حسب خبرتك.. شاركنا بأسماء أدوية وفيتامينات وعلاجات شعبية [الأرشيف]

منسر الطير

27/07/2009, 01:44 PM

السلام عليكم ورحمة الله وبركاته

إخواني المكشاتيون الله يحفظكم..

أحب -ولعل الجميع يحب ذلك- أن تشاركونا بأسماء أدوية علاجية وفيتامينات مفيدة وعلاجات شعبية تنفع الطير أو أشياء وقائية بحسب خبراتكم الشخصية في التعامل مع الصقور علاجا ووقاية..
أو أعلاف لا نعرفها قد تكون مفيدة..

وحتى نستفيد جميعنا من بعض ويستفيد خصوصا كل مبتدئ مثلي من هذا الوضوع..

ولكم ني خالص التحية..
وفي انتظار مشاركاتكم..

قناص الهمله

27/07/2009, 02:56 PM

والله ما اعرف الا الشناذر والموميان والشب والسكر

منسر الطير

27/07/2009, 03:05 PM

حياك الله أخوي..
طيب ويش فوايده..

@قرناص@

27/07/2009, 03:32 PM

السلام عليكم الحقيقه الموضوع مميز ..

والحقيقه انا ماعندي خبرهـ بالعلاجات ..

لاكن راح اقول الي عندي والاخوان فيهم الخير والبرـكه ان شاء الله ،،

فيه الكورس لحذف ريش الطيور الي تتاخر ..

وفيه علاج لسومار وهو الفازلين او تحط الطير في وكر حجري مالح //

والخلطه الاخيره ومجربه وفعاله لطيور الجريحه الي فيها جرح او كسر ،،

فنجال وتحط فيه كمون وشوي مويه وليمون وتخلطها وتحطه على جرح الطير ،،

ارجو اني افدتك ولو بالقليل وننتظر الاخوان ..

تقبل مروري

قرناص

منسر الطير

27/07/2009, 03:54 PM

حياك الله أخوي قرناص..
هذا اللي أبيه فوائد شخصية بارك الله فيك وإن كانت قليلة..
ولكنها عزيزة كل واحد في جعبته فوائد لو عرفناها لستفدنا كثير..
ولا عدمنا فوائدك..

جزاك الله خير وبارك الله فيك..

راعي غضبان

27/07/2009, 05:55 PM

وعليك السلام ورحمة الله الوقايه خيرا من العلاج اولا بالنسبه لطيرك لاتعلفه الا متاكد من سلامة الحمامه من القلاع بعد فتح فمها وايضا حلقها علشان تعلفه وانت مرتاح ولادور علاج ولاشي وعلاجه حبوب بريتكس عند البيطري عليه رسمت حمامه والثاني انتبه لطيرك من الكفاخ والا الهدد القوي وهو مابعد جهز ليقيا ولابعد تطلق علشان مايتملع وتروح اتدور شب اوموميان وكثرة هذا يضره ولايعطيه اكثر من راس الكبريت لانه كثرته يمكن يوقف الكبد ماعاد تعمل والثالث الفيتامين اعطه البيض مع العلف هو اهم شي للطير يقوي ريشه وايضا الصوص ينفع الطير يالفيتامين المطلوبه والرابع وايضا ترى الشناذر يذبح الطير مامن كثره خير يصيب الطير بالتهاب في الدم ولو تاخر ماتعالجه يذبحه الوقايه والانتباه على طيرك يالواحد من العلف الي ماهو زين هوعلاجه وسلامته ولماتهمله وتخليه ياكل على كيفه انا اشوف ناس لما يصيد طيره حمامه يخليه ياكل لوحده ويقعد يسولف مع الشباب ثم لاخلصها عود عليه اوشاله مايدري وش اكل من الحمامه من الكسل مادام تغليه لازم تعلفه على يدك اخاف ياكل المعلف الي فيه شعير ورز وهذا المرض بعينه الي يسبب القلاع لانشب الشعير في جما الطير والا ياكل المصران الي فيها الدود بعضه حي وفيه بيض الدود الي ينتقل للطير وايضا يمكن فيها التهاب المصران وتعدي الطير والا الكبد مريضه بعضها منتفخه ولونها متغير هذه هي الموت طيرها ما يعيش ونصيحه الي يحب طيره يشوف وش ياكل طيره ويطلع العظم حق قوس الثنداه الي يعترض في معلف الطير ويمكن يذبحه ان ماطاح واشكرك اخوي على الموضوع الحلوا والله يجزاك خير والف شكر لك انشاءالله اني افدتك وتقبل مرورررررررررررررررررري

أبو أمين

27/07/2009, 06:46 PM

حبوب زيت كبد الحوت تلقاها عند الصيدليه زينه للطير وانا يا محاكيك اخذ منها
وراعي غضبان ماشاء الله عليه ما بقالي شئ اذكره

هذا والله اعلم

روووح

27/07/2009, 08:37 PM

وعليك السلام ورحمة الله الوقايه خيرا من العلاج اولا بالنسبه لطيرك لاتعلفه الا متاكد من سلامة الحمامه من القلاع بعد فتح فمها وايضا حلقها علشان تعلفه وانت مرتاح ولادور علاج ولاشي وعلاجه حبوب بريتكس عند البيطري عليه رسمت حمامه والثاني انتبه لطيرك من الكفاخ والا الهدد القوي وهو مابعد جهز ليقيا ولابعد تطلق علشان مايتملع وتروح اتدور شب اوموميان وكثرة هذا يضره ولايعطيه اكثر من راس الكبريت لانه كثرته يمكن يوقف الكبد ماعاد تعمل والثالث الفيتامين اعطه البيض مع العلف هو اهم شي للطير يقوي ريشه وايضا الصوص ينفع الطير يالفيتامين المطلوبه والرابع وايضا ترى الشناذر يذبح الطير مامن كثره خير يصيب الطير بالتهاب في الدم ولو تاخر ماتعالجه يذبحه الوقايه والانتباه على طيرك يالواحد من العلف الي ماهو زين هوعلاجه وسلامته ولماتهمله وتخليه ياكل على كيفه انا اشوف ناس لما يصيد طيره حمامه يخليه ياكل لوحده ويقعد يسولف مع الشباب ثم لاخلصها عود عليه اوشاله مايدري وش اكل من الحمامه من الكسل مادام تغليه لازم تعلفه على يدك اخاف ياكل المعلف الي فيه شعير ورز وهذا المرض بعينه الي يسبب القلاع لانشب الشعير في جما الطير والا ياكل المصران الي فيها الدود بعضه حي وفيه بيض الدود الي ينتقل للطير وايضا يمكن فيها التهاب المصران وتعدي الطير والا الكبد مريضه بعضها منتفخه ولونها متغير هذه هي الموت طيرها ما يعيش ونصيحه الي يحب طيره يشوف وش ياكل طيره ويطلع العظم حق قوس الثنداه الي يعترض في معلف الطير ويمكن يذبحه ان ماطاح واشكرك اخوي على الموضوع الحلوا والله يجزاك خير والف شكر لك انشاءالله اني افدتك وتقبل مرورررررررررررررررررري

كفيت ووفيت
والوقايه خير من العلاج

هواي داورد

27/07/2009, 10:15 PM

راعي غضبان ارحمنا

هالحين تلقى الرجال يقول مافيهم صقار غير راعي غضبان ههههه

وانا عندي طريقة تسويها علشان تعقم ماء المربط بدال ماتغيره كل يومين تغيره بالشهر مره

وهو تاخذ ثوم وتهرسه هرس ( يفضل لو تفرمه في فرامه ) ثم تحطه بقطعة قماش ( يفضل خيشه )

وتحطه نص ساعة أو ساعة بماء المربط

الثوم معقم قوي جدا جدا جدا ( افضل من الديتول ههههه)

alwammy

27/07/2009, 10:42 PM

السلام عليكم
الخيل تذوبه بماي وتصبه فماه يشرب منه كم يوم
زين ينظف البطن
وسكر نبات
لو حسيت طيري متظرط وما يبا
اعطيه سكر نبات ويخرطه بطنه خراط ما يتم فيه شي
فص ثوم
اعطيه للطير يقيه ويفتح شهيته
مثلا القهوه الحاره
اذا انفضغت ريشة الطير بس ما انكسرت
اغمصها فقهوه حاره حاره وعقب امسح الريشه سيده
مرتين ثلاث وتعتدل (اذا مب كسر)
لحم الثعلب
اذا تاخر طيرك مب راضي يتوح ريشه لظه بلحم ثعلب
وبيفر ريشه فر
هذي مني لكم ومجرب وخاصه للشواهين

لعيون مكشات

27/07/2009, 11:53 PM

مشكور اخوي على الموضوع
بيض الله وجهك راعي غضبان انا اشهد انك كفيت و وفيت
ولا قصروا باقي الاخوان
تقبل مروري

منسر الطير

30/07/2009, 11:20 AM

قناص الهملة "" @قرناص@ "" راعي غضبان "" أبو أمين "" روووح "" هواي داورد "" alwammy "" لعيون مكشات

حياكم الله يا اخواني الحبايب..
فرحت والله بمشاركاتكم..
الله يجزاك بالخير..

===================

(( العسل ))

وصاني اخوي أبو الجازي الله يحفظه بالعسل ومخلوط معه موية..
وبعد إستعمال العسل أول شي راح من الطير اللهث الشديد..
كان يلهث قرابة 6 أيام بشدة ويخرج احيانا مخاط -الله يكرمكم- واحس فيه شي مثل البلغم في حلقه يوم يلهث..
والحمد لله كلها راحت ..
والطريقة عسل مع ماء
يعطى للطير بإبرة داخل الفم..
مرتين في اليوم..

طبعا الإبرة أكيد إنها مكسورة ويكون الراس فقط البلاستك..

ودمتم سالمين
ومع الجديد إن شاء الله..