المساعد الشخصي الرقمي

مشاهدة النسخة كاملة : مشكله شائعه بالجموس . وهو ظعف الكهرب


عاشق z71
27/07/2009, 01:30 PM
السلام عليكم ورحمة الله وبركاته
ياجماعة الخير انا عندي تاهو 2005


الموتر نظيف بس يعيبه


ظعف بالكهرب


مثال :


احيانا اركب الموتر واشغل جميع الانوار الداخليه


واجي احرك المرتبه او اكبس بالنور او اظغط اي شي بالسياره له علاقه بالكهرب
مثلا نزلت القزاز بالوقت هذا تلاحظ انوار الداخليه تظعف الى ان اشيل يدي عن مقتاح رفع القزاز




ايضا النور الخارجي للسياره اذا مثلا كان شغال وجيت وظغط زر القزاز او زر تحريك المرتبه او المرايات تلاحظ الظعف



المهم سالت عنها وقالوا كل الجموس فيها


خصوصا اني ركبت جمس صالون شبه جديد مامشيى الا 10000 كيلو موديل 2004


لقيت نفس المشكله


وعلمت انها من شد البلد هي كذا


ولكنها مظايقتني كثيرا


لدرجة اني ابي اشبك اجهزتي على السياره من محول وكنود وماجلان وغيره ومتردد خايف من الظعف


لذلك هل احد يعرفلها حل او طريقه لحلها



مع المعلوميه اني رحت لابو نايف االكهربائي الي بمخرج 17 قالي عنديلك دينمو دوريات ودفعت حقه والى اليوم كل ماجيته صرفني





ايضا عندي استفسار


هل في مشكله لو ركبت بطاريه حجم كبير تصل الى 85 انبير ؟



لاني لاحظت ان الجموس الي عليها بطاريات اي سي ديلكو مقاس 75 انبير


تجي مشكلة الظعف عتدهم بسيطه جدا
وهل للبطاريه دخل بهذا الموضوع ؟



عشان كذا سالت ودي اركب بطاريه 80 او 85 انبير خصوصا اني بركب عليها اجهزه واجد




وشاكر ومقدر لكم


والله يجزاكم خير جميعا
سوبر VTC
27/07/2009, 03:22 PM
و عليكم السلام و رحمة الله

غالبيه الجموس كذا

و السبب و العلم عند الله من منظم الكهرب اللي بداخل الدينمو

البطارية ماله دخل :no2:
عاشق z71
27/07/2009, 03:23 PM
افااااااااااااااااااااا يعني مافي حل ولو ترهيم ؟
سوبر VTC
27/07/2009, 03:28 PM
حط جهاز قياس على البطارية اثناء رفع الدريشة

اذا نزل انبير القياس فالبطارية ضعيفة

اذا ما تحرك الانبير فالمشكله من كهرب الغمارة !!!!!

قد يكون عيب مصنعي
حيدر الو
27/07/2009, 03:32 PM
عندي نفس المشكلة وسيارتي تاهو 2007 lt
عزبة بر
27/07/2009, 04:12 PM
انا عندي سوبربان 2003
ونفس مشكلتك يالغالي
عزبة بر
27/07/2009, 08:06 PM
يا اخوان تتوقعون المشكلة من البواجي ؟؟
يعني اغيرها
aboteef
27/07/2009, 11:25 PM
اخي الكريم انا معي يوكون 2002 فل
المهم عندي نفس المشكلة

وقبل فترة شيكت على البطارية وكانت ممتازة
وبعدها بيومين شبكت عليها محول لمدة 3 ساعات تقريبا
وكل نهاية ساعة تقريبا اشغل السيارة
في المرتين الاوليين اشتغلت السيارة عادي جدا
لكن المرة الثالثة لم تشتغل ابدا
وحتى بالاشتراك عيت تشتغل


بعدها غيرت البطارية وقبل التغيير مريت على كهربائي وقلت له
ابركب بطارية اكبر من 78 امبير حقته
لكن نصحني بان لا اركب اكبر لأنها تعدم الدينمو

طيب اغير الدينمو باكبر برضه لا <<<< بدون سبب مقنع

في الخير غيرت بنفس الامبيرات
ولا زالت المشكلة كما هي
والله المستعان
غالي
27/07/2009, 11:38 PM
حلك تدور مكان لبطاريه اضافيه وتركبها

وتحط عليها جميع اجهزتك

واتوقع مهوب الجموس وبس الي تسوي هالحركه

اتوقع سيارات كثيره تسوي كذا

حتى يقل ضغط انبير الهواء وكنه بيطفي

اتوقع شيء طبيعي

لاتلعب في موترك بس

الا مثل ماقلت لك بطاريه اضافيه وبس

تحيتي
سوبر VTC
28/07/2009, 02:06 AM
ياخوان


انا سالت كهربائي عن مشكله الجموس بشكل عام فقال

حط جهاز قياس (فولت) مثل حق راعين البطاريات

و اثناء القياس ارفع القزازه

يقول اذا نزل الانبير فالمشكله من البطاريه

اذا ماتحرك الانبير فالمشكله من كهرب الغماره يعني هناك ضعف بالفيوزات و

الكتاوتات بداخل السيارة

قد يكون عيب مصنعي
ابو نايف 111
28/07/2009, 06:09 AM
السلام عليكم
اخوي عاشق شيك على الكتاوت الداخلي كلها
واقترح انك تركب بطاريه اضافيه للاجهزه
وسلامتك
عاشق z71
28/07/2009, 10:01 AM
والله مدري بصراحه احترت

بالنسبه للبطاريه الثانيه ماودي بصراحه الفكره كلها رافظها تماما

ثانيا اقدر اقول اني عزمت اركب بطاريه بامبير اعلى واتوكل على الله وانشالله مافي مشاكل

بس انشالله يجي واحد واجهته المشكله ةيكون حلها ويمحطنا بالحل
rpk
28/07/2009, 02:00 PM
ابو غازي دق علي وان شاء الله احل مشكلتك
aboteef
28/07/2009, 02:29 PM
ابو غازي دق علي وان شاء الله احل مشكلتك


ليتك تحط الحل هنا حتى تكون الفائدة للجميع

دمت بود
غربي هواوي
28/07/2009, 02:38 PM
ملاحظ هعاليب في اكثر الامريكي بصورة بسيطة ويغلب على الجموس
aboteef
28/07/2009, 02:53 PM
ابو غازي دق علي وان شاء الله احل مشكلتك


ليتك تحط الحل هنا حتى تكون الفائدة للجميع

دمت بود
عاشق z71
28/07/2009, 03:21 PM
ليتك تحط الحل هنا حتى تكون الفائدة للجميع


دمت بود



ماعليكم بغش الحل منه وبجيبه بالتفصيل الممل خخخخ
عزبة بر
28/07/2009, 04:52 PM
نحن بالانتظار !!
سوبر VTC
28/07/2009, 05:09 PM
ماعليكم بغش الحل منه وبجيبه بالتفصيل الممل خخخخ



انتبه تسقط :D
عليك بالتزام النجاح :p
برق خاطف
30/07/2009, 02:29 PM
مريت بنفس المشكله بعد تركيب المراوح تاهو 2004 . بعد فتره بسيطه الاحظ ان الامبير حق البطاريه طالع نازل ومع فتح القزاز ينزل الامبير اكثر !!!!
شيكة على الكتاوت اللى في الكبوت حصلت فيه لون بني في الجوانب . المهم غيرته بواحد جديد وغيرة الفيوز الخاص فيه من 10 امبير الى 30 امبير ... مافيه ذاك الفرق اللى يذكر !!!!!
جاتني فكرة تغيير بكرة الدينمو بولحده اكبر ..دور عند الكهربائين وتعبة حتى حصلة واحدة اكبر ..
برق خاطف
30/07/2009, 02:41 PM
اكمل الموضوع..والعجيب الكهربائين كلهم يضحكون علي ..انت مافي معلوم. ايش كلام بكرة صغير .. بكرة كبير ...كووووولو سيم سيم .. صديق !!!!
المهم رحة للبنشري واخذة مسدس الهواء حق براغي الكفر وفكية البكره .. وركبنا البكره الكبيره ولله الحمد .. فيه تحسن في الانوار ..وكذلك تحسن في اشتغال المكيف مع المراوح ... مع العلم ان المراوح مشبوكه السرعتين مع بعض مع الحرارة والمكيف..
هذي تجربتي حبيت اطرحها لكم لعلها تفيدكم...وما نستغني عن نصائحكم .وماادري اذا كانت هذي الطريقه فيها نوع من المجازفة والخطوره على الدينمو ؟؟
my own
30/07/2009, 03:49 PM
برق خاطف ..
انت لما غيرت البكرة غيرت السرعة للدينمو ,يعني تصغر البكرة تزيد السرعة واذا كبرتها تنقص سرعة دوران الدينمو .
على العموم اذا بغيت تغير البطارية بانبير اكبر لازم تغير الدينمو بانبير اكبر برضه لان السيارة مصممة على احمال معينة اذا بتزيد الاحمال عليها لازم تعوض الفرق .
عاشق z71
30/07/2009, 03:57 PM
طيب لنفرض اننا بنغير الدينمو

وش الدينمو الي يركب لى طول على قواعد الدينمو القديم

انا اشوف اهل اللااندات يركبون حق لاند لكزس

هل يصلح اركب انا مثلا حق اسكاليد ؟؟؟

وكم انبير حق الاسكاليد وحق موتري كم انبير ؟
(ابو عبدالله)
30/07/2009, 04:07 PM
اركب بطاريه بامبير اعلى
لان كل ماصار الانبير اعلي افضل لسياره
وتعيش اكثر ولي تجارب مع الكابرس والجمس 454
سوبر VTC
30/07/2009, 06:03 PM
اركب بطاريه بامبير اعلى
لان كل ماصار الانبير اعلي افضل لسياره
وتعيش اكثر ولي تجارب مع الكابرس والجمس 454



و انت ابخص الفرق بين البطارية اللي انبيره اعلى و بين اللي اقل منه

الفرق واحد

هو انه عندما تدق سلف للسيارة لمده نفترض 15 دقيقة متواصله
تفضي البطارية العادية و لنفترض 70امبير
لكن لما تدق سلف بواسطه بطارية انبير اعلى و لنفترض 90امبير
تجلس البطارية تقريبا 25دقيقه ثم تفضي

اقرب مثال

تانكي بانزين الجيب ياخذ فل 135لتر تقريبا

بينما الكورولا فل تاخذ 50لتر

يعني الفرق بالوقت فقط (استهلاك)

هذا الفرق فقط لان الفولت واحد ====> 12فولت

اسال اي كهربائي او محل راعي بطاريات

موفق
اسدهم
13/09/2009, 04:39 PM
هلابك رح للجباري مخصص الكهرباء جنب الجميح عبدالرحمن
(ابو عبدالله)
13/09/2009, 07:03 PM
ركب بطاريه اكثر انبير وانا المسوال

لان الجمس الواجب تكون بطاريته 85 انبر وكل مكان اعلي افضل
عاشق ابو نايف
13/09/2009, 07:31 PM
اول شي المشكله هذي عاديه جدا وتلاحظ في اغلب
السيارات وانتم مكبرينها وبالنسبه لاخوي اللي يقول
مشبك فيش مدري ايش على السياره
وبعد فتره فضت البطاريه اكيد تبي تفضى شي عادي
لانك خليت السياره طافيه اكيد هذي تبي تسحب كهرب
المشكله عاديه جدا وفي اغلب السيارات وما تعتبر مشكله
آل زايد502
13/09/2009, 07:45 PM
انا بطاريتي 85 ونفس الحاله اذا نزلت الدريشه يضعف النور
بن عاقول
15/09/2009, 02:41 PM
يا إخوان ما ابغى أتفلسف أنا عندي تاهو 2007 ونفس المشكلة وجربت على فورد إكسبلورر 2007 نفس المشكلة وجربت على مرسيدس 2006 300 ونفس المشكلة وجربت على أفالون 2007 ونفس المشكلة - واعتقد أنه أصلا مافي مشكلة والمسألة والعلم عند الله أنك كل ما تزيد تزيد حمل وتسحب من الطاقة يضعف النور لأن بطريقة الإقفال والفتح أنت تضيف حمل كهربائي باستدعائك للطاقة علشان تفتح الدريشة - هذا تفسيري والله اعلم
جيب الربع
15/09/2009, 07:13 PM
رهم دينمو فكس ار مديل 99 او98
بو يزيد
12/07/2010, 11:04 PM
انا الصراحة مدري وين المشكلة فيه,, لكن ابعلمك اللي اعرفه

تقدر تقوي دينمو السيارة و تاخذ واحد اقوى,مثلا 150 انبير

لكن هل راح يأثر على السيارة او يحرق الاسلاك؟؟ ما ادري صراحة

في موقع مشهور يبيع ديمنوات رياضية او خلنا نقول قوية, و كذلك عنده عدة بطارية احتياطية

http://www.wranglernw.com/default.aspx?SkinID=2 (www.wranglernw.com)


و انت شوف اللي يناسبك,,, على فكرة, هذي الشركة معروفة و انا عرفتها عن طريق مجلة4wheel الامريكية

كان عندهم مشروع ونيت فورد و مزبطينه تزبيط. احد التعديلات كانت اضافة دينمو من هالشركة
الشهابة
13/07/2010, 01:06 AM
جبتوها على الجرح ..

نفس المشكله في سيارتين ..

الأول يوكون 2001 مشترينه جديد وكاله .. ضعف في الكهرباء و إذا تركنا السياره اكثر من ثلاث ايام ما شغلناها ما تشتغل إلا بإشتراك ..

الثاني جمس سييرا 2004 حجم 2500 مستخدم و نفس المشكله بس بصراحه اهون شوي من اليوكون ..

و ياليت أحد يفرج للمسلمين و يبين لنا الحل ..