مطلوب حر وحش يلحق الحمام الزاجل سلم

[صقرالعارض]

السلام عليكم اخواني مطلوب حر اصيل وافي اي لون يلحق الحمام الزاجل سلم بشرط التجربه والهدد وراعيه موجودبالميدان اذا طرح الحمامه يحده طبعا بعد المقيض وجرد الطير والتواصل عن طريق المنتدى

[@قرناص@]

الله يرزقك بالطير الطيب النادر ..

[راعي غضبان]

الله يرزققك بالطير الطيب النادر كان خليت موضوعك لين انطلع اطيورنا يمكن يجي فيها تحدي ان ماشريت لينا نستانس ونتعاند ولك مني جزيل الشكر

[مشبر البران]

الله يرزقك

[taag1]

حياك الله ياصقر العارض طلبك ان شاء الله بتحصله بس كثر الدراهم لاهنت .,.,.,.,

[قرناس بيتي]

الله يرزقك بالطير السبوق بس والله ماضنتي ان الشروط هذي تبي تكون في حر اصيل الزاجل صعب ولافي حر يلحقه سلم

[النمر الأشهب]

بصراحة ما أظن الحر الأصيل يلحق الحمام الزاجل ولكن إذا نتف الزاجل وأصبح لكل جناح 15 ريشة من اليمين واليسار فبعتقادي إن الطير الحر السبوق جداً يلحقه وهذا يعتبر نادر جداً

[النداوي1]

الأخ/ صقرالعارض مساك الله بالخير

طلبك موجودأن شاءالله لكن مهو على الحمام على الحباري والكراوين نهده ورا طيور وأحيان خفو وسيم أول العام ب 70000ألف ريال على مهاده000
أن كان لك نظر راسلني على الخاص

وتقبل تحياتي

أخوك / النداوي1

[قناص الهمله]

الله يرزقك

[ابوسعد 3]

الله يرزقك الطير الطيب ...

[محمد النعيمي]

الله يرزقك

[لعّاب المنايا]

انا ادور بعد

والله يرزقنا ويرزقك إن شاء الله

[روووح]

الله يرزقك

والزاجل والله ما عمري شفت طيار له ولا هديت عليه
بس كلام الربع روعني ووكل ما سمعنا طير يلحق الزاجل سلم قلنا وشو
قالوا تبيع جير شاهين

[راعى شاهين]

الى يلحق الزاجل هو طير وحيد وبس الشيهان الفرخ البحرى غيرها لا دور بشرط يكون مطروح وهو عابر الى الخليج وشمال افريقيا

[المرجله]

الله يرزقك بالطير الطيب النادر ..

[صقرالعارض]

حياكم الله اخواني انا ماقلت ابي الطير اليوم قلت بعد الربطه بمربعانيه الشتاء ولي عنده طير يجهزه ومتى ماجهز المنتدى موجود نحدد يوم ونطلع امابالنسبه الحر الاصيل مايلحق الزاجل غير صحيح انامرعلي واحد لحقها لين علقها ومعي ناس حاضرين المهد بس بعد فتره لحق الزاجل الي علقها ؟؟؟؟؟؟؟؟؟

[garah]

الأخ/ صقرالعارض مساك الله بالخير

طلبك موجودأن شاءالله لكن مهو على الحمام على الحباري والكراوين نهده ورا طيور وأحيان خفو وسيم أول العام ب 70000ألف ريال على مهاده000
أن كان لك نظر راسلني على الخاص

وتقبل تحياتي

أخوك / النداوي1



آخــوي النداوي الله يستر على الطير الي عندك ويحفضه لك من كل مكروه
وفعلن ترى السبق على الحبارى الشرد وعلى الكراوين اما الحمام شي ثاني
واذا الطير يرهي بطياره على الحباري وسبوق هذى هو الطير السبوق
والا الحمام الزاجل ولا الدحل ولا المزارع الله يسلم((المثلوث:good: :good: \ولا\الشيهان\جبلي ولا بحري\\))للي يبي يستانس ويعاند بالمدعى على حمام
اما التبوع والجيره الله يستر عليهن:D

تخيروا يأهل القنص حر له شان=مسرولٍ ريشه على الساق ضافي
أقطم عديمٍ كامل الوصف مليان=وافي الجناح من العذاريب صافي
من ماكرٍ ماينوجد كود بإيران=صتيمةٍ من يمة الفرس لافي
إن فرعوه بفية وسط ديوان=جلسة فهد في كامرات الصحافي
من كف عبد الله على كفه ألوان=ماناش كفه مايشوف العوافي
متفهقٍ صدره مثل صدر سلطان=شافي ولا غيره بالأوصاف شافي
تقدح سنا عينه مقابيس نيران=من عين نايف ماعليه اختلافي
مستقعد متنه مثل متن سلمان=وافي ولاغيره بالأوصاف وافي
وعليه من أحمد بالأوصاف نيشان=غزة رقبته لاتطلع وشافي
إن جاك هذا مايثمن بالأثمان=جميع ماتدفع ماهو فيه كافي

[لعيون مكشات]

الله يرزقك

[عنيد]

السوالف واجد :director: لاكن لاجاء الفعل ماش :j ( في المربعانية والله الطلب ممكن في المربعانيه ) لاكن ماهوب عندي عند اللي يقوله اقصد اللي بتحدى وحلالاة ياذا الطير الله يطعمن وياك وتفرح بصيدة :good2:

[النداوي1]

أخي الكريمgaran

بيض الله وجهك الله يحفضك ويسترعليك ويجزاك عنا خيرالجزاء0رأيك بخصوص الموضوع يدل على صقار ذوخبره كبيرة نتعلم ونستفيدمنه واللي أعرفه بالنسبه للحرارالبيتيه يظهرالفارط منهن بالسبق على الصيده اللي تطيرها له من الروض وأرفعا لين تبي تختفي وهاك الساعه هده ويبن لك السبوق من الحرارالبيتيه أما بالنسبه للحمام الحر البيتي يمل منها ومن كثرهدده عليها وكذالك عارف أنها مهي صيده من الروض وأنها تهد له كل يوم 0

تقبل تقديري وأحترامي

أخوك/النداوي1

[ذيب البر]

الزاجل يختلف فيه شي مهجن وفيه شي مايطير

لكن انا رايي من رأي الاخوان اقول الزاجل الي عليه العلم مافيه حر يلحقه فكيناه لطيور من اسبق

الطيور ماسنعت دربه واتوقع ولا الشياهين بس سمعت ان تبع جير الشاهين يرده
الله يرزقك بالطير الطيب

[النداوي1]

الأخ barcalony أبومشعل من الكويت المحترم

السلام عليكم 0 أخي الكريم أرسلت لك رسالة على الخاص بخصوص موضوع أخونا صقرالعارض ولم ترد
علينا عسى المانع خير0000
تقبل أحترامي

أخوك / النداوي1

[garah]

الله حي النداوي
الله يكتب لك الخير بما تتمنا
والرجال يقول وعده بالشتاء بالمربعانيه
بس اخاف يالنداوي لاطرد طيرك وانت متهقوي فيه
وصاد قدام عيونك تعي تبيع يزود غلاه عندك
هههههههههههه

[صاحب نوماس]

اخوي طلبك موجود واذا تبي على هدد ماعندي مانع اذا صاد طيرك واذا ماصاد طيري وماعندي مانع تجيب الحمامة انت وإلا اذا عرضت حمامة وتشوف انها سبوق قلي هد وشف بس تراة غالي شف وضعك ورد لي على الخاص اذا بغيت وسنة فرخ ينقل بكر وانا شارية قبل الربطة تقريباً بشهر وبعدين ربطتة .وصورتة اللي بالتوقيع

[ابو امنه]

اللة يرزقك اللي في بالك

[قرناس ارامكو]

الله يرزقك بالطير الطيب

[النداوي1]

الله حي النداوي
الله يكتب لك الخير بما تتمنا
والرجال يقول وعده بالشتاء بالمربعانيه
بس اخاف يالنداوي لاطرد طيرك وانت متهقوي فيه
وصاد قدام عيونك تعي تبيع يزود غلاه عندك
هههههههههههه

مشكورأخوي على كلامك الطيب وكثرالله من أمثالك فهذا لا يستغرب منك حنا قلنا للأخ صقرالعارض طيرنا نماريبه على الحباري والكراوين بس لكن الرجال طلبه يبيله طيريطردالحمام الزاج والله يوفق الجميع 00000
تقبل أحترامي وتقديري

أخوك/النداوي1

[جساس-قطر]

ابشر والله ياذيبان بالي يرد الزواجل والحباري والكراوين والصلاليل من سنعها .... حر ادهم والسنه ثنو مسيوم العام بثمانين والطير بشروط وافلام موجوده والطير تركماني الاصل ويمه بكر صيده من الحباري تسع وكلها مخالاه على فروخ شواهين الا وحده ومقاس الطير 18 عرض والطول 17ونص

[جساس-قطر]

وارخ الريال يرتخي كل مزيون

[hawwamT]

وارخ الريال يرتخي كل مزيون
:good: :good: :good: :good: :good: :D :D :D

[راعى شاهين]

[quote=جساس-قطر;2987597]وارخ الريال يرتخي كل مزيون والله انك جبتها
http://smileys.smileycentral.com/cat/36/36_7_24.gif (http://www.smileycentral.com/?partner=ZSzeb001_ZNxpt445YYSA)





http://www.smileycentral.com/sig.jsp?pc=ZSzeb114&pp=ZNxpt445YYSA (http://www.smileycentral.com/dl/index.jhtml?partner=ZSzeb114_ZNxpt445YYSA&utm_id=7922)