المساعد الشخصي الرقمي

مشاهدة النسخة كاملة : الفزعه يا الربع


بوتركي222
26/07/2009, 09:50 PM
السلام عليكم ورحمة الله وبركاته

يا الربع وانا رايح الشرقية قطع عندي الموتر ولاعاد يقبل بنزين وطفيته وخليته حول العشر

دقايق وشغلتة وضبط معي الين قبل الشرقيه بــ خمسين كيلو سواء نفس الحركه رحت

لمهندس في الشرقيه وفحصناه كمبيوتر قال البواجي واسلاك البواجي غيرناها ولا فيه

فايده حتى داخل الحواري صار يطفي السياره يوكن Xl مديل 2002 دبل


الرجاء الي مرت عليه الحاله هذى يفيدنا

وشكرا
الحركساب
26/07/2009, 10:51 PM
الله العالم انها صفايه او طرمبه البنزين؟؟؟ انشالله الاخوان يفيدونك بالمناسبه عندى نفس موترك وكل شوى تولع لمبه الطبلون مره غير الزيت ومره الدبل وش ضنك المشكله؟
بوتركي222
27/07/2009, 02:55 AM
حياك الله السيارات هذى ما يعرف خرابها الى الكمبيوتر

ودها للتشييك وان شاء الله تلقى المشكله
سوبر VTC
27/07/2009, 06:48 AM
و عليكم السلام و رحمة الله

الحمدلله على السلامه

شيك على فيش طرمبه البنزين احتمال انه محتر و متوسع

ينظف الفيش من الكربون و و يحط شحم و يضيق الفيش و يكبس بنفس الطرمبه

اهم شي اقرا موضوعي عن جميع اعطال الجمس بالصور تجده بتوقيعي

افحص الطرمبه اذا كان ضغط الطرمبه شوي ضعيف

غير فلتر البنزين ثم افحص الضغط اذ صار الضغط 40 و طالع
فالحمدلله
ان كانه اقل فالطرمبه تعبانه على وشك الخراب

اذا كان عزم الموتر ضعيف او كان قومته ضعيفه فهو احتمال ان الطرمبه ما تلحق بنزين للمكينه

و اذ كان الموتر يتفتف او مهب صافي افحص كمبيوتر قد يكون كويلات تهريب كهرب او حساس هوا

اخبر مره كنت مسافر انا و الاهل يوم جيت اشغل و يعي يشتغل
المهم ادخل يدي من عند السست و احرك الفيش و اشتغل الموتر :good:

بعضهم يضرب التانكي من الاسفل و شتغل الموتر
احيانا يكون من اسلاك الطرمبه الداخليه الاصفر كهرب
الاسود ماص يكونن ما يوصلن بسبب ان بهن قطع داخلي
ادخل رابط جميع الاعطال للتضح الصورة
ايضا
ادخل معاناتي مع الجمس

و ماراح تخسر شي

لا تنسانا من دعائك اخي الكريم

موفق
سوبر VTC
27/07/2009, 06:58 AM
الله العالم انها صفايه او طرمبه البنزين؟؟؟ انشالله الاخوان يفيدونك بالمناسبه عندى نفس موترك وكل شوى تولع لمبه الطبلون مره غير الزيت ومره الدبل وش ضنك المشكله؟





افتح السويتش و اضغط على دواسه البنزين الى النهاية 3 مرات خلال 5 ثواني

ثم شغل الموتر راح تاشر اللمبه ثم تطفي :good:

اذا ماضبطت يكون الزيت عندك تعبان او حساس لزوجه الزيت خربان

اهم شي ارجع للكتالوج تحصل طريقة تصفير الحساس



لمبه الدبل


افتح السويتش و حط القير بالفاضي او بالتامين

افتح باب السواق و اضغط الدبل الخفيف راح تسمع اولا صوت ديمنو الدبل اللي تحت القير
ثم مباشرة راح تسمع صوت دينمو او حساس الكارونة اللي يشبك الكارونة و العكوس

اذا سمعت جميع الصوتين

فعندك المشكله فقط من حساس الدبل اسود صغير مدور قيمته ب350ريال

تلقاه راكب على دينمو الدبل اللي تحت القير
تحصل راكب عليه فيش 6 اسلاك

لكن هو به عيب مصنعي يعني احد الاشخاص غيره و بعد فتره خرب و غيره مره ثانية و هالحين الوضع تمام
يعني توفيق بعد الله

لو قدر الله طفت جميع لمبات الدبل افتح الغطاء حق الفيوزات يسار الطبلون غطاء صغير تجده يسار فيش الانوار تحصل فيوز الدبل اسمه (4WD)

افصله و اشبكه عدة مرات و راح تولع اللمبات باذن الله
طبعا يوجد خلف ازرار الدبل كمبيوتر خاص بالدبل له صوت طقه او تكتكه اذا شبكت الفيوز



موفق
فهد العرجان
27/07/2009, 07:01 AM
اقول علت موترك لله اعلم انها الطرنبه حقت البانزيم او الصفايه
bn 3mir
27/07/2009, 07:10 AM
انا توقع طرمبه البنزين . لان الامريكي دايم تحتر الطرمبه واذا حترت ما تدفع بنزين بشكل جيد...

والله اعلم ... بالتوفيق
بوتركي222
27/07/2009, 03:07 PM
الله يجزاكم خير جميع على التفاعل
الحركساب
27/07/2009, 10:24 PM
جزاك الله الف خير اخوى سوبر vtc وكثرالله من امثالك وبيض الله وجهك والقائمين على المنتدى
سوبر VTC
28/07/2009, 01:14 AM
جزاك الله الف خير اخوى سوبر vtc وكثرالله من امثالك وبيض الله وجهك والقائمين على المنتدى




وياك و كل مسلم

حق و واجب باللي نقدر

موفقين ان شاء الله