره

راح تروح :)

اعذب التحايا

[اللورد 2009]

اخوي اذا تبي نصيحه مجربه وسريعه عليك بالبنزين وزيت الفرامل ومزيل طلاء الاظافر واخلطهم مع بعض وانتبه من التفاعل الكيميائي وبعد خلطهم انثره على الازفلت وشوف التئثير ..... وشغل السيارة الله لايهينك ورح لاقرب زينة سيارات وادفعله عشر ريالات احسن ما تخرب عليك جودة الزجاج والربلات والبدي ....ههههه تقبل المزحه بصدر رحب

[الجندي2005]

اعط الخبز خبازه لو اكل نصفه ،،،،،،،،،،،،،،، رح لاقرب محل زينه ،،،،،،،،،،،،

[كرفان]

اعط الخبز خبازه لو اكل نصفه ،،،،،،،،،،،،،،، رح لاقرب محل زينه ،،،،،،،،،،،،

هذي المشكله :no2: الخباز الي أنت تروح له قاعد يتعلم في سيارتي وسيارتك أخوي . ولاهو بصاير أحرص على سيارتك مثل ما أنت حريص عليها ،كل السالفه عقب عصر معي كوب شاهي وعند الباب والنتيجه
1- نظفت الزجاج ورتبت سيارتي
2- كلها موس مشرط راس ماله ريالين
3- وفرت مشوار السيارة من البيت إلى محلات الزينة
4- بقي المشرط ملك لي لإستخدامات أخرى
5- تعلمت مهنه وهذا أهم شي في الموضوع
6- أنا وفرت فلوس وأنت خسرت
7- قال الشاعر(ليس الفتى من يقول كان أبي * إن الفتى من يقول هاأنذا)

[ba7ar2004]

هذي المشكله :no2: الخباز الي أنت تروح له قاعد يتعلم في سيارتي وسيارتك أخوي . ولاهو بصاير أحرص على سيارتك مثل ما أنت حريص عليها ،كل السالفه عقب عصر معي كوب شاهي وعند الباب والنتيجه
1- نظفت الزجاج ورتبت سيارتي
2- كلها موس مشرط راس ماله ريالين
3- وفرت مشوار السيارة من البيت إلى محلات الزينة
4- بقي المشرط ملك لي لإستخدامات أخرى
5- تعلمت مهنه وهذا أهم شي في الموضوع
6- أنا وفرت فلوس وأنت خسرت
7- قال الشاعر(ليس الفتى من يقول كان أبي * إن الفتى من يقول هاأنذا)


كثر الله من امثالك

[لهايب نجد]

شمر يديك وجب الموس حق المشرط الكبير والله يعينك

[تميراوي55]

اخوي كرفان رح لقرب محل زينه وقله ابي موس حق التضليه بعشره ريال ورش مويه مع
صابون وابدا تحقه بالموس وتروح ان شاء الله

[سوبر VTC]

اخوي كرفان رح لقرب محل زينه وقله ابي موس حق التضليه بعشره ريال ورش مويه مع
صابون وابدا تحقه بالموس وتروح ان شاء الله



الموس تاخذه من الزينه ببلاش مجانا

كل محل عنده قحشة موسه :D

انا عندي حول 6 امواس