يا الربع: وش أفضل نوع من أنواع الرز ؟

[الرسيفر]

أنا بصراحة من اشد المعجبين برز أبو كاس إلا إنه من تالي صار مهب اللي أنت تبي ومن خمس شهور وأنا ما غير أجرب من نوع لنوع جربت أبو كاس والوسام والشعلان وإن كنت أرى إنه من حوضن واحد وجربت رز الطائي ونصحون شيبان لهم سنع بالطبخ وقالو لاتتعدى أومامو ونفس المشكلة ما لقيت الرز اللي يشب وحبته كبيرة ولا له نكهة اللي مثل أبو كاس الأول بديت بخطة ثانية كل ما أكلت من مطعم وجازلي الرز سألته وش النوع ولا هنا فايدة ؟ :mad:
وأنا قاعد أقلب بمكشات قلت ورا ما أسأل خبراء الطبخ لعلهم يفيدوننا !!!

اللي يخبر رز أبو كاس بالقصيم سنة الانتاج 2004 ودون لا يبخل علينا :D

لا يطلع أحد ويقول البلا بالطباخ :no2:

[ألأطلسي]

تبي الصراحه خل عنك ابوكاس ذاك اول جرب الوليمه بس تراغالي وبعدين ترامايبغى مويه ابدوالله بتدعي لي كانك راعي رز

[لبن ازرق]

أنا عندي ملاحظة على اكياس رز ابوكأس وهي وجود بعض الحروف على الاكياس مثل ccn وبعضها gcn وهلم جره (الظاهر ان جودة الرز مهيب وحدة ) والا ماذا ترمز هذه الاحرف

[محمد البخات]

أخوي عندك رز أسمه (بري) ترا فيه نوعين نوع فيه كيس بلاستك داخل الخيشة هذا الزين

الثاني بدون بلاستك مشكلته يجيه غبار .

النوع الثاني اللي ما بعده

رز باب الهند كلاسك ، كيس بلاستك لونه بني

لا تاخذ العادي اللي يجي في خيشه .
للمعلومية هذا اللي يطبخ منه بيت الناضج . وكيله بلشرف .

الكلاسيك إذا ضبطت طبخه بتمسك خط .

بالتوفيق .

[العزوم]

الوليمه ممتاز للبخاري والكبسه

والعيسائي الابيض للرز الساده

[ابا الجرفان]

اخوي الرسيفر تحية طيبة لك ولجميع اعضاء وزوار منتدى مكشات انا بالنسبة لي اضم صوتي لصوت اخونا الاطلسي جرب الوليمه وسوف تجد ضالتك في نكهته غير هذا لادور مع ملاحظة انه يبغاله غسل مزبوط واتركه في المويه بس قلل الماء في الطبخ وتقبل زيارتي لطرح وسوالك 0

[دهران]

http://www.mekshat.com/pix/upload02/images97/mk17809_sahamtahat.gif


الرجاء قراءة هذا الموضوع قبل كتابة أي مشاركة . (http://www.mekshat.com/vb/showthread.php?t=139477)